LGU LIBJO Municipal Agriculture Office

04/08/2025

August 4, 2025

Ang opisina sa Municipal Agriculturist nga gipangunahan ni Mr. LOPE C LOVERIO kauban si Mr. Raffy Coles - Livestock Coordinator nakigcoordinate sa mga Brgy. Officials sa 2 ka Brgy. sakop ning Lungsod sa Libjo ang Barangay Rosita ug Brgy. Llamera para sa Implementation sa Zero Astray Dog Barangay Program.

Ang Zero Astray Dog Barangay Program o Wala Nay Iro nga Binuhian nga Maglakawlakaw sa Kalsada usa ka programa nga inisyatibo sa opisina sa atong Municipal Mayor Hon. Melody Llamera Compasivo ug opisina sa Municipal Agriculture Office ug sa pakigtambayayong sa mga opisyales sa barangay arun wala nay maglatagaw nga iro sa kadalanan, responsable nga pagpamuhi, malikayan ang pagtakboy sa sakit nga Rabies ug labaw sa tanan malikayan ang aksidente sa atong mga motorista.

Target sa maong programa nga pag-abot sa Desyembre 2025 mapatuman na ang tanan.

Libjo soon to be the Zero Astray Dog Municipality

18/03/2025

04/03/2025

February 28, 2025

Mibisita ang mga personahe sa National Meat Inspection Service o NMIS CARAGA 13 kauban usab ang mga personahe sa buhatan sa Provincial Veterinary Office PDI arun sa pagsuta sa dagan sa paghimo sa Municipal Slaughterhouse sa Lungsod sa Libjo kung nasunod ba ang mga National Standards para sa maong establesemiento.

Girequest mismo sa buhatan sa atong Mayor sa Libjo Hon. Melody Llamera Compasivo ang maong mga personahe arun madali ang pagpaacredit sa maong Slaughterhouse sa taga NMIS sa panahon nga mahuman na ang maong building.

Hinumduman nga ang maong Slaughterhouse gipatukod sa Lungsod sa LIBJO pinaagi sa kaugalingong pundo ug sa hugot nga suporta sa atong former Mayor Atty. Lamberto T. Llamera, Jr. ug Incumbent Mayor Hon. Melody Llamera Compasivo aron mapatuman ang mas liempyo nga mga karne nga madisplay diha sa atong Merkado ug luwas nga makaon sa atong mga konsumante.

"AA" Accreditation ang tumong sa atong Lungsod aron makabaligya kita ug karne dili lang sa atong Lungsod kundili pwd na kita makabaligya bisan asa mga Lugar sa Pilipinas.

Ug gawas niana aduna na usab kitay nakaready nga pundo para sa pampalit ug Brand New nga Refregirated Van nga suporta usab gikan sa DA CARAGA ug adunay counterpart ang LGU. Mabuhay ang Libjoanon!

29/01/2025

January 29, 2025. Karun nga adlaw!

Nagmalampuson nga Giblessingan ug gitunol ang Poultry Layer Project - Complete Package( Manok, Bahug, kulongan ug balay sa Manok) ngadto sa Empowered Women's of Barangay Quezon Association sakop ning Lungsod sa Libjo.

Dako kaayong kalipay sa mga miembro niini tugod Kay dako nausab kining tabang sa ilang panginabuhian.

Ang maong project gitunol ni Mayor Melody Llamera Compasivo gikan usab sa pundo sa iyang Opisina under GAD Program isip Livelihood Support sa mga kababaihan.

Didto usab ang presensya sa mga SB members, Barangay officials ug MAO personnel.

24/01/2025

Karun nga adlaw January 25, 2025

Nagsugod na ug harvest sa ilang binuhi nga BANGUS ang Asosasyon sa mga Mag-uuma ug Mananagat sa Sitio Katipunan, San Antonio sakop ning atong Lungsod sa Libjo ug sila rapud mismo ang nagbaligya niini.

Ang maong Bangus Project hiniusang gisuportahan sa DA-BFAR ug LGU Libjo nga gipanguluhan sa atong maabtik nga Mayor Hon. Melody Llamera Compasivo.

Unsa pay inyong gihulatan? Hala palit nata!!
Retail price @ 190 per kilo
Wholesale price magsabot lang mo nila.
PWD Ramo diri moorder ug naa pud sila ugma magdisplay sa TABUAN Navarro Gym.

