Kawit Tourism

25/08/2026

Patuloy sa pagtuklas lalo at higit ngayong Agosto bilang Pambansang Buwan ng Kasaysayan sa bisa ng Proklamasyon Bilang 339.

Bilang pakikibahagi, ang Museo ni Baldomero Aguinaldo ay magsasagawa ng isang panayam na may titulong, “ALIAS: A Tool for Revolutionary Warfare.” Ito ay pang-apat na serye sa proyektong Plotting History Year 2 ng NHCP Museums Southern Luzon Cluster.

Ang panayam na ito ay may layunin na suriin ang paggamit ng alyas upang ikubli ang pagkakakilanlan ng mga Pilipinong namuno sa himagsikan hanggang sa Digmaang Pilipino-Amerikano. Ito ay nagbigay ng higit na pag-unawa sa kaniya-kaniyang tiyak na katangian upang magdulot ng hiwaga, pananakot, o paghanga. Tatalakayin kung bakit nga ba, mahalaga ang mga alyas sa pakikidigma, lalo na sa panahong puno ng kaguluhan at malalaking pagbabago.

Pangugunahan ni G. Angelo J. Aguinaldo bilang tagapagsalita, isang propesyonal na manggagawa at mananaliksik sa larangan ng pamana, panturismo, tagapagsulat ng mga artikulo tungkol sa kulturang Pilipino sa mga pambansang pahayagan at magasin. Nagturo sa mga asignaturang panitikan, pagsulat ng sanaysay at teknikal na pagsulat. Sa kasalukuyan ay aktibo at independiyenteng tagapangasiwa ng mga proyektong pangkultura at tagaplano ng iba’t-ibang organisasyon ng lungsod. Hinirang na Pangulo ng Kawit Historical Society at Trustee ng Cavite Historical Society.

Halina at kami ay samahan, bukas sa ganap na ika 1:30 ng hapon, sa Dambanang Baldomero Aguinaldo, Binakayan, Kawit, Cavite.

25/08/2026

𝓟𝓵𝓸𝓽𝓽𝓲𝓷𝓰 𝓗𝓲𝓼𝓽𝓸𝓻𝔂 𝓨𝓮𝓪𝓻 2 | 𝓚𝓪𝓫𝓲𝓽𝓮𝓼𝓪𝔂𝓼𝓪𝔂𝓪𝓷 2026

Matagumpay na isinagawa ng Dambanang Emilio Aguinaldo ang History Month Lecture Series na Plotting History Year 2.

Para sa Series 2 ng panayam, isinagawa sa Dambanang Emilio Aguinaldo ang Kabitesaysayan 2026: La Fundación de Cavite el Viejo: Isang Pagsusuri sa Ilang Dokumentong Historiko Hinggil sa Pagkakatatag ng Bayan ng Kawit, kasama ang tagapagsalita na si Dr. Virzon L. Sarao, faculty member ng Philippine National University.

Dumalo sa nasabing panayam ang mga miyembro ng Emilio Aguinaldo Lodge No. 31, St. Mary Magdalene Band, Kawit Historical Society, Cavite Tourist Police Unit, at Veterans Federation of the Philippines – Kawit.

Ang Kabitesaysayan 2026 ay bahagi ng Plotting History, isang serye ng mga panayam ng NHCP Museums Southern Luzon Cluster bilang pakikiisa sa pagdiriwang ng Buwan ng Kasaysayan. Bilang isang cluster-wide initiative, layunin ng Plotting History na panatilihing buhay ang kasaysayan sa pamamagitan ng pagbabahagi at pagdodokumento ng mga kuwentong humuhubog sa ating pag-unawa sa nakaraan.

Sa pamamagitan ng proyektong ito, ang bawat salaysay ay itinatala at iniuugnay sa mas malawak na kolektibong naratibong pangkasaysayan upang matiyak na ang mga aral at karanasan ng nakaraan ay patuloy na magsisilbing inspirasyon at gabay sa kasalukuyan at sa mga susunod na henerasyon.

Ang panayam na ito ay sinuportahan ng Pamahalaang Bayan ng Kawit sa pamamagitan ng Tanggapan ng Turismo - Kawit.

Maraming salamat po sa lahat ng nakilahok at nakiisa sa kabila ng malakas na buhos ng ulan noong Sabado!

10/08/2026

-PAABISO-

Dahil sa patuloy na masamang lagay ng panahon nitong mga nakaraang araw, minabuti po nating i-postpone ang ating Kawit Heritage Tour ngayong linggo.

