https://www.facebook.com/163135326885186/

John Andrei “Okoy” Perez Atole, Brgy. Tuntungin-Putho, Los Baños (2026)

22/08/2026

𝐓𝐎𝐃𝐀𝐌𝐀𝐗 𝐒𝐄𝐀𝐒𝐎𝐍 𝟏: 𝐋𝐎𝐒 𝐁𝐀𝐍̃𝐎𝐒 𝐈𝐍𝐓𝐄𝐑-𝐓𝐎𝐃𝐀 𝐁𝐀𝐒𝐊𝐄𝐓𝐁𝐀𝐋𝐋 𝐋𝐄𝐀𝐆𝐔𝐄 🏀🏆

𝐓𝐎𝐃𝐀 𝟏𝟕 – 𝐏𝐔𝐓𝐇𝐎 𝐓𝐔𝐍𝐓𝐔𝐍𝐆𝐈𝐍 🛵 1️⃣7️⃣

Isang karangalan at kasiyahan para sa inyong lingkod na buong pusong suportahan ang ating koponan sa ginanap na 𝐂𝐡𝐚𝐦𝐩𝐢𝐨𝐧𝐬𝐡𝐢𝐩 𝐆𝐚𝐦𝐞 ng 𝐓𝐎𝐃𝐀𝐌𝐀𝐗 𝐁𝐚𝐬𝐤𝐞𝐭𝐛𝐚𝐥𝐥 𝐋𝐞𝐚𝐠𝐮𝐞 𝐒𝐞𝐚𝐬𝐨𝐧 𝟏 sa 𝐁𝐚𝐫𝐚𝐧𝐠𝐚𝐲 𝐌𝐚𝐲𝐨𝐧𝐝𝐨𝐧, 𝐋𝐨𝐬 𝐁𝐚𝐧̃𝐨𝐬, 𝐋𝐚𝐠𝐮𝐧𝐚.

Bagama’t hindi man nila nakamit ang kampeonato buong puso at tapang na ipinaglaban ng ating mga manlalaro ang pangalan ng 𝐓𝐎𝐃𝐀 𝟏𝟕 – 𝐏𝐮𝐭𝐡𝐨 𝐓𝐮𝐧𝐭𝐮𝐧𝐠𝐢𝐧 hanggang sa huling segundo ng laro. At sa kanilang ipinakitang husay, determinasyon, at dedikasyon, buong pagmamalaki nilang tinanggap ang 𝟏𝐬𝐭 𝐏𝐥𝐚𝐜𝐞 sa nasabing liga!🥇👏🏻

Mas naging espesyal din ang tagumpay na ito dahil dalawang manlalaro mula sa kanilang koponan ang kinilala at napabilang sa 𝐌𝐲𝐭𝐡𝐢𝐜𝐚𝐥 𝐓𝐞𝐚𝐦, 𝐧𝐚 𝐬𝐢𝐧𝐚 𝐌𝐫. 𝐉𝐨𝐡𝐧 𝐉𝐞𝐬𝐭𝐞𝐫 𝐃𝐞𝐥𝐚 𝐑𝐮𝐞𝐝𝐚 𝐚𝐭 𝐌𝐫. 𝐌𝐢𝐜𝐡𝐚𝐞𝐥 𝐕𝐢𝐜𝐭𝐨𝐫𝐢𝐚. 🏅

Pagbati sa inyong dalawa at sa buong koponan! Ang inyong nakamit na parangal ay patunay ng inyong sipag, husay, at malaking ambag sa naging tagumpay ng 𝐓𝐎𝐃𝐀 𝟏𝟕 – 𝐏𝐮𝐭𝐡𝐨 𝐓𝐮𝐧𝐭𝐮𝐧𝐠𝐢𝐧.

Mula pa sa simula ng torneo hanggang sa kanilang huling laro ay sinikap ng inyong lingkod na maging katuwang at tagasuporta ng ating mga manlalaro, mula sa munting tulong para sa kanilang uniporme hanggang sa pagbibigay ng inumin at recovery meal para sa kanilang 𝐂𝐡𝐚𝐦𝐩𝐢𝐨𝐧𝐬𝐡𝐢𝐩 𝐆𝐚𝐦𝐞.

Hindi man nila naiuwi ang tropeo, naiuwi naman nila ang isang magandang karanasan, mga aral, at higit sa lahat, ang pagmamalaking dala ng bawat manlalarong lumaban para sa ating barangay. 👏🏻

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝐓𝐎𝐃𝐀 𝟏𝟕 – 𝐏𝐮𝐭𝐡𝐨 𝐓𝐮𝐧𝐭𝐮𝐧𝐠𝐢𝐧! 𝟏𝐬𝐭 𝐏𝐥𝐚𝐜𝐞, 𝐢𝐬𝐚𝐧𝐠 𝐭𝐚𝐠𝐮𝐦𝐩𝐚𝐲 𝐧𝐚 𝐛𝐮𝐨𝐧𝐠 𝐩𝐮𝐬𝐨 𝐧𝐚𝐭𝐢𝐧𝐠 𝐢𝐩𝐢𝐧𝐚𝐠𝐦𝐚𝐦𝐚𝐥𝐚𝐤𝐢! 🏆🏀

Maraming salamat sa inyong sakripisyo, oras, dedikasyon, at walang-pagod na paglalaro. Saludo ako sa inyong lahat! 🫡

Patuloy tayong susuporta sa ating mga manlalaro at atleta. Dahil ang tunay na serbisyo ay hindi lamang nasusukat sa malalaking bagay, minsan, nagsisimula ito sa simpleng pag-alalay, pagsuporta, at paniniwala sa kakayahan ng ating mga mamamayan.

𝐓𝐮𝐥𝐨𝐲 𝐚𝐧𝐠 𝐥𝐚𝐛𝐚𝐧. 𝐓𝐮𝐥𝐨𝐲 𝐚𝐧𝐠 𝐬𝐮𝐩𝐨𝐫𝐭𝐚. 𝐓𝐮𝐥𝐨𝐲 𝐚𝐧𝐠 𝐩𝐚𝐠𝐥𝐢𝐥𝐢𝐧𝐠𝐤𝐨𝐝. 💯

12/08/2026

𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐑𝐀𝐍𝐆𝐀𝐘 𝐍𝐆 𝐓𝐔𝐍𝐓𝐔𝐍𝐆𝐈𝐍-𝐏𝐔𝐓𝐇𝐎 𝟏𝟔𝐓𝐇 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍👨🏻‍⚖️

(𝟎𝟖-𝟏𝟎-𝟐𝟔) 🗓️

Noong isang gabi ay matagumpay na naisagawa ang 𝟏𝟔𝐭𝐡 𝐑𝐞𝐠𝐮𝐥𝐚𝐫 𝐒𝐞𝐬𝐬𝐢𝐨𝐧 ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 𝐧𝐠 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨, kung saan muling naging bahagi ng masinsinang talakayan ang mga mahahalagang usapin, panukala, at agenda para sa kapakanan ng ating lugar.

