What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/777783445423543/

Governor's Help Desk - LOOC, Don Modesto Formilleza Sr. Memorial Hospital, Looc (2026)

06/05/2026

𝗨𝗥𝗚𝗘𝗡𝗧 𝗛𝗜𝗥𝗜𝗡𝗚!

Inaanyayahan ang mga kwalipikadong aplikante na mag-apply bilang 𝗖𝗕𝗥 𝗖𝗮𝘀𝗲 𝗠𝗮𝗻𝗮𝗴𝗲𝗿 / 𝗦𝗽𝗲𝗰𝗶𝗮𝗹 𝗢𝗽𝗲𝗿𝗮𝘁𝗶𝗼𝗻𝘀 𝗢𝗳𝗳𝗶𝗰𝗲𝗿 𝗜𝗜 (𝗦𝗚-𝟭𝟰) sa ilalim ng 𝗣𝗿𝗼𝘃𝗶𝗻𝗰𝗶𝗮𝗹 𝗣𝗲𝗿𝘀𝗼𝗻𝘀 𝘄𝗶𝘁𝗵 𝗗𝗶𝘀𝗮𝗯𝗶𝗹𝗶𝘁𝘆 𝗔𝗳𝗳𝗮𝗶𝗿𝘀 𝗢𝗳𝗳𝗶𝗰𝗲 (𝗣𝗗𝗔𝗢) ng Pamahalaang Panlalawigan ng Romblon.

Para sa kompletong detalye, kabilang ang 𝗾𝘂𝗮𝗹𝗶𝗳𝗶𝗰𝗮𝘁𝗶𝗼𝗻𝘀, 𝗽𝗿𝗼𝘀𝗲𝘀𝗼 𝗻𝗴 𝗽𝗮𝗴-𝗮𝗽𝗽𝗹𝘆, 𝘀𝘂𝗯𝗺𝗶𝘀𝘀𝗶𝗼𝗻 𝗼𝗽𝘁𝗶𝗼𝗻𝘀, 𝗮𝘁 𝗺𝗮𝗵𝗮𝗵𝗮𝗹𝗮𝗴𝗮𝗻𝗴 𝗽𝗮𝗮𝗹𝗮𝗹𝗮 tingnan ang impormasyon sa ibaba.

Inaasahan namin ang inyong mga aplikasyon at ang pagtanggap ng mga dedikadong indibidwal na handang maglingkod para sa inklusibong kapakanan ng mga batang may kapansanan sa ating komunidad.

06/05/2026

𝗧𝗜𝗡𝗚𝗡𝗔𝗡: 𝗕𝗮𝗴𝗼𝗻𝗴 𝗛𝗲𝗮𝘃𝘆 𝗘𝗾𝘂𝗶𝗽𝗺𝗲𝗻𝘁 𝗻𝗴 𝗣𝗚𝗥, 𝗣𝗶𝗻𝗮𝘀𝗶𝗻𝗮𝘆𝗮𝗮𝗻 𝗣𝗮𝗿𝗮 𝘀𝗮 𝗠𝗮𝘀 𝗠𝗮𝗯𝗶𝗹𝗶𝘀 𝗻𝗮 𝗦𝗲𝗿𝗯𝗶𝘀𝘆𝗼 𝘀𝗮 𝗟𝗮𝗹𝗮𝘄𝗶𝗴𝗮𝗻

Isinagawa ang pagbabasbas sa bagong heavy equipment ng Pamahalaang Panlalawigan ng Romblon sa Provincial Capitol Grounds ngayong Mayo 5, 2026, sa pangangasiwa ng Office of the Provincial Administrator, na magiging kapaki-pakinabang sa mas mabilis na pag-implementa ng mga proyekto lalo’t higit sa panahon ng kalamidad.

Bilang simbolo ng pormal na pagtanggap, pinangunahan ni Provincial Engr. Ruel M. Merida ang pagturn over kina Gov. Trina Firmalo-Fabic at Vice Gov. Armando M. Gutierrez, sa bagong kagamitan na dalawang road roller.

Naisagawa ang seremonya sa pagbasbas at pagtatalaga ni Rev. Fr. Joraype Amadeo M. Flores sa mga kagamitan.

Sa kanyang pahayag, binigyang-diin ni Gov. Trina na ang mga kagamitang ito ay hindi para sa pribadong transaksiyon kundi para sa publiko. Aniya, mahalagang pangalagaan at pahalagahan ang mga ito sapagkat mula ito sa buwis ng mamamayan at nakalaan upang magsilbi sa kanila.