Antabayanan na lamang po ang ating update dito sa ating page para sa bagong schedule.

Maraming salamat po!

08/08/2026

HAPPENING NOW KABITESAYSAYAN 2026
“La Fundación de Cavite El Viejo: Isang Pagsusuri sa Ilang Dokumentong Historiko Hinggil sa Pagkakatatag ng Bayan ng Kawit.”
Tampok sa talakayan si Dr. Virzon L. Sarao ng Philippine Normal University, na nagbibigay ng masusing pagsusuri sa mahahalagang dokumentong historiko tungkol sa pinagmulan at pagkakatatag ng Kawit, Cavite.

08/08/2026

08/08/2026

Bilang bahagi ng pagdiriwang ng Buwan ng Kasaysayan ngayong Agosto, isasagawa ng Dambanang Emilio Aguinaldo sa pakikipagtulungan ng Pamahaalang Bayan ng Kawit-Tanggapan ng Turismo ang panayam na Kabitesaysayan 2026 na may paksang “La Fundación de Cavite El Viejo: Isang Pagsusuri sa Ilang Dokumentong Historiko Hinggil sa Pagkakatatag ng Bayan ng Kawit.” Tampok sa panayam si Dr. Virzon L. Sarao, faculty ng Philippine Normal University, na magbabahagi ng masusing pagsusuri sa ilang mahahalagang dokumentong historiko na nagbibigay-liwanag sa pinagmulan at pagkakatatag ng bayan ng Kawit, Cavite.

Ang Kabitesaysayan 2026 ay bahagi ng Plotting History, isang serye ng mga panayam ng NHCP Southern Luzon Cluster bilang pakikiisa sa pagdiriwang ng Buwan ng Kasaysayan. Bilang isang cluster-wide initiative, layunin ng Plotting History na panatilihing buhay ang kasaysayan sa pamamagitan ng pagbabahagi at pagdodokumento ng mga kuwentong humuhubog sa ating pag-unawa sa nakaraan. Sa proyektong ito, ang bawat salaysay ay itinatala at iniuugnay sa mas malawak na kolektibong naratibong pangkasaysayan upang matiyak na ang mga aral at karanasan ng nakaraan ay patuloy na magsilbing inspirasyon at gabay sa kasalukuyan at sa mga susunod na henerasyon.

Inaanyayahan ang lahat ng mga mag-aaral, g**o, mananaliksik, historyador, at mga mahilig sa kasaysayan na makiisa sa makabuluhang talakayang ito at higit pang mapalalim ang pag-unawa sa mayamang kasaysayan ng Kawit at ng lalawigan ng Cavite.

07/08/2026

Mabuhay ang makasaysayang bayan ng Kawit!

Nakikiisa ang ating pamahalaang bayan ng Kawit sa pagdiriwang ng Buwan ng Kasaysayan ngayong Agosto.

Narito ang ilan sa mga aktibidad ng ating Kawit Tourism Office sa pakikipagtulungan sa iba't ibang departamento at samahan.

02/08/2026

KAWIT DAY 2026 🫰🏼

Simple ngunit makabuluhan nating ipinagdiwang ang Araw ng Kawit kahapon.

Ipagmalaki natin hindi lamang ang ating Puso at Malasakit sa kapwa, kundi pati ang ating pagiging Kawiteño.

Mabuhay ang Kawit! Mabuhay ang bawat Kawiteño!

02/08/2026

Mapasenior man o bulilit, may Puso at Malasakit sa ating Kawit 🫰

Isa sa mga highlight ng Kawit Day ngayong 2026 ang pagbubukas ng public playground at Senior Citizen Hall sa Liwasang Aguinaldo.

Dito ay masayang makakapaglaro ang ating mga chikiting at maayos na makakapagtipon-tipon ang ating mga senior citizen para sa kanilang mga programa.

Simula sa kabataan hanggang sa ating mga nakatatanda, dedikado tayong maghatid ng serbisyong may !

02/08/2026

Bilang bahagi ng pagdiriwang natin sa Kawit Day, pinasinayaan sa Liwasang Aguinaldo ang Eksibisyon ng Pitong Bayani ng Kawit.

Kinilala rin natin ang Top 10 Outstanding Police mula sa PNP-Kawit na nagbigay ng huwarang serbisyo para sa kaligtasan ng ating bayan.

Maraming salamat sa mga bayani ng nakaraan at sa mga bayani ng kasalukuyan na patuloy na nangangalaga sa ating bayan!

Maraming salamat sa ating mga kababayan na nakasama natin para sa makabuluhang programang ito!