Kenneth “Ken Ken” Weigel

02/09/2026

02/09/2026

ONGOING RE-ASPHALTING OF ROAD – PUROK AMPALAYA

02/09/2026

ONGOING RE-ASPHALTING | PUROK AMPALAYA

Nagpadayon karon, September 2, 2026, ang re-asphalting sa dalan sa Purok Ampalaya.

Mangayo kami og pasensya ug pagsabot sa atong mga motorista ug mga lumolupyo nga maapektuhan sa temporaryong kahasol tungod sa road works.

Kini nga proyekto usa sa mga hangyo ug request sa atong mga lumolupyo sa Purok Ampalaya aron mapaayo ang kahimtang sa dalan ug mas mapaluwas ang atong mga molabay niini.

Palihog ta nga maghinay-hinay, mag-amping, ug sundon ang mga road signs ug pahimangno samtang nagpadayon ang trabaho.

Ang gamay nga kahasol karon, para sa mas maayong dalan ug mas luwas nga pagbiyahe sa umaabot.

Daghang salamat sa inyong pagsabot ug pakigtambayayong!

01/09/2026

TABANG PARA KANG SIR JADE!

01/09/2026

DILI KA NAMO PASAGDAN, SIR JADE

Usa ka mensahe ang atong nadawat pinaagi sa atong page mahitungod sa atong suod nga amigo ug kaniadto nga atong kauban ug lider, Sir Jade Orat, nga karon nag-antos og sakit.

Uban si Purok President Charles Niño Manuel, atong gi-duaw si Sir Jade aron makahatag og gamay nga tabang ug, labaw sa tanan, pagpakita sa atong suporta ug pagpakabana.

Hinaot nga hatagan ka sa Ginoo og kusog, paglaum ug dali nga pagkaayo. Padayon lang sa pakigbisog.

Amping kanunay, Sir Jade. Naa ra mi para nimo.

31/08/2026

HAPPY BIRTHDAY, KONS. KAP RUFO YMBONG BERING!

Warmest birthday greetings to you, Kons. Kap Rufo Ymbong Bering!

May you be blessed with good health, happiness, wisdom, and continued success in your life and public service. May you continue to serve our community with dedication, compassion, and commitment.

Wishing you and your family more blessings, joyful moments, and many more birthdays to come!

Happy Birthday, Kons. Kap Rufo Ymbong Bering!

29/08/2026

BEST WISHES SA BAG-ONG MAG-ASAWA!

Best wishes sa atong minahal nga BHW Angie Pulvera Cardines sa inyong bag-ong yugto sa kinabuhi!

Usa ka dakong kalipay ug dungog alang kanako nga mahimong inyong Ninong sa Kasal niining espesyal nga adlaw.

Congratulations and best wishes, Angie and your husband!
Hinaot nga mapuno sa gugma, panaghiusa, pagsinabtanay, ug daghang panalangin ang inyong kaminyoon.

Congratulations sa bag-ong Mr. & Mrs.!

25/08/2026

PARA SA KALUWASAN SA ATONG MGA ESTUDYANTE

Nabutangan na gyud og Pedestrian Lane ang atbang sa Green Garden School sa Carajay!

Usa kini sa mga atong gihangyo aron masiguro ang mas luwas nga pagtabok sa atong mga estudyante ug pedestrian, ilabi na sa mga lugar nga duol sa mga eskwelahan.

Daghang salamat sa CTMS sa paspas nga aksyon, ug sa suporta ni Mayor Cindi King Chan ug Congressman Junard “Ahong” Chan.

Atong pasalamatan usab si Kap. Carl Steven Weigel sa iyang suporta sa mga inisyatibo alang sa kaluwasan sa mga Gun-obanon.

Padayon ta sa paghangyo ug pagtrabaho para sa mas luwas nga mga dalan ug mas protektadong mga estudyante sa Gun-ob.

Serbisyo nga makita, aksyon nga mabati.

21/08/2026

ON-SITE PUBLIC HEARING | PUROK AMPALAYA

Personal kita nga mitambong sa on-site public hearing sa Purok Ampalaya aron maminaw mismo sa concerns, problema, ug mga panginahanglan sa atong mga residente.

Importante nga ang tingog sa mga Gun-obanon madungog ug mahatagan og aksyon. Padayon kita sa pag-adto mismo sa komunidad ug pagpangita og konkretong solusyon para sa kaayuhan sa tanan.

Serbisyo nga duol sa katawhan. Serbisyo nga naay aksyon.

21/08/2026

SERBISYO WALAY PAHULAY!

Gahapon, bisan pa og hapit na ang holiday, wala nato palampasa ang higayon nga mahatagan og panahon ang mga importanteng hearing ug concerns sa atong mga kaigsuonan.

Atong gi-maximize ang oras aron matagad dayon ang mga pending concerns ug proseso, ug malikayan ang pagtapok sa mga kinahanglan aksyonan.

Padayon sa serbisyo. Padayon para sa mga Gun-Obanon!

Serbisyo una. Katawhan una.