Isa sa mga naging mahalagang bahagi ng sesyon ay ang pagpasa ng ating 𝐏𝐚𝐧𝐮𝐤𝐚𝐥𝐚𝐧𝐠 𝐑𝐞𝐬𝐨𝐥𝐮𝐬𝐲𝐨𝐧 para sa pagkakaroon ng panibagong 𝐀𝐬𝐬𝐢𝐬𝐭𝐚𝐧𝐭 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐒𝐜𝐡𝐨𝐥𝐚𝐫 (𝐁𝐍𝐒), isang hakbang na naglalayong higit pang mapalakas ang ating mga programang pangkalusugan at nutrisyon sa ating komunidad.

Bilang inyong lingkod, aktibo po tayong nakibahagi sa mga talakayan at patuloy na sinisikap na maging masinsin, maingat, at responsable sa bawat usaping inilalagay sa harap ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲. Naniniwala po tayo na sa bawat panukala at desisyon, mahalagang mapag-aralan itong mabuti upang matiyak na ang bawat hakbang ay tunay na makatutulong sa ating mga mamamayan.

Patuloy po tayong makikiisa, makikinig, at magsusulong ng mga programang para sa kapakanan, kalusugan, at patuloy na pag-unlad ng 𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨.

𝐏𝐫𝐨𝐝𝐮𝐤𝐭𝐢𝐛𝐨𝐧𝐠 𝐩𝐚𝐤𝐢𝐤𝐢𝐧𝐢𝐠. 𝐌𝐚𝐬𝐮𝐬𝐢𝐧𝐠 𝐩𝐚𝐠-𝐚𝐚𝐫𝐚𝐥. 𝐓𝐚𝐩𝐚𝐭 𝐧𝐚 𝐩𝐚𝐠𝐥𝐢𝐥𝐢𝐧𝐠𝐤𝐨𝐝. ⚖️

08/08/2026

𝐋𝐈𝐆𝐓𝐀𝐒 𝐓𝐈𝐆𝐃𝐀𝐒: 𝐌𝐄𝐀𝐒𝐋𝐄𝐒-𝐑𝐔𝐁𝐄𝐋𝐋𝐀 𝐒𝐔𝐏𝐏𝐋𝐄𝐌𝐄𝐍𝐓𝐀𝐋 𝐈𝐌𝐌𝐔𝐍𝐈𝐙𝐀𝐓𝐈𝐎𝐍 𝐀𝐂𝐓𝐈𝐕𝐈𝐓𝐘 (𝐌𝐑-𝐒𝐈𝐀) 𝐖𝐈𝐓𝐇 𝐕𝐈𝐓𝐀𝐌𝐈𝐍 𝐀 𝐒𝐔𝐏𝐏𝐋𝐄𝐌𝐄𝐍𝐓𝐀𝐓𝐈𝐎𝐍 💉💊

Mga minamahal kong mga kabarangay, inaanyayahan po namin ang lahat ng mga magulang at tagapag-alaga na makiisa sa 𝐋𝐢𝐠𝐭𝐚𝐬 𝐓𝐢𝐠𝐝𝐚𝐬: 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐌𝐑-𝐒𝐈𝐀) 𝐰𝐢𝐭𝐡 𝐕𝐢𝐭𝐚𝐦𝐢𝐧 𝐀 𝐒𝐮𝐩𝐩𝐥𝐞𝐦𝐞𝐧𝐭𝐚𝐭𝐢𝐨𝐧 na isasagawa at iikot sa ating buong barangay mula 𝐀𝐮𝐠𝐮𝐬𝐭 𝟏𝟎–𝟐𝟓, 𝟐𝟎𝟐𝟔.

Layunin ng programang ito na maprotektahan ang ating mga anak laban sa 𝐓𝐢𝐠𝐝𝐚𝐬 at 𝐑𝐮𝐛𝐞𝐥𝐥𝐚, mga sakit na maaaring magdulot ng malubhang komplikasyon. Sakop ng pagbabakunang ito ang mga 𝐛𝐚𝐭𝐚𝐧𝐠 𝟔 𝐡𝐚𝐧𝐠𝐠𝐚𝐧𝐠 𝟓𝟗 𝐛𝐮𝐰𝐚𝐧 𝐨 𝐰𝐚𝐥𝐚 𝐩𝐚𝐧𝐠 𝟓 𝐭𝐚𝐨𝐧𝐠 𝐠𝐮𝐥𝐚𝐧𝐠.

Ang gawaing ito ay pangungunahan ng ating 𝐁𝐚𝐫𝐚𝐧𝐠𝐚𝐲 𝐇𝐞𝐚𝐥𝐭𝐡 𝐒𝐭𝐚𝐭𝐢𝐨𝐧 𝐒𝐭𝐚𝐟𝐟, katuwang ang mga kawani mula sa 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐞𝐚𝐥𝐭𝐡 (𝐃𝐎𝐇), 𝐌𝐮𝐧𝐢𝐜𝐢𝐩𝐚𝐥 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 (𝐌𝐇𝐎), 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐒𝐜𝐡𝐨𝐥𝐚𝐫𝐬 (𝐁𝐍𝐒), at ng inyong lingkod.

📍 𝐒𝐂𝐇𝐄𝐃𝐔𝐋𝐄 𝐎𝐅 𝐕𝐀𝐂𝐂𝐈𝐍𝐀𝐓𝐈𝐎𝐍 📅

𝐏𝐔𝐑𝐎𝐊 𝟏 — 𝐀𝐮𝐠𝐮𝐬𝐭 𝟏𝟎, 𝟐𝟎𝟐𝟔
🕜 1:30–2:30 PM — Lilia Alvarez Compound
🕝 2:30–4:10 PM — Hillside Village

𝐏𝐔𝐑𝐎𝐊 𝟏 — 𝐀𝐮𝐠𝐮𝐬𝐭 𝟏𝟏, 𝟐𝟎𝟐𝟔
🕐 1:00–4:00 PM — Alfamart

𝐏𝐔𝐑𝐎𝐊 𝟐 — 𝐀𝐮𝐠𝐮𝐬𝐭 𝟏𝟑, 𝟐𝟎𝟐𝟔
🕜 1:30–2:30 PM — Konsehala Ellen House
🕒 3:00–4:00 PM — LA Village Clubhouse

𝐏𝐔𝐑𝐎𝐊 𝟓 — 𝐀𝐮𝐠𝐮𝐬𝐭 𝟏𝟒, 𝟐𝟎𝟐𝟔
🕐 1:00–4:00 PM — GK Office, Sitio Mapalad & Villa Carangal Clubhouse

𝐏𝐔𝐑𝐎𝐊 𝟑 — 𝐀𝐮𝐠𝐮𝐬𝐭 𝟏𝟕, 𝟐𝟎𝟐𝟔
🕐 1:00–4:00 PM — Alcantara’s Compound

𝐏𝐔𝐑𝐎𝐊 𝟑 — 𝐀𝐮𝐠𝐮𝐬𝐭 𝟏𝟖, 𝟐𝟎𝟐𝟔
🕐 1:00–4:00 PM — Del Mundo’s Compound

𝐏𝐔𝐑𝐎𝐊 𝟒 — 𝐀𝐮𝐠𝐮𝐬𝐭 𝟐𝟎, 𝟐𝟎𝟐𝟔
🕐 1:00–4:00 PM — Barangay Covered Court

𝐏𝐔𝐑𝐎𝐊 𝟒 — 𝐀𝐮𝐠𝐮𝐬𝐭 𝟐𝟒, 𝟐𝟎𝟐𝟔
🕐 1:00–4:00 PM — Alborida Compound

𝐏𝐔𝐑𝐎𝐊 𝟔 — 𝐀𝐮𝐠𝐮𝐬𝐭 𝟐𝟓, 𝟐𝟎𝟐𝟔
🕐 1:00–4:00 PM — Ilaya Dulo

Para sa mga magulang at tagapag-alaga, huwag po nating palampasin ang pagkakataong ito. Hindi na po natin kailangan magpa-lista o magpa-reserve ng slot. Dalhin ang ating mga anak sa pinakamalapit na vaccination site o area ayon sa nakatalagang schedule sa inyong purok.

