42nd Infantry "Tagapagtanggol" Battalion

31/05/2026

TINGNAN: 42nd Infantry Battalion, Nakiisa sa Ikalawang Kwarter na Pagpupulong ng E-CLIP sa Camarines Norte

Patuloy ang mariing suporta ng kapayapaan at balik-loob programa ng pamahalaan matapos dumalo ang mga kinatawan ng 42nd Infantry (Tagapagtanggol) Battalion (42IB) sa ginanap na 2nd Quarter Enhanced Comprehensive Local Integration Program (E-CLIP) Committee Meeting noong ika-29 ng Mayo, 2026.

Ang nasabing pagpupulong ay pinangunahan ng Gobernador ng Camarines Norte na si Hon. Ricarte R. Padilla, kasama ang Brigade Commander ng 902nd Infantry Brigade na si COL ARNEL B BAUTISTA GSC (INF) PA, Brigade Commander, LTC MARCIAL M LUMANGA GSC (INF) PA, Battalion Commandert ng 42nd Infantry Battalion, Provincial Director ng DILG na si Ms. Melody E. Relucio, kapulisan at lokal na opisyales ng pamahalaan.

Pinangunahan ng Provincial E-CLIP Committee ang diskusyon na nakatutok sa mabilis at maayos na pagkakaloob ng mga benepisyo tulad ng tulong-pinansyal, suporta sa kabuhayan (livelihood assistance), at mga pagsasanay sa ilalim ng TESDA para sa mga nagbalik-loob. Tinalakay din sa pagpupulong ang mga hakbangin upang mas mapalawak ang pag-abot sa mga kasapi pa ng rebeldeng grupo na nagnanais na magbagong-buhay.

Nakatanggap din ang dating rebelde ng asistensya mula sa pamahalaan para kanilang tulong pinansyal para sa kanilang pagbabagong buhay.

Sa pamamagitan ng pagkakaisang ito ng kasundaluhan, kapulisan, at lokal na pamahalaan, napananatili ng Camarines Norte ang katayuan nito bilang isang mapayapa at maunlad na lalawigan na handang yumakap sa sinumang nagnanais ng tunay na pagbabago.

27/05/2026

42nd Infantry Battalion, Nakiisa sa Matagumpay na Medical Mission sa Labo, Camarines

Bilang bahagi ng patuloy na komitment sa paglilingkod sa mamamayan, nakiisa ang mga tauhan ng 42nd Infantry Battalion (42IB), 9th Infantry Division, Philippine Army sa isinagawang Medical Mission sa Purok 4A, Barangay Tulay na Lupa, Labo, Camarines Norte ngayong araw, Mayo 26, 2026.

Ang aktibidad ay pinangunahan ng RHU 2 Labo, Mt. Labo Exploration, kasama ang mga kasundaluhan ng 902nd Infantry Brigade, 9th Forward Support Medical Company (FSMC) at Youth for Peace Movement (YFPM) Camarines Norte na naglalayong maghatid ng mga pangunahing serbisyong pangkalusugan sa mga residente, partikular na sa mga pamilyang hirap makasubaybay sa
kanilang mga medikal na pangangailangan.

Sa pakikipagtulungan ng 42IB sa Lokal na Pamahalaan ng Labo, mga opisyal ng barangay, at mga lokal na organisasyong pangkalusugan na nakatanggap ng libreng konsultasyon, mga gamot, at bitamina, libreng tuli sa mga kabataan at libreng gupit sa mga residente.

Ang hakbang na ito ay bahagi ng mas malawak na Civil-Military Operations (CMO) ng Philippine Army na naglalayong patatagin ang ugnayan sa pagitan ng kasundaluhan at ng mga sibilyan tungo sa isang mapayapa, ligtas, at malusog na pamayanan.

