BFAR SAAD CALABARZON, 3/F PFO Laguna Bldg. , BFAR 4A Regional Office, Purok 3, Barangay Bambang, Los Baños (2026)

07/08/2026

IN PHOTOS | BFAR Central Office Visits SAAD Projects in CALABARZON

The Bureau of Fisheries and Aquatic Resources (BFAR) Central Office visited several livelihood projects of the Special Area for Agricultural Development (SAAD) Program Phase II in CALABARZON, as part of their monitoring activity.

The monitoring team, composed of Ms. Visa T. Dimerin and Ms. Leah Clavesillas, visited the Samahan ng Isdaan ng Barangay A. Dalusag (SAMISDABA) in General Emilio Aguinaldo, Cavite, and the Samahan ng Kababaihang Mangingisda at Tindera ng Maabud North, Abelo, at Balete (SAKAMATMAB) in San Nicolas, Batangas. BFAR-SAAD CALABARZON Alternate Focal Person, Ms. Emiliana C. Casbadillo, guided Mesdames Dimerin and Clavesillas.

The team documented the implementation and progress of the projects and conducted face-to-face interviews with fisherfolk beneficiaries to gather firsthand accounts of how the SAAD Program has improved their standard of living, provided additional source of income, and shaped their future aspirations.

The visit also validated project accomplishments, documented beneficiary success stories, and gathered fresh and valuable insights for the continuous improvement of the SAAD Program implementation in the region.

SAAD, Kaagapay sa Maunlad na Buhay.

05/08/2026

𝐇𝐀𝐏𝐏𝐄𝐍𝐈𝐍𝐆 𝐍𝐎𝐖 | Opening of Bids for Processing Facility and Display Area under BFAR-SAAD Phase II FY 2026

A significant milestone in advancing fisherfolk enterprises is underway as the Opening of Bids for the construction of a Processing Facility and Display Area is currently being conducted at the BFAR Region IV-A Training Hall under the BFAR-SAAD Program Phase II FY 2026.

The proposed facilities will support the livelihood initiatives of the Samahan ng Kababaihang Mangingisda at Tindera ng Maabud North, Abelo, at Balete ng San Nicolas, Batangas (SAKAMATMAB) and the Samahan ng Isdaan ng Barangay A. Dalusag (SAMISDABA) in General Emilio Aguinaldo, Cavite. Once completed, these facilities are expected to strengthen post-harvest processing, improve product quality and presentation, and create greater market opportunities for the beneficiary associations.

Representing the BFAR-SAAD CALABARZON Team in the activity are Assistant Alternate Focal Person Elvira A. Casao and Marilou B. Mosqueda, MAED Staff.

📌 Full story to follow.

27/07/2026

𝐓𝐢𝐧𝐠𝐧𝐚𝐧 | MIDYEAR PHYSICAL AND FINANCIAL ASSESSMENT NG BFAR-SAAD OPISYAL NG NAGTAPOS

Opisyal na nagtapos ang isinagawang Midyear Assessment ng Bureau of Fisheries and Aquatic Resources – Special Area for Agricultural Development (BFAR-SAAD) Program Phase II noong July 21–23, 2026 sa Davao City. Dinaluhan ito ng mga BFAR Regional Directors, BFAR National Technical Working Group (NTWG) members, at BFAR-SAAD Regional Program Management Support Office (RPMSO) mula sa 16 na rehiyon, na nagtipon upang suriin ang progreso ng mga proyekto. Layunin ng pagtitipon na matukoy ang mga nagawa at ang kinakailangang aksyon upang malutas ang mga isyu na natuklasan.

Nagbigay ng mainit na pagbati si BFAR Region 11 Regional Director Relly B. Garcia sa lahat ng kalahok ng assessment. Ibinahagi niya ang kanyang taos-pusong galak at suporta sa pagdaraos ng pagtitipon sa kanilang rehiyon. Binigyang-diin ni RD Garcia ang kahalagahan ng bukas na talakayan at kolektibong pagkilos upang higit pang mapalakas ang implementasyon ng programa para sa kapakanan ng mga mangingisda.