Kinilala rin ang suporta ni Vice Governor Armando Gutierrez at ng buong Sangguniang Panlalawigan sa pag-apruba ng pondo para sa nasabing kagamitan. Bilang isang isla-islang lalawigan, malaking tulong ang pagkakaroon ng sapat na heavy equipment sa probinsiya para sa agarang pagtugon sa pangangailangan ng komunidad. Ito ay patunay na ang pondo ng bayan ay ibinabalik sa mamamayan sa anyo ng mas maayos at mabilis na serbisyo.

06/05/2026

𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬

Mag-ingat po tayo, mga kasimanwa! Kumakalat ang isang 𝗙𝗔𝗞𝗘 𝗔𝗖𝗖𝗢𝗨𝗡𝗧 na nag-aangkin bilang opisyal na account ni 𝗚𝗼𝘃. 𝗧𝗿𝗶𝗻𝗮 𝗙𝗶𝗿𝗺𝗮𝗹𝗼-𝗙𝗮𝗯𝗶𝗰.

𝗣𝗔𝗔𝗟𝗔𝗟𝗔: Huwag magpadala ng mensahe o magbigay ng anumang personal na impormasyon sa pekeng account na ito. Maging mapanuri at i-report agad ang kahina-hinalang profile.

Para sa tamang impormasyon, manatiling naka-follow at nakaantabay lamang sa official page ni Gov. Trina Firmalo-Fabic:
https://www.facebook.com/govtrina

Maraming salamat sa inyong pakikiisa sa pagpapanatiling ligtas ang ating online na komunidad.

29/04/2026

𝐀𝐋𝐀𝐌𝐈𝐍: 𝐌𝐚𝐠𝐩𝐚𝐩𝐚𝐭𝐮𝐩𝐚𝐝 𝐧𝐠 𝐛𝐚𝐠𝐨𝐧𝐠 "𝐅𝐥𝐞𝐱𝐢𝐛𝐥𝐞 𝐖𝐨𝐫𝐤 𝐀𝐫𝐫𝐚𝐧𝐠𝐞𝐦𝐞𝐧𝐭" 𝐚𝐧𝐠 𝐏𝐫𝐨𝐯𝐢𝐧𝐜𝐢𝐚𝐥 𝐆𝐨𝐯𝐞𝐫𝐧𝐦𝐞𝐧𝐭 𝐧𝐠 𝐑𝐨𝐦𝐛𝐥𝐨𝐧 𝐩𝐚𝐫𝐚 𝐬𝐚 𝐦𝐠𝐚 𝐤𝐚𝐰𝐚𝐧𝐢 𝐧𝐠 𝐏𝐫𝐨𝐯𝐢𝐧𝐜𝐢𝐚𝐥 𝐓𝐫𝐞𝐚𝐬𝐮𝐫𝐞𝐫’𝐬 𝐎𝐟𝐟𝐢𝐜𝐞 (𝐏𝐓𝐎) 𝐚𝐭 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐬𝐬𝐞𝐬𝐬𝐨𝐫 (𝐎𝐏𝐀𝐒𝐒).

Binigyang-diin sa Office Order No. 04-019 na kahit may pagbabago sa oras ng trabaho, hindi maaantala ang serbisyo-publiko dahil mananatiling bukas ang PTO at OPASS ng limang araw kada linggo para sa mga transaksyon.

Narito ang kanilang bagong official working schedule:
• 𝗟𝘂𝗻𝗲𝘀 𝗵𝗮𝗻𝗴𝗴𝗮𝗻𝗴 𝗛𝘂𝘄𝗲𝗯𝗲𝘀: 𝟴:𝟬𝟬 𝗔𝗠 𝘁𝗼 𝟲:𝟬𝟬 𝗣𝗠
• 𝗕𝗶𝘆𝗲𝗿𝗻𝗲𝘀: 𝟴:𝟬𝟬 𝗔𝗠 𝘁𝗼 𝟭𝟮:𝟬𝟬 𝗡𝗡

Tiniyak naman ng Pamahalaang Panlalawigan na masusunod pa rin ang required na 40 working hours bawat linggo. Agad na magiging epektibo ang nasabing kautusan.

22/04/2026

𝗟𝗜𝗕𝗥𝗘𝗡𝗚 𝗣𝗔𝗬𝗢𝗡𝗚 𝗟𝗘𝗚𝗔𝗟 𝗦𝗔 𝗥𝗢𝗠𝗕𝗟𝗢𝗡, 𝗡𝗔𝗚𝗣𝗔𝗣𝗔𝗧𝗨𝗟𝗢𝗬 𝗛𝗔𝗡𝗚𝗚𝗔𝗡𝗚 𝗔𝗣𝗥𝗜𝗟 𝟮𝟮

Nagpapatuloy ang pag-arangkada ng serbisyong legal sa lalawigan ng Romblon sa pamamagitan ng Free Legal Consultation na bahagi ng Romblon Legal Empowerment and Access Program. Ang mahalagang inisyatibong ito ay isinasakatuparan sa ilalim ng direktiba ni Gov. Trina Firmalo-Fabic upang masiguro na ang bawat Romblomanon ay may sandigan at boses pagdating sa usaping batas.