Ang pagbabakuna ay isang mahalagang hakbang upang mapangalagaan ang kalusugan at kinabukasan ng ating mga anak. Sama-sama nating gawing mas ligtas, mas malusog, at mas protektado ang bawat bata ng 𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨.

Bilang inyong 𝐂𝐨𝐦𝐦𝐢𝐭𝐭𝐞𝐞 𝐂𝐡𝐚𝐢𝐫𝐩𝐞𝐫𝐬𝐨𝐧 𝐨𝐧 𝐇𝐞𝐚𝐥𝐭𝐡, 𝐍𝐮𝐭𝐫𝐢𝐭𝐢𝐨𝐧, 𝐚𝐧𝐝 𝐒𝐚𝐧𝐢𝐭𝐚𝐭𝐢𝐨𝐧, buong suporta po ang inyong lingkod sa mga programang naglalayong pangalagaan ang kalusugan at kapakanan ng ating mga kabarangay, lalo na sa ating mga bata.

𝐏𝐫𝐨𝐭𝐞𝐤𝐬𝐲𝐨𝐧 𝐬𝐚 𝐢𝐧𝐲𝐨𝐧𝐠 𝐦𝐠𝐚 𝐚𝐧𝐚𝐤, 𝐬𝐚𝐦𝐚-𝐬𝐚𝐦𝐚 𝐧𝐚𝐭𝐢𝐧𝐠 𝐩𝐚𝐠-𝐢𝐧𝐠𝐚𝐭𝐚𝐧. 𝐌𝐚𝐠𝐩𝐚𝐛𝐚𝐤𝐮𝐧𝐚. 𝐌𝐚𝐠-𝐢𝐧𝐠𝐚𝐭. 𝐌𝐚𝐠𝐦𝐚𝐥𝐚𝐬𝐚𝐤𝐢𝐭. 𝐏𝐚𝐫𝐚 𝐬𝐚 𝐤𝐚𝐥𝐮𝐬𝐮𝐠𝐚𝐧 𝐧𝐠 𝐛𝐚𝐰𝐚𝐭 𝐢𝐬𝐚!

04/08/2026

𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐑𝐀𝐍𝐆𝐀𝐘 𝐍𝐆 𝐏𝐔𝐓𝐇𝐎 𝐓𝐔𝐍𝐓𝐔𝐍𝐆𝐈𝐍 𝟏𝟓𝐓𝐇 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍👨🏻‍⚖️

(𝟎𝟖-𝟎𝟑-𝟐𝟔) 🗓️

Kagabi lamang ay matagumpay na naisagawa ang 𝟏𝟓𝐭𝐡 𝐑𝐞𝐠𝐮𝐥𝐚𝐫 𝐒𝐞𝐬𝐬𝐢𝐨𝐧 ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 𝐧𝐠 𝐏𝐮𝐭𝐡𝐨 𝐓𝐮𝐧𝐭𝐮𝐧𝐠𝐢𝐧, kung saan muling tinalakay ang iba't ibang mahahalagang usapin, panukala, at mga programang nakatuon sa patuloy na pag-unlad at kapakanan ng ating barangay.

Bilang inyong lingkod, aktibo po tayong nakibahagi sa mga talakayan at nagkaroon ng pagkakataong maisaayos at pagbutihin ang ating panukalang ordinansa, gayundin ang pakikipagpalitan ng mga ideya at mungkahi hinggil sa mga paparating na programang pangkalusugan na layuning higit pang mapalakas ang serbisyong pangkalusugan para sa ating mga mamamayan.

Naniniwala tayo na ang bawat sesyon ay isang mahalagang pagkakataon upang makabuo ng mga makabuluhang polisiya, makapaglatag ng mga konkretong plano, at makahanap ng mga solusyong tunay na makatutugon sa pangangailangan ng ating komunidad.

Asahan po ninyo ang aking patuloy na aktibong pakikilahok, pakikinig, at tapat na paglilingkod para sa mas maunlad, mas ligtas, at mas progresibong 𝐁𝐚𝐫𝐚𝐧𝐠𝐚𝐲 𝐧𝐠 𝐏𝐮𝐭𝐡𝐨 𝐓𝐮𝐧𝐭𝐮𝐧𝐠𝐢𝐧.

01/08/2026

𝐍𝐔𝐓𝐑𝐈𝐓𝐈𝐎𝐍 𝐌𝐎𝐍𝐓𝐇 𝟐𝟎𝟐𝟔 | 𝐂𝐔𝐋𝐌𝐈𝐍𝐀𝐓𝐈𝐍𝐆 𝐀𝐂𝐓𝐈𝐕𝐈𝐓𝐘 🏆🥗

Noong 𝐇𝐮𝐥𝐲𝐨 𝟐𝟑, 𝟐𝟎𝟐𝟔, matagumpay na ginanap ang 𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝟐𝟎𝟐𝟔 𝐂𝐮𝐥𝐦𝐢𝐧𝐚𝐭𝐢𝐧𝐠 𝐀𝐜𝐭𝐢𝐯𝐢𝐭𝐲 sa 𝐂𝐏𝐏 𝐌𝐞𝐦𝐨𝐫𝐢𝐚𝐥 𝐒𝐭𝐚𝐝𝐢𝐮𝐦 𝐚𝐧𝐝 𝐄𝐯𝐚𝐜𝐮𝐚𝐭𝐢𝐨𝐧 𝐂𝐞𝐧𝐭𝐞𝐫, 𝐁𝐚𝐫𝐚𝐧𝐠𝐚𝐲 𝐁𝐚𝐲𝐛𝐚𝐲𝐢𝐧, 𝐋𝐨𝐬 𝐁𝐚𝐧̃𝐨𝐬, 𝐋𝐚𝐠𝐮𝐧𝐚, kung saan nagtipon-tipon ang iba't ibang barangay upang ipagdiwang ang mga tagumpay at kilalanin ang mga natatanging indibidwal at programang nagsusulong ng kalusugan at wastong nutrisyon.

Lubos po ang ating kagalakan at pagmamalaki sa ating 𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨 dahil muli nating ipinakita ang ating dedikasyon at kahusayan sa iba't ibang larangan ng nutrisyon. Ang bawat pagkilala at parangal na ating natanggap ay bunga ng sama-samang pagtutulungan, sipag, at malasakit ng ating mga kawani, kinawatawan, at ng buong komunidad.

