Barangay Baybayin Updates

02/09/2026

mga kabarangay, suportahan po natin ang pambato ng ating barangay para sa nalalapit na Mr and Ms Los Baños sa pagccelebrate ng ating Bañamos Festival 😇

#7- Cristina Dizon- Baybayin

16/08/2026

invited po kayo mga kabataan ng barangay baybayin! tara na mag fill out na ng form 🍁

Halina’t maging bahagi ng kapanapanabik na Youth Empowerment Camp 2026! ✨

Yes, you read that right, ihanda ang sarili para sa 𝐘𝐨𝐮𝐭𝐡 𝐄𝐦𝐩𝐨𝐰𝐞𝐫𝐦𝐞𝐧𝐭 𝐂𝐚𝐦𝐩 (𝐘𝐄𝐂), 𝐰𝐢𝐭𝐡 𝐚 𝐭𝐰𝐢𝐬𝐭! 👀

Bilang bahagi ng pagdiriwang ng Linggo ng Kabataan 2026, hatid sa inyo ang isang collaborative project ng Sangguniang Kabataan ng Anos, Baybayin, San Antonio, at Tuntungin-Putho — isang proyektong magbibigay ng mas makabuluhan, mas masaya, at mas empowering na karanasan para sa kabataan.

Maghanda para sa tatlong araw na puno ng kaalaman, bagong karanasan, at masayang pagsasama-sama ng kabataan sa darating na 𝐀𝐠𝐨𝐬𝐭𝐨 21–23, 2026.

𝑴𝒂𝒉𝒂𝒍𝒂𝒈𝒂𝒏𝒈 𝒅𝒆𝒕𝒂𝒍𝒚𝒆 𝒌𝒖𝒏𝒈 𝒑𝒂𝒂𝒏𝒐 𝒌𝒂 𝒎𝒂𝒌𝒂𝒌𝒂𝒔𝒂𝒍𝒊:

-Tanging mga taga Baybayin lamang ang maaaring makasali na may edad na 18-30.

-Ito ay 𝒇𝒊𝒓𝒔𝒕 𝒄𝒐𝒎𝒆, 𝒇𝒊𝒓𝒔𝒕 𝒔𝒆𝒓𝒗𝒆𝒅 𝒃𝒂𝒔𝒊𝒔. Ang unang 30 na kabataan na makapag sagot sa google forms sa kalakip ng post na ito ay ang itatalagang opisyal na kalahok para sa gaganaping Youth Empowerment Camp.

Abangan ang susunod na anunsiyo!
Maglalabas ang konseho ng karagdagang impormasyon tungkol sa iba pang mahahalagang detalye.

Kaya ano pang hinihintay mo, sali kana!

14/08/2026

Taos-pusong pakikiramay mula sa Barangay Baybayin sa pamumuno ni Kapitan Rading Lanuzo at sa buong Sangguniang Barangay para sa pagpanaw ni Hon. Gaudencio Macatangay.

Ang kanyang tapat at dedikadong paglilingkod bilang bilang Punong Barangay at ABC President ng Los Baños ay hindi malilimutan.

Panalangin namin ang kapayapaan para sa kanyang kaluluwa at lakas para sa kanyang pamilya sa panahong ito ng pagdadalamhati.

13/08/2026

📢 PAANYAYA SA LAHAT NG KABARANGAY!

Maging bahagi po tayo ng isang mahalagang Public Consultation para sa panukalang ordinansang isinusulong ni Kgg. Robert “Bobby” Palacpac, na may pamagat na:

🐶🐱 “BARANGAY RESPONSIBLE FEEDING ORDINANCE”
o
“ORDINANSA SA WASTONG PAGPAPAKAIN SA MGA ASO AT PUSANG GALA.”

Layunin ng panukalang ordinansa na magkaroon ng wastong pamamaraan sa pagpapakain at pag-aalaga sa mga asong at pusang gala, habang isinusulong ang kalinisan, kaayusan, kaligtasan, at kapakanan ng ating mga hayop at komunidad.

💚 Hinihikayat po namin lalo na ang ating mga Responsible Pet Owners, animal lovers, at lahat ng interesadong kabarangay na dumalo, makiisa, magbigay ng suhestiyon, at magbahagi ng inyong mga pananaw.

