Provincial Government of Cotabato

Provincial Government of Cotabato Official page of the Provincial Government of (North) Cotabato
(5)

Mission: Provider of excellent and responsive services through dynamic teamwork, transparent governance, and increasing adaptive capacity of the communities. Vision: Cotabato Province is a center of development opportunities with resilient, gender-sensitive, economically productive and globally competitive people in a peaceful and sound environment.

Sa pagsisikap ni Governor Emmylou "Lala" J. Taliño-Mendoza na mapangalagaan ang kabuuang pag-unlad ng mga kabataan sa la...
07/09/2026

Sa pagsisikap ni Governor Emmylou "Lala" J. Taliño-Mendoza na mapangalagaan ang kabuuang pag-unlad ng mga kabataan sa lalawigan, isinagawa ng PGO–Population, Gender and Development Division ang oryentasyon hinggil sa Adolescent Health and Development (AHD) at Adolescent Reproductive Health (ARH) ngayong Setyembre 7, 2026, sa mga Grade 6 Pupils ng Capayuran Elementary School (Pigcawayan), Kalaisan Elementary School (Kidapawan City), at Datu Montawal Elementary School (Kabacan).

Dito, natutunan ng mga mag-aaral ang mga pisikal at emosyonal na pagbabago sa kanilang pagdadalaga at pagbibinata, gayundin ang tamang pag-uugali at kakayahang gumawa ng desisyon upang maiwasan ang maagang pagbubuntis at iba pang suliranin.//PGO-Sopresencia Photoby:PopGAD//

Dahil sa nararanasang matinding init ng panahon, nagpaalala si Cotabato Governor Emmylou “Lala” Taliño-Mendoza sa publi...
07/09/2026

Dahil sa nararanasang matinding init ng panahon, nagpaalala si Cotabato Governor Emmylou “Lala” Taliño-Mendoza sa publiko lalo na sa mga indibidwal na may pre-existing conditions, matatanda, at bata na mag-ingat sa maaaring maging epekto nito sa kalusugan.

Hinihikayat din nito ang lahat na manatiling hydrated sa pamamagitan ng madalas na pag-inom ng tubig, iwasang magtagal sa ilalim ng direktang sikat ng araw, at hangga’t maaari ay limitahan ang mga mabibigat na gawain sa labas, partikular sa oras ng matinding init. Mahalaga rin aniya na bantayan ang mga sintomas ng heat-related illnesses gaya ng matinding pagkauhaw, panghihina, pagkahilo, pananakit ng ulo, pagsusuka, at pagtaas ng temperatura ng katawan at agad na humingi ng tulong medikal kung kinakailangan.//idcd-pgo-sotto//

Magkatuwang ang tanggapan ni DSWD XII Regional Director Loreto V. Cabaya, Jr. at pamunuan ni Gov. Emmylou “Lala” J. Tali...
07/09/2026

Magkatuwang ang tanggapan ni DSWD XII Regional Director Loreto V. Cabaya, Jr. at pamunuan ni Gov. Emmylou “Lala” J. Taliño-Mendoza sa pamamahagi ng suplay at mga sangkap para sa Supplementary Feeding Program Cycle 16 sa Arakan.

Layunin ng SFP ng national government sa pamumuno ni Pangulong Ferdinand R. Marcos, Jr., kaagapay si DSWD Secretary Rex Gatchalian, na mapaunlad ang estado ng nutrisyon ng mga batang naka-enroll sa Child Development Centers at Supervised Neighborhood Plays sa pamamagitan ng masustansiyang pagkaing dagdag sa regular meals nito sa kanilang mga tahanan. Abot sa P1.2M ang inilaan sa first delivery nito sa bayan para sa 1,600 day care children.//idcd-pgo-mombay/PhotobyPSWDO//

Sa regular na pagpapatupad ng pamunuan ni Gov. Emmylou "Lala" J. Taliño-Mendoza sa Values Restoration Program, partikul...
07/09/2026

Sa regular na pagpapatupad ng pamunuan ni Gov. Emmylou "Lala" J. Taliño-Mendoza sa Values Restoration Program, partikular na tinalakay ang paksang "Charity" ngayong linggo sa lahat ng tanggapan ng kapitolyo. Ito ay ang kusang pagtulong sa kapwa, pagiging bukas-palad, at kahandaang magsakripisyo para sa iba hango sa ikalawang dakilang utos ng Diyos: “Love your neighbor as yourself” (Matthew 22:39).

Sa naturang talakayan, ipinaalala sa mga kawani na isabuhay ang diwa ng "charity" sa kanilang araw-araw na gawain at pagganap sa tungkulin bilang mga lingkod-bayan.//idcd-pgo-abellana/photo by STMRP.

Nasa 17 farmer associations mula sa iba’t ibang bayan ng Cotabato ang sumailalim sa Midterm Impact Assessment and Perfor...
07/09/2026

Nasa 17 farmer associations mula sa iba’t ibang bayan ng Cotabato ang sumailalim sa Midterm Impact Assessment and Performance Review ng Special Area for Agricultural Development (SAAD) Program ng tanggapan ni Department of Agriculture XII Regional Executive Director John B. Pascual katuwang ang pamunuan ni Gov. Emmylou “Lala” J. Taliño-Mendoza.