🏅𝐋𝐈𝐒𝐓 𝐎𝐅 𝐀𝐖𝐀𝐑𝐃𝐒:

🥇 𝐌𝐫𝐬. 𝐕𝐚𝐧𝐞𝐬𝐬𝐚 𝐓𝐚𝐦𝐛𝐚𝐧
🏆 𝐎𝐮𝐭𝐬𝐭𝐚𝐧𝐝𝐢𝐧𝐠 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐒𝐜𝐡𝐨𝐥𝐚𝐫 𝐨𝐟 𝟐𝟎𝟐𝟔

🥇𝐉𝐨𝐡𝐧 𝐑𝐞𝐲 𝐅. 𝐑𝐚𝐧𝐠𝐞𝐥 &
𝐊𝐡𝐞𝐧 𝐇𝐚𝐫𝐯𝐞𝐲 𝐑. 𝐌𝐢𝐥𝐥𝐚𝐧𝐞𝐬
🏆𝟏𝐬𝐭 𝐏𝐥𝐚𝐜𝐞 – 𝐍𝐮𝐭𝐫𝐢-𝐂𝐨𝐨𝐤𝐢𝐧𝐠 𝐂𝐨𝐧𝐭𝐞𝐬𝐭

🥉𝐉𝐨𝐡𝐚𝐧𝐧𝐚 𝐂𝐚𝐬𝐬𝐢𝐝𝐲 𝐃𝐞𝐬𝐚𝐥𝐞𝐬𝐚 &
𝐗𝐫𝐢𝐬𝐡𝐚 𝐈𝐬𝐨𝐛𝐞𝐥𝐥𝐞 𝐇𝐨𝐧
🏆𝟑𝐫𝐝 𝐏𝐥𝐚𝐜𝐞 – 𝐍𝐮𝐭𝐫𝐢-𝐂𝐨𝐨𝐤𝐢𝐧𝐠 𝐂𝐨𝐧𝐭𝐞𝐬𝐭

🥈𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨
🏆𝟐𝐧𝐝 𝐏𝐥𝐚𝐜𝐞 – 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢-𝐁𝐨𝐨𝐭𝐡𝐬 𝐂𝐨𝐧𝐭𝐞𝐬𝐭

🥉𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨
🏆𝟑𝐫𝐝 𝐏𝐥𝐚𝐜𝐞 – 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐂𝐨𝐦𝐦𝐢𝐭𝐭𝐞𝐞 𝐂𝐚𝐭𝐞𝐠𝐨𝐫𝐲

🌐𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨
🏆𝐖𝐄𝐁𝐁𝐘 𝐀𝐰𝐚𝐫𝐝𝐞𝐞

Sa lahat ng ating mga kalahok; 𝐒𝐭𝐮𝐝𝐞𝐧𝐭𝐬, 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐒𝐜𝐡𝐨𝐥𝐚𝐫𝐬 (𝐁𝐍𝐒), 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐂𝐨𝐦𝐦𝐢𝐭𝐭𝐞𝐞 (𝐁𝐍𝐂), 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐒𝐮𝐩𝐩𝐨𝐫𝐭 𝐆𝐫𝐨𝐮𝐩 (𝐓𝐏𝐁𝐅𝐒𝐆), at sa bawat taong naging bahagi ng mga programang pangkalusugan at pangnutrisyon ng ating barangay, taos-puso ko po kayong binabati at pinasasalamatan kayo. Ang inyong dedikasyon, oras, at pagsisikap ang naging susi upang makamit natin ang mga tagumpay na ito.

Bilang inyong 𝐂𝐨𝐦𝐦𝐢𝐭𝐭𝐞𝐞 𝐂𝐡𝐚𝐢𝐫𝐩𝐞𝐫𝐬𝐨𝐧 𝐨𝐧 𝐇𝐞𝐚𝐥𝐭𝐡, 𝐍𝐮𝐭𝐫𝐢𝐭𝐢𝐨𝐧, 𝐚𝐧𝐝 𝐒𝐚𝐧𝐢𝐭𝐚𝐭𝐢𝐨𝐧, ipinagmamalaki ko ang bawat isa sa inyo. Ang mga pagkilalang ito ay hindi lamang simbolo ng tagumpay, kundi patunay na kapag nagkakaisa ang komunidad at may iisang layunin, marami tayong kayang makamit para sa ikabubuti ng ating barangay.

Nawa'y magsilbi itong inspirasyon upang lalo pa nating paigtingin ang ating mga programa sa kalusugan at nutrisyon. Patuloy nating isulong ang mga inisyatibong magbibigay ng mas malusog na pamumuhay, sapat na nutrisyon, at mas magandang kinabukasan para sa bawat pamilya ng ating lugar.

Muli, ang aking pagbati sa inyong lahat! Ang tagumpay na ito ay tagumpay ng buong 𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨. 💯🏆

30/07/2026

𝐌𝐄𝐀𝐒𝐋𝐄𝐒-𝐑𝐔𝐁𝐄𝐋𝐋𝐀 𝐒𝐔𝐏𝐏𝐋𝐄𝐌𝐄𝐍𝐓𝐀𝐋 𝐈𝐌𝐌𝐔𝐍𝐈𝐙𝐀𝐓𝐈𝐎𝐍 𝐀𝐂𝐓𝐈𝐕𝐈𝐓𝐘 (𝐌𝐑-𝐒𝐈𝐀) 𝐎𝐑𝐈𝐄𝐍𝐓𝐀𝐓𝐈𝐎𝐍 💉👶🏻

Noong 𝐇𝐮𝐥𝐲𝐨 𝟐𝟑, 𝟐𝟎𝟐𝟔, nagkaroon po tayo ng pagkakataong dumalo sa 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐌𝐑-𝐒𝐈𝐀) 𝐎𝐫𝐢𝐞𝐧𝐭𝐚𝐭𝐢𝐨𝐧 na isinagawa ng 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐞𝐚𝐥𝐭𝐡 (𝐃𝐎𝐇) sa pamamagitan ng 𝐋𝐨𝐬 𝐁𝐚𝐧̃𝐨𝐬 𝐌𝐮𝐧𝐢𝐜𝐢𝐩𝐚𝐥 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 sa 𝐑𝐇𝐔 𝐈 𝐂𝐨𝐧𝐟𝐞𝐫𝐞𝐧𝐜𝐞 𝐑𝐨𝐨𝐦, 𝐁𝐫𝐠𝐲. 𝐀𝐧𝐨𝐬, 𝐋𝐨𝐬 𝐁𝐚𝐧̃𝐨𝐬, 𝐋𝐚𝐠𝐮𝐧𝐚.

Layunin ng oryentasyong ito na ihanda ang mga 𝐎𝐩𝐢𝐬𝐲𝐚𝐥 𝐧𝐠 𝐁𝐚𝐫𝐚𝐧𝐠𝐚𝐲 para sa nalalapit na 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 na isasagawa mula 𝐀𝐠𝐨𝐬𝐭𝐨 𝟏𝟎–𝟐𝟖, 𝟐𝟎𝟐𝟔. Tinalakay dito ang kahalagahan ng pagbabakuna, ang mga tungkulin ng bawat barangay, at ang maayos na koordinasyon upang matiyak ang matagumpay na implementasyon ng programa para sa kapakanan ng ating mga bata.

