03/09/2026
REGIONAL MARITIME UNIT 7- NAGMALAMPUSON SA BUY-BUST OPERATION; PROTEKTADONG WILDLIFE NAREKOBER
Malampusong gipatuman sa mga personahe sa Cebu Maritime Police Station (MARPSTA) ubos sa direktang pagdumala ni PMAJ RANDY P VERAN, Station Chief ang usa ka buy-bust operation nga miresulta sa pagdakop sa usa ka suspek tungod sa paglapas sa Section 27 (e) sa Republic Act No. 9147 o Wildlife Resources Conservation and Protection Act, inubanan sa Republic Act No. 10175 o Cybercrime Prevention Act of 2012, ang pagdakop sa indibidwal nahitabo sa South Poblacion, City of Naga, Cebu.
Human sa malampusong transaksiyon, gidakop ang suspek ug gipahibalo sa hinungdan sa iyang pagdakop, ingon man sa iyang mga katungod ubos sa Miranda Doctrine ug Anti-Torture Act, sa pinulongang iyang nasabtan. Ang operasyon usab girekord pinaagi sa alternatibong recording device subay sa A.M. No. 21-06-08-SC, tungod sa kawalay magamit nga Body-Worn Camera (BWC).
Lakip sa Nakompiska sa maong operasyon mao ang mga sumusunod:
a. Two (2) live Green Iguanas, with an estimated value of ₱4,500.00;
b. One (1) genuine Five Hundred Peso (₱500.00) bill, bearing Serial No. DB268833, and 8 pieces of Five Hundred Peso (₱500.00) boodle money; and
c. One (1) unit cellular phone, Tecno Spark 10.
Ang nadakpang suspek ug ang mga nakompiska nga ebidensya gidala sa Cebu MARPSTA alang sa hustong dokumentasyon ug imbentaryo, samtang giandam ang pagsang-at sa angayng kaso sa Office of the Prosecutor.
Nagpadayon ang PNP MARITIME GROUP sa pagpalig-on sa kampanya batok sa ilegal nga pagbaligya ug pagpanag-iya sa mga wildlife species aron mapanalipdan ang kinaiyahan ug masiguro ang epektibong pagpatuman sa balaod.