Samantala, opisyal na binuksan ni BFAR National Director (ND) Elizer S. Salilig ang programa, kung saan kanyang inilatag ang mga konkretong hakbang para sa mga benepisyaryo upang higit na mapagtibay ang layunin na maitawid sila tungo sa Community-Based Enterprises (CBEs). Ibinahagi rin niya ang mga potensyal na value-added products na maaaring idebelop sa bawat rehiyon, bilang dagdag na oportunidad para sa mga mangingisdang benepisyaryo. Binigyang-diin ni ND Salilig na sa pamamagitan ng inobasyon at masusing paglinang ng lokal na produkto, mas mapapalakas ang kabuhayan ng mga komunidad at masisiguro ang pangmatagalang tagumpay ng programa. Sa kanyang talumpati, binanggit ni ND Salilig ang pahayag ni Department of Agriculture Secretary Francisco “Kiko” Tiu LaureL, na nagbigay-diin sa kahalagahan ng pagpapalago ng mga pangunahing komoditi tulad ng ulang, hito, red tilapia, at iba pa.

Sa tatlong araw na pagtitipon, tinalakay ng mga kinatawan mula sa iba’t ibang rehiyon ang mga nagawa ng programa, kabilang ang distribusyon ng livelihood packages at mga pagsasanay na naging malaking tulong sa mga benepisyaryong mangingisda. Sinuri rin ang mga kinakaharap na suliranin na nangangailangan ng mas malalim na pagtukoy ng ugat ng problema, paglalapat ng angkop na estratehiya, at pagbabalangkas ng konkretong solusyon upang higit pang mapaunlad ang mga proyekto. Ang bawat presentasyon ay nagbigay ng inspirasyon sa mga kalahok upang higit pang mapagtibay ang implementasyon ng programa.

Sa pagtatapos ng nasabing assessment, ibinahagi ng BFAR-SAAD National Focal Person Elymi AR-J S. Tuñacao ang kanyang taos-pusong pasasalamat sa lahat ng kalahok. Binigyang-diin niya ang kahalagahan ng maagap at masigasig na pagsasakatuparan ng mga layunin, lalo na’t may natitirang dalawang taon na lamang bago matapos ang programa. Hinikayat niya ang lahat na magpatuloy sa pagtutulungan upang matiyak ang tagumpay ng mga adhikain ng BFAR-SAAD Program Phase II.

17/07/2026

𝐍𝐄𝐖𝐒 | 𝟐𝟏,𝟓𝟎𝟎 𝐏𝐢𝐫𝐚𝐬𝐨𝐧𝐠 𝐓𝐢𝐥𝐚𝐩𝐢𝐚 𝐅𝐢𝐧𝐠𝐞𝐫𝐥𝐢𝐧𝐠𝐬, 𝐍𝐚𝐭𝐚𝐧𝐠𝐠𝐚𝐩 𝐧𝐠 𝐏𝐌𝐌𝐁 𝐩𝐚𝐫𝐚 𝐬𝐚 𝐊𝐚𝐫𝐚𝐠𝐝𝐚𝐠𝐚𝐧𝐠 𝐏𝐫𝐨𝐝𝐮𝐤𝐬𝐲𝐨𝐧

Bilang suporta sa pagpapalawak ng kanilang aquaculture production, opisyal na natanggap ngayon, Hulyo 17, 2026, ng Pinag-Isang Mamamalakaya at Magdadaing ng Banilan (PMMB) ang 43 bag ng tilapia fingerlings na may kabuuang bilang na 21,500 piraso. Ang pamamahagi ay isinagawa sa BFAR IV-A Regional Office sa Brgy. Bambang, Los Baños, Laguna.

