Libona Municipal Government

07/09/2026

𝗛𝗜𝗚𝗛𝗟𝗜𝗚𝗛𝗧 𝗣𝗛𝗢𝗧𝗢𝗦 | Aktibong nakiglambigit ang tanang Kawani sa Lokal nga Pangagamhanan sa Libona sa usa ka Zumba activity atol sa Convocation Program nga gipahigayon adlawng lunes, Septembre 7 tuig 2026.

Ang maong kalihokan gipangunahan sa Human Resource Management Office (HRMO) ubos sa pagpanguna ni Human Resource Management Officer Ms. Jasmin Yecyec isip opisyal nga opening program alang sa pagsaulog sa 126th Civil Service Month, nga ginasaulog matag tuig sulod sa bulan sa Setyembre.

Pinaagi sa maong aktibidad, gipasiugda ang kahimsog ug kalig-on sa mga empleyado sa gobyerno isip kabahin sa pagpalambo sa ilang kaayohan samtang nagpadayon sa paghatag og episyente ug kalidad nga serbisyo publiko.

Sa iyang mensahe, gidayeg ni Municipal Mayor Hon. Aurelio B. Lopez ang tanang empleyado sa lungsod tungod sa ilang dedikasyon ug padayon nga paghatag og kalidad nga serbisyo alang sa katawhan sa Libona. Gi-awhag usab niya ang matag usa nga ipadayon ang maayong mga binuhatan ug magpabiling matinud-anon sa ilang katungdanan isip mga alagad sa publiko.

Miatubang usab sa programa si Municipal Councilor ug Committee Chair sa Good Governance ug Civil Service Hon. Vlademir P. Gallego, diin iyang gipahinumduman ang mga empleyado nga ang tinuod nga kahulugan sa serbisyong publiko wala magtuyok sa pagdawat og pagdayeg o pag-ila, kondili sa matinud-anong pag-alagad ug paghatag sa labing maayong serbisyo alang sa katawhan.

Ang pagsaulog sa 126th Civil Service Month nagpadayon isip usa ka pahinumdom sa tanang kawani sa gobyerno sa importansya sa integridad, propesyonalismo, ug dedikasyon sa ilang pagserbisyo sa publiko.

07/09/2026

𝗜𝗡 𝗣𝗛𝗢𝗧𝗢𝗦 | Bisan sa ilang busy nga iskedyul ug mga buluhaton sa tunghaan, wala mapugngi ang mga estudyante sa Kinawe National High School sa pag-apil sa Anti-Drug Symposium ug IEC Advocacy Program aron makadawat og dugang kahibalo bahin sa paglikay ug pagbatok sa iligal nga droga.

Ang maong kalihokan gipahigayon sulod sa eskwelahan niadtong Septembre 2 tuig 2026 ug giorganisa ni ADAC Focal Person Mr. David Keith Becoy ubos sa pagdumala sa opisina ni Municipal Mayor Hon. Aurelio B. Lopez.

Gitambongan kini sa gatusan ka mga estudyante nga miyembro sa nagkalain-laing organisasyon sa tunghaan nga aktibong mipaminaw ug miapil sa mga diskusyon nga nagtumong sa pagpalig-on sa kahibalo sa kabatan-onan batok sa paggamit sa iligal nga droga.

Sa iyang mensahe, gipasiugda ni Dr. Jed Humaynon, PhD, principal sa Kinawe National High School, nga ang maong kalihokan usa ka lig-on nga timailhan nga seryoso ang gobyerno sa kampanya alang sa pagpukan sa paggamit sa iligal nga droga ug sa pagpanalipod sa kaugmaon sa kabatan-onan.

Usa sa mga resource speakers si IA Daisy Irish Daig sa Philippine Drug Enforcement Agency (PDEA) Region X nga naghatag og kahibalo mahitungod sa Drug Prevention, Republic Act No. 9165 o ang Comprehensive Dangerous Drugs Act of 2002, ug sa importante nga papel sa kabatan-onan sa pagtabang sa kampanya batok sa iligal nga droga.

Samtang, gihisgutan ni Ms. Jhaella Marie C. Pague-Yancha, PhRN, USRN, CNN ang mga negatibong epekto sa paggamit sa iligal nga droga sa panglawas ug ang importansya sa paghimo og himsog nga mga pagpili sa adlaw-adlaw nga kinabuhi aron malikayan ang pagkalambigit sa bisyo.

Ang pagbatok sa iligal nga droga nagpabiling usa ka seryosong hagit sa katilingban. Busa, nagtuo ang Municipal Anti-Drug Abuse Council (MADAC) nga ang kabatan-onan adunay dakong papel sa pagpugong sa pagkuyanap niini pinaagi sa pagpalambo sa disiplina, responsibilidad, ug pagpakigbahin sa mga programa nga nagpalig-on sa maayong kinaiya ug pagkamahigugmaon sa komunidad.

