Regional Maritime Unit 4A-Philippine National Police

15/05/2026

PNP-MARITIME GROUP, NAGPATUPAD NG WARRANT OF ARREST LABAN SA MGA MOST WANTED PERSON SA PANGASINAN AT ILOCOS SUR

Matagumpay na naaresto ng mga operatiba ng PNP-Maritime Group ang dalawang Most Wanted Persons sa magkahiwalay na operasyon sa Pangasinan at Ilocos Sur.

San Nicolas, Pangasinan, Mayo 11, 2026 - Nagsagawa ng operasyon ang Dasol Maritime Law Enforcement Team (MLET) kasama ang iba pang sangay ng gobyerno sa Brgy. Poblacion East, San Nicolas, Pangasinan na nagresulta sa pagkaka aresto sa Top 1 (Municipal Level) at Top 8 (Provincial Level) Most Wanted Person sa bisa ng warrant of arrest kaugnay sa kasong R**e sa ilalim ng Article 266-A ng Revised Penal Code na may “No Bail Recommended”. Matapos ang operasyon, ang naarestong indibidwal ay dinala at kasalukuyang nasa kustodiya ng San Nicolas Municipal Police Station para sa kaukulang dokumentasyon at disposisyon.

Samantala, noong Mayo 12, 2026 sa Narvacan, Ilocos Sur, matagumpay ding naipatupad ng San Esteban MLET, katuwang ang Baguio City Police Office-CIU at 103rd MC, RMFB1 ang warrant of arrest laban sa isang indibidwal na kabilang sa Top 5 (Provincial Level) at Top 2 (Municipal Level) Most Wanted Person at nahaharap sa kasong Acts of Lasciviousness in relation to Section 5(B) of RA 7610 na may nakatakdang piyansang nagkakahalaga ng PhP180,000.00. Matapos ang dokumentasyon, ang akusado ay itinurn-over sa Baguio City Police Office-City Intelligence Unit para sa return of warrant at presentasyon sa Family Court Branch 2, Baguio City.

Ang matagumpay na operasyong ito ay direktang nakaangkla sa Enhanced Managing Police Operations at pinaigting na koordinasyon at mabilis na aksyon ng kapulisan laban sa mga indibidwal na may kinahaharap na kaso sa batas upang mapanatili ang kaayusan at maprotektahan ang mamamayan laban sa anumang uri ng kriminalidad, alinsunod sa isinusulong na adhikaing “Bagong PNP para sa Bagong Pilipinas: Serbisyong Mabilis, Tapat, at Nararamdaman”.




:SerbisyongMabilisTapatatNararamdaman

15/05/2026

15/05/2026

15/05/2026

𝐒𝐂𝐀𝐌 𝐀𝐋𝐄𝐑𝐓!

Impersonating Chief, PNP and other PNP Officers through Fake Messages

Laging Tandaan, Maging Mapanuri, Huwag Magpaloko!

PMGEN WILSON C ASUETA
Director, PNP Anti-Cybercrime Group

15/05/2026

BAGONG SILANG NA SANGGOL, NASAGIP NG KAPULISAN SA TACLOBAN CITY

Mula sa isang paper bag sa loob ng nakaparadang multicab, isang bagong silang na sanggol ang nabigyan ng panibagong pagkakataon sa buhay matapos agad na rumesponde ang kapulisan sa Tacloban City noong gabi ng Mayo 12, 2026.

Sa ilalim ng pamumuno ni PGEN Jose Melencio C. Nartatez Jr., muling ipinakita ng Philippine National Police ang kahalagahan ng mabilis na pag-aksyon at malasakit sa komunidad nang ligtas na marescue ng Police Regional Office 8 (PRO 😎 ang isang inabandonang sanggol sa Sta. Elena, Tacloban City.

Ayon sa ulat, dakong alas-10:32 ng gabi nang makadiskubre ang isang concerned citizen ng sanggol na nakalagay sa loob ng paper bag na iniwan sa isang nakaparadang multicab sa labas ng kanilang bahay. Agad itong ini-report sa mga awtoridad na naging daan upang makarating kaagad sa lugar ang mga miyembro ng City Mobile Force Company (CMFC) at Police Station 3 ng Tacloban City Police Office.

Sa pagdating ng mga pulis, agad nilang siniguro ang kaligtasan ng sanggol at isinagawa ang kinakailangang pagresponde upang mabigyan ito ng agarang atensyon. Kasunod nito, nakipag-ugnayan ang Women and Children Protection Desk (WCPD) sa City Social Welfare and Development Office (CSWDO) at Tacloban Rescue Unit (TACRU) para sa wastong pangangalaga at medikal na pagsusuri sa sanggol.

Batay sa paunang assessment, hindi pa napuputol ang pusod ng sanggol at may bakas pa ng tuyong dugo sa buhok nito, indikasyong ito ay kasisilang pa lamang bago iniwan sa naturang lugar.

“This rescue reflects the importance of community vigilance and immediate police response. Every child deserves protection and care,” ani PGEN Jose Melencio C. Nartatez Jr. “Malaking bagay ang malasakit ng mamamayan na agad nagbigay ng impormasyon sa pulisya upang mailigtas ang sanggol.”

Dagdag pa ni PGEN Jose Melencio C. Nartatez Jr., “The PNP remains committed to protecting the vulnerable and responding to situations that threaten life and safety.” Aniya, “Hindi lamang pagpapatupad ng batas ang tungkulin ng kapulisan kundi maging pag-aaruga at pagprotekta sa mga nangangailangan ng agarang tulong.”

Ipinakita rin ng insidenteng ito ang patuloy na pagpapatibay ng PNP sa mas makatao at mas malapit na ugnayan sa komunidad sa ilalim ng PNP Focused Agenda—isang gabay tungo sa mas maayos at mas responsive na serbisyo-pulisya. Sa pamamagitan ng Enhanced Managing Police Operations at Active Community Support, mas napapalawak ang kakayahan ng kapulisan na makaresponde agad sa mga sitwasyong nangangailangan ng agarang aksyon at malasakit sa mamamayan.

Habang nagpapatuloy ang imbestigasyon upang matukoy kung sino ang nag-iwan sa sanggol, tiniyak ng PRO 8 na mananatiling prayoridad ang kaligtasan at kapakanan ng bata habang ito ay nasa pangangalaga ng mga kinauukulang ahensya.

Sa patuloy na pagpapaigting ng PNP sa pagprotekta sa buhay at kapakanan ng bawat mamamayan, tinitiyak ng kapulisan sa publiko ang “Bagong PNP para sa Bagong Pilipinas: Serbisyong mabilis, tapat, at nararamdaman.”

(PNP-PIO)

14/05/2026