Bilang 𝐂𝐨𝐦𝐦𝐢𝐭𝐭𝐞𝐞 𝐂𝐡𝐚𝐢𝐫𝐩𝐞𝐫𝐬𝐨𝐧 𝐨𝐧 𝐇𝐞𝐚𝐥𝐭𝐡, 𝐍𝐮𝐭𝐫𝐢𝐭𝐢𝐨𝐧, 𝐚𝐧𝐝 𝐒𝐚𝐧𝐢𝐭𝐚𝐭𝐢𝐨𝐧, mahalaga para sa inyong lingkod na makiisa sa mga ganitong gawain upang higit na mapalawak ang ating kaalaman at mas mapalakas ang ating paghahanda sa pagpapatupad ng mga programang pangkalusugan sa ating barangay. Naniniwala akong ang tamang impormasyon, maagap na koordinasyon, at aktibong pakikilahok ng bawat isa ay susi upang maprotektahan ang ating mga anak laban sa mga sakit na maiiwasan sa pamamagitan ng pagbabakuna.

Lubos din po ang ating pasasalamat sa 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐞𝐚𝐥𝐭𝐡 at sa 𝐋𝐨𝐬 𝐁𝐚𝐧̃𝐨𝐬 𝐌𝐮𝐧𝐢𝐜𝐢𝐩𝐚𝐥 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 para sa imbitasyon at sa patuloy na pangunguna sa mga programang naglalayong pangalagaan ang kalusugan ng ating komunidad. Ang mga ganitong inisyatibo ay malaking tulong upang matiyak na ang bawat bata ay may pagkakataong lumaki nang malusog at ligtas.

Asahan po ninyo ang aking patuloy na suporta at pakikiisa sa lahat ng programang nagsusulong ng kalusugan, lalo na sa mga gawaing naglalayong maprotektahan ang kinabukasan ng ating mga kabataan.

Sama-sama nating isulong ang isang mas ligtas, mas malusog, at mas matatag na 𝐁𝐚𝐫𝐚𝐧𝐠𝐚𝐲 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨.

26/07/2026

𝐋𝐀𝐔𝐍𝐂𝐇𝐈𝐍𝐆 𝐎𝐅 𝐓𝐇𝐄 𝐃𝐈𝐄𝐓𝐀𝐑𝐘 𝐒𝐔𝐏𝐏𝐋𝐄𝐌𝐄𝐍𝐓𝐀𝐑𝐘 𝐅𝐄𝐄𝐃𝐈𝐍𝐆 𝐏𝐑𝐎𝐆𝐑𝐀𝐌 & 𝐎𝐑𝐈𝐄𝐍𝐓𝐀𝐓𝐈𝐎𝐍 𝐀𝐍𝐃 𝐋𝐄𝐂𝐓𝐔𝐑𝐄 𝐎𝐍 𝐌𝐀𝐋𝐍𝐔𝐓𝐑𝐈𝐓𝐈𝐎𝐍 𝐀𝐍𝐃 𝐓𝐇𝐄 𝐃𝐈𝐄𝐓𝐀𝐑𝐘 𝐒𝐔𝐏𝐏𝐋𝐄𝐌𝐄𝐍𝐓𝐀𝐓𝐈𝐎𝐍 𝐏𝐑𝐎𝐆𝐑𝐀𝐌 🥗

Kasabay ng pagdiriwang ng 𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝟐𝟎𝟐𝟔, matagumpay nating naisagawa noong 𝐇𝐮𝐥𝐲𝐨 𝟏𝟒, 𝟐𝟎𝟐𝟔 ang 𝐋𝐚𝐮𝐧𝐜𝐡𝐢𝐧𝐠 𝐨𝐟 𝐭𝐡𝐞 𝐃𝐢𝐞𝐭𝐚𝐫𝐲 𝐒𝐮𝐩𝐩𝐥𝐞𝐦𝐞𝐧𝐭𝐚𝐫𝐲 𝐅𝐞𝐞𝐝𝐢𝐧𝐠 𝐏𝐫𝐨𝐠𝐫𝐚𝐦 (𝐉𝐮𝐥𝐲–𝐃𝐞𝐜𝐞𝐦𝐛𝐞𝐫 𝟐𝟎𝟐𝟔), kasama ang 𝐎𝐫𝐢𝐞𝐧𝐭𝐚𝐭𝐢𝐨𝐧 𝐚𝐧𝐝 𝐋𝐞𝐜𝐭𝐮𝐫𝐞 𝐨𝐧 𝐌𝐚𝐥𝐧𝐮𝐭𝐫𝐢𝐭𝐢𝐨𝐧 𝐚𝐧𝐝 𝐭𝐡𝐞 𝐃𝐢𝐞𝐭𝐚𝐫𝐲 𝐒𝐮𝐩𝐩𝐥𝐞𝐦𝐞𝐧𝐭𝐚𝐭𝐢𝐨𝐧 𝐏𝐫𝐨𝐠𝐫𝐚𝐦 na ginanap sa ating 𝐁𝐚𝐫𝐚𝐧𝐠𝐚𝐲 𝐌𝐮𝐥𝐭𝐢 𝐏𝐮𝐫𝐩𝐨𝐬𝐞 𝐇𝐚𝐥𝐥 para sa mga benepisyaryo ng ating barangay.

Ang programang ito ay isa sa mga mahahalagang hakbang ng ating barangay sa pagsusulong ng wastong nutrisyon at pangangalaga sa kalusugan ng mga bata. Layunin nitong mabawasan ang kaso ng malnutrisyon, mapabuti ang kalagayang pangkalusugan ng ating mga bata, at mabigyan ng sapat na kaalaman ang mga magulang tungkol sa wastong nutrisyon at tamang pangangalaga sa kanilang mga anak.

Bilang bahagi ng programa, isinagawa rin ang pamamahagi ng mga 𝐅𝐨𝐨𝐝 𝐏𝐚𝐜𝐤𝐬 kabilang ang 𝐍𝐮𝐭𝐫𝐢𝐛𝐚𝐧̃𝐨𝐬 at 𝐊𝐚𝐥𝐢𝐧𝐠𝐚 𝐏𝐨𝐰𝐝𝐞𝐫, sa ating mga benepisyaryong bata at kanilang mga magulang. Ang 𝐅𝐨𝐨𝐝 𝐒𝐮𝐩𝐩𝐥𝐞𝐦𝐞𝐧𝐭𝐬 na ito ay makatutulong sa pagsuporta sa tamang paglaki at pag-unlad ng ating mga kabataan habang isinasagawa ang 𝐅𝐞𝐞𝐝𝐢𝐧𝐠 𝐏𝐫𝐨𝐠𝐫𝐚𝐦 sa mga susunod na buwan.