Layunin nitong matiyak na angkop sa pangangailangan ng mga magsasaka ang interbensyon ng pamahalaang nasyonal sa pangunguna ni Pangulong Ferdinand R. Marcos, Jr. at tanggapan ni DA Secretary Francisco Tiu Laurel, Jr. Sa nasabing aktibidad na idinaos sa General Santos City, sinuri ang estado ng mga proyekto kabilang ang corn production and post-harvest equipment support, layer chicken, coffee, at mallard duck production, at iba pa.//idcd-pgo-mombay/PhotobyOPAg//

Itinaguyod ng pamunuan ni Gov. Emmylou "Lala" J. Taliño-Mendoza ang "Youth for Youth (U4U) Facilitators Training at Teen...
07/09/2026

Itinaguyod ng pamunuan ni Gov. Emmylou "Lala" J. Taliño-Mendoza ang "Youth for Youth (U4U) Facilitators Training at Teen Trail" nitong Setyembre 4, 2026 sa pamamagitan ng PGO-PopGAD, sa Sultan Memorial High School, Pikit at sa Alibayon HS at Inac HS sa Magpet upang magabayan ang mga kabataang kalahok at matiyak na maayos at tama ang landas na tinatahak ng mga ito.

Sentro ng nasabing aktibidad ang mga topikong may kinalaman sa maagang pagbubuntis, mga pagbabagong maaaring maranasan ng mga nagdadalaga at nagbibinata, child trafficking, mga suliraning kinakaharap ng mga kabataan sa kasalukuyang panahon at iba pa.//idcd-pgo-mombay/PhotobyPopGAD//

Nagsagawa ng preventive fogging operations nitong Setyembre 4, 2026 ang Integrated Provincial Health Office (IPHO) sa An...
07/09/2026

Nagsagawa ng preventive fogging operations nitong Setyembre 4, 2026 ang Integrated Provincial Health Office (IPHO) sa Antipas National High School upang matiyak na mabibigyan ng ibayong proteksyon laban sa dengue fever at iba pang mosquito-borne diseases ang mga delegado at dadalo sa Division Learners Convergence for the Supreme Secondary Learner Government (SSLG).

Ito ay bahagi ng isinusulong ng pamunuan ni Gov. Emmylou “Lala” J. Taliño-Mendoza na matutukan ang kaligtasan at mapanatili ang kalusugan ng mga Cotabateño.//idcd-pgo-mombay/PhotobyIPHO//

Kasalukuyang nagpapatuloy ang operasyon ng amphibious excavator sa apat na mga bayan sa lalawigan ng Cotabato partikular...
07/09/2026

Kasalukuyang nagpapatuloy ang operasyon ng amphibious excavator sa apat na mga bayan sa lalawigan ng Cotabato partikular na sa mga ilog ng Brgy. Ginatilan, Pikit; Brgy. Gaunan, M’lang; Brgy. Popoyon, Tulunan; at Brgy. Magatos, Kabacan.

Sa direktiba ni Cotabato Governor Emmylou “Lala” Taliño-Mendoza at sa kahilingan ng mga lokal na pamahalaan abot na sa .750km ang clearing and dredging na naisagawa sa Ginatilan at Gaunan, at tig 1.5 kilometro naman sa Popoyon at Magatos o kabuuang haba na 4.5 kilometro.//idcd-pgo-sotto/photobyPEO//

Bilang bahagi ng adhikain ni Governor Emmylou “Lala” J. Taliño-Mendoza na masiguro ang kalusugan at kaligtasan ng mga bu...
07/09/2026

Bilang bahagi ng adhikain ni Governor Emmylou “Lala” J. Taliño-Mendoza na masiguro ang kalusugan at kaligtasan ng mga buntis at sanggol lalo na sa kanilang maselang kondisyon, patuloy na itinataguyod ng Integrated Provincial Health Office ang mga programang nagsusulong ng kanilang kapakanan sa pamamagitan ng pagbibigay ng wastong impormasyon at kamalayan.

Parte nito ang Integrated Health Awareness na isinagawa nitong Setyembre 4, 2026 sa San Mateo, Aleosan. Kabilang sa mga paksang tinalakay ay ang safe motherhood kabilang ang nutrisyon at regular prenatal check-up, STIs, HIV/AIDS, oral health, at pagbabakuna upang maiwasan ang komplikasyon at matiyak ang kapakanan ng ina at sanggol./idcd-gonzales/photoby:ipho/

Nagpaabot ng kanyang taos-pusong pasasalamat si Libungan Municipal Councilor Patricia Pader sa suporta ng pamahalaang pa...
07/09/2026

Nagpaabot ng kanyang taos-pusong pasasalamat si Libungan Municipal Councilor Patricia Pader sa suporta ng pamahalaang panlalawigan sa ilalim ng adbokasiyang Serbisyong Totoo ni Governor Emmylou “Lala” J. Taliño-Mendoza. Bilang miyembro ng Sangguniang Bayan, kinilala nito ang tulong ng PLGU sa LGU-Libungan upang maitaguyod ang mga serbisyong nararapat sa taumbayan. Aniya, “I am very proud to be part of the Serbisyong Totoo family” na may malaking papel sa paghubog sa kanya bilang isang lider.

Samantala, binigyan ng pagkilala ng Cotabato Government Employees Association ang ilang mga kawani ng kapitolyo na nakibahagi sa Youth Day Celebration na pinangunahan ng TUCP sa Davao City./idcd-pgo-gonzales/photoby:JGuya/

Address

Amas
Kidapawan
9400

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+63645218080

Website

Alerts

Be the first to know and let us send you an email when Provincial Government of Cotabato posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Provincial Government of Cotabato:

Shortcuts

Share

Category