27/05/2026

27/05/2026

Tingnan : 42nd Infantry Battalion, Nakiisa sa Pagpupulong ng MPOC, MADAC, at MTF-ELCAC sa Paracale, Camarines Norte

Bilang bahagi ng patuloy na pagpapanatili ng kapayapaan, kaayusan, at pag-unlad sa lalawigan, dumalo ang mga kinatawan ng 42nd Infantry (Tagapagtanggol) Battalion (42IB), Philippine Army sa pangunguna ni LTC MARCIAL M LUMANGA GSC (INF) PA, Battalion Commander sa pinagsanib na pagpupulong ng Municipal Peace and Order Council (MPOC), Municipal Anti-Drug Abuse Council (MADAC), at Municipal Task Force to End Local Communist Armed Conflict (MTF-ELCAC) nitong Ika-26 ng Mayo 2026 na ginanap sa Sangguniang Bayan Session Hall, New Municipal Building, Paracale, Camarines Norte.

Layunin ng pagpupulong na palakasin ang ugnayan sa pagitan ng lokal na pamahalaan ng Paracale, ng Philippine National Police (PNP), ng Sandatahang Lakas ng Pilipinas (AFP), at ng iba’t ibang sektor ng lipunan. Sa naturang talakayan, nagbahagi ang 42IB ng mga ulat ukol sa kasalukuyang sitwasyong panseguridad at naglatag ng mga estratehiya upang tuluyang wakasan ang insurhensya at ilegal na droga sa mga nasasakupang barangay

Nananatili ang 42nd Infantry Battalion na kaisa sa makikipagtulungan sa MPOC, MADAC, at MTF-ELCAC upang masiguro na ang bawat Paracaleño ay mamumuhay nang may katahimikan at kapanatagan.

24/05/2026

24/05/2026

TINGNAN// 42IB Nakilahok sa isinagawang RCSP sa Brgg Gabon, Talisay Camarines Norte

TALISAY, CAMARINES NORTE – Dumalo ang 42nd Infantry (Tagapagtanggol) Battalion, sa isinagawang Retooled Community Sustainment Program (RCSP) sa Barangay Gabon, Talisay, Camarines Norte nitong ika 19-21 Mayo taong kasalukuyan.

Ang aktibidad ay pinangunahan ng Department of the Interior and Local Government (DILG) katuwang ang 9th Infantry Division Press Corps, 902nd Infantry Brigade, 42nd Infantry Battalion, Department of Social Welfare and Development (DSWD), Department of Information and Communications Technology (DICT), Department of Science and Technology (DOST), Philippine National Police (PNP), Philippine Statistics Authority (PSA), Department of Trade and Industry (DTI), Department of Agriculture (DA), Special Programs and Advocacy Office (SPAO), Department of Environment and Natural Resources (DENR) para sa Forestry Permits at Land Titling, at ang Barangay Council ng Gabon sa pangunguna ni Brgy Captain Hon. Jimmy Arevalo.

Layunin ng RCSP na ihatid ang mga pangunahing serbisyo ng pamahalaan sa mga komunidad at patatagin ang presensya ng estado upang mapanatili ang kapayapaan at kaunlaran sa lugar. Kabilang sa mga serbisyong inilapit sa mamamayan ang social services, livelihood assistance, agricultural support, technical assistance, at impormasyon ukol sa land titling at forestry permits.

Ang 42nd Infantry Battalion, katuwang ang iba pang ahensya ng pamahalaan, ay nananatiling nakatuon sa pagtupad ng mandato nitong pangalagaan ang kapayapaan at itaguyod ang kaunlaran sa buong Camarines Norte.



See less

24/05/2026

TAGAPAGTANGGOL SA RADYO
EVERY SUNDAY/ 10:00AM TO 11:00AM
HOSTED BY:
KUYA D**G
ATE NIN

[05/24/2026]