Nagkaroon din ng isang makabuluhang lecture at orientation na pinangunahan ng ating 𝐌𝐮𝐧𝐢𝐜𝐢𝐩𝐚𝐥 𝐍𝐮𝐭𝐫𝐢𝐭𝐢𝐨𝐧 𝐀𝐜𝐭𝐢𝐨𝐧 𝐎𝐟𝐟𝐢𝐜𝐞𝐫 na si 𝐌𝐚’𝐚𝐦 𝐌𝐚𝐝𝐞𝐥𝐞𝐢𝐧𝐞 𝐌. 𝐀𝐥𝐟𝐨𝐫𝐣𝐚, na nagbahagi ng mahahalagang kaalaman tungkol sa 𝐌𝐚𝐥𝐧𝐮𝐭𝐫𝐢𝐭𝐢𝐨𝐧, ang epekto nito sa kalusugan ng mga bata, at ang kahalagahan ng 𝐃𝐢𝐞𝐭𝐚𝐫𝐲 𝐒𝐮𝐩𝐩𝐥𝐞𝐦𝐞𝐧𝐭𝐚𝐭𝐢𝐨𝐧 𝐏𝐫𝐨𝐠𝐫𝐚𝐦 sa paghubog ng isang mas malusog na komunidad.

Bukod dito, nagkaroon din ng 𝐂𝐨𝐨𝐤𝐢𝐧𝐠 𝐃𝐞𝐦𝐨𝐧𝐬𝐭𝐫𝐚𝐭𝐢𝐨𝐧 sa pangunguna ni 𝐆𝐧𝐠. 𝐌𝐚𝐫𝐢𝐯𝐢𝐜 𝐃𝐞 𝐂𝐡𝐚𝐯𝐞𝐳 𝐈𝐦𝐩𝐞𝐫𝐢𝐚𝐥, kung saan itinuro ang tamang paghahanda ng 𝐀𝐫𝐫𝐨𝐳 𝐂𝐚𝐥𝐝𝐨 𝐰𝐢𝐭𝐡 𝐎𝐚𝐭𝐬 , isang masustansya, abot-kaya, at madaling ihanda na pagkain na maaaring ihain sa mga bata at maging sa buong pamilya.

Bilang 𝐂𝐨𝐦𝐦𝐢𝐭𝐭𝐞𝐞 𝐂𝐡𝐚𝐢𝐫𝐩𝐞𝐫𝐬𝐨𝐧 𝐨𝐧 𝐇𝐞𝐚𝐥𝐭𝐡, 𝐍𝐮𝐭𝐫𝐢𝐭𝐢𝐨𝐧, 𝐚𝐧𝐝 𝐒𝐚𝐧𝐢𝐭𝐚𝐭𝐢𝐨𝐧, buong puso kong sinusuportahan ang mga programang nagsusulong ng wastong nutrisyon at pangangalaga sa kalusugan ng ating mga mamamayan. Naniniwala akong ang pagbibigay ng sapat na kaalaman, tamang nutrisyon, at maagap na interbensyon ay mahalagang pundasyon sa paghubog ng mas malusog, mas aktibo, at mas produktibong pamilya.

Taos-puso rin po ang ating pasasalamat sa 𝐌𝐮𝐧𝐢𝐜𝐢𝐩𝐚𝐥 𝐍𝐮𝐭𝐫𝐢𝐭𝐢𝐨𝐧 𝐀𝐜𝐭𝐢𝐨𝐧 𝐎𝐟𝐟𝐢𝐜𝐞, sa ating masisipag na Barangay Nutrition Scholar (𝐁𝐍𝐒), sa 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐒𝐮𝐩𝐩𝐨𝐫𝐭 𝐆𝐫𝐨𝐮𝐩, at sa lahat ng mga naging katuwang na walang sawang naglaan ng kanilang oras, dedikasyon, at serbisyo upang maging matagumpay ang programang ito.

Maraming salamat din sa mga magulang at mga batang benepisyaryona naglaan ng kanilang oras upang dumalo, makinig, at matuto. Ang inyong aktibong pakikilahok ay nagpapakita ng inyong malasakit sa kalusugan at kinabukasan ng inyong mga anak.

Ang wastong nutrisyon ay hindi lamang tungkol sa sapat na pagkain, ito ay pamumuhunan sa kinabukasan ng bawat bata. Kapag sama-sama tayong kumikilos, mas marami tayong batang mabibigyan ng pagkakataong lumaki nang malusog, masigla, at handang abutin ang kanilang mga pangarap.

Sama-sama nating isulong ang isang mas malusog, mas matatag, at mas masiglang 𝐁𝐚𝐫𝐚𝐧𝐠𝐚𝐲 𝐏𝐮𝐭𝐡𝐨-𝐓𝐮𝐧𝐭𝐮𝐧𝐠𝐢𝐧!

20/07/2026

𝐆𝐔𝐋𝐀𝐘𝐀𝐍 𝐒𝐀 𝐁𝐀𝐊𝐔𝐑𝐀𝐍 𝐂𝐎𝐎𝐊𝐈𝐍𝐆 𝐂𝐎𝐍𝐓𝐄𝐒𝐓 👨🏻‍🍳👩🏻‍🍳🍆🥗

Bilang bahagi ng ating pagdiriwang ng 𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝟐𝟎𝟐𝟔 na may 𝐓𝐞𝐦𝐚𝐧𝐠: "𝐍𝐮𝐭𝐫𝐢𝐬𝐲𝐨𝐧 𝐚𝐭 𝐊𝐚𝐥𝐢𝐤𝐚𝐬𝐚𝐧 𝐚𝐭𝐢𝐧𝐠 𝐏𝐚𝐧𝐠𝐚𝐥𝐚𝐠𝐚𝐚𝐧!" ay matagumpay nating naisagawa ang 𝐆𝐮𝐥𝐚𝐲𝐚𝐧 𝐬𝐚 𝐁𝐚𝐤𝐮𝐫𝐚𝐧 𝐂𝐨𝐨𝐤𝐢𝐧𝐠 𝐂𝐨𝐧𝐭𝐞𝐬𝐭 noong nakaraang Biyernes, 𝐉𝐮𝐥𝐲 𝟏𝟎, 𝟐𝟎𝟐𝟔 sa ating 𝐁𝐚𝐫𝐚𝐧𝐠𝐚𝐲 𝐒𝐩𝐨𝐫𝐭𝐬 𝐂𝐨𝐦𝐩𝐥𝐞𝐱 kung saan tampok ang masustansyang pagkain na ang bida ay ang 𝐓𝐚𝐥𝐨𝐧𝐠.

Isa ito sa mga makabuluhang paraan para maipakita at maipalaganap ang tamang nutrisyon sa ating lugar, lalo na sa mga tahanan. Tampok sa patimpalak ang anim na pares ng kabataan na magaaral ng 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨 𝐈𝐧𝐭𝐠𝐫𝐚𝐭𝐞𝐝 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥 na buong galing ang ipinamalas sa pagluluto para sa nasabing kompetisyon.

