Barangay Concepcion

05/09/2026

Patuloy ang malasakit at pagtutulungan para sa ating mga kabarangay na naapektuhan ng matinding pagbaha dulot ng nagdaang bagyo at patuloy na pananalanta ng Habagat.

Matagumpay na isinagawa ang ikalawang wave ng pamamahagi ng relief goods, kung saan umabot sa 1,449 households ang nabigyan ng tulong.

Ang ikalawang pamamahaging ito ay isinagawa para sa mga pamilyang hindi nabigyan at hindi naisama sa unang wave ng distribution, upang mabigyan din sila ng nararapat na tulong at hindi mapag-iwanan sa kabila ng nararanasang kalamidad.

Tulad ng unang pamamahagi, ang mga benepisyaryo ay natukoy sa pamamagitan ng survey at census na isinagawa ng ating masisipag na MSWD Staff at Day Care Workers, gamit ang parehong proseso at pamantayan upang matiyak na ang mga pamilyang naapektuhan at tunay na nangangailangan ay mabigyan ng ayuda.

Ang relief assistance na ito ay muling naging posible sa pamamagitan ng patuloy na suporta ng Provincial Government of Pampanga, sa pangunguna nina Governor Lilia “Nanay Baby” Pineda at Vice Governor Dennis “Delta” Pineda, katuwang ang Municipal Government of Lubao, sa pangunguna ni Municipal Mayor Esmeralda G. Pineda at Vice Mayor Jay Montemayor.

Taos-puso rin ang aming pasasalamat kina SB Member Jayson Pineda-Victorino, SB Member Edgar Dabu, Sir Jovy Ivan Matias (Sanitary Head), MSWD Staff, Day Care Workers, Barangay Council, at mga Barangay Appointees na patuloy na naglilingkod at naging katuwang sa maayos at matagumpay na pamamahagi ng tulong.

Hindi man nito tuluyang masolusyunan ang lahat ng problemang dulot ng pagbaha at kalamidad, nawa'y kahit papaano ay mabawasan ang alalahanin ng bawat pamilya at magkaroon ng pagkain sa kanilang hapag habang patuloy tayong bumabangon.

Sa ikalawang wave na ito, sinikap nating maabot maging ang mga nahuling pamilya na hindi nabigyan noong unang pamamahagi, dahil sa panahon ng kalamidad, bawat pamilya ay mahalaga at walang dapat mapag-iwanan.

Maraming salamat po sa lahat ng patuloy na tumutulong, naglilingkod, at nagpapakita ng malasakit sa ating mga kabarangay. ❤️🙏

04/09/2026

September 4, 2026

IKA-APAT NA PAGLILINIS SA PUROK 1B at PUROK 1A CREEK

Muling isinagawa ang ika-apat na paglilinis sa Purok 1B at 1A Creek sa pagtutulungan ng Munisipalidad ng Lubao at Barangay Council ng Concepcion.

Patuloy nating isinasagawa ang mga hakbang na ito upang mapabuti ang daloy ng tubig, maiwasan ang pagbabara ng kanal at creek, at makatulong sa pagbawas ng epekto ng malawakang pagbaha na nararanasan ng ating barangay.

Maraming salamat sa ating Minamahal na Mayora Hon. Esmeralda G. Pineda, Hon. Vice Mayor Jay Montemayor, Hon. SB Jayson Pineda-Victorino, sa agarang pagbigay ng serbisyo ng Backhoe pati na rin sa Barangay Council, Bantay Bayan at sa lahat ng patuloy na nakikiisa at tumutulong.

Sa pamamagitan ng sama-samang pagkilos, mas mapapalakas natin ang ating mga hakbang para sa kaligtasan at kapakanan ng bawat kabarangay.

30/08/2026

PATULOY ANG TULONG PARA SA MGA PAMILYANG APEKTADO NG BAHA

Matapos ang matagumpay na pamamahagi ng 1,420 packs ng relief goods, patuloy na nagsisikap ang Barangay Council na matugunan ang pangangailangan ng ating mga kababayan na naapektuhan ng pagbaha dulot ng nagdaang bagyo at patuloy na Habagat.

