Sangguniang Barangay ng J. Leviste

30/08/2026

Umulan man, o naulan naman talaga ✌️, hindi inalintana ng Sangguniang Barangay, na pinagunahan ni ABC Nellie Gem C. Mangubat, ang pagbisita sa mga pangunahing kalsada at lagnas upang matiyak na ligtas ang mga kabarangay habang dinaranas natin ang malakas na bugso ng ulan at hangin dulot ng habagat.

Kaniyang paalala na "Makiramdam sa paligid, at kung hindi na komportable ay lumikas muna sa mas ligtas na lugar. SOP na ito at hindi na kailangang hintayin pa ang abiso ng pagpapalikas. Unahin ang kaligtasan ng Sarili at ng pamilya."

29/08/2026

Mahalagang Paalala para sa kaligtasan📢

21/08/2026

Kaninang alas-dos ng hapon, kina Kon. Esther Braza, dinaluhan ng representante ng bawat sambahayan sa Purok 2 ang ginanap na pagpupulong para talakayin ang KALINISAN, kaayusan at mga programang pangkaunlaran sa barangay. Nanguna sa pagpupulong si PB Nellie Gem C. Mangubat , kasama sina Kon. Nepo Mayuga , Kon. Cris Ariola Maala, Kon. Francisco Mayuga, Kon Arnel Landicho at Kon. Esther Braza.

Patuloy ang ugnayan ng Sangguniang Barangay at ng mga mamamayan tungo sa isang Ganap, Epektibo at Maunlad na Brgy J. Leviste!

19/08/2026

Ikalawang Regular na Session Pam-Barangay para sa Buwan ng Agosto🇵🇭✨

Ginanap ika-19 ng Agosto ang regular na session kung saan ay tinalakay at napag-usapan ang kalinisan ng brgy at mga posibleng proyekto kaugnay nito. Gayundin ang pagtatayo ng plano para sa darating na Pista ng Poong San Lorenzo Ruiz💚

18/08/2026

🔊: ABISO PUBLIKO!!!

18/08/2026

Patuloy na Pagmamanman sa mga Binabahang Purok!

Patuloy ang pag-iikot at pagmomonitor ng mga opisyal ng Barangay upang personal na makita at mabigyan ng agarang atensyon ang kalagayan ng mga purok na nakararanas ng pagbaha.

Layunin nating masiguro ang kaligtasan ng bawat pamilya, matukoy ang mga lugar na nangangailangan ng agarang tulong, at maging handa sa anumang maaaring mangyari dulot ng patuloy na pag-ulan.

🙏 Mag-ingat, manatiling alerto, at makipagtulungan sa mga awtoridad.

Sama-sama para sa ligtas, ganap, epektibo at maunlad na pamayanan. 🌧️🤝

17/08/2026

Mahalagang Paalala!!!

15/08/2026

MALIGAYANG PAGBATI, SA ATING MGA KABATAAN!!!

Isang taos-pusong pagbati sa ating mahuhusay na kabataan na nagkamit ng Ikaapat na pwesto sa ginanap na Laureleñong Henyo Quiz Bee Competition 👏

Ang inyong talino, sipag, determminasyon at pagtutulungan ay tunay na karapat-dapat ipagmalaki. Kayo ay inspirasyon sa kapwa kabataan at patunay na ang kaalaman at pagsisikap ay daan tungo sa tagumpay.

Timothy Jever Landicho, Fiona Abcde Masicat at Sofia Del Mundo sa pagkamit ng ikaapat na pwesto. Taas noo at saludo ang ating Barangay para sa inyo.🫡

Mabuhay Kayo! Tunay na maipagmamalaki ng ating Barangay tungo sa Ganap, Epektibo at Maunlad na pamayanan😍

📸 By: She Morando Punzalan

15/08/2026

Ganap, Epektibo, Maunlad!

Ngayong Sabado, muling ipinamalas ng ating mga kapitbahay ang masayang pagkakaisa sa pagtugon sa panawagan ng Barangay at Kalinisan Day.

Sa pamamagitan ng sama-samang paglilinis at pagpapaganda ng ating paligid at mga pangunahing kalsada, patunay lamang na patuloy na nabubuhay ang magaan at tapat na bayanihan sa ating komunidad.

Taos-pusong pasasalamat sa lahat ng nakiisa para sa mas ligtas at kaaya-ayang Barangay J. Leviste!

13/08/2026