https://www.facebook.com/104533202544884/

DA Calabarzon F2C2, LARES Compound, Lipa City (2026)

09/03/2026

Buong pusong nakikiisa ang DA–F2C2 CALABARZON sa pagdiriwang ng 𝗡𝗮𝘁𝗶𝗼𝗻𝗮𝗹 𝗪𝗼𝗺𝗲𝗻’𝘀 𝗠𝗼𝗻𝘁𝗵 ngayong Marso, na may temang “𝙇𝙚𝙖𝙙 𝙇𝙞𝙠𝙚 𝙩𝙝𝙚 𝘽𝙖𝙗𝙖𝙮𝙡𝙖𝙣𝙨, 𝙁𝙞𝙡𝙞𝙥𝙞𝙣𝙖𝙨.”

Isang taos-pusong pagpupugay sa mga babaeng magsasaka na patuloy na nangunguna at nagbibigay lakas sa sektor ng agrikultura. Kayo ay patunay na ang kababaihan ay may mahalagang papel sa pagpapaunlad ng ating komunidad at kabuhayan.

Sa diwa ng temang “𝑾𝑬 𝒇𝒐𝒓 𝑮𝒆𝒏𝒅𝒆𝒓 𝑬𝒒𝒖𝒂𝒍𝒊𝒕𝒚 𝒂𝒏𝒅 𝒂𝒏 𝑰𝒏𝒄𝒍𝒖𝒔𝒊𝒗𝒆 𝑺𝒐𝒄𝒊𝒆𝒕𝒚,”patuloy nating itaguyod ang pagkakapantay-pantay, pagkilala sa kakayahan ng kababaihan, at pagbibigay ng pagkakataon sa bawat isa na mamuno—tulad ng mga Babaylan na naging simbolo ng lakas, karunungan, at pamumuno.

𝑴𝒂𝒃𝒖𝒉𝒂𝒚 𝒂𝒏𝒈 𝒎𝒈𝒂 𝒃𝒂𝒃𝒂𝒆𝒏𝒈 𝒎𝒂𝒈𝒔𝒂𝒔𝒂𝒌𝒂! 𝑴𝒂𝒃𝒖𝒉𝒂𝒚 𝒂𝒏𝒈 𝒌𝒂𝒃𝒂𝒃𝒂𝒊𝒉𝒂𝒏𝒈 𝑷𝒊𝒍𝒊𝒑𝒊𝒏𝒂! 🌾💜

24/02/2026

Sumailalim ang Olongtao Ilaya Upland Rice Farmers Association sa dalawang araw na Business Plan Preparation at Monitoring na isinagawa ng sa ilalim ng Farm and Fisheries Clustering and Consolidation (F2C2) Program, Rice Program at mga kinatawan ng lokal na pamahalaan noong ika-18 hanggang ika-19 ng Pebrero sa Macalelon, Quezon.
Ito ay upang higit na matulungan ang samahan sa pagbuo ng malinaw at komprehensibong business plan bilang bahagi ng kanilang paghahanda para sa pagsusumite ng mga kinakailangan sa Civil Society Organization (CSO) accreditation, gayundin upang mapahusay ang kanilang kakayahan sa pamamahala, pagpaplano, at pagpapatatag ng kanilang kabuhayan.

23/02/2026

Sa pangunguna ng Farm and Fisheries Clustering and Consolidation (F2C2) Program, katuwang ang mga kinatawan ng Civil Society Organization (CSO), isinagawa ang Coaching at Monitoring ng F2C2 clusters noong ika-18 hanggang ika-20 ng Pebrero sa San Francisco at Agdangan, Quezon.
Layon nitong na palakasin ang kakayahan ng bawat cluster o samahan sa pamamahala ng kanilang organisasyon at magbahagi ng dagdag kaalaman sa aspetong pang negosyo at oportunidad sa merkado. Dito ay sinuri din ang kanilang kabuuang progreso at tinukoy ang mga hamon at angkop na estratehiya hinggil sa proseso ng kanilang CSO accreditation.
Kabilang sa naging kalahok ang San Francisco Banana Producers Association (HVC), San Francisco Corn Producers Association, Butanguiad Corn Farmers Association, at Coconut and Corn Farmers Agriculture Cooperative sa Agdangan.

