09/05/2026
๐ง๐จ๐ฅ๐ก-๐ข๐ฉ๐๐ฅ ๐ก๐ ๐๐๐ฅ๐ข ๐๐จ๐ ๐ฆ๐ ๐๐๐๐๐๐ง, ๐ค๐จ๐๐ญ๐ข๐ก ๐ด
Pormal nang itinurn-over ng Philippine Coconut Authority Region IV-A sa Pamahalaang Bayan ng Alabat, Quezon ang Coco Agro Hub bilang bahagi ng patuloy na pagpapalakas at pagpapaunlad ng industriya ng niyog sa buong Isla ng Alabat.
Ang mahigit 500-square meter na pasilidad ay magsisilbing sentro ng mga programang pangkabuhayan, pagsasanay, value-adding activities, at iba pang inisyatiba para sa mga magniniyog at samahang pangniyugan sa isla. Inaasahan ding darating sa mga susunod na buwan ang ibaโt ibang makabagong makinarya mula sa PHilMech na makatutulong sa pagpapataas ng produksyon at kita ng sektor ng niyog.
Tinanggap ito ni Alabat Mayor Hon. Eizelle โAysโ Avellano-Canimo, habang pinangunahan naman ang turn-over nina PCA IV-A Regional Manager III Bibiano C. Concibido, Jr., PDO IV Marietta C. Perez, at PCA Quezon II Division Chief I Belen S. Ruiz.
Kasama rin ang pamilya ng PCA Research and Development Branch na nagpahayag ng kanilang commitment sa pagsasagawa ng mga pagsasanay kaugnay ng food at non-food coconut-based products sa mga susunod na buwan upang higit pang mapalawak ang oportunidad at kabuhayan ng mga magniniyog sa isla.
Bilang bahagi ng pagbisita, nagtungo rin ang grupo sa isang coco sugar production facility ng farmer-cooperator at sa macapuno plantation upang maseguro ang magiging suplay ng macapuno para sa mga planong value-added products at embryo-cultured laboratory sa bayan.
Katuwang din ng PCA ang Southern Luzon State University (SLSU) at ibaโt ibang CFIDP implementing agencies tulad ng DOST, DTI-Quezon, PHilMech, ATI, TESDA, at Land Bank of the Philippines sa pagpapatupad ng ibaโt ibang components ng Coconut Agro Hub kabilang ang VCO at VCO-based products, macapuno processing, at pagpapaigting ng mga coco sap-based products.
Patuloy ang PCA Region IV-A sa paghahatid ng mga programang magpapalakas sa kabuhayan at magbibigay ng mas maraming oportunidad para sa mga magniniyog sa rehiyon.