Bilang karagdagang tulong, nakapaghanda ang Barangay Council ng 387 packs ng relief goods para sa mga residenteng nabahaan at hindi naisama sa isinagawang survey at census ng MSWD, partikular sa Purok 8, Purok 9, at Purok 3.

Sa ikalawang pamamahagi, 70 relief packs ang naipamahagi, at sa kasalukuyan ay umabot na sa 350 relief packs ang naipamahagi sa mga residenteng binaha at pinasukan ng tubig ang kanilang mga tahanan.

Hindi pa rito nagtatapos ang pamamahagi ng relief packs. Mayroon pang susunod na distribution dahil sa patuloy na paglala ng ating sitwasyon at sa nararanasang malawakang pagbaha, kung saan halos sarado rin ang mga establisyimentong maaaring bilhan ng pagkain at pangunahing pangangailangan.

Bagaman hindi ito ang solusyon sa malawakang pagbaha at pagsubok na ating nararanasan, hangad natin na sa pamamagitan ng munting tulong na ito ay kahit papaano ay mapawi ang gutom at mabawasan ang pangamba ng bawat pamilya, lalo na sa mga pamilyang hirap makapaghanap ng pagkain sa gitna ng kalamidad.

Nais nating kahit sa simpleng paraan ay may maihain na pagkain sa bawat hapag, at maramdaman ng ating mga kabarangay na hindi sila nag-iisa sa panahong ito.

Hinihingi po namin ang malaking pang-unawa at pasensya ng ating mga kabarangay. Patuloy po kaming kikilos at gagawin ang aming makakaya upang maabot at matulungan ang mga pamilyang higit na nangangailangan.
Sa panahon ng pagsubok, hindi tayo titigil sa pagtulong.

Patuloy ang bayanihan, malasakit, at pagkakaisa para sa bawat pamilya.

Mag-ingat po tayong lahat. Manatiling alerto at unahin ang kaligtasan ng bawat isa. 🙏🌧️

30/08/2026

Sa patuloy na pagtaas ng baha, tuloy-tuloy pa rin ang ating rescue at evacuation assistance para sa mga residenteng kinakailangang lumikas upang matiyak ang kanilang kaligtasan.

Patuloy na nakaalerto ang Barangay Council, PNP, Bantay Bayan at iba pang katuwang sa pagresponde sa ating mga kabarangay na nangangailangan ng agarang tulong.

Nakalista sa ibaba ang mga emergency contact numbers na maaaring tawagan kung kinakailangan ng rescue o iba pang emergency assistance.

Huwag mag-atubiling tumawag. Ang inyong kaligtasan ang aming pangunahing prayoridad.

29/08/2026

RESCUE AT EVACUATION OPERATION SA PUROK 1B

Dahil sa patuloy na pagtaas ng tubig-baha, agad na nagsagawa ng rescue at evacuation assistance para sa ating mga kabarangay sa Purok 1B upang matiyak ang kanilang kaligtasan.

Sa pangunguna ng PNP Police headed by PLTCOL Dederick M. Relativo, katuwang ang Barangay Council sa pangunguna ni Punong Barangay Roberto R. Garcia, kasama si Kagawad Hermogenes “Bong” Roque at ang ating mga Bantay Bayan, matagumpay na na-assist ang hindi tataas sa 20 pamilya patungo sa evacuation area.

Sa kasalukuyan, ang mga residenteng inilikas ay naka-evacuate sa Rizal Concepcion Integrated School, na nagsisilbing evacuation center ng ating barangay.

Taos-pusong pasasalamat sa ating minamahal na Mayora Esmeralda G. Pineda at sa PNP Police sa kanilang agarang pagresponde at pagtugon sa pangangailangan ng ating mga kabarangay sa gitna ng patuloy na pagbaha.

Patuloy ang pagtutulungan ng Barangay Council, PNP, Bantay Bayan at ng buong komunidad upang masiguro ang kaligtasan ng bawat pamilya.

25/08/2026

August 25, 2026 || Assorted Medicines

Sa lahat po ng may kailangan ng alinman sa mga gamot na nakatala sa ibaba, maaari po kayong pumunta at humingi sa ating barangay hall bukas August 26, 2026 at hanapin ang ating Punong Barangay. Nakiki usap po kami na kung ano lamang po ang nasa mga larawan ay siya lamang po ang maaaring hingin.

