PESO Quezon Province

08/09/2026

07/09/2026

Ang mga impormasyong ito ay batay sa inilabas na datos ng Bureau of Local Employment ng Department of Labor and Employment mula sa mga online job portals tulad ng PESO Employment Information System (PEIS) at PhilJobNet.

Kung nais mong mabatid ang mga trabahong in-demand, maaaring bisitahin ang website na www.philjobnet.gov.ph. Maaari din na magtungo sa tanggapan ng Quezon Provincial PESO na matatagpuan sa 2nd Floor ng Quezon Convention Center, Quezon, Capitol Compound, Brgy. 10, Lucena City para sa iba pang kinakailangang tulong o gabay.

07/09/2026

07/09/2026

Dalawampung (20) benepisyaryo ng STAN On Skills: Housekeeping Training with NC II ang matagumpay na nagtapos sa kanilang 55-araw na pagsasanay at tumanggap ng mga toolkit mula sa Pamahalaang Panlalawigan ng Quezon, katuwang ang PESO at TESDA-QNAS. 🧡

02/09/2026

26/08/2026

𝗦𝗧𝗔𝗡 𝗖𝗔𝗥𝗔𝗩𝗔𝗡 𝗠𝗘𝗘𝗧𝗦 𝗪𝗢𝗥𝗟𝗗 𝗖𝗔𝗙𝗘 𝗢𝗙 𝗢𝗣𝗣𝗢𝗥𝗧𝗨𝗡𝗜𝗧𝗜𝗘𝗦 𝟮𝟬𝟮𝟲!

Mga ka-Hanapbuhay! Ipinababatid sa lahat na bukas Agosto 27, 2026 gaganapin ang Serbisyo, Trabaho At Negosyo Caravan Meets World Cafe of Opportunities. Magsisimula ito ng alas 8:00 ng umaga sa Quezon Convention Center, Lucena City.

Tara na at makiisa sa 𝗦𝗲𝗿𝗯𝗶𝘀𝘆𝗼, 𝗧𝗿𝗮𝗯𝗮𝗵𝗼 𝗔𝘁 𝗡𝗲𝗴𝗼𝘀𝘆𝗼 𝗖𝗮𝗿𝗮𝘃𝗮𝗻 𝗠𝗲𝗲𝘁𝘀 𝗪𝗼𝗿𝗹𝗱 𝗖𝗮𝗳𝗲 𝗼𝗳 𝗢𝗽𝗽𝗼𝗿𝘁𝘂𝗻𝗶𝘁𝗶𝗲𝘀 sa Agosto 27, 2026 (Huwebes), simula 8:00 ng umaga sa Quezon Convention Center, Lucena City.

Ang mahalagang gawaing ito ay inihahandog ng Pamahalaang Panlalawigan ng Quezon sa pamamagitan ng Quezon Provincial Public Employment Service Office (QPPESO), katuwang ang TESDA, upang maghatid ng mas maraming oportunidad sa kabuhayan at pag-unlad para sa mamamayan.

Tampok sa aktibidad na ito ang Job Fair at ang pagkakataong makapag sign-up sa iba't ibang skills training programs ng TESDA para sa mga gustong mag-aral at ma-enhance ang mga kasanayan.
Para sa mga interesadong makilahok sa aktibidad, siguraduhing dalhin ang mga sumusunod:
- Resume
- Valid ID
- Ballpen

Huwag palampasin ang pagkakataong ito na makahanap ng magandang kinabukasan—TAra Na, mga ka-Hanapbuhay!

24/08/2026

𝗦𝗧𝗔𝗡 𝗖𝗔𝗥𝗔𝗩𝗔𝗡 𝗠𝗘𝗘𝗧𝗦 𝗪𝗢𝗥𝗟𝗗 𝗖𝗔𝗙𝗘 𝗢𝗙 𝗢𝗣𝗣𝗢𝗥𝗧𝗨𝗡𝗜𝗧𝗜𝗘𝗦 𝟮𝟬𝟮𝟲!

Naghahanap ka ba ng trabaho o gustong matuto ng bagong kasanayan?

Tara na at makiisa sa 𝗦𝗲𝗿𝗯𝗶𝘀𝘆𝗼, 𝗧𝗿𝗮𝗯𝗮𝗵𝗼 𝗔𝘁 𝗡𝗲𝗴𝗼𝘀𝘆𝗼 𝗖𝗮𝗿𝗮𝘃𝗮𝗻 𝗠𝗲𝗲𝘁𝘀 𝗪𝗼𝗿𝗹𝗱 𝗖𝗮𝗳𝗲 𝗼𝗳 𝗢𝗽𝗽𝗼𝗿𝘁𝘂𝗻𝗶𝘁𝗶𝗲𝘀 sa Agosto 27, 2026 (Huwebes), simula 8:00 ng umaga sa Quezon Convention Center, Lucena City.

