Aurelio “Bobot” Lopez

13/05/2026

𝗧𝗔𝗡-𝗔𝗪𝗔 | Mapasalamaton ko sa pagbisita kagahapong adlawa sa mga opisyales sa CSC Regional Office X nga gipangulohan ni Regional Director Noemi Rabe-Torres uban ni Assistant Regional Director Atty. Cosette Maglasang-Mundo, mga division chiefs, ug provincial directors atol sa ilang courtesy visit dinhi sa Lungsod sa Libona.

Nahimong maayong higayon ang among panagtagbo aron mahisgutan ang padayon nga pagpalig-on sa koordinasyon tali sa Civil Service Commission ug LGU Libona, ilabi na sa mga programa ug inisyatiba nga nagtutok sa maayong pagdumala, episyenteng serbisyo publiko, ug professional development sa atong mga kawani sa gobyerno.

Kauban nakong midawat sa atong mga bisita sila Vice Mayor Noel Tawing Woo, HRMO Head Jasmine L. Yecyec, SB Secretary Irene E. Becoy, ug ang mga kawani sa HRMO nga maoy nanguna sa pagpangandam ug koordinasyon sa maong pagbisita.

Padayon kitang magtinabangay alang sa serbisyo nga adunay integridad, responsibilidad, ug tinuod nga Asenso para sa katawhan sa Libona.

13/05/2026

13/05/2026

𝗣𝗔𝗦𝗜𝗗𝗨𝗡𝗚𝗢𝗚 𝗔𝗟𝗔𝗡𝗚 𝗦𝗔 𝗠𝗚𝗔 𝗠𝗔𝗡𝗔𝗡𝗔𝗨𝗚 𝗦𝗔 𝗡𝗠𝗥𝗔𝗔 𝟮𝟬𝟮𝟲

Malipayon ko nga mahimong kabahin sa pagpasidungog sa atong 23 ka student-athletes gikan sa nagkalain-laing eskwelahan sa Libona nga nagdala og dungog sa atong lungsod sa Northern Mindanao Regional Athletic Association (NMRAA) 2026 nga gipahigayon sa Malaybalay City, Bukidnon.

Kauban si Vice Mayor Noel Tawing Woo ug ang mga miyembro sa Sangguniang Bayan, atong giila ang ilang dedikasyon ug paningkamot pinaagi sa paghatag og cash incentives nga nagkantidad og ₱5,000 alang sa mga nakakuha og Gold ug ₱3,000 alang sa mga nakadaog og Silver. Gihatagan usab sila og bag-ong sapatos ug jersey isip dugang suporta sa ilang pagpangandam alang sa umaabot nga Palarong Pambansa 2026 sa Agusan del Sur.

Dako usab akong pasalamat sa atong Sangguniang Bayan nga padayon nga nagduso ug nagsuporta sa mga programa alang sa sports development ug kabatan-onan. Pinaagi sa hiniusang paningkamot, padayon natong ginapalig-on ang suporta sa mga kabatan-onan isip kabahin sa atong tumong alang sa padayon nga pag asenso sa Libona.

Garbo sa Libona. Garbo sa Bukidnon. Garbo sa Rehiyon Diyes.

12/05/2026

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬, 𝗖𝗢𝗡𝗚. 𝗝𝗢𝗘𝗠𝗔𝗡 𝗔𝗟𝗕𝗔! 🎉

Among ginapaabot ang among mainitong pagbati sa imong adlawng natawhan. Ang imong dedikasyon, integridad, ug tinuoray nga pag-alagad sa katawhan naghatag ug inspirasyon sa tibuok katawhan sa Unang Distrito sa Bukidnon, ilabi na dinhi sa among lungsod sa Libona.

Ang among panghinaut mao ang usa ka tuig nga puno sa kalipay, maayong panglawas, dugang kaalam, ug daghang grasya aron magpadayon ang imong maayong pagdumala ug tinguha para sa usa ka asensadong komunidad.

Daghang salamat, Cong. Joeman Alba, sa imong matinud-anon ug walay kapoy nga pagserbisyo alang sa katawhan sa Unang Distrito ug sa imong suporta sa among adbokasiya nga “Sa Libona, Katawhan Una.”

Once again, Happy Birthday, Cong. Joeman!

11/05/2026

𝗔𝗪𝗔𝗥𝗗𝗜𝗡𝗚 𝗢𝗙 𝗡𝗢𝗧𝗜𝗖𝗘 𝗢𝗙 𝗖𝗢𝗠𝗣𝗟𝗜𝗔𝗡𝗖𝗘

Mapasalamaton kita sa LTFRB Region 10 sa paghatag sa Notice of Compliance ngadto sa Lungsod sa Libona karong Mayo 11, 2026 nga gipahigayon sa Municipal Conference Room, Executive Building.

Dako kini nga butang alang sa atong lokal nga pangagamhanan tungod kay nagpasabot kini sa padayon natong paningkamot nga mapalig-on ang organisado, luwas, ug responsableng sistema sa transportasyon alang sa katawhan sa Libona.

Nagpasalamat usab ko kang Regional Director Alexes Joseph R. Bendijo sa LTFRB Region 10, kang Vice Mayor Noel Tawing Woo, sa mga miyembro sa Sangguniang Bayan, department heads, ug tanang naningkamot aron mahimong posible ang maong kalihokan.

