10/08/2026
HELICOPTER NA CRASH TUNGOD SA TABANOG!
NAKAHINUMDUM PAMO ANI? Usa sa pinaka Tragic human accident sa LAPU LAPU.
TUNGOD RA TABANUG/ BURADOR
ang hinungdan sa pagkahagsa sa Air Force Huey helicopter gunship niadtong Sabado sa Mactan.😔
Niabot sa 9 ka tawo ang namatay
Unsa gyud ang nahitabo - April 28, 2007, Pajo, Lapu-Lapu City.
Gen. Pedro Ike Incierto sa PAF Tactical Operations Command niingon sa presscon nga base sa unang imbestigasyon:
"Dili na nag-function ang rotor sa helicopter sa dihang ni-landing ug niigo sa 2 ka tricycle duol sa Mactan Benito Ebuen Air Base."
Naka kita pud ang mga witness ug dagkong burador nga naglupad duol sa Lapu-Lapu City public market, nga mao man ang agianan sa helicopter.
Sa crash site, nakakita sila ug pisi sa burador nga napusil sa rotor. Posibleng didto niipit ug mao to niundang ang rotor.
Pero matod ni Gen. Incierto: "Dili pa mi siguro. Imbestigahan pa nato. Dili mi manghula."
Gi-check pa pud nila kung naay engine malfunction.
*Naka-survive: Pilot Capt. Allan Villagarcia ug *M/Sgt. Johnny Reyes
Sitio Humay-Humay, Pajo, Lapu-Lapu. Duol ra kaayo sa base.
- *Mission- Training flight. 2 ka oras na sila naglupad.
- *Helicopter- Huey 6225. P3 milyon. Gihatag sa US niadtong July 12, 2003. 7,215 na ka oras ni-lupad.
- Pilot Capt. Villagarcia - 1,707 ka oras na ka-experience ug instructor pa.
Niabot mismo si Lt. Gen. Horacio Tolentino, PAF Commanding General para mag supervise sa imbestigasyon.
Gi-order niya nga i-ground ang tanang 41 ka Huey sa PAF samtang nag imbestigar pa.
Tungod ani, nihangyo si Gen. Tolentino sa mga LGU nga *i-regulate ang paglupad ug Tabanog.
Bawal diay na sa balaod sa ATO ang mag tabanog within 2.5 km sa airport, pero wala man daw enforcement.
Matod niya, "Dili ni ang unang higayon nga ang burador na involve sa PAF crash."
Ang PAF mohatag pud ug financial assistance sa tanang biktima.
---
Grabe no? Usa ra ka tabanug .. ug 9 ka kinabuhi ang nawala lakip na ang 8 ka buwan nga mabdos ug 2 ka mga istudyante.
Ikaw unsa imong mahinumduman niining disgrasyaha?