Ang mahalagang gawaing ito ay inihahandog ng Pamahalaang Panlalawigan ng Quezon sa pamamagitan ng Quezon Provincial Public Employment Service Office (QPPESO), katuwang ang TESDA, upang maghatid ng mas maraming oportunidad sa kabuhayan at pag-unlad para sa mamamayan.

Tampok sa aktibidad na ito ang Job Fair at ang pagkakataong makapag sign-up sa iba't ibang skills training programs ng TESDA para sa mga gustong mag-aral at ma-enhance ang mga kasanayan.

Para sa mga interesadong makilahok sa aktibidad, siguraduhing dalhin ang mga sumusunod:
- Resume
- Valid ID
- Ballpen

Huwag palampasin ang pagkakataong ito na makahanap ng magandang kinabukasan—TAra Na, mga ka-Hanapbuhay!

18/08/2026

Isinagawa ng Quezon Provincial Public Employment Service Office (QPPESO), sa pakikipagtulungan ng Philippine Army, ang Local Recruitment Activity (LRA) noong Agosto 12, 2026 sa 3rd Floor, Event Theatre, Pacific Mall, Lucena City, upang mabuksan sa mga kwalipikadong aplikante ang oportunidad na makapaglingkod sa pamamagitan ng karerang militar.

Pinangunahan mula sa QPPESO ang aktibidad nina Bb. Noemi M. Broqueza, focal person para sa Referral and Placement, at Bb. Eingrid M. Revediso, support personnel ng programa. Bukod dito, katuwang din sa pagpapadaloy at pangangasiwa ng proseso ng recruitment at aplikasyon si SGT. Renaldjay S. Motea mula sa Philippine Army.

May kabuuang isang daan at apatnapu’t walong (148) registered jobseekers ang nakiisa sa aktibidad, na binubuo ng isang daan at labing isang (111) lalaki at tatlumpu’t pitong (37) babae. Kabilang sa mga posisyong maaaring aplayan ang Candidate Soldier Course (CSC) at Officer Candidate Course (OCC). Ang mga aplikante ay sasailalim sa kinakailangang screening, pagsusuri, at iba pang proseso upang matukoy ang kanilang kwalipikasyon at pagiging angkop sa mga posisyong nais nilang aplayan.

Patuloy na pinalalawak ng QPPESO ang pakikipag-ugnayan nito sa iba’t ibang recruitment partners upang mailapit sa mga Quezonian ang mga oportunidad sa trabaho at karera. Sa pamamagitan ng mga ganitong aktibidad, nabibigyan ng pagkakataon ang mga jobseeker na maisakatuparan ang kanilang mga pangarap sa paglilingkod at magkaroon ng makabuluhan at marangal na hanapbuhay.

14/08/2026

Nakiisa ang Quezon Provincial Public Employment Service Office (QPPESO) sa 5th Regional PESO Congress na ginanap noong Agosto 3–5, 2026 sa Royce Hotel, Clark Freeport Zone, Angeles City, Pampanga, sa pangunguna ni Provincial PESO Manager, Genecille P. Aguirre kasama ang mga focal person ng iba’t ibang programa at serbisyo ng tanggapan. Aktibong lumahok ang delegasyon sa mga talakayan at iba pang gawain na naglalayong mapalakas ang pagpapatupad ng mga programang pang-empleyo at pangkabuhayan at ang ugnayan ng mga PESO sa rehiyon.

Tampok sa kongreso ang pagkilala sa QPPESO bilang isa sa mga Natatanging Programa ng PESO sa rehiyon para sa matagumpay na pagpapatupad ng STAN on Skills Program, na ipinagkaloob ng Department of Labor and Employment (DOLE) Regional Office IV-A (CALABARZON) katuwang ang Public Employment Service Office Managers Association of the Philippines (PESOMAP) CALABARZON Chapter. Ang programa ay bahagi ng Kalinga sa Mamamayan, Tulong Pangkabuhayan, Trabaho at Negosyo Program na inilunsad sa pangunguna ni Governor Angelina “Doktora Helen” D.L. Tan, katuwang ang Livelihood Unit ng Pamahalaang Panlalawigan ng Quezon.

Sa pamamagitan ng dual-track approach na binubuo ng National Competency (NC)-Based Skills Training at Community-Based Skills Training, layunin ng STAN on Skills na mapaunlad ang kasanayan ng mga Quezonian at makapagbukas ng mas maraming oportunidad sa trabaho at kabuhayan, lalo na para sa mga walang trabaho, underemployed at kabilang sa vulnerable sectors. Kinilala rin sa naturang okasyon ang iba pang PESO sa Lalawigan ng Quezon para sa kanilang mga natatanging programa at inisyatiba.

Higit sa isang parangal, nagsisilbing patunay ang pagkilalang ito sa patuloy na pagsisikap ng QPPESO na makapaghatid ng mga serbisyong nagbubukas ng oportunidad sa trabaho, nagsusulong ng skills development, at sumusuporta sa pangmatagalang kabuhayan ng mga Quezonian.