Kasama rin sa programa ang pagkaroon ng 𝐋𝐞𝐜𝐭𝐮𝐫𝐞 𝐏𝐫𝐨𝐩𝐞𝐫 na pinangunahan ng ating mga butihing 𝐑𝐞𝐬𝐨𝐮𝐫𝐜𝐞 𝐒𝐩𝐞𝐚𝐤𝐞𝐫𝐬 na sina 𝐌𝐚’𝐚𝐦 𝐂𝐫𝐢𝐬𝐭𝐢𝐧𝐚 𝐒𝐢𝐬𝐨𝐧 𝐚𝐧𝐝 𝐌𝐚’𝐚𝐦 𝐈𝐫𝐞𝐧𝐞 𝐋. 𝐁𝐚𝐮𝐭𝐢𝐬𝐭𝐚 na kung saan ay dinaluhan din ito ng mga ilan at piling magaaral ng nasabing eskwelahan.

• 𝐏𝐢𝐧𝐠𝐠𝐚𝐧𝐠 𝐏𝐢𝐧𝐨𝐲 𝐟𝐨𝐫 𝐓𝐞𝐞𝐧𝐬: 𝐈𝐦𝐩𝐨𝐫𝐭𝐚𝐧𝐜𝐞 𝐨𝐟 𝐆𝐮𝐥𝐚𝐲𝐚𝐧 𝐬𝐚 𝐁𝐚𝐤𝐮𝐫𝐚𝐧 𝐢𝐧 𝐏𝐫𝐨𝐦𝐨𝐭𝐢𝐧𝐠 𝐇𝐞𝐚𝐥𝐭𝐡𝐲 𝐚𝐧𝐝 𝐒𝐮𝐬𝐭𝐚𝐢𝐧𝐚𝐛𝐥𝐞 𝐅𝐨𝐨𝐝 𝐂𝐡𝐨𝐢𝐜𝐞𝐬.

• 𝐓𝐞𝐞𝐧𝐚𝐠𝐞 𝐏𝐫𝐞𝐠𝐧𝐚𝐧𝐜𝐲 𝐏𝐫𝐞𝐯𝐞𝐧𝐭𝐢𝐨𝐧 𝐚𝐧𝐝 𝐑𝐞𝐬𝐩𝐨𝐧𝐬𝐢𝐛𝐥𝐞 𝐀𝐝𝐨𝐥𝐞𝐬𝐜𝐞𝐧𝐭 𝐇𝐞𝐚𝐥𝐭𝐡

Lubos din po ang pasasalamat ng inyong lingkod sa lahat ng naging bahagi ng matagumpay na programang ito. Sa ating masisipag na 𝐁𝐚𝐫𝐚𝐧𝐠𝐚𝐲 𝐍𝐮𝐭𝐫𝐢𝐭𝐢𝐨𝐧 𝐒𝐜𝐡𝐨𝐥𝐚𝐫𝐬, 𝐁𝐍𝐒 𝐌𝐚𝐫𝐲 𝐀𝐧𝐧 𝐁𝐞𝐭𝐚𝐥𝐚𝐬 at 𝐁𝐍𝐒 𝐕𝐚𝐧𝐞𝐬𝐬𝐚 𝐓𝐚𝐦𝐛𝐚𝐧 dahil hindi magiging posible ang programang ito kung wala ang inyong kasipagan, dedikasyon, at malasakit.

Sa ating mga 𝐆𝐞𝐧𝐞𝐫𝐨𝐮𝐬 𝐒𝐩𝐨𝐧𝐬𝐨𝐫𝐬 na walang sawang sumusuporta sa mga proyektong pangkalusugan at nutrisyon.

Sa ating 𝐁𝐨𝐚𝐫𝐝 𝐨𝐟 𝐉𝐮𝐝𝐠𝐞𝐬 na naglaan ng oras at pagkakataon upang makasama kami at makapili ng karapat-dapat na nagwagi.

Sa ating mga 𝐋𝐞𝐜𝐭𝐮𝐫𝐞𝐫𝐬, na nagbahagi ng kanilang kaalaman patungkol sa kani kanilang topic o lecture.

Sa 𝐓𝐮𝐧𝐭𝐮𝐧𝐠𝐢𝐧-𝐏𝐮𝐭𝐡𝐨 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐒𝐮𝐩𝐩𝐨𝐫𝐭 𝐆𝐫𝐨𝐮𝐩 na laging nakaalalay, nakagabay, at nakaantabay sa ating mga gagawing aktibidad. Ang bawat presensya nyo ay napakahalaga!

Sa mga kasamahan po natin sa 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 at 𝐒𝐚𝐧𝐠𝐠𝐮𝐧𝐢𝐚𝐧𝐠 𝐊𝐚𝐛𝐚𝐭𝐚𝐚𝐧 𝐧𝐠 𝐏𝐮𝐭𝐡𝐨-𝐓𝐮𝐧𝐭𝐮𝐧𝐠𝐢𝐧 na laging nagpapaabot ng kanilang pagtulong at suporta.

Sa mga kabataang kalahok at nanalo sa nasabing patimpalak, ay nawa marami kayong natutunan at gawin ito sa tunay na buhay.
Gayundin sa mga g**o, magulang, at bata na naging bahagi ng programang ito mula simula hanggang matapos para makinig at madagdagan ang kanilang kalaaman sa pagkain ng gulay.

𝐌𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐩𝐨 𝐬𝐚 𝐢𝐧𝐲𝐨𝐧𝐠 𝐥𝐚𝐡𝐚𝐭! 💚

Nawa'y magsilbi itong inspirasyon upang mas mapalaganap pa natin ang masustansyang pagkain, gulayan sa bakuran, at wastong nutrisyon sa bawat tahanan.

Sama-sama nating isulong ang isang komunidad na malusog, masigla, at may sapat na pagkain para sa lahat!

17/07/2026

𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐑𝐀𝐍𝐆𝐀𝐘 𝐍𝐆 𝐏𝐔𝐓𝐇𝐎-𝐓𝐔𝐍𝐓𝐔𝐍𝐆𝐈𝐍 𝟏𝟒𝐓𝐇 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍 ⚖️ 👨🏻‍⚖️

(𝟎𝟕-𝟏𝟑-𝟐𝟎𝟐𝟔) 🗓️

Noong nakaraang gabi lamang ay matagumpay nating naisagawa ang 𝟏𝟒𝐭𝐡 𝐑𝐞𝐠𝐮𝐥𝐚𝐫 𝐒𝐞𝐬𝐬𝐢𝐨𝐧 ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 𝐧𝐠 𝐏𝐮𝐭𝐡𝐨-𝐓𝐮𝐧𝐭𝐮𝐧𝐠𝐢𝐧, kung saan muling tinalakay ang iba't ibang mahahalagang usapin, mga panukalang ordinansa at resolusyon, gayundin ang mga programa at proyektong nakatuon sa patuloy na pag-unlad at kapakanan ng ating munting barangay.

Ang bawat regular na sesyon ay isang mahalagang bahagi ng mabuting pamamahala. Dito masusing pinag-uusapan, sinusuri, at pinagpapasyahan ang mga hakbang na makatutulong sa pagtugon sa mga pangangailangan ng ating mga mamamayan at sa patuloy na pagpapaunlad ng ating komunidad.

