Joint Task Unit "Panagkaykaysa"

31/05/2026

JTUP lumahok sa Brigada Eskwela ng Tawang Integrated School ,Brgy. Tawang, La Trinidad, Benguet

CAMP HENRY ALLEN, BAGUIO CITY — Nakipagtulungan ang Joint Task Unit “Panagkaykaysa” sa iba’t ibang gawain tulad ng paglilinis ng paligid ng paaralan, pagkukumpuni ng mga pasilidad, at iba pang boluntaryong serbisyo upang matiyak ang isang ligtas, maayos, at kaaya-ayang kapaligiran para sa mga mag-aaral, magulang, g**o, at PTA Officers ng Tawang Elementary School sa isinagawang Brigada Eskwela netong Mayo 30, 2026.

Pinangunahan naman ni Mr. Benson C. Labad-dan, School Principal ang aktibidad na naglalayong ihanda ang paaralan para sa nalalapit na pagbubukas ng klase sa pamamagitan ng sama-samang paglilinis at pagsasaayos ng mga pasilidad.

Sa pamamagitan ng diwa ng bayanihan at pagkakaisa, muling naipakita ang kahalagahan ng pagtutulungan. Ang ganitong mga gawain ay nagpapatibay rin ng ugnayan sa pagitan ng komunidad at mga katuwang sa serbisyo publiko.

Patuloy na ipinapakita ng Joint Task Unit “Panagkaykaysa” ang suporta nito sa mga programang pangkomunidad at pang-edukasyon bilang bahagi ng adhikain nitong mapanatili ang kapayapaan, kaayusan, at kaunlaran.

31/05/2026

Brigada Eskwela sa Tawang Integrated School ,Brgy. Tawang, La Trinidad, Benguet

30/05/2026

JTUP nakilahok sa Summer Camp activity ng Brgy. Tawang, La Trinidad, Benguet

CAMP HENRY ALLEN, Baguio City – Nakilahok ang Joint Task Unit “Panagkaykaysa” (JTUP) kasama ang labing-anim (16) na kabataan upang palawakin ang kanilang kaalaman sa kulturang Pilipino, mga tradisyon, at mahahalagang pagpapahalaga sa pamamagitan ng mga talakayan at iba pang interaktibong gawain sa isinagawang dalawang araw na Summer Camp Activity sa Brgy. Tawang, La Trinidad, Benguet na nagtapos ngayong Mayo 30.

Nakiisa ang mga tauhan ng JTUP sa mga aktibidad na naglalayong palakasin ang kamalayan ng mga kabataan sa kanilang kultura at pagkakakilanlan bilang mga Pilipino.

Sa pagtatapos ng programa, matagumpay na naihatid sa mga kalahok ang mahahalagang kaalaman at aral na nagpatibay sa kanilang disiplina, pakikipagkapwa, at aktibong pakikilahok sa komunidad.

Patuloy na ipinapakita ng JTUP ang suporta nito sa mga programang nakatuon sa paghubog ng kabataan bilang responsableng mamamayan at katuwang sa pagpapanatili ng kapayapaan, kaayusan, at kaunlaran sa komunidad.

30/05/2026

Joint Task Unit “Panagkaykaysa” joined the Summer Camp 2026 at Brgy. Tawang, La Trinidad,Benguet.

24/05/2026

Joint Task Unit “Panagkaykaysa” at Brgy. Tawang, nagsagawa ng Declogging at Clean-up Drive

Isinagawa netong Mayo 23, ang declogging operation at clean-up drive upang maiwasan ang pagbaha at mapanatiling malinis at maayos ang komunidad. Bahagi rin ito ng paghahanda laban sa posibleng pagbaha ngayong panahon ng tag-ulan.

Ang malinis na komunidad ay responsibilidad ng bawat isa. Sama-sama tayong kumilos para sa mas ligtas, mas maayos, at mas luntiang kapaligiran.

Sa pamamagitan ng pagkakaisa at aktibong pakikilahok ng komunidad, patuloy nating naipapamalas ang malasakit sa ating kapaligiran at sa kapakanan ng bawat mamamayan.

🌿🧹✨

22/05/2026

22/05/2026

22/05/2026

21/05/2026

Joint Task Unit “Panagkaykaysa” at Brgy. Upper Market nagsagawa ng Community Clean-Up Drive

CAMP HENRY ALLEN, Baguio City – Nagkaisa ang Joint Task Unit Panagkaykaysa (JTUP) at mga opisyal ng Brgy. Upper Market sa isinagawang Community Clean-Up Drive na naglalayong mapanatili ang kalinisan, kaayusan, at kaligtasan sa loob ng komunidad ng Baguio ngayong Mayo 21.

Nagkaisa ang JTUP at mga opisyal ng barangay sa sama-samang paglilinis bilang pagpapakita ng diwa ng bayanihan at pagpapalakas ng kooperasyon sa pagitan ng militar at mamamayan.

Ayon kay Punong Barangay Ma. Teresa Caracas, labis ang kaniyang pasasalamat sa naturang inisyatiba sapagkat matapos ang mahabang panahon ay muling nagkaroon ng makabuluhang interaksyon sa loob ng kanilang barangay.

Binigyang-diin din niya na nakatulong ang aktibidad sa pagpapabuti ng komunikasyon at pagpapatibay ng samahan sa pagitan ng mga sundalo at komunidad.

Sa pamamagitan ng sama-samang pagkilos at diwa ng bayanihan, muling napatunayan ang kahalagahan ng pagkakaisa ng iba’t ibang sektor sa pagpapanatili ng mapayapa, maunlad, at malinis na pamayanan.

Patuloy na magsisilbing inspirasyon ang mga ganitong gawain upang higit pang mapalakas ang ugnayan ng mamamayan at ng kanilang mga katuwang sa serbisyo publiko.