Daghang Salamat nga KaBANGUS!

28/11/2024

November 27, 2024

Kagahapong adlawa.

Nagmalampuson na usab ang pag-pang-apud apud ug binhi sa humay ngadto sa mga mag-uuma sa Barangay Llamera ug Barangay Rosita dinhi ning Lungsod sa Libjo. Ug pormal usab nga gitunol sa atong maabtik nga Mayor Hon. Melody Llamera Compasivo kauban ang mga Sanguniang Bayan members ug taga Municipal Agriculture Office ang Piggery Livelihood Project sa Sitio General McArthur, Barangay Rosita.

Dako ang pagpasalamat sa mga mag-uuma ngadto sa kang Mayor Melody kay gihatud gyud mismo sa ilang barangay ang mga binhi sa humay ug dili na sila mamasahe pa padulong sa Lungsod Arun sa pagkuha.

Ug dako usab ang pasalamat sa mga miembro sa Philippine International Democratic Benevolent Missionaries Association Inc. sa Barangay Rosita diin dako na kining tabang sa ilang panginabuhian.

04/10/2024

October 1, 2024

Ang lungsod sa Libjo nakadawat sa ikaduhang ganti (2nd Placer) sa bag-o lang nahuman nga Provincial Agri-Fishery and Tourism Trade Fair.

Mapasalamaton ug dako ang buhatan sa Municipal Agriculture Office sa Libjo sa way puas nga pagsuporta sa atong maabtik nga Mayor Hon. Melody Llamera Compasivo, mga mga kauban sa LGU ug ilabina gayud ang mag-uuma ug mananagat nga permi daghan ug abot sa ilang kaumahan arun madisplay ug mabaligya panahon sa Contest.

Ubay-ubay na ang naangkon mga kadaugan sa Lungsod sa Libjo sulod sa 8 ka tuig. Kaunom nga nachampion ug kaduha pud na2nd Placer.

25/07/2024

July 25, 2024

Nagmalampusong naapud-apud ang mga
Binhi sa humay ngadto sa mga mag-uuma sa Barangay General Aguinaldo sakop ning lungsod sa Libjo.

Didto ang presensya sa atong Municipal Mayor Hon. Melody Llamera Compasivo, personahe sa Municipal Agriculture Office, mga barangay opisyales.

Matud pa ni Mayor Melody nga naa siya permi andam sa pagsuporta sa mga mag-uuma sa lungsod sa Libjo arun mas motaas pa ang abot sa ilang kahumayan. Anaa usab ang taga Municipal Agriculture arun sa pagtubag sa ilang mga pangutana ug panginahanglan.

Para sa kasayoran sa tanan nga ang Libjo maoy pinakadako ug kabasakan sa tibook isla ug aduna pud pinakadako ug abot matag mag-uuma ug pinakauna nga Lungsod nga nag-edosar sa hybrid nga humay.

Sa niaging ting-ani ang National Food Authority or NFA diri sa lungsod sa Libjo namalit ug humay arun iandam kung simbako adunay mga kalamidad nga moabot adunay ready nga mapakaon sa katawhan pero wala nakahurot ug palit ang taga NFA tungod sa kadaghay humay sa taga Libjo.

14/05/2024

Kagahapong adlawa!
May 13, 2023

Nagmalampusong giapod2x ang mga brand-new nga mga MAKINA SA PUMPBOAT ngadto sa maswerte nga mga miembro sa Arellano Fisherfolks Association sa Barangay Arellano, Libjo, Dinagat Islands.

Ang maong programa pundo gikan sa panudlanan sa municipyo ug inisyatiba sa atong halandong Mayor Melody Llamera Compasivo ug Municipal Agriculture Office
aron makahatag ug kaabag sa panginabuhian sa mga mangingisda sa lungsod sa Libjo.

Dakong kalipay ug pasalamat sa mga maswerting nakadawat.

28/02/2024

2/27/2024
Kagahapong adlawa.
Nagpahigayon na usab ug pang-apud2x ug mga semilya sa gulay, bitamina ug purga sa mga binuhing hayop, crop insurance ang LGU Libjo pinaagi sa Municipal Agriculture Office didto sa katawhan sa Barangay Llamera sakop ning Lungsod sa Libjo.

Target sa Lungsod nga malibot ang tanang Barangay arun makapananum ang matag pamilya arun naay maharbis nga mga presko ug sustansiyadong gulayon