Padayon kitang magtinabangay uban sa atong partner agencies aron mas mapadayon ang Asenso nga gusto natong mabati sa matag katawhan sa Libona pinaagi sa serbisyo publiko.

05/05/2026

Gidawat nato sa atong opisina ang courtesy visit ni Senior Parole and Probation Officer Dimple R. Ventic uban ang iyang staff gikan sa Bukidnon Parole and Probation Office No. 1.

Atol sa atong panag-estorya, atong gihisgutan ang pagpalig-on sa koordinasyon tali sa lokal nga panggamhanan ug sa Parole and Probation Office, ilabi na sa mga programa alang sa rehabilitasyon ug reintegrasyon sa atong mga kaigsuonan sa komunidad. Ilang gipresentar usab ang ilang accomplishment report nga nagpakita sa ilang padayon nga serbisyo.

Magpadayon kita sa pagtinabangay aron masiguro nga walay mabiyaan, ug ang matag usa adunay kahigayunan sa bag-ong sugod. Para sa padayon nga pag asenso sa Libona.

📅 May 5, 2026

04/05/2026

Congratulations, LGU Libona!

Karong buntag, mibisita ang LGU Libona Rodeo Team sa opisina ni Mayor Aurelio Lopez aron sa paghatag sa dungog nga nakab-ot sa grupo sa bag-ohay nga gipahigayon nga Rodeo Masbateño 2026.

Gi proklamar isip Overall First Runner-Up ang grupo human mihakot ug mga pasidungog sa nagkalain-laing dula.

Garbo sa Lungsod. garbo sa Probinsya! 💚

27/04/2026

𝗕𝗘𝗡𝗧𝗘𝗡𝗚 𝗕𝗜𝗚𝗔𝗦 𝗣𝗥𝗢𝗚𝗥𝗔𝗠

Pinaagi sa Benteng Bigas Program nga inisyatiba sa Nasyonal nga Pangagamhanan, ang Lokal nga Pangagamhanan sa Libona magpahigayon sa unang batch sa distribusyon sa maong programa karong Abril 29–30 tuig 2026.

𝗨𝗻𝗮𝗻𝗴 𝗔𝗱𝗹𝗮𝘄 (𝗔𝗯𝗿𝗶𝗹 𝟮𝟵, 𝟮𝟬𝟮𝟲)

Ang priority niini mao ang 𝗣𝗲𝗿𝘀𝗼𝗻𝘀 𝘄𝗶𝘁𝗵 𝗗𝗶𝘀𝗮𝗯𝗶𝗹𝗶𝘁𝘆 (𝗣𝗪𝗗) nga mga residente sa Lungsod sa Libona.

Mga kinahanglanon:
1. Valid PWD ID nga gi-isyu sa PDAO o MSWDO

𝗜𝗸𝗮𝗱𝘂𝗵𝗮𝗻𝗴 𝗔𝗱𝗹𝗮𝘄 (𝗔𝗯𝗿𝗶𝗹 𝟯𝟬, 𝟮𝟬𝟮𝟲)

Abri sa tanang kwalipikadong sektor nga nalakip niining maong post. Nakalakip usab ang mga rekisitos nga pagadal-on.

(𝗙𝗶𝗿𝘀𝘁 𝗖𝗼𝗺𝗲, 𝗙𝗶𝗿𝘀𝘁 𝗦𝗲𝗿𝘃𝗲)

1. Senior Citizens
2. Solo Parent
3. Indigent Households (Including 4Ps Beneficiaries)
4. All Farmers and Farm Workers
5. Fisherfolks
6. Jeepney Drivers/Multicab Drivers
7. Tricycle Drivers/Motorcycle Drivers
8. Minimum Wage Earners
9. DepEd Teachers and Non-Teaching Personnel
10. Public Utility Bus Drivers

Ang tanang benepisyaryo lakip na ang mga kinahanglanon nga dokumento base sa direktiba sa Nasyonal nga Pangagamhanan ug istriktong ipatuman sa Lungsod sa Libona aron masiguro ang hapsay, patas, ug organisado nga implementasyon sa maong programa.

Ang matag benepisyaryo makapalit lamang sa labing-taas 𝗻𝗮𝗽𝘂𝗹𝗼 (𝟭𝟬) 𝗸𝗮 𝗸𝗶𝗹𝗼 matag usa nga adunay 𝗸𝗮𝗻𝘁𝗶𝗱𝗮𝗱 𝗻𝗴𝗮 𝗣𝟮𝟬𝟬. Gihangyo ang tanan sa pagdala ug insakto lamang nga kantidad alang sa paspas nga paghatag sa bugas.

Gipasabot sa Crisis Management Team, nga maoy nag-facilitate sa maong programa sa atong lungsod, nga kini nga inisyatiba gilauman nga mudagan sulod sa tulo (3) ka bulan aron ma-accommodate ug mahatagan ang tanang priority sectors sa lungsod.

Daghang salamat sa inyong pagsabot ug kooperasyon.

22/04/2026

Karong adlawa, mibisita si Cong. Joeman Alba sa opisina ni Mayor Aurelio B. Lopez uban si Acting Municipal Mayor Noel “Tawing” Woo aron hisgutan ang dugang programa ug proyekto alang sa kaayuhan sa Lungsod.

Mangape ta?