Lipa City Health Office- Health Education and Promotion

07/09/2026

𝐋𝐀𝐆𝐍𝐀𝐓, 𝐔𝐁𝐎, 𝐒𝐈𝐏𝐎𝐍 𝐀𝐓 𝐈𝐁𝐀 𝐏𝐀𝐍𝐆 𝐒𝐈𝐍𝐓𝐎𝐌𝐀𝐒? 𝐁𝐀𝐊𝐀 𝐈𝐍𝐅𝐋𝐔𝐄𝐍𝐙𝐀-𝐋𝐈𝐊𝐄 𝐈𝐋𝐋𝐍𝐄𝐒𝐒 𝐍𝐀 ‘𝐘𝐀𝐍!

Kasabay ng tag-ulan, posibleng lumaganap ang Influenza-Like Illness (ILI) o mala-trangkasong sakit. Ito ay karaniwang sanhi ng iba’t ibang bacteria na nagdudulot ng impeksyon sa ilong, lalamunan, at baga.

Alamin ang mga sintomas ng ILI, kung paano ito naipapasa, at ang mga paraan upang maiwasan ito upang maprotektahan ang sarili at ang inyong pamilya laban sa sakit.

07/09/2026

🌱 𝗞𝗔𝗔𝗟𝗔𝗠𝗔𝗡 𝗔𝗡𝗚 𝗦𝗔𝗡𝗗𝗔𝗧𝗔, 𝗥𝗘𝗦𝗣𝗢𝗡𝗦𝗔𝗕𝗟𝗘𝗡𝗚 𝗗𝗘𝗦𝗜𝗦𝗬𝗢𝗡 𝗔𝗡𝗚 𝗚𝗔𝗕𝗔𝗬!

📚 Ngayong Setyembre 7, 2026, nagtipon ang mga mag-aaral mula Grade 9 at 10 ng Bolbok Integrated National High School para sa mahahalagang talakayan tungkol sa pag-iwas sa maagang pagbubuntis, pag-iwas sa pag-abuso sa mga ipinagbabawal na gamot at iba pang nakalululong na sangkap, kalusugang pangkaisipan at wastong pamamahala ng stress na pinangunahan ng Lipa City Health Office. 🩺🧠

Sa sapat na kaalaman at tamang pagpapasya, ang mga Lipeñong kabataan ay mas handang protektahan ang kanilang mga sarili at abutin ang kani-kanilang mga pangarap. ✨

07/09/2026

05/09/2026

05/09/2026

Maraming salamat sa lahat ng naging bahagi ng Ligtas Tigdas Campaign!

Ang Ligtas Tigdas ay tagumpay ng bawat isa. Bawat bakuna, bawat impormasyong naibahagi, at bawat batang naprotektahan ay bunga ng ating sama-samang pagkilos at malasakit.

Sa pagtatapos ng kampanyang ito, ipagpatuloy natin ang ating sama-samang pagkilos upang maprotektahan ang kalusugan ng bawat bata sa CaLaBaRZon.

Maraming salamat, mga Bida sa Ligtas Tigdas!

Para sa bawat bata. Para sa bawat pamilya. Para sa mas ligtas at mas malusog na Pilipinas.





Regional Director Adriano Suba-an
Assistant Regional Director Rosa Maria Balisnomo-Rempillo

05/09/2026

Taon-taon, libo-libong bata ang naoobserbahang may iba't ibang uri ng kanser, tulad ng leukemia at brain tumor. Ang maagang pagtukoy sa mga sintomas nito ay may malaking papel sa matagumpay na paggaling.

Magmatyag sa mga warning signs tulad ng paulit-ulit o hindi maipaliwanag na lagnat, mabilis na pagkakaroon ng pasa, pamamaga o bukol sa katawan, at biglaang pagbagsak ng timbang. Ipa-konsulta agad ang bata sa pinakamalapit na health center o doktor.

Para sa karagdagang impormasyon ukol sa mga benepisyo at tulong para sa kanser, i-scan ang QR code o bisitahin ang linktr.ee/DOHCancerSupport.

05/09/2026

DOH: ANG PAKIKINIG AY PARAAN PARA MAIPAKITA ANG SUPORTA SA MENTAL HEALTH

Ang pag-alam sa mga senyales at pakikinig ay mga simpleng aksyon na maaaring makapagligtas ng buhay.

Kung nakikita mong may nagbabago sa kilos ng iyong kaklase o kaibigan, o kung ikaw mismo ay kailangan ng tulong o kausap, huwag mag-atubiling humingi ng suporta.

Tumawag sa NCMH Crisis Hotline: ☎️ 1553 (Nationwide Landline Toll-Free) 📱 0917-899-USAP (8727) | 0919-057-1553.

Maaari rin lumapit sa pinakamalapit na mental health counselor at peer support group sa inyong komunidad, paaralan, o trabaho.

02/09/2026

🦠🌧️ 𝐓𝐚𝐦𝐚𝐧𝐠 𝐊𝐚𝐚𝐥𝐚𝐦𝐚𝐧, 𝐏𝐫𝐨𝐭𝐞𝐤𝐬𝐲𝐨𝐧 𝐋𝐚𝐛𝐚𝐧 𝐬𝐚 𝐋𝐞𝐩𝐭𝐨𝐬𝐩𝐢𝐫𝐨𝐬𝐢𝐬!

Isinagawa ang Leptospirosis Lectures at pamamahagi ng Information, Education and Communication (IEC) materials sa mga barangay ng Anilao, Bulacnin, at Muntingpulo noong Agosto 28, 2026.

Layunin ng aktibidad na dagdagan ang kaalaman ng ating mga kabarangay tungkol sa leptospirosis, mga paraan ng pag-iwas, at mga hakbang upang maprotektahan ang sarili at pamilya, lalo na sa panahon ng pagbaha at pagkakalantad sa maruming tubig. 🤝

Sa pamamagitan ng tamang impormasyon at maagap na pagkilos, sama-sama nating mapipigilan ang pagkalat ng leptospirosis at mapangangalagaan ang kalusugan ng ating komunidad. ❤️

Alamin. Mag-ingat. Umiwas sa leptospirosis. 💪