25/06/2025
Mount Anahawon sa Lungsod ng Valencia, Tahimik na Muli Matapos ang Pagsuko ng Anim na Dating Rebelde
MARAMAG, Bukidnon โ Anim na dating miyembro ng Communist Terrorist Group (CTG) ang boluntaryong sumuko sa 89th Infantry (Makatao) Battalion sa Mount Anahawon, Sitio Sumpong, Barangay Banlag, Lungsod ng Valencia noong hapon ng Mayo 30, 2025.
Ang mga sumukong rebelde na nakilala sa mga alyas na Nokins, Bads, Liza, Bow, Jaguar, at Burgos ay pawang mga hindi na aktibong miyembro ng nabuwag na Guerrilla Front 6. Isinuko nila ang isang carbine rifle, dalawang caliber .45 na pi***la, dalawang caliber .38 na revolver, at isang caliber .357 na revolver. Bukod pa rito, ibinahagi rin nila ang lokasyon ng isang tagong galon na naglalaman ng mga bala ng 5.56mm, na kalaunaโy narekober ng mga awtoridad.
Pormal na tinanggap sina Nokins at ang kanyang mga kasamahan, pati na rin ang kanilang mga isinukong armas, nina Lieutenant Colonel Antonio G. Bulao I, kumander ng 89IB, at Mr. Renato A. Boe, Jr., Kapitan ng Barangay Banlag. Agad namang nagkaloob ang Pamahalaang Lokal ng Lungsod ng Valencia, sa pangunguna ni Mayor Azucena P. Huervas, ng tig-โฑ5,000 na tulong pinansyal sa bawat dating rebelde bilang bahagi ng kanilang suporta sa reintegrasyon.
Ibinahagi ni alyas Nokins, isang dating Vice Commanding Officer, na nagdesisyon silang sumuko matapos masaksihan ang mga pagbabago sa kanilang komunidad. โAng Mount Anahawon dati naming kampo sa pagsasanay, pero ngayon isa na itong tourist spot at may mga naitayong farm-to-market roads,โ aniya.
Dagdag pa niya, โHindi ako nagkamali sa pagbabalik-tiwala sa gobyerno. Marami sa amin ang nahihikayat nang sumuko dahil sa mga tulong na natatanggap. Ito ang paraan namin ng pagbabalik ng kapayapaan sa aming komunidad.โ
Pinuri naman ni Brigadier General Marion T. Angcao, kumander ng 1003rd Infantry Brigade, ang LGU ng Valencia City at ang 89IB sa kanilang patuloy na pagtutok sa kapayapaan at kaunlaran sa rehiyon.
โAng matagumpay na pagsuko ng anim na ito, ang pagkarekober ng kanilang mga armas, at ang mabilis na pagbigay ng tulong sa kanila ay patunay ng ating sama-samang hangarin na makamit ang isang insurgency-free na Lungsod ng Valencia,โ pahayag ni Brig. Gen. Angcao.
Ang Mount Anahawon, na dating liblib na lugar at kampo ng mga rebelde, ay opisyal na binuksan sa publiko bilang isang destinasyong panturismo noong Abril 2025.
Read: https://www.facebook.com/share/p/1CgMQipa5Q/