Ito po ay limitado lamang at maaaring maubos. Kung kaya't matinding pang unawa po ang aming hinihiling kung kayo man po ay hindi mabigyan. Maraming salamat po.

25/08/2026

August 25, 2026

Isinagawa ang ikatlong paglilinis sa Purok 1B Creek sa tulong ng DPWH at Barangay Council.

Layunin nito na mapabuti ang daloy ng tubig at makatulong sa pagbawas ng nararanasang malawakang pagbaha.

Maraming salamat sa lahat ng tumulong at sa patuloy na pagtutulungan para sa kaligtasan ng ating mga kabarangay.

25/08/2026

August 24, 2025 || DENGUE SPRAYING SA PUROK 8

Isinagawa ang dengue spraying sa Purok 8 bilang hakbang upang makatulong sa pagpigil sa pagdami ng lamok at pagkalat ng dengue.

Magtulungan po tayo sa pagpapanatili ng malinis na kapaligiran at alisin ang mga lugar na maaaring pamugaran ng lamok.

25/08/2026

Stay safe everyone‼️

📣𝐀𝐮𝐠𝐮𝐬𝐭 𝟐𝟓, 𝟐𝟎𝟐𝟔 - 𝐀𝐟𝐭𝐞𝐫𝐧𝐨𝐨𝐧 #𝐂𝐥𝐚𝐬𝐬𝐒𝐮𝐬𝐩𝐞𝐧𝐬𝐢𝐨𝐧

𝗔𝗻𝗴 𝗸𝗹𝗮𝘀𝗲 𝘀𝗮 𝗹𝗮𝗵𝗮𝘁 𝗻𝗴 𝗮𝗻𝘁𝗮𝘀, 𝗽𝗿𝗶𝗯𝗮𝗱𝗼 𝗮𝘁 𝗽𝗮𝗺𝗽𝘂𝗯𝗹𝗶𝗸𝗼𝗻𝗴 𝗽𝗮𝗿𝗮𝗿𝗮𝗹𝗮𝗻 𝗮𝘆 𝘀𝘂𝘀𝗽𝗲𝗻𝗱𝗶𝗱𝗼 𝗻𝗮 𝗽𝗼 𝗻𝗴𝗮𝘆𝗼𝗻𝗴 𝗵𝗮𝗽𝗼𝗻.

Pinaaalalahanan ang lahat na mag-ingat sa pag-uwi at manatiling alerto sa banta ng masamang panahon.

#𝗪𝗮𝗹𝗮𝗻𝗴𝗣𝗮𝘀𝗼𝗸 #𝗟𝗶𝗴𝘁𝗮𝘀𝗡𝗮𝗟𝘂𝗯𝗮𝗼
#𝗟𝗲𝘃𝗲𝗹𝗨𝗽𝗟𝘂𝗯𝗮𝗼

20/08/2026

August 20, 2026

Taos-pusong pasasalamat sa Municipal Government of Lubao sa pangunguna ni Mayor Esmeralda G. Pineda sa pamamahagi ng fertilizers para sa ating mga magsasaka. Malaking tulong po ito para sa kanilang mga pananim at kabuhayan. 🌾

Katuwang ni Mayor Esmie sa pamamahagi sina SB Jayson Pineda-Victorino, Vice Mayor Jay Montemayor, Jovy Matias ng Sanitary Office, PLTCOL Dederick M. Relativo, at Mr. Rolan Sibug.

Kasama rin sa mga nabigyan ng abono ang ating mga Ortelano mula sa Sto. Domingo, San Matias, San Jose Apunan, San Roque’s Dau 1st, at Don Ignacio Dimson, bilang suporta sa kanilang pagsasaka at kabuhayan. 🌾

Lubos din ang aming pasasalamat sa Municipal Agriculture Office, DA Technicians at Barangay Council ng Concepcion, lalo na sa Committee on Agriculture na pinangungunahan ni Kagawad Hermogenes “Bong” Roque, gayundin sa lahat ng mga tumulong at naging bahagi ng matagumpay na pamamahagi.

Maraming salamat po sa inyong malasakit, suporta, at pakikiisa para sa ating mga magsasaka!