Maaaring samantalahin ng mga kababayan natin ang pagkakataong makakuha ng libre at de-kalidad na payong legal mula sa mga bihasang abogado ng Provincial Legal Office. Ang pagkakataong ito ay bukas hanggang ngayong April 22, kaya naman hinihikayat ang publiko na huwag nang mag-atubiling lumapit sa kanilang tanggapan.

Layunin ng programang ito na buwagin ang hadlang sa pagkamit ng katarungan, lalo na para sa mga nangangailangan ng gabay ngunit walang sapat na kakayahang pinansyal. Para sa mga nais sumangguni, magtungo lamang sa Office of the Governor sa Romblon Provincial Capitol Building sa bayan ng Romblon, Romblon para sa inyong mga katanungan at concerns.

22/04/2026

𝗗𝗥. 𝗘𝗦𝗤𝗨𝗘𝗝𝗢, 𝗜𝗧𝗜𝗡𝗔𝗟𝗔𝗚𝗔 𝗦𝗔 𝗡𝗖𝗖𝗔-𝗡𝗖𝗛𝗥

Pormal na nanumpa si Dr. Kristoffer R. Esquejo bilang isa sa mga bagong kasapi ng National Committee on Historical Research (NCHR) para sa panunungkulan mula 2026 hanggang 2028. Kasama niya sa mga nanumpa ang mga tagapangulo ng mga departamento ng kasaysayan at mga kinatawan ng pangunahing samahang pangkasaysayan sa bansa. Idinaos ang programa ng panunumpa sa makasaysayang Manila Metropolitan Theater (MET) noong Abril 16 (Huwebes).

Ang NCHR ay isa sa mga pambansang komite sa ilalim ng National Commission for Culture and the Arts (NCCA) na may mandatong isulong ang kapantasan at pananaliksik na pangkasaysayan sa bansa. Pinagbubuklod nito ang mga historyador at mananaliksik na Pilipino upang suportahan ang mga proyekto, talastasan, at patakarang nag-aambag sa pag-aaral, pangangalaga, at pagbibigay-kahulugan sa kasaysayan ng Pilipinas.

Si Dr. Esquejo ay kasalukuyang Full Professor 3 at Graduate Program Coordinator ng Departamento ng Kasaysayan sa Unibersidad ng Pilipinas Diliman. Siya rin ang may-akda ng dalawang aklat: Pu-od Romblon: Mga Sanaysay tungkol sa Kasaysayan at Kultura ng Lalawigang Kapuluan (2015) at Tahanan, Tanggulan, at Tagpuan: Kasaysayang Pampook ng Bayan ng Looc (2024). Tubong Looc, Romblon siya ang bunso sa limang anak nina G. Ernesto E. Esquejo at Gng. Cleofe Resos Esquejo.

Sa muli, mainit na pagbati kay Dr. Esquejo sa kanyang mataas na gampanin sa pagtataguyod ng kasaysayan ng bansa. Ikinararangal ka ng iyong mga kasimanwang Loocnon at Romblomanon. Mabuhay!

10/04/2026

𝗥𝗼𝗺𝗯𝗹𝗼𝗻 𝗗𝗶𝗼𝗰𝗲𝘀𝗮𝗻 𝗠𝗲𝗱𝗶𝗰𝗮𝗹 𝗮𝗻𝗱 𝗦𝘂𝗿𝗴𝗶𝗰𝗮𝗹 𝗠𝗶𝘀𝘀𝗶𝗼𝗻 𝟮𝟬𝟮𝟲

Narito na ang pagkakataon para sa libreng serbisyong medikal at operasyon! Ang Pamahalaang Panlalawigan ng Romblon, katuwang ang iba't ibang sektor, ay maghahandog ng Romblon Diocesan Medical and Surgical Mission 2026 ngayong darating na April 10-11.

Siguraduhin na dalhin ang mga kinakailangang dokumento at sumunod sa mga alituntunin sa bawat pasilidad. Ang proyektong ito ay bahagi ng ating patuloy na layunin na ilapit ang de-kalidad na serbisyong pangkalusugan sa bawat tahanan katuwang ang Romblon Diocesan Social Action Center (RDSAC) at St. Luke’s Medical Center.

Para sa kaayusan ng lahat, narito ang ating opisyal na schedule ng mga operasyon at serbisyo.