Ubos sa liderato ni Municipal Mayor Hon. Aurelio B. Lopez, kauban si Vice Mayor Noel “Tawing” B. Woo ug ang mga miyembro sa Sangguniang Bayan, padayon nga gipakusgan sa MADAC ang mga programa ug adbokasiya nga nagpunting sa kabatan-onan isip usa sa labing kusgan nga kaabag sa pagmugna og luwas, malinawon, ug drug-free nga komunidad sa Libona.

03/09/2026

𝗖𝗔𝗟𝗟 𝗙𝗢𝗥 𝗦𝗨𝗕𝗠𝗜𝗦𝗦𝗜𝗢𝗡 𝗙𝗢𝗥 𝗟𝗔𝗧𝗜𝗡 𝗛𝗢𝗡𝗢𝗥𝗦, 𝗕𝗢𝗔𝗥𝗗 𝗔𝗡𝗗 𝗕𝗔𝗥 𝗣𝗔𝗦𝗦𝗘𝗥𝗦

Adunay maayong balita ang gusto namong ipaabot kaninyo!

Pwede na makapasa ug rekisitos ang mga ni gradwar nga adunay Latin Honor Distinction o Board Passers alang sa tuig 2026 isip pasidungog sa lungsod sa dedikasyon ug talento sa matag estudyante pinasubay sa Ordinance No. 23-105.

Pwedeng mo base sa mga rekisitos nga nalakip niining mga post. Kung adunay pangutana, mamahimong mopadala ug mensahe sa atong official page o mobisita sa Community Affairs Unit sa Lungsod ug pangitaa si 𝗠𝘀. 𝗖𝗹𝗲𝘇𝗶𝗲𝗹 𝗧𝗮𝗯𝗮𝘀𝗮𝗻 ug tawag sa numerong 𝟬𝟵𝟬𝟲-𝟱𝟬𝟲-𝟳𝟱𝟳𝟱.

Ang deadline sa pagpasa sa mga rekisitos karong umaabot Setyembre 14 tuig 2026.

02/09/2026

02/09/2026

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘 | 𝐎𝐧 𝐇𝐚𝐳𝐞 𝐚𝐟𝐟𝐞𝐜𝐭𝐢𝐧𝐠 𝐍𝐨𝐫𝐭𝐡𝐞𝐫𝐧 𝐌𝐢𝐧𝐝𝐚𝐧𝐚𝐨

The Department of Health – Center for Health Development Northern Mindanao (DOH CHD-NM) advises the public to take precautionary measures as haze is currently being monitored in parts of Northern Mindanao.

According to the latest air quality update from the Department of Environment and Natural Resources – Environmental Management Bureau (DENR-EMB) Northern Mindanao, the observed haze is associated with transboundary smoke from forest and land fires in Kalimantan, Indonesia, which may be carried into the Philippines by the southwest monsoon (habagat).

Based on the latest monitoring, the Cagayan de Oro City and Tagoloan stations recorded air quality ranging from Fair to Unhealthy for Sensitive Groups, while the Iligan City station recorded elevated air quality levels.

The public is encouraged to limit prolonged outdoor activities when haze levels are elevated, stay hydrated, and use appropriate protective measures when going outdoors. Individuals who experience difficulty breathing, persistent coughing, eye irritation, or other concerning symptoms should seek appropriate medical attention.

DOH CHD-NM reminds the public, especially public utility drivers, delivery riders, street vendors, field workers, and other individuals who spend extended periods outdoors, to follow recommended health precautions during haze episodes.

Stay informed, follow official health and air quality advisories, and always make your health and safety a priority.

02/09/2026

𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬

Scheduled Power Interruption karong umaabot Setyembre 4 tuig 2026. Ang apektado nga Barangay mao ang Barangay Gango.

Palihog base sa impormasyon nga nalakip niining post.

01/09/2026

𝗛𝗜𝗚𝗛𝗟𝗜𝗚𝗛𝗧 𝗣𝗛𝗢𝗧𝗢𝗦 | Gipangulohan nila Municipal Mayor Hon. Aurelio B. Lopez ug Municipal Vice Mayor Noel “Tawing” B. Woo ang delegasyon sa Lokal nga Pangagamhanan sa Libona atol sa programa alang sa ika-112th Araw ng Bukidnon, nga gipahigayon Setyembre 1 tuig 2026.

Kauban sa delegasyon ang mga kawani sa lokal nga pangagamhanan, lakip ang pipila ka mga department heads ug Unit In-Charge nga mitambong aron ipakita ang panaghiusa ug suporta sa lungsod alang sa maong pagsaulog.

Gitambongan usab ang kalihokan sa nagkalain-laing lungsod ug siyudad sa Bukidnon, mga representante sa nagkalain-laing national government agencies, ug uban pang stakeholders.

