04/05/2025
Ang Congressman Ko!✌️🙏❤️
Hindi ko malilimutan ang araw na ito.
Kanina, habang kasabay kong nakisaya sa motorcade sa Lingayen kasama ang Team CGCC at 5K, ramdam ko ang init ng inyong suporta—kahit pa binabayo tayo ng ulan. Habang bumabagtas ang aming sasakyan, nakita ko ang mga ngiti, ang mga luhang may halong tuwa, at ang di matatawarang sigaw ng suporta mula sa bawat sulok ng kalsada.
Pero ang isa sa mga pinakatumimo sa puso ko—mga amang lumapit sa aking sasakyan, magkakasamang hawak ang aking banner. Ramdam na ramdam ko ang bigat at lalim ng mensaheng dala nila.
Karaniwan sa mga kampanya, kababaihan ang maingay na sumusuporta—sila ang palaging nasa unahan, sila ang palaging lumalaban. Kaya’t sa tagpong iyon, napaisip ako: “Siguro, may tama akong nagawa.” Dahil hindi basta-basta gagalaw ang isang ama para sa pulitika—lalabas lang ’yan kapag naramdaman niyang may tunay na malasakit para sa kanyang pamilya.
Pangako ko sa inyo: Habang ako’y pinagkakatiwalaan ninyong maglingkod, gagawin ko ang lahat ng aking makakaya upang matulungan ang bawat pamilya sa Distrito Dos. Hindi ako perpekto, pero puso at paninindigan ang aking puhunan.
Maraming salamat sa ating mga haligi ng tahanan sa walang kapagurang pagtaguyod sa inyong mga pamilya. Mula sa haligi ng Distrito Dos.