Ang mga fingerlings na ito ay ilalagay sa mga karagdagang fish cage na mismong binuo ng samahan gamit ang mga natirang lambat mula sa kanilang HDPE cage project. Ipinapakita ng inisyatibong ito ang pagiging maparaan at madiskarte ng PMMB sa mahusay na paggamit ng mga materyales upang mapalawak ang kanilang produksyon at mapakinabangan ang bawat oportunidad para sa kanilang kabuhayan.

Patuloy ang BFAR-SAAD CALABARZON sa pagsuporta sa mga samahang hindi lamang tumatanggap ng mga interbensyon, kundi aktibong nagpapakita ng inobasyon at kasipagan upang mapalakas ang kanilang produksyon tungo sa mas matatag at napapanatiling kabuhayan.

SAAD, kaagapay sa maunlad na buhay.

17/07/2026

𝐍𝐄𝐖𝐒 | 21,500 Pirasong Tilapia Fingerlings, Natanggap ng SNMTBP para sa Susunod na Cropping

Bilang paghahanda para sa kanilang susunod na cropping season, opisyal na natanggap ngayon, Hulyo 17, 2026, ng Samahan ng Nagkakaisang Mangingisda at Tindera ng Barangay Pag-asa (SNMTBP) ang 43 bag ng tilapia fingerlings na may kabuuang bilang na 21,500 piraso. Ang pamamahagi ay isinagawa sa BFAR IV-A Regional Office sa Brgy. Bambang, Los Baños, Laguna.

Ang mga fingerlings ay gagamitin sa susunod na production cycle ng samahan matapos ang inaasahang pag-aani ng kanilang kasalukuyang alagang tilapia sa Setyembre ng taong kasalukuyan. Bahagi ito ng kanilang maayos na pagpaplano upang mapanatili ang tuloy-tuloy na produksyon at higit pang mapalakas ang kanilang kabuhayan.

Patuloy na kaagapay ang BFAR-SAAD CALABARZON sa pagbibigay ng mga interbensyong naglalayong suportahan ang mga samahan sa kanilang paglalakbay tungo sa mas matatag, produktibo, at napapanatiling kabuhayan para sa ating mga Bayaning Mangingisda.

SAAD, kaagapay sa maunlad na buhay.

16/07/2026

𝐈𝐍 𝐏𝐇𝐎𝐓𝐎𝐒: 𝐒𝐨𝐜𝐢𝐚𝐥 𝐏𝐫𝐞𝐩𝐚𝐫𝐚𝐭𝐢𝐨𝐧 𝐀𝐬𝐬𝐞𝐬𝐬𝐦𝐞𝐧𝐭 (𝐒𝐏𝐀) 𝐑𝐨𝐥𝐥-𝐎𝐮𝐭 𝐢𝐧 𝐁𝐅𝐀𝐑-𝐒𝐀𝐀𝐃 𝐂𝐀𝐋𝐀𝐁𝐀𝐑𝐙𝐎𝐍

Ang pagpapaunlad ng isang samahan ay nagsisimula sa pag-unawa sa tunay nitong kalagayan.

Sa patuloy na roll-out ng Social Preparation Assessment (SPA), isinasagawa ng BFAR-SAAD CALABARZON ang serye ng mga Focus Group Discussion (FGD), Key Informant Interview (KII), at paggamit ng SPA Tool sa mga benepisyaryong samahan sa buong rehiyon.

Higit pa sa isang simpleng assessment, layunin ng gawaing ito na masuri ang kasalukuyang estado ng bawat samahan—kabilang ang kanilang mga kalakasan, mga hamon, antas ng partisipasyon, at kakayahang pamahalaan ang kanilang organisasyon. Sa pamamagitan ng prosesong ito, mas natutukoy ang mga angkop na interbensyon at mga susunod na hakbang upang higit pang mapatatag ang mga samahan at masuportahan ang kanilang patuloy na pag-unlad tungo sa pagiging matatag na Community-Based Enterprises (CBEs).