Isip amahan sa Probinsya, naghatag og makahuluganon nga mensahe si Governor Rogelio Neil P. Roque, diin iyang gipasiugda ang panaghiusa, pagtinabangay, ug padayon nga pag-asenso sa Bukidnon.

Pinaagi sa maong pag-apil, gipakita sa LGU Libona ang padayon nga suporta niini sa mga kalihokan nga nagpalig-on sa panaghiusa sa mga lokal nga pangagamhanan ug katawhan sa tibuok Bukidnon.

31/08/2026

Ang Lungsod sa Libona mainitong nakigduyog sa Probinsyal nga Pangagamhanan sa pagsaulog sa ika-112 nga Founding Anniversary sa Probinsya sa Bukidnon.

Panghinaot sa Lokal nga Pangagamhanan sa Libona, ubos sa pagpanguna ni Municipal Mayor Hon. Aurelio B. Lopez, uban ni Municipal Vice Mayor Hon. Noel “Tawing” B. Woo ug mga Miyembro sa Sangguniang Bayan, nga magpadayon ang panaghiusa sa matag lungsod aron mas mahatagan ug asenso ang kinabuhi ug kaugmaon sa matag lumulupyo sa atong probinsya.

Malipayon nga 112nd Founding Anniversary, Bukidnon!

30/08/2026

𝗡𝗔𝗧𝗜𝗢𝗡𝗔𝗟 𝗛𝗘𝗥𝗢𝗘𝗦 𝗗𝗔𝗬 𝟮𝟬𝟮𝟲

Karong National Heroes Day, atong gihinumduman ang mga mitindog ug misakripisyo alang sa kagawasan, kalinaw, ug kaugmaon sa atong nasud.

Ang Lokal nga Pangagamhanan sa Libona, nga gipangulohan ni Municipal Mayor Hon. Aurelio B. Lopez, uban ni Municipal Vice Mayor Hon. Noel “Tawing” B. Woo, kauban ang mga Sangguniang Bayan Members, nag-awhag sa tanang katawhan sa lungsod nga dili lamang hinumdoman ang ilang mga sakripisyo, kondili ipadayon usab ang ilang mga mithi pinaagi sa pagserbisyo ug paghigugma sa Lungsod.

Atong pasalamatan ug hinumdoman ang ilang kaisog ug sakripisyo, ingon man ang mga ordinaryong Pilipino nga nagpadayon sa paghimo og kaayohan alang sa uban.

28/08/2026

𝗟𝗚𝗨 𝗟𝗜𝗕𝗢𝗡𝗔 𝗡𝗔𝗚𝗣𝗔𝗔𝗕𝗢𝗧 𝗢𝗚 ₱𝟭𝟬𝟬,𝟬𝟬𝟬 𝗡𝗚𝗔 𝗧𝗔𝗕𝗔𝗡𝗚 𝗦𝗔 𝗠𝗔𝗟𝗔𝗣𝗔𝗧𝗔𝗡, 𝗦𝗔𝗥𝗔𝗡𝗚𝗔𝗡𝗜

Nagpaabot og ₱100,000 nga donasyon ang Lokal nga Pangagamhanan sa Libona ngadto sa Lungsod sa Malapatan, Sarangani, alang sa mga pamilya nga grabeng naapektuhan sa milabay na Linog.

Ubos sa pagpangulo ni Mayor Aurelio B. Lopez, ang donasyon personal nga gitunol ni Vice Mayor Noel “Tawing” B. Woo ngadto kang Municipal Mayor Salway Dante Sumbo Jr., MMPA, karong adlawa Agosto 28 tuig 2026.

Ang maong tabang gitumong alang sa mga materyales ug uban pang pangunang panginahanglan sa mga apektadong pamilya, aron makatabang sa ilang pagbangon ug pagpadayon sa ilang adlaw-adlaw nga panginabuhi human sa kalamidad.

Para sa Lokal nga Pangagamhanan sa Libona, ang paghatag og tabang sa panahon sa kalisod usa ka paagi sa pagpakita sa pagpakabana ug pagtinabangay sa matag lungsod. Bisan pa nga padayon ang Lokal nga Pangagamhanan sa pag-atiman sa mga panginahanglanon sa katawhan, nakahimo usab kini sa pagpaabot og suporta sa Malapatan sa ilang panahon sa dakong panginahanglan.

Usa ka gamay nga tabang gikan sa Libona, alang sa mas dako nga paglaom sa Malapatan, Sarangani.

Naghinaut ang Lungsod nga makatabang ang maong donasyon sa padayon nga pagbangon sa katawhan sa Munisipyo sa Malapatan, ug magsilbing pahinumdom nga sa panahon sa kalamidad, dili kinahanglan nga magkaila ta o magkaduol aron makatabang sa matag-usa.