23/05/2026

Combat scorer sa 42nd Infantry Battalion si Captain Danniel Balagtas. Naka 6 encounters and counting siya mula pa nung nasa Zamboanga Sibugay ang kanilang battalion. Last year nga, naka 3 body counts at 12 fi****ms recovered siya. Ang ganda ng galawan ng tao at dahil bagong graduate siya sa Scout Ranger, fresh na fresh na fresh ang SR SOP’s. Pero ang hinding hindi niya makalimutan nung mawalan siya ng isang tao. Hindi man niya kasalanan dahil sadyang tinamaan ng bala ang kanyang tao pero dinamdam niya as his responsibility. Hirap na hirap kasi siya nuon i explain sa magulang ng tao niyang namatay ang pangyayari. Kaya siya nag Ranger para ma improve pa ang sarili. Ngayon, go na go na go pa rin siya maghanap ng natitirang kalaban sa Camarines Norte. At masaya din siya na na discover ng mother niya ang Youtube channel ko dahil duon na lubos naintindihan ng mother ni Cpt Balagtas ang piniling landas ng anak niya. Abangan ang exciting war stories ni Cpt Balagtas, 42IB scorer, sa Youtube channel ko, Colonel Dennis Eclarin. Ito ang link to watch and subscribe: https://youtube.com/.

Combat scorer sa 42nd Infantry Battalion si Captain Danniel Balagtas. Naka 6 encounters and counting siya mula pa nung nasa Zamboanga Sibugay ang kanilang battalion. Last year nga, naka 3 body counts at 12 fi****ms recovered siya. Ang ganda ng galawan ng tao at dahil bagong graduate siya sa Scout Ranger, fresh na fresh na fresh ang SR SOP’s. Pero ang hinding hindi niya makalimutan nung mawalan siya ng isang tao. Hindi man niya kasalanan dahil sadyang tinamaan ng bala ang kanyang tao pero dinamdam niya as his responsibility. Hirap na hirap kasi siya nuon i explain sa magulang ng tao niyang namatay ang pangyayari. Kaya siya nag Ranger para ma improve pa ang sarili. Ngayon, go na go na go pa rin siya maghanap ng natitirang kalaban sa Camarines Norte. At masaya din siya na na discover ng mother niya ang Youtube channel ko dahil duon na lubos naintindihan ng mother ni Cpt Balagtas ang piniling landas ng anak niya. Abangan ang exciting war stories ni Cpt Balagtas, 42IB scorer, sa Youtube channel ko, Colonel Dennis Eclarin. Ito ang link to watch and subscribe: https://youtube.com/?si=IaG4jf1VorZ4Kex7

20/05/2026

OPERATION TULI, Matagumpay na naihatid sa Brgy. Mangcawayan at Brgy. Banokbok sa Bayan ng Vinzons nitong ika 17-18 ng Mayo 2026.

Matagumpay na naisagawa ang operation tuli katuwang ang 9th Infantry Division Press Corps, 902nd Infantry Brigade, 42nd Infantry "Tagapagtanggol" Battalion, Pulisya ng Camarines Norte Provincial Police Office, Philippine Coast Guard at ng Camarines Norte Youth for Peace Movement sa Barangay Mangcawayan at Brgy Banukbok Calaguas, Vinzons, Camarines Norte nitong 17-18 May 2026.

Layunin ng aktibidad na ito ay upang mailapit ang serbisyong pangkalusugan sa mga malalayong barangay at kapos na komunidad, habang pinatitibay ang ugnayan ng kasundaluhan, kapulisan, pamahalaan, at sektor ng kabataan.

Namahagi rin ng libreng gamot, hygiene kits, at mga babasahin tungkol sa kalinisan at kalusugan ng kabataan para sa mga benepisyaryo at kanilang mga pamilya.

May kabuang bilang na limamput pitong (57) kabataan ang nabigyan ng libreng tuli at Hygiene kit, at anim na putwalong (68) residente ang nabigyan ng dental service sa nasabing Brgy.

Nananatiling matatag ang 42nd Infantry Battalion sa tungkulin nitong pangalagaan ang kapayapaan sa area of operations at ipagpatuloy ang mga programang naglalapit ng pamahalaan sa taumbayan.

20/05/2026

TINGNAN : MAJOR GENERAL FLORANTE P SISON PA, Commander, Support Command, Philippine Army, bumisita sa himpilan ng 42nd Infantry Tagapagtanggol Battalion.