DA Calabarzon F2C2

12/08/2026

Alamin kung paano nagbibigay ng mas maraming oportunidad sa ating mga magsasaka ang pagsasama-sama sa pamamagitan ng F2C2 program sa Episode 11 ng Talakayang Pangsakahan ng CALABARZON.





Mapapakinggan ito sa mga sumusunod na istasyon ng radyo:

• Radyo Natin 106.3 FM Laguna
• Radyo Natin 102.5 FM BonPen
• Radyo Natin 100.9 FM Calauag
• Radyo Natin 105.5 FM Padre Garcia

09/08/2026

🎥 𝐏𝐀𝐍𝐎𝐎𝐑𝐈𝐍 | 𝐀𝐧𝐨 𝐧𝐠𝐚 𝐛𝐚 𝐚𝐧𝐠 𝐅𝐚𝐫𝐦𝐞𝐫𝐬 𝐚𝐧𝐝 𝐅𝐢𝐬𝐡𝐞𝐫𝐟𝐨𝐥𝐤 𝐂𝐥𝐮𝐬𝐭𝐞𝐫𝐢𝐧𝐠 𝐚𝐧𝐝 𝐂𝐨𝐧𝐬𝐨𝐥𝐢𝐝𝐚𝐭𝐢𝐨𝐧 (𝐅𝟐𝐂𝟐) 𝐚𝐭 𝐚𝐧𝐠 𝐛𝐞𝐧𝐞𝐩𝐢𝐬𝐲𝐨 𝐧𝐠 𝐩𝐚𝐠𝐬𝐚𝐥𝐢 𝐬𝐚 𝐢𝐬𝐚𝐧𝐠 𝐜𝐥𝐮𝐬𝐭𝐞𝐫?🌾🐟

Ka-Agri, miyembro ka na ba ng isang samahan ng mga magsasaka o mangingisda?

Alamin kung ano ang Farmers and 𝗙𝗮𝗿𝗺𝗲𝗿𝘀 𝗮𝗻𝗱 𝗙𝗶𝘀𝗵𝗲𝗿𝗳𝗼𝗹𝗸 𝗖𝗹𝘂𝘀𝘁𝗲𝗿𝗶𝗻𝗴 𝗮𝗻𝗱 𝗖𝗼𝗻𝘀𝗼𝗹𝗶𝗱𝗮𝘁𝗶𝗼𝗻 (𝗙𝟮𝗖𝟮) at ang mga benepisyo handog nito para sa mga organisadong samahan ng mga magsasaka at mangingisda.

07/08/2026

𝗣𝗮𝗴𝗽𝗮𝗽𝗮𝘁𝗶𝗯𝗮𝘆 𝗻𝗴 𝗣𝗔𝗙𝗘𝗦, 𝗙𝟮𝗖𝟮, 𝗮𝘁 𝗦𝗮𝗴𝗶𝗽 𝗦𝗮𝗸𝗮 𝘀𝗮 𝗕𝗮𝘁𝗮𝗻𝗴𝗮𝘀 𝗮𝘁 𝗥𝗶𝘇𝗮𝗹 || Upang mas maging sentralisado ang pagtulong sa mga magsasaka at mangingisda sa lalawigan ng Batangas at Rizal, nagsagawa ng mga pagpupulong ang ukol sa pagpapatibay ng Province-Led Agriculture and Fisheries Extension Systems (PAFES) kalakip ang estratehiya ng clustering at sagip saka noong ika-4 at ika-5 ng Agosto.

Katuwang ang Kagawaran, dito ay inaasahan na pamumunuan ng panlalawigang lokal na pamahalaan ang pagpaplano at pagpapatupad ng mga programang pang-agrikultura habang nilalayong matipon ang cluster ng mga magsasaka at maitaguyod ang kanilang negosyo.

Ilan sa mga binigyang pansin ay ang tungkulin ng lokal na pamahalaan at mga ahensya sa maayos na koordinasyon para sa masusing pamamahagi ng mga suporta o interbensyon mula sa mga National Government Agency (NGA). Gaya na lamang ng mga malalaking proyekto tulad ng Farm-to-Market Road (FMR), mga imprastraktura, pasilidad para sa mga naghahayupan, pagpapaunlad ng mga cluster, at iba pa.

07/08/2026

𝗕𝘂𝘀𝗶𝗻𝗲𝘀𝘀 𝗣𝗹𝗮𝗻𝗻𝗶𝗻𝗴 𝗮𝘁 𝗘𝗻𝘁𝗲𝗿𝗽𝗿𝗶𝘀𝗲 𝗗𝗲𝘃𝗲𝗹𝗼𝗽𝗺𝗲𝗻𝘁 𝗧𝗿𝗮𝗶𝗻𝗶𝗻𝗴 𝗽𝗮𝗿𝗮 𝘀𝗮 𝗺𝗴𝗮 𝗖𝗹𝘂𝘀𝘁𝗲𝗿 || Tatlong araw na pagsasanay ukol sa pagpaplano at pagpapaunlad ng negosyo ang isinagawa ng Farm and Fisheries Clustering and Consolidation (F2C2) simula noong ika-4 hanggang ika-6 ng Agosto sa Silang Cavite.