Sa BFAR-SAAD CALABARZON, naniniwala kaming ang epektibong programa ay nagsisimula sa pakikinig, pag-unawa, at pakikipagtulungan sa komunidad. Sapagkat ang bawat boses ay mahalaga, at ang bawat karanasan ay nagsisilbing gabay sa pagbuo ng mga programang tunay na tumutugon sa pangangailangan ng ating mga Bayaning Mangingisda.

𝐒𝐀𝐀𝐃, 𝐤𝐚𝐚𝐠𝐚𝐩𝐚𝐲 𝐬𝐚 𝐦𝐚𝐮𝐧𝐥𝐚𝐝 𝐧𝐚 𝐛𝐮𝐡𝐚𝐲.

16/07/2026

𝗡𝗘𝗪𝗦 𝗕𝗥𝗜𝗘𝗙│ Kasalukuyang isinasagawa ng BFAR-SAAD CALABARZON ang Social Preparation Assessment (SPA) sa Samahan ng Mangingisda ng San Juan (SAMASASA) sa San Juan, Tingloy, Batangas, mula Hulyo 14–16, 2026.

Sa pamamagitan ng Focus Group Discussion (FGD), Key Informant Interview (KII), at Social Preparation Assessment (SPA), nagkakaroon ng pagkakataon ang bawat miyembro na maibahagi ang kanilang mga karanasan, pananaw, at mga mungkahi. Ang mga impormasyong ito ang nagsisilbing mahalagang gabay upang higit na maunawaan ang kalagayan ng samahan at matukoy ang mga nararapat na suporta para sa kanilang patuloy na pag-unlad.

𝐒𝐀𝐀𝐃, 𝐤𝐚𝐚𝐠𝐚𝐩𝐚𝐲 𝐬𝐚 𝐦𝐚𝐮𝐧𝐥𝐚𝐝 𝐧𝐚 𝐛𝐮𝐡𝐚𝐲.

𝘔𝘰𝘳𝘦 𝘥𝘦𝘵𝘢𝘪𝘭𝘴 𝘵𝘰 𝘧𝘰𝘭𝘭𝘰𝘸.

24/06/2026

𝗣𝗔𝗡𝗢𝗢𝗥𝗜𝗡 | Tatlong samahan, tatlong kuwento ng pag-unlad, at iisang layunin—ang makamit ang mas matatag at napapanatiling kabuhayan para sa mga mangingisda.

Tampok sa audio-visual presentation ng BFAR-SAAD CALABARZON ang mga makabuluhang karanasan at tagumpay ng Samahan ng Isdaan ng Brgy. A. Dalusag (SAMISDABA) ng General Emilio Aguinaldo, Cavite; Samahan ng Kababaihang Mangingisda at Tindera ng Maabud North, Abelo, at Balete (SAKAMATMAB) ng San Nicolas, Batangas; at Samahan ng mga Maglalambat ng Brgy. Poblacion (SAMBATPOB) ng Patnanungan, Quezon—ang mga samahang kinilala bilang Top 3 Community-Based Enterprises (CBEs) ng rehiyon sa katatapos lamang na BFAR-SAAD CBE Summit 2026 na ginanap noong Hunyo 17–18, 2026 sa Sequoia Hotel Manila Bay, Parañaque City.

Sa pamamagitan ng kanilang mga kuwento, masisilayan kung paano nakatulong ang BFAR-SAAD Program Phase II sa pagpapatatag ng kanilang mga organisasyon, pagpapalawak ng kanilang mga kabuhayan, at paghahanda sa kanila tungo sa pagiging mas matatag at sariling sikap na mga community-based enterprise.

Patunay ang kanilang paglalakbay na sa tulong ng sama-samang pagkilos, tamang paggabay, at patuloy na pagsisikap, ang maliliit na hakbang ay maaaring humantong sa mas malalaking oportunidad para sa buong komunidad.

BFAR SAAD CALABARZON

07/08/2026

05/08/2026

27/07/2026

17/07/2026

17/07/2026

16/07/2026

16/07/2026

24/06/2026

Address

Telephone

Website

Alerts

Contact The Organization

Shortcuts

Share

Category

Listing takedown request