Nagkaroon din tayo ng pagkakataong makasama ang mga 𝐂𝐨𝐚𝐜𝐡𝐞𝐬 ng ating 𝐁𝐚𝐫𝐚𝐧𝐠𝐚𝐲 na sina 𝐂𝐨𝐚𝐜𝐡 𝐉𝐡𝐞𝐟𝐫𝐞𝐲 𝐁𝐚𝐫𝐜𝐚𝐥𝐚 at 𝐂𝐨𝐚𝐜𝐡 𝐉𝐞𝐨𝐫𝐠𝐞 𝐌𝐚𝐠𝐚𝐧 para sa gaganapin na 𝐋𝐑𝐏 𝐱 𝐋𝐁𝐃𝐋 𝐈𝐧𝐭𝐞𝐫-𝐁𝐚𝐫𝐚𝐧𝐠𝐚𝐲 𝐁𝐚𝐬𝐤𝐞𝐭𝐛𝐚𝐥𝐥 𝐋𝐞𝐚𝐠𝐮𝐞 para sa 𝟏𝟑-𝐔𝐧𝐝𝐞𝐫 𝐃𝐢𝐯𝐢𝐬𝐢𝐨𝐧 at 𝟑𝟎-𝐔𝐧𝐝𝐞𝐫 𝐃𝐢𝐯𝐢𝐬𝐢𝐨𝐧. Lubos nating ikinatuwa ang kanilang pagdalo at naipahayag natin ang ating buong pusong pagsuporta sa kanilang gawain. Bilang nasa 𝐬𝐞𝐫𝐛𝐢𝐬𝐲𝐨-𝐩𝐮𝐛𝐥𝐢𝐤𝐨, naniniwala tayo na ang pagsuporta sa 𝐒𝐩𝐨𝐫𝐭𝐬 ay hindi lamang tungkol sa kompetisyon, kundi tungkol din sa paghubog ng disiplina, pagkakaisa, at mabuting pagpapahalaga sa ating kabataan at mga atleta.

Bilang inyong lingkod, patuloy po tayo na aktibong nakikibahagi, masusing nakikinig, at pinag-aaralan ang bawat usaping inilalatag sa ating sesyon. Naniniwala po ako na ang bawat desisyong ating binubuo ay nararapat na nakabatay sa kapakanan ng ating mga mamamayan at sa pangmatagalang pag-unlad ng ating lugar.

Asahan po ninyo ang aking patuloy na dedikasyon, aktibong pakikilahok, at tapat na paglilingkod. Sama-sama nating ipagpatuloy ang pagbuo ng isang mas maayos, mas progresibo, at mas maunlad na 𝐁𝐚𝐫𝐚𝐧𝐠𝐚𝐲 𝐧𝐠 𝐏𝐮𝐭𝐡𝐨-𝐓𝐮𝐧𝐭𝐮𝐧𝐠𝐢𝐧.

16/07/2026

𝐅𝐋𝐀𝐆 𝐑𝐀𝐈𝐒𝐈𝐍𝐆 𝐂𝐄𝐑𝐄𝐌𝐎𝐍𝐘 𝐎𝐅 𝐓𝐇𝐄 𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐑𝐀𝐍𝐆𝐀𝐘 𝐍𝐆 𝐏𝐔𝐓𝐇𝐎 𝐓𝐔𝐍𝐓𝐔𝐍𝐆𝐈𝐍 🇵🇭

Noong nakaraang 𝐇𝐮𝐥𝐲𝐨 𝟎𝟔, 𝟐𝟎𝟐𝟔, matagumpay na naisagawa ang 𝐅𝐥𝐚𝐠 𝐑𝐚𝐢𝐬𝐢𝐧𝐠 𝐂𝐞𝐫𝐞𝐦𝐨𝐧𝐲 ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 𝐧𝐠 𝐏𝐮𝐭𝐡𝐨 𝐓𝐮𝐧𝐭𝐮𝐧𝐠𝐢𝐧 sa harapan ng ating 𝐁𝐚𝐫𝐚𝐧𝐠𝐚𝐲 𝐌𝐮𝐥𝐭𝐢-𝐏𝐮𝐫𝐩𝐨𝐬𝐞 𝐇𝐚𝐥𝐥. Dinaluhan ito ng ilang mga miyembro ng 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐫𝐚𝐧𝐠𝐚𝐲 at mga kawani bilang pagsisimula ng panibagong linggo ng paglilingkod sa ating komunidad.

Ang 𝐅𝐥𝐚𝐠 𝐑𝐚𝐢𝐬𝐢𝐧𝐠 𝐂𝐞𝐫𝐞𝐦𝐨𝐧𝐲 ay hindi lamang isang pagtitipon o nakagawiang programa. Isa itong makabuluhang pagkakataon upang ipakita ang ating pagmamahal sa bayan, pagtibayin ang pagkakaisa ng bawat lingkod-bayan, at muling sariwain ang ating panata na maglingkod nang may katapatan, integridad, at malasakit sa bawat mamamayan.

Nagkaroon din ang inyong lingkod ng pagkakataong maibahagi sa ating mga opisyal, kawani, at mga dumalo ang ilan sa mga paparating na programa, aktibidad, at proyekto ng ating barangay bilang bahagi ng pagdiriwang ng 𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝟐𝟎𝟐𝟔. Layunin ng mga gawaing ito na higit pang mapalakas ang kamalayan ng ating komunidad sa kahalagahan ng wastong nutrisyon, mabuting kalusugan, at aktibong pakikilahok ng bawat mamamayan.

Bilang inyong 𝐂𝐨𝐦𝐦𝐢𝐭𝐭𝐞𝐞 𝐂𝐡𝐚𝐢𝐫𝐩𝐞𝐫𝐬𝐨𝐧 𝐨𝐧 𝐇𝐞𝐚𝐥𝐭𝐡, 𝐍𝐮𝐭𝐫𝐢𝐭𝐢𝐨𝐧, 𝐚𝐧𝐝 𝐒𝐚𝐧𝐢𝐭𝐚𝐭𝐢𝐨𝐧, patuloy nating isusulong ang mga programang may tunay na pakinabang sa ating mga mamamayan. Naniniwala tayo na sa pamamagitan ng sama-samang pagkilos at pakikiisa, mas marami pa tayong maisasakatuparang proyekto para sa ikabubuti ng bawat pamilya sa 𝐁𝐚𝐫𝐚𝐧𝐠𝐚𝐲 𝐧𝐠 𝐏𝐮𝐭𝐡𝐨 𝐓𝐮𝐧𝐭𝐮𝐧𝐠𝐢𝐧.

Patuloy po nating simulan ang bawat linggo nang may pagkakaisa, disiplina, at iisang layunin, ang makapaghatid ng tapat, mahusay, at makabuluhang serbisyo para sa ating mga kababayan. ✋🏻

John Andrei “Okoy” Perez Atole

22/08/2026

12/08/2026

08/08/2026

04/08/2026

01/08/2026

30/07/2026

26/07/2026

20/07/2026

17/07/2026

16/07/2026

Address

Telephone

Website

Alerts

Contact The Organization

Shortcuts

Share

Category

Listing takedown request