12/08/2026
🌡️ HEAT INDEX ADVISORY
Ang Municipal Disaster Risk Reduction and Management Office (MDRRMO) nag-awhag sa tanang residente nga mag-amping batok sa taas nga Heat Index, ilabina panahon sa init ug humid nga kahimtang.
Ang taas nga Heat Index mahimong hinungdan sa heat cramps, heat exhaustion, heat stroke, dehydration, ug uban pang heat-related illnesses.
⚠️ MGA PRECAUTIONARY MEASURES:
• Likayi ang dugay nga pag-expose sa direktang init sa adlaw, ilabina gikan alas 10:00 sa buntag hangtod alas 4:00 sa hapon.
• Siguroa ang kanunay nga pag-inom og igo nga tubig bisan wala pa mobati og kauhaw.
• Likayi ang sobra nga pag-inom og softdrinks, kape, ug alkoholikong ilimnon panahon sa grabe nga kainit.
• Pagsul-ob og gaan, luag ug hayag nga kolor nga sinina. Gamit og payong, sombrero o cap kung mogawas.
• Kung mahimo, ipahigayon ang outdoor activities sa sayo sa buntag o sa ulahing bahin sa hapon kung mas ubos na ang kainit.
• Pagpahulay kanunay sa landong o bugnaw ug maayo ang bentilasyon nga lugar.
• Ayaw pasagdi ang mga bata, tigulang, ug mga tawo nga dali maapektuhan sa kainit sa init nga lugar sulod sa dugay nga panahon.
• Bantayi ang mga kauban sa trabaho, mga estudyante, atleta, ug mga nagtrabaho sa gawas nga kanunay ma-expose sa adlaw.
🚨 MGA TIMAILHAN SA HEAT EXHAUSTION:
Pagsuka o kasukaon, grabeng pagpasingot, kalipong, kahuyang, sakit sa ulo, muscle cramps, ug sobra nga kauhaw.
🚨 MGA TIMAILHAN SA HEAT STROKE:
Sobra ka-init nga lawas, kalibog o dili normal nga pamatasan, pagkahimatay, seizure, ug pagkawala sa panimuot. Kini usa ka medical emergency.
Kung adunay makita nga tawo nga adunay sintomas sa heat exhaustion o heat stroke, dad-a dayon siya sa bugnaw ug landong nga lugar, pabugnawa ang lawas, ug pangayo dayon og medikal nga tabang.
📢 Padayon nga pag-monitor sa opisyal nga weather ug Heat Index updates ug sundon ang mga pahimangno sa lokal nga awtoridad.
Panalipdi ang kaugalingon ug ang pamilya batok sa grabeng kainit.