📅 August 18, 2026 (Martes)
🕐 1:00 PM
📍 Barangay Session Hall, Barangay Baybayin

Ang bawat opinyon ay mahalaga.
Magpahayag. Magbahagi. Magkaisa.
Para sa isang mas malinis, maayos, ligtas at makataong Barangay Baybayin. 🐾💚

Inaanyayahan po ang lahat na makiisa!

11/08/2026

TINGNAN: KADIWA NG PANGULO SA LOS BAÑOS!

Sama-sama nating suportahan ang Kadiwa ng Pangulo ngayong Agosto 14, 2026 (Biyernes) 7:00 – 12:00 ng umaga sa harap ng gusali ng Pamahalaang Bayan.

Ang mga ahensya ng Department of Agriculture, Department of Social Welfare and Development, Department of Labor and Employment, Department of Trade and Industry at Department of Interior and Local Government kasama ang Pamahalaang Bayan ng Los Baños sa pangunguna ni Punumbayan Neil Andrew N. Nocon ay ilalapit sa mamamayan ang mga kalakal ng mga Samahan, Kooperatiba, Mangingisda at Magsasaka para sa masustansya, ligtas at murang mga produkto.

Tampok sa Kadiwa ng Pangulo ang Benteng Bigas ng Pangulo na mabibili sa halagang P20.00 kada kilo. Ang unang dalawang libo (2,000) na mamimili na kinatawan ng bawat sambahayan ay maaaring bumili ng hanggang lima (5) kilo na bigas. Magdala lamang po ng isang Valid Government ID.

Halina’t makiisa! Tangkilikin ang murang bilihin para sa matatag na kabuhayan at maunlad na ekonomiya.







P20 Rice Program

Mga Dapat Sundin:
Step 1. Magpakita ng valid ID bilang patunay ng pagkakakilanlan.
Step 2. Mag fill-up ng household monitoring form. (Annex 1)
Step 3. Kumuha ng Number sa itinalagang staff. (001-2000)
a. Magsisimula ang pag fill-out ng form mula 6am kasabay ng number hanggang sa ito ay maubos.
b. Isang numero lamang kada sambahayan (1 number per household) ang papayagan.
Step 4. Pumila ng ayos, huwag iwala ang ID at Number, at iwasan ang anumang kaguluhan.

Tandaan:
1. Hanggang 5kg lamang ang maaaring bilhin ng bawat sambahayan.
2. Tanging mga mamamayan ng Los Baños ang prayoridad ng programa.
3. Magdala ng sariling lalagyan, mahigpit na ipagbabawal ang pag gamit ng plastic sa dry goods.
4. Hindi maaaring kumuha ng Number bago ang araw ng Kadiwa.

03/08/2026

Isang makasaysayang araw ang Hulyo 29 (Miyerkules) para sa Barangay Baybayin nang pormal na maisagawa ang Memorandum of Understanding (MOU) sa pagitan ng Barangay Baybayin at ng ERDB and Science Community Multipurpose Cooperative para sa pagkakaloob ng Solar Street Lights Grant para sa ating barangay.

Ang tagumpay na ito ay naisakatuparan sa pangunguna ni Committee Chairman on Infrastructure, Kgg. Jeffrey San Valentin, sa pamamagitan ng pagkakaisa at suporta ng buong Sangguniang Barangay, at sa patnubay ng ating mahal na Punong Barangay.

Ang Sangguniang Barangay ng Baybayin ay taos-pusong nagpapasalamat sa mga opisyal at miyembro ng ERDB and Science Community Multipurpose Cooperative sa pagtitiwala at pagpili sa aming barangay bilang isa sa mga benepisyaryo ng inyong kooperatiba. Ang inyong kabutihang-loob ay malaking tulong upang higit pang mapabuti ang kaligtasan at kapakanan ng aming mga kabarangay sa pamamagitan ng pagkakaroon ng mas maliwanag at mas ligtas na mga lansangan.

Muli, maraming-maraming salamat po sa inyong walang sawang suporta at malasakit sa aming komunidad. Nawa'y patuloy na pagpalain ng ating Panginoong Diyos ang inyong samahan, ang bawat opisyal at miyembro nito, at ang lahat ng inyong mga adhikain para sa ikabubuti ng mas nakararami.