17/02/2026

Isinagawa ng Farm and Fisheries Clustering and Consolidation (F2C2), katuwang ang mga kinatawan ng Civil Society Organization (CSO), Agricultural Programs Coordinating Offices, at mga City/Municipal Agriculture Office, ang tatlong araw na organizational coaching at monitoring sa mga rice clusters sa Cavite at Batangas, noong ika-11 hanggang ika-13 ng Pebrero.

Dito ay sinanay ang apat na klaster sa aspeto ng organisasyon, enterprise, at pagmemerkado. Ginabayan din ang mga klaster sa proseso at mga kinakailangan para sa akreditasyon sa CSO.

Sa tulong ng lokal na pamahalaan, ang mga pangangailangan ng bawat binisitang klaster ay natugunan tulad ng: pagiging isang pederasyon ng 15 FCAs sa Tanza, Cavite; pagiging multi-commodity cluster ng vegetable association sa Imus, Cavite; at gabay sa pagpapalakas ng operasyon ng isang pasilidad sa Rosario, Batangas.

11/02/2026

Business Plan Preparation para sa Limang (5) Rice Clusters
sa Bayan ng Nasugbu, Batangas
📅 Pebrero 3–6, 2026

Isinagawa ang paghahanda ng Business Plan para sa mga rice clusters ng Nasugbu, Batangas: Cogunan Rice Irrigators Association, Inc.; Bulihan Farmers Association (Bulihan FA at Samahang Magsasaka ng Combento); Looc Farmers' Association (Looc FA at Samahang Magsasaka Calayo); MPCU Cluster 3 (Samahang Magbubukid Putat Nasugbu, Maugat Nasugbu FA, Catandaan Rice and Vegetables FA, Ulila FA, at Putat-Catandaan IA); at SAMAKANA o Samahan ng Magpapalay sa Kanluran ng Nasugbu.

Pinangunahan ito ng Farm and Fisheries Clustering and Consolidation Program, katuwang ang Civil Society Society, Rice Banner Program, LGU-Nasugbu, at NIA Cavite-Batangas Irrigation Management Office, upang gabayan ang mga cluster at kanilang mga kasapi sa pagbuo ng komprehensibong Business Plan bilang bahagi ng mga rekisito para sa CSO accreditation.

Bilang resulta, nakapaghain ang bawat cluster ng maayos at pinal na Business Plan na pirmado ng kanilang mga opisyal at handa nang isumite sa DA-CSO, bilang hakbang tungo sa mas organisado, matatag, at sustenableng pagpapaunlad ng kanilang mga samahan.

11/02/2026

Coaching at Monitoring para sa F2C2 Clusters sa Cavite, Laguna, at Quezon 🌱
📅 Pebrero 4–6, 2026

Mas pinaigting ang suporta sa mga F2C2 clusters sa pamamagitan ng isinagawang coaching at monitoring sa Tres Cruses ARB Farmers Association Inc. (Tanza, Cavite), AGAP Farmers Association of Pangil, Laguna (Pangil, Laguna), at Pinagdanlayan Farmers Association Inc. (Dolores, Quezon). Pinangunahan ito ng Farm and Fisheries Clustering and Consolidation (F2C2) Program, katuwang ang Civil Society Organization, Agricultural Program Coordinating Offices (APCOs)-Cavite, Laguna, at Quezon, kasama ang mga kanya-kanyang Municipal Agriculture Offices (MAOs).

Layunin ng aktibidad na magbigay ng coaching sa larangan ng organisasyon, enterprise, at merkado; suriin ang progreso ng bawat cluster; tukuyin ang mga hamon at angkop na estratehiya upang mapalakas ang kanilang paglago, produktibidad, at sustainability; at magsagawa ng oryentasyon hinggil sa proseso at mga rekisito para sa CSO accreditation.