Ito ay upang ipakilala ang iba’t ibang konsepto sa pagnenegosyo at makita ang kahalagahan ng masusing pagpaplano ng mga cluster upang mapaunlad ang kanilang kita at hanapbuhay sa sektor ng agrikultura.

Dinaluhan ito ng 32 representante ng mga Farmers Cooperatives and Associations (FCAs) na nagtatanim ng palay, mais, at high value crops kasama ang mga kawani ng lokal na pamahalaan at Kagawaran.

26/07/2026

24/07/2026

Isinagawa ng DA CALABARZON Farm and Fisheries Clustering and Consolidation (F2C2) Program ang tatlong araw na pagsasanay para sa mga corn cluster mula sa 27 bayan sa Quezon, na kasapi ng Quezon Corn Producers Federation Inc., na ginanap sa Queen Margarette Hotel, Lucena City, Quezon.

Sa pagsasanay, pinalawak ang kaalaman ng mga kalahok sa pagbuo at pamamahala ng kooperatiba, proseso ng Civil Society Organization (CSO) Accreditation, organizational governance, wastong dokumentasyon, agricultural marketing, at pagpapalawak ng mga oportunidad sa merkado. Nagbahagi rin ng mahahalagang kaalaman ang mga kinatawan mula sa Cooperative Development Authority (CDA), Civil Society Organization (CSO), DA F2C2 Program, at Office of the Provincial Agriculturist ng Quezon.

Patunay ang aktibidad na ang patuloy na pagbibigay ng kaalaman at kakayahan sa mga magsasaka ay mahalagang hakbang tungo sa pagbuo ng mas matatag na organisasyon at mas maunlad na kabuhayan. Sa pamamagitan ng sama-samang pagkilos at patuloy na pagpapalakas ng kanilang kapasidad, higit na napapalapit ang layunin ng isang mas produktibo, organisado, at kompetitibong sektor ng agrikultura sa CALABARZON.

21/07/2026

𝗣𝗮𝗴𝘀𝗮𝘀𝗮𝗻𝗮𝘆 𝗽𝗮𝗿𝗮 𝘀𝗮 𝗺𝗴𝗮 𝗖𝗼𝗿𝗻 𝗖𝗹𝘂𝘀𝘁𝗲𝗿𝘀 𝘀𝗮 𝗖𝗔𝗟𝗔𝗕𝗔𝗥𝗭𝗢𝗡 || Nagsagawa ng pagsasanay ang Farm and Fisheries Clustering and Consolidation (F2C2) Program para sa 48 magsasaka ng mais mula sa 27 bayan sa CALABARZON na nasa ilalim ng Quezon Corn Producers Federation Inc. noong ika-15 hanggang ika-17 ng Hulyo sa Lucena City, Quezon.

Tinalakay sa tatlong araw na pagsasanay ang mga kaalaman ukol sa mga prinsipyo at pagbuo ng kooperatiba, matutunan ang proseso ng Civil Society Organization (CSO) accreditation, mapalakas ang kasanayan sa dokumentasyon at pagsunod sa pamamahala ng organisasyon, pagpapalawak ng merkado, at mga kasanayan ukol sa Agricultural Basic Marketing.

Naging tagapagsalita sa naturang aktibidad ang mga representante mula sa Cooperative Development Authority (CDA), CSO at F2C2. Dumalo din ang representante mula Provincial Agriculturist ng Quezon.

13/07/2026

Isinagawa ng DA–F2C2 Program, katuwang ang APCO Quezon at ang Office of the Provincial Agriculturist of Quezon, ang Cluster Profiling ng Quezon Provincial Corn Producers Association, Inc..

Layunin ng aktibidad na ito na masuri ang kasalukuyang kalagayan ng cluster sa aspeto ng production, marketing, at organizational development, bilang batayan sa pagpapatupad ng mga angkop na interbensyon upang higit pang mapalakas ang samahan.

Sa pamamagitan ng pagkakaisa ng iba’t ibang asosasyon ng mga magsasaka ng mais sa buong lalawigan ng Quezon, mas napapalakas ang kanilang kakayahang makipagnegosyo, mapalawak ang mga oportunidad sa merkado, at makamit ang isang mas matatag at napapanatiling kabuhayan.

𝑺𝒂𝒎𝒂-𝒔𝒂𝒎𝒂 𝒕𝒖𝒏𝒈𝒐 𝒔𝒂 𝒎𝒂𝒔 𝒎𝒂𝒖𝒏𝒍𝒂𝒅, 𝒐𝒓𝒈𝒂𝒏𝒊𝒔𝒂𝒅𝒐, 𝒂𝒕 𝒌𝒐𝒎𝒑𝒆𝒕𝒊𝒕𝒊𝒃𝒐𝒏𝒈 𝒔𝒆𝒌𝒕𝒐𝒓 𝒏𝒈 𝒂𝒈𝒓𝒊𝒌𝒖𝒍𝒕𝒖𝒓𝒂. 🌽