Maraming salamat po at mabuhay ang diwa ng pagtutulungan at pagkakaisa!

18/07/2026

🥬🌿 NUTRITION MONTH 2026 | Breastfeeding Awareness & Malunggay Cooking Contest 🌿🥬

Isang matagumpay at makabuluhang pagdiriwang ang isinagawa ng Barangay Baybayin sa pagdiriwang ng Nutrition Month 2026 sa pamamagitan ng Breastfeeding Awareness Program at Malunggay Cooking Contest, kung saan tampok ang iba't ibang masustansyang putahe na ginamitan ng malunggay bilang pangunahing sangkap.

Layunin ng programa na palawakin ang kaalaman ng ating mga kabarangay tungkol sa kahalagahan ng wastong nutrisyon, pagpapasuso, at malikhaing paggamit ng malunggay bilang isang masustansyang pagkain para sa buong pamilya.

💚 Taos-pusong pasasalamat sa ating mga naging katuwang sa tagumpay ng programa:

🎤 Resource Speakers
• Ms. Evangeline Bacani

👩‍⚖️ Judges
• Sir Arnel Manzano
• Ma'am Erhika Dela Cruz
• Ma'am Rowena Dela Cruz

Sa ating kababaihan sa pangunguna ni
• Ms. Eden Lanuzo – SAMAKABA President

🤱 Maraming salamat din sa lahat ng pregnant women at lactating mothers na nakiisa sa programa, sa tulong at pangunguna ng ating mga masisipag na health workers:
• BHW Aileen Geneveso
• BNS Catherine Ramos

🏆 Congratulations sa lahat ng ating mga nanalo sa Malunggay Cooking Contest!

🥇 Champion – Reynald Virrey
🥈 1st Runner-up – Jewel Palacpac
🥉 2nd Runner-up – Florecita Macaleng

👏 Congratulations din sa lahat ng ating mga participants na buong pusong nagpakita ng kanilang husay at pagkamalikhain sa pagluluto:

• Pauline Canlas
• Wilma Palacpac
• Susan Tonga

Kayo ay naging mahalagang bahagi ng tagumpay ng patimpalak. Maraming salamat sa inyong oras, pagsisikap, at pagbabahagi ng inyong mga masustansyang putahe.

Ang programang ito ay matagumpay na naisakatuparan sa pangunguna ni Punong Barangay Hon. Conrado "Rading" V. Lanuzo, katuwang ang Gender and Development (GAD) Committee, ang Committee on Health, at ang buong Sangguniang Barangay ng Baybayin.

Maraming salamat sa lahat ng nakiisa, sumuporta, at naging bahagi ng selebrasyong ito. Sama-sama nating itaguyod ang malusog na pamayanan, kung saan ang tamang nutrisyon at pagpapasuso ay nagsisilbing pundasyon ng mas matatag at mas masiglang kinabukasan.

🥬 "Lutong Masustansya, Breastfeeding ang Gabay, Malusog na Pamilya Habambuhay!" 💚







̃oslaguna

14/07/2026

14/07/2026

07/07/2026

Bilang paghahanda sa inaasahang pagdating ng Bagyong Inday, nagsagawa ng isang mahalagang pagpupulong ang Pamahalaang Barangay noong Hulyo 6, 2026, ganap na 9:00 ng gabi, sa pangunguna ng Punong Barangay Conrado V. Lanuzo kasama ang Chairperson ng Barangay Disaster Risk Reduction and Management Committee (BDRRMC) at mga miyembro ng Sangguniang Barangay.

Tinalakay sa naturang pagpupulong ang mga hakbang at paghahandang kinakailangan upang matiyak ang kaligtasan ng lahat ng mamamayan, lalo na ng mga naninirahan sa mga lugar na malapit sa lawa at iba pang lugar na maaaring maapektuhan ng masamang panahon.

Kaugnay nito, hinihikayat ang lahat ng ating mga kabarangay na manatiling mapagmatyag, makinig sa mga opisyal na anunsyo, at ihanda ang mga kinakailangang kagamitan para sa emergency. Ang maagap na paghahanda at pagtutulungan ng bawat isa ay mahalaga upang mapanatili ang kaligtasan ng ating komunidad.

Mag-ingat po tayong lahat at patuloy na manalangin para sa kaligtasan ng bawat pamilya.