Nakalikom ng datos hinggil sa kasalukuyang umiiral na merkado ng mga asosasyon. Nahikayat din ang isa sa mga asosyasyon na magsagawa ng pre-orientation bilang paunang hakbang tungo sa pagiging kooperatiba. Nasuri rin ang mahahalagang dokumento at by-laws ng mga clusters at nagbigay ng mga rekomendasyon para sa mas maayos na pag-file at organisadong dokumentasyon. Iminungkahi rin ang pagtatatag ng sistematikong talaan ng mga natanggap na interbensyon at dinaluhang pagsasanay, gayundin ang maayos na pagrekord ng kabuuang produksyon ng bawat commodity upang mapalakas ang pagpaplano at pag-uulat.

06/02/2026

Mas pinatatag ang landas tungo sa mas organisado at mas matibay na kooperatiba 🤝🌱

Isinagawa ang Coordination Meeting kasama ang CDA Region IV-A noong Pebrero 2, 2026, sa pangunguna ng Agricultural Cooperative and Enterprise Development Division at Farm and Fisheries Clustering and Consolidation (F2C2) Program ng DA RFO IV-A, katuwang ang DA RFO IV-A APCO Laguna, upang talakayin ang transformasyon ng mga samahan tungo sa kooperatiba, status ng Certificate of Compliance ng mga cluster, at mga plano para sa registration caravan kasabay ng mga coconut farmer groups sa Rizal at Quezon bilang parte ng pagpapatupad ng CFIDP sa ilalim ng RA 11524.

Napag-usapan din ang registration assistance para sa mga validated F2C2 clusters, pagpirma ng Memorandum of Agreement sa pagitan ng CDA at DA RFO IV-A, at ang endorsement ng CDA Regional Director bilang mahalagang hakbang upang maging karapat-dapat ang mga farmer cooperatives sa mga interbensyon ng DA.

Ito ay nagpatibay sa ugnayan ng DA RFO IV-A at CDA Region IV-A at naglatag ng malinaw na hakbang para sa maayos na transformasyon ng mga samahan tungo sa kooperatiba, gayundin ang mas pinahusay na tulong para sa mga magsasaka at mangingisda sa rehiyon.

04/02/2026

Happy Birthday to our inspiring OIC – Regional Executive Director, Engr. Redelliza A. Gruezo! 🎉🌱

Your leadership is marked by clarity, purpose, and a genuine heart for public service. Through your guidance, the agricultural sector in our region continues to move forward with strength, innovation, and hope. Your dedication to empowering our farmers and partners truly makes a difference, and it does not go unnoticed.

May this new year of your life be filled with good health, personal fulfillment, continued success, and moments of well deserved celebration.

With our sincere appreciation and warm birthday wishes,
Your F2C2 Family 💚🌾

02/02/2026

Mas Pinalalakas ang Ugnayan para sa Livestock Clusters ng CALABARZON 🐃🤝

Isinagawa noong January 29, 2026 ang isang matagumpay na coordination meeting ng Farm and Fisheries Clustering and Consolidation (F2C2) Program kasama ang Philippine Carabao Center (PCC)–UPLB, sa UPLB Los Baños, Laguna. Katuwang din sa pagpupulong ang Livestock Banner Program, CSO Team, mga Provincial Veterinarian Offices ng CALABARZON, pati ang mga officers ng piling livestock clusters sa rehiyon.

Kabilang sa mga dumalo ang Rosario Livestock and Agriculture Farming Cooperative ng Rosario, Batangas, General Trias Dairy Multi-Purpose Cooperative ng General Trias, Cavite, at Llano Farmers Multi-Purpose Cooperative ng Jala-Jala, Rizal.

Sa meeting na ito, muling tinalakay ang F2C2 Program Guidelines upang mas malinaw na maunawaan ng lahat kung ano ang programa at paano ito makakatulong sa pagpapalakas ng mga cluster. Ipinresenta rin ng mga samahan ang kani-kanilang Cluster Development Plans (CDPs) upang makita ng PCC, Livestock Banner Program, CSO Team, at mga Provincial Veterinarians ang direksyon, pangangailangan, at mga planong negosyo o enterprise ng bawat cluster.

Naging mahalagang espasyo rin ang pagpupulong para sa bukas na talakayan at mas maayos na koordinasyon ng bawat ahensya at samahan, na layong mapalakas ang implementasyon ng programa at masigurong angkop at napapanahon ang mga suportang maibibigay sa mga magsasaka at livestock raisers.

Sa pamamagitan ng ganitong sama-samang pagkilos, mas napapalapit ang mga cluster sa mas organisado, mas matibay, at mas sustenableng agribusiness sa CALABARZON. 💪🌾

31/01/2026

Sama-samang hakbang para sa mas matibay na merkado at mas maayos na produksyon 🍅🥬

Matagumpay na naisagawa ng Farm and Fisheries Clustering and Consolidation (F2C2) Program ang Follow-up Meeting kaugnay ng AECA Intervention kasama ang Brgy. Abo Vegetable Growers Association at Brgy. Malinao Sikap Kaunlaran Association, sa pakikipagtulungan ng Municipal Agriculture Office ng Nagcarlan, Laguna. Nakiisa rin sina Mr. Dom Adie P. Miñebe ng ASHI at Ms. Naneth G. Sandoval ng AGAP Luzon bilang mga market partners na magbibigay ng suporta sa pagpapaunlad ng mga asosasyon.

Layunin ng pagpupulong na suriin ang kasalukuyang progreso ng produksyon ng kamatis at repolyo, tukuyin ang mga kakulangan at hamong operasyonal, at mangalap ng updated na cluster-level data. Bilang kinalabasan, na-profile ang mga committed farmers ng Brgy. Malinao Sikap Kaunlaran Association, natukoy ang harvest dates ng mga uri ng kamatis na D-max, Jewel, at Scarlette para sa test marketing na isusumite sa ASHI, at napagkasunduang magsagawa ng market interview at maghanap ng karagdagang merkado para sa mga cluster.

Ang susunod na pagpupulong ay itinakda sa buwan ng Marso.🌱🤝

30/01/2026

Mas pinagtibay ang ugnayan para sa mas organisado at inklusibong sektor ng pangisdaan 🐟🌊

Isinagawa ang Coordination Meeting noong Enero 26, 2026 sa Los Baños, Laguna, sa pakikipagtulungan ng BFAR Region IV-A, DA RFO IV-A F2C2 Technical Team, at PAFES, upang talakayin ang iba’t ibang aspeto ng pangisdaan sa rehiyon.

Kasama sa agenda ang tamang proseso ng fisherfolk clustering, status ng BFAR IV-A regional clustering guidelines, mga oportunidad sa kolaborasyon sa pagitan ng BFAR IV-A at DA RFO IV-A, at mga kinakailangang aksyon kaugnay ng implementasyon ng PAFES.

Sa talakayan, napagkasunduan ang pagtatapos ng regional clustering guidelines, pagsusuri ng posibleng clusters tulad ng seaweed at clay fish, pagpapalakas ng Value Chain Analysis (VCA) sa fisheries sa tulong ng DA RFO IV-A, at proseso ng CSO accreditation para sa mga aspiring clusters. Napag-usapan din ang pagtatalaga ng permanent at alternate representatives ng BFAR para sa Special Order ng RCTWG, at ang koordinasyon ng F2C2 sa FDC para sa seaweed product development.

Ang pagpupulong ay naglatag ng malinaw na hakbang upang mas mapabuti ang implementasyon ng programa, palakasin ang kolaborasyon, at lumikha ng mas maraming oportunidad para sa mga mangingisda sa rehiyon. 🤝🌱

DA Calabarzon F2C2

09/03/2026

24/02/2026

23/02/2026

17/02/2026

11/02/2026

11/02/2026

06/02/2026

04/02/2026

02/02/2026

31/01/2026

30/01/2026

Address

Website

Alerts

Shortcuts

Share

Category