Manatiling nakatutok sa Romblon Provincial Information Office para sa updates!

07/04/2026

Naging makabuluhan ang ating pagtitipon sa Provincial Development Council Executive Committee (PDC EXECOM) Meeting ngayong araw, April 6, 2026, na ginanap sa PGR Extension Office sa Odiongan, Romblon.

Tinalakay ang mga naaprubahang resolusyon kaugnay ng realignment ng budget, kabilang ang supplemental Annual Investment Program (AIP) mula sa mga hindi pa naipapatupad at may natitirang pondo ng mga proyekto mula CY 2022 hanggang CY 2025 sa ilalim ng 20% Development Fund, na ire-rekomenda sa Sangguniang Panlalawigan para sa pinal na pag-apruba.

Kalakip din nito ang updated Provincial Commodity Investment Program (PCIP), kung saan isasama ang mga proyektong may direktang benepisyo sa ating mga magsasaka at komunidad—kabilang ang pagtatayo ng mechanical rice drying facility na may storage warehouse sa Sta. Fe, gayundin ang bagong public market at agricultural trading post sa Alcantara. Mahalaga ang mga proyektong ito upang mapalakas ang ating local economy at masuportahan ang kabuhayan ng ating mga kababayan.

Nakasama natin rito ang mga miyembro ng Execom, kabilang sina Sir Milo Maulion ng Sangguniang Panlalawigan, Sir Rodne Galicia, at Ma’am Nenita De la Cruz, Love Lee Minano, at Sir Willard Mortos ng OPPDC.

Patuloy nating pinagtitibay ang maayos na pagpaplano at paggamit ng pondo upang masigurong ang bawat proyekto ay may malinaw na direksyon at tunay na pakinabang para sa lalawigan.

06/04/2026

ANNOUNCEMENT

Nais naming ipaalam sa lahat na balik-operasyon na po ang ating Outpatient Department (OPD) simula ngayong araw, April 6, 2026.

Handa na ulit kaming magbigay ng serbisyong medikal at konsultasyon para sa inyong kalusugan.

📍 Saan: Main Hospital Building
⏰ Oras: 8:00 AM – 4:00 PM

PAALALA: Huwag kalimutang dalhin ang inyong mga valid ID at PhilHealth document (if needed) para sa mabilis na transaction.

Keep safe, everyone!

(‼️ PLEASE TAKE NOTE OF OUR OPD SCHEDULE SA COMMENT SECTION ⚠️‼️)

01/04/2026

𝗥𝗘𝗠𝗜𝗡𝗗𝗘𝗥 𝗡𝗚𝗔𝗬𝗢𝗡𝗚 𝗔𝗣𝗥𝗜𝗟 𝗙𝗢𝗢𝗟𝗦' 𝗗𝗔𝗬: '𝗪𝗔𝗚 𝗚𝗔𝗪𝗜𝗡𝗚 𝗕𝗜𝗥𝗢 𝗔𝗡𝗚 𝗧𝗥𝗔𝗕𝗔𝗛𝗢 𝗡𝗚 𝗜𝗕𝗔! 📢🚫

Maging responsable tayo sa pagdiriwang ng April Fools' Day ngayong Miyerkules, April 1.

Huwag gawing target ng mga prank o pekeng impormasyon ang ating mga manggagawa. Hindi kailanman dapat maging kapalit ng "humor" o katuwaan ang kabuhayan ng kapwa.

Matatandaang madalas gamitin ang araw na ito para sa mga biro, ngunit pinapaalalahanan namin ang lahat na siguraduhing hindi ito makakasama o makakaabala sa serbisyo-publiko at trabaho ng iba.

29/03/2026

Makakatanggap ng bagong gusali ang Macario Molina National High School sa bayan ng Romblon matapos aprubahan ang pondo mula sa Philippine Amusement and Gaming Corporation para sa pagpapatayo ng tatlong palapag na gusali na may 12 silid-aralan.

Ayon kay Governor Trina Alejandra Firmalo-Fabic, kabilang ang lalawigan ng Romblon sa unang 25 benepisyaryo sa buong bansa ng programa ng PAGCOR para sa pagpapalawak ng mga pasilidad sa edukasyon.

https://romblonnews.net/2026/03/pagcor-magtatayo-ng-3-palapag-na-school-building-sa-romblon/

Governor's Help Desk - LOOC

06/05/2026

06/05/2026

06/05/2026

29/04/2026

22/04/2026

22/04/2026

10/04/2026

07/04/2026

06/04/2026

01/04/2026

29/03/2026

Address

Opening Hours

Website

Alerts

Shortcuts

Share

Category

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm