https://www.facebook.com/108864512274395/

Team TIBAY, Maniki, Kapalong Davao del Norte, Kapalong (2026)

Q: What is the address?

Maniki, Kapalong Davao Del Norte

04/06/2026

𝗛𝗘𝗔𝗗𝗦 𝗨𝗣, 𝗞𝗔𝗣𝗔𝗟𝗢𝗡𝗚 𝗬𝗢𝗨𝗧𝗛!

The future is not something we wait for, it is something we build together.

Are you ready to discover your potential, amplify your voice, and become a catalyst for positive change in your community?

Join us for the 𝗬𝗘𝗔𝗥 𝟮, 𝗞𝗔𝗣𝗔𝗟𝗢𝗡𝗚 𝗬𝗢𝗨𝗧𝗛 𝗘𝗠𝗣𝗢𝗪𝗘𝗥𝗠𝗘𝗡𝗧 𝗦𝗨𝗠𝗠𝗜𝗧 on June 5–7, 2026 at the Kapalong Town Square with the make a fong of this: 𝗧𝗛𝗘𝗠𝗘: "𝗬𝗘𝗦 𝗧𝗢 𝗟𝗘𝗔𝗗, 𝗬𝗘𝗦 𝗧𝗢 𝗦𝗘𝗥𝗩𝗘, 𝗬𝗘𝗦 𝗧𝗢 𝗕𝗨𝗜𝗟𝗗 𝗣𝗘𝗔𝗖𝗘 — 𝗞𝗔𝗣𝗔𝗟𝗢𝗡𝗚, 𝗣𝗔𝗗𝗔𝗬𝗢𝗡 𝗧𝗔!

This is more than just an event, it's a movement that empowers young people to lead with purpose, serve with compassion, and build lasting peace within our communities.

Be inspired by meaningful discussions. Connect with fellow young leaders. Develop your skills and confidence.Become part of a generation that creates real impact.

The future belongs to those who dare to lead today. Don't miss this opportunity to grow, inspire, and make a difference.

Mark your calendars. Bring your passion. Bring your dreams. Bring your voice.

𝗞𝗔𝗣𝗔𝗟𝗢𝗡𝗚 𝗬𝗢𝗨𝗧𝗛, 𝗧𝗛𝗜𝗦 𝗜𝗦 𝗬𝗢𝗨𝗥 𝗧𝗜𝗠𝗘. 💙💛

!

✍🏻: Jhon Lloyd L. Tagmomo

04/06/2026

𝙀𝙙𝙪𝙘𝙖𝙩𝙞𝙤𝙣 𝙞𝙣 𝘼𝙘𝙩𝙞𝙤𝙣: 𝘼𝙍𝘼𝙇 𝙎𝙐𝙈𝙈𝙀𝙍 𝙋𝙍𝙊𝙂𝙍𝘼𝙈, 𝙉𝘼𝙂𝙈𝘼𝙇𝘼𝙈𝙋𝙐𝙎𝙊𝙉!

Mitambong ta sa Aral Summer Program Culmination sa Clementa F. Royo Elementary School adlawng Martes, Hunyo 2, 2026, isip pagpakita sa atong suporta ug paghatag ug dakong importansya sa edukasyon ug kalampusan sa atong kabataan.

Kauban nato sa maong kalihokan sila Ryan Alegre ug si Maria Elena H. Nimes, Principal II, mga tutor ug volunteer teachers ug mga ginikanan diin ilang gipakita ang ilang suporta sa mga bata.

Nalipay ko nga makita ang mga bata nga adunay natun-an sa Aral Summer Program ug magpabilin kini nga inspirasyon aron padayon kitang mosuporta sa mga inisyatibo nga maghatag ug dakong tabang alang sa ilang academic learning.

Pinaagi sa Aral Summer Program, mas matabangan ang mga estudyante nga adunay kalisod sa pagbasa, pagsulat, ug matematika pinaagi sa tutorial ug guided learning activities.

Daghang salamat sa Clementa F. Royo Elementary School, sa mga teachers, parents, ug sa tanang misuporta aron magmalampuson ang Aral Summer Program 2026.

Kapalong Padayon Ta!

Photo Credits: Kapalong InfoCenter

26/02/2026

𝐋𝐆𝐔 𝐊𝐚𝐩𝐚𝐥𝐨𝐧𝐠 𝐍𝐚𝐠𝐭𝐮𝐫𝐧-𝐎𝐯𝐞𝐫 𝐨𝐠 𝐒𝐞𝐰𝐢𝐧𝐠 𝐌𝐚𝐜𝐡𝐢𝐧𝐞 𝐮𝐠 𝐅𝐨𝐨𝐝 𝐏𝐚𝐜𝐤𝐬 𝐬𝐚 𝐦𝐠𝐚 𝐒𝐋𝐏 𝐁𝐞𝐧𝐞𝐟𝐢𝐜𝐢𝐚𝐫𝐢𝐞𝐬 𝐮𝐠 𝐂𝐚𝐫𝐞𝐠𝐢𝐯𝐞𝐫𝐬 𝐬𝐚 𝐏𝐖𝐃 𝐬𝐚 𝐁𝐚𝐫𝐚𝐧𝐠𝐚𝐲 𝐏𝐚𝐠-𝐚𝐬𝐚

Gipahigayon karong adlawa, Pebrero 26, 2026 ang turn-over sa sewing machine ug food packs sa Barangay Pag-asa, Kapalong, Davao del Norte isip kabahin sa padayon nga programa sa panginabuhian sa lokal nga panggamhanan sa Kapalong pinaagi sa inisyatiba ni Mayor Edgardo L. Timbol.

Ang maong kalihokan gipangunahan sa Municipal Social Welfare and Development Office (MSWDO) ubos sa pagpangulo ni Dr. Mary Grace L. Abuda, RSW, nga nagtumong sa paghatag og dugang nga oportunidad sa panginabuhian alang sa 15 ka benepisyaryo sa Sustainable Livelihood Program (SLP) ug mga caregivers sa Persons with Disabilities (PWDs).

Ang livelihood program nga gipasiugdahan mao ang basahan making o produksyon sa mga panapton nga magamit sa nagkalain-laing panimalay ug establisemento. Pinaagi sa paghatag og sewing machine, gilauman nga mas mapalambo sa mga benepisyaryo ang ilang produksyon ug masustenar ang ilang kita alang sa ilang pamilya.

Kini nga inisyatiba gihimo sa pakigtambayayong sa mga HUMS students gikan sa Kapalong National High School, nga nagpakita og aktibong suporta ug partisipasyon isip kabahin sa ilang community engagement. Dako usab ang pasalamat sa LGU ngadto kang Ms. Nonite Orito, HUMS Program Coordinator sa KNHS, sa iyang bug-os nga suporta ug koordinasyon sa maong kalihokan.

Sa mensahe sa LGU, gipasiugda nga ang maong programa dili lamang paghatag og materyal nga suporta, kundili usa ka lakang sa pagpalig-on sa kapasidad sa mga benepisyaryo aron mahimong produktibo ug masaligan nga mga miyembro sa komunidad.

Ang turn-over nagpakita sa padayon nga paningkamot sa LGU Kapalong sa paghatag og inklusibo ug sustenableng mga programa nga nagpalig-on sa panginabuhian ug naghatag og paglaum sa katawhan, ilabi na sa mga kabus ug vulnerable nga sektor sa komunidad.

26/02/2026

𝗖𝗲𝗿𝗲𝗺𝗼𝗻𝗶𝗮𝗹 𝗧𝘂𝗿𝗻𝗼𝘃𝗲𝗿 𝘀𝗮 𝗣𝗮𝗹𝗮𝘆 𝗦𝗲𝗲𝗱𝗯𝗮𝗻𝗸 𝗦𝘁𝗼𝗿𝗮𝗴𝗲 𝘀𝗮 𝗦𝗶𝘁𝗶𝗼 𝗣𝗮𝘁𝗲𝗹, 𝗕𝗿𝗴𝘆. 𝗚𝘂𝗽𝗶𝘁𝗮𝗻, 𝗞𝗮𝗽𝗮𝗹𝗼𝗻𝗴

Malampusong gipahigayon ang Ceremonial Turnover sa Palay Seedbank Storage sa Sitio Patel, Barangay Gupitan, Kapalong,adlaw’ng Huwebes, Pebrero 26, 2026. Kini usa ka proyekto nga nagtumong sa pagpreserbar ug pagpalig-on sa produksyon sa heirloom rice sa maong barangay.

Mitambong sa maong kalihokan sila John Paparon, Municipal Agriculturist sa LGU-Asuncion; Joey Ariola, Municipal Agriculturist sa LGU-Braulio E. Dujali; Mr. Jepoy Serbito, Senior Agriculturist, Seed Inspector ug Provincial Seed Coordinator; ug Doc. Rowina T. Esconde, Chief sa Crops Division sa Provincial Agriculturist’s Office, nga nagpahayag sa ilang suporta sa maong inisyatiba alang sa sektor sa agrikultura.

Sa iyang mensahe, si Municipal Agriculturist Ohwen Duran mipahayag og dakong pasalamat tungod kay natukod na gayud ang maong proyekto. Nagpasalamat usab siya sa mga bisita nga mitambong ug sa Rice Watch and Action Network (R1) tungod sa ilang dako nga kontribusyon sa pagpatuman sa proyekto. Sumala kaniya, dako kining tabang sa pagpreserbar sa heirloom rice ug nag-awhag siya sa mga mag-uuma nga ipadayon ang pagtanom niini aron mapalambo ang lokal nga produksyon.

Naghatag usab og mensahe si Mayor Edgardo L. Timbol pinaagi ni Daniel Pacheco. Gipadayag nga ang agrikultura usa sa mga prayoridad nga nakalatid sa Executive-Legislative Agenda sa administrasyon. Sumala sa Mayor nga ang suporta sa agrikultura dili lamang ekonomikanhon nga benepisyo ang dala, kondili usab nutritional ug pisikal nga kaayohan, tungod kay ang pagkaon maoy pundasyon sa kahimsog sa katawhan ilabina sa kabataan.

Gipresentar usab ni Derrick Lao-ay, R1 Davao Area Coordinator, ang project overview sa inisyatiba nga gipangulohan sa Rice Watch and Action Network (R1) sa pakigtambayayong sa DA-Rice Program sa DA Regional Field Office XI, ilalom sa proyektong “Pagpalapad sa mga Teknolohiya sa Humay pinaagi sa Heirloom Rice Project.” Tumong sa maong proyekto ang pagpalig-on sa kapasidad sa lokal nga komunidad sa mga mag-uuma batok sa mga hagit sa climate change ug pagsiguro sa pagpreserba ug dali nga pag-access sa dekalidad nga heirloom rice.

Sa ilang mensahe sa pagdawat, sila Alejandro Recaña ug Rommel Martyr mipahayag og dakong pasalamat sa R1, LGU Kapalong, Probinsyal nga panggamhanan ug Department of Agriculture tungod kay dako kaayong tabang ang maong proyekto sa ilang komunidad.

Lakip usab sa giturn-over ang rice mill farm tools ug solar bubble dryer nga makapalig-on sa post-harvest operations sa mga mag-uuma.

Ang maong kalihokan nagpakita sa lig-on nga panaghiusa sa LGU Kapalong, mga ahensya sa gobyerno, ug mga organisasyon sa agrikultura sa pagpalambo sa produksyon sa humay ug pagseguro sa food security alang sa umaabot nga henerasyon.

26/02/2026

𝐎𝐚𝐭𝐡𝐭𝐚𝐤𝐢𝐧𝐠 𝐂𝐞𝐫𝐞𝐦𝐨𝐧𝐲 𝐬𝐚 𝐒𝐞𝐦𝐨𝐧𝐠 𝐅𝐚𝐫𝐦𝐞𝐫𝐬 𝐋𝐢𝐯𝐞𝐥𝐢𝐡𝐨𝐨𝐝 𝐀𝐬𝐬𝐨𝐜𝐢𝐚𝐭𝐢𝐨𝐧 (𝐒𝐄𝐅𝐀𝐋𝐈𝐀) 𝐆𝐢𝐩𝐚𝐡𝐢𝐠𝐚𝐲𝐨𝐧 𝐬𝐚 𝐁𝐫𝐠𝐲. 𝐒𝐞𝐦𝐨𝐧𝐠

Malampusong gipahigayon ang oathtaking ceremony sa mga opisyal sa Semong Farmers Livelihood Association (SEFALIA) , adlaw’ng Huwebes, Enero 26, 2026 sa Barangay Hall sa Barangay Semong, Kapalong. Ang panumpa sa katungdanan opisyal nga gipangulohan ni Mayor Edgardo L. Timbol.

Ang maong kalihokan nagtimaan sa pormal nga pagsugod sa responsibilidad sa mga napiling opisyal sa SEFALIA nga magdumala ug magpalambo sa mga programa ug inisyatiba alang sa kaayohan sa mga mag-uuma sa Barangay Semong.

Sa iyang mensahe, gipasiugda ni Mayor Timbol ang importansya sa pag-organisa sa mga mag-uuma aron mas mapalig-on ang ilang sektor, mapalambo ang produksyon, ug mapadali ang pag-access sa mga programa ug suporta gikan sa lokal nga panggamhanan ug uban pang ahensya sa gobyerno. Gi-awhag usab niya ang mga opisyal ug miyembro sa asosasyon nga magpabiling matinud-anon, responsable, ug magtinabangay alang sa kalamboan sa ilang komunidad.

Ang pagtukod ug pagpalig-on sa mga farmers’ association sama sa SEFALIA kabahin sa padayon nga paningkamot sa LGU Kapalong sa paghatag og suporta sa sektor sa agrikultura, nga usa sa mga prayoridad sa administrasyon.

Ang maong oathtaking ceremony nagpakita sa panaghiusa sa barangay ug sa lokal nga panggamhanan sa pagpalambo sa panginabuhian sa mga mag-uuma ug sa pagpalig-on sa lokal ekonomiya sa komunidad ug sa tibuok lungsod sa Kapalong.

26/02/2026

𝐁𝐚𝐫𝐚𝐧𝐠𝐚𝐲 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 𝟐𝟎𝟐𝟔 𝐍𝐚𝐠𝐩𝐚𝐝𝐚𝐲𝐨𝐧 𝐬𝐚 𝐁𝐚𝐫𝐚𝐧𝐠𝐚𝐲 𝐊𝐚𝐭𝐢𝐩𝐮𝐧𝐚𝐧 𝐮𝐠 𝐁𝐚𝐫𝐚𝐧𝐠𝐚𝐲 𝐒𝐞𝐦𝐨𝐧𝐠; 𝐌𝐠𝐚 𝐏𝐫𝐚𝐲𝐨𝐫𝐢𝐝𝐚𝐝 𝐧𝐠𝐚 𝐏𝐫𝐨𝐲𝐞𝐤𝐭𝐨 𝐆𝐢𝐩𝐮𝐧𝐭𝐢𝐧𝐠 𝐚𝐥𝐚𝐧𝐠 𝐬𝐚 𝟐𝟎𝟐𝟕 𝐃𝐞𝐯𝐞𝐥𝐨𝐩𝐦𝐞𝐧𝐭 𝐀𝐠𝐞𝐧𝐝𝐚

Nagpadayon karong adlawa, Pebrero 26, 2026 ang Barangay Consultation 2026 sa Barangay Katipunan ug Barangay Semong, nga nagtumong sa paglatid ug paghisgot sa mga prayoridad nga proyekto alang sa umaabot nga budget year 2027. Ang kalihokan gipangulohan ni Mayor Edgardo L. Timbol uban sa nagkalain-laing departamento sa lokal nga panggamhanan sa Kapalong.

Lakip sa mga kawani sa LGU nga mitambong mao sila EnP. Gemma Cristie L. Vicada ug Engr. Arnel Daquiz gikan sa Municipal Planning and Development Office (MPDO), Engr. Rey Jhon Chavez sa MENRO, Municipal Budget Office staff, Engr. Arnel Chavez gikan sa Municipal Assessor’s Office, MAGRO staff ug EEDMO staff.

Sa Barangay Katipunan, mitambong si Barangay Captain Jun Balmores uban ang mga barangay officials, functionaries ug purok leaders. Gipresentar sa barangay ang ilang listahan sa mga prayoridad nga proyekto nga naglakip sa road concreting gikan Purok 1 hangtod Purok 10, construction sa hanging bridge sa Purok 6 padulong sa Mabantao boundary, construction sa multipurpose building sa Purok 6 ug 5, installation sa solar street lights, electrification sa Purok 11 secondary line, construction sa drainage canal sa Mangulibas Elementary School, construction sa stage sa Purok 1 nga adunay dressing room, pagpalit og rescue vehicle alang sa emergency response, installation sa electricity transformer ug construction sa perimeter fence sa Mangulibas Elementary School.

Samtang sa Barangay Semong, mitambong si Barangay Captain Vince Jan Louie Doriman uban ang mga barangay kagawad ug functionaries. Lakip sa ilang gipresentar nga prayoridad nga proyekto ang construction sa Day Care Center sa Purok 1, Level III potable water supply system sa Purok 1, Barangay Health Center sa Purok 1, covered court sa Purok 4A, school gymnasium, construction sa Purok Centers nga adunay CR ug kitchen, pagpalit og patient transport vehicle, construction sa Tribal Hall sa Purok 6, construction sa PWD ug Senior Citizen Office, protection d**e ug gabion sa Purok 1A, 2 ug 5, rehabilitation sa covered court/evacuation center sa Purok 1, continuation sa road concreting sa Purok 1, 4A, 5, 6 ug 7, construction sa tulay sa Bunawan Cemetery, pagpalit og barangay patrol, ug rehabilitation sa old Barangay Hall.

Sa iyang mensahe, nagpasalamat si Mayor Timbol sa maayong presentasyon sa mga prayoridad nga proyekto sa duha ka barangay ug misaad nga paningkamotan sa LGU nga maapil ug ma-implement ang mga top priority projects sulod sa 2027 budget, subay sa pondo ug prayoridad sa munisipyo. Nagpasalamat usab siya sa presensya ug kooperasyon sa mga barangay council ug sa ilang padayon nga paningkamot sa pagserbisyo sa katawhan.

Ang Barangay Consultation 2026 nagpadayon isip usa ka plataporma sa partisipatibong pagplano, nga nagpalig-on sa panaghiusa tali sa barangay ug sa lokal nga panggamhanan aron masiguro ang sustenableng kalamboan sa matag komunidad sa Kapalong.

26/02/2026

𝐋𝐆𝐔 𝐊𝐚𝐩𝐚𝐥𝐨𝐧𝐠 𝐮𝐠 𝐍𝐈𝐀 𝐃𝐚𝐯𝐚𝐨 𝐝𝐞𝐥 𝐍𝐨𝐫𝐭𝐞 𝐍𝐚𝐠𝐩𝐚𝐡𝐢𝐠𝐚𝐲𝐨𝐧 𝐨𝐠 𝐌𝐞𝐞𝐭𝐢𝐧𝐠 𝐮𝐠 𝐒𝐢𝐭𝐞 𝐈𝐧𝐬𝐩𝐞𝐜𝐭𝐢𝐨𝐧 𝐊𝐚𝐛𝐚𝐡𝐢𝐧 𝐬𝐚 𝐍𝐈𝐀 𝐂𝐚𝐧𝐚𝐥 𝐏𝐫𝐨𝐣𝐞𝐜𝐭 𝐬𝐚 𝐁𝐚𝐫𝐚𝐧𝐠𝐚𝐲 𝐌𝐚𝐧𝐢𝐤𝐢

Nagpahigayon og meeting si Mayor Edgardo L. Timbol uban ang mga opisyal sa National Irrigation Administration (NIA) Davao del Norte, adlaw’ng Huwebes, Pebrero 24, 2026, alas 1:00 sa hapon sa Mayor’s Office, aron hisgutan ang mga isyu may kalabutan sa proposed conversion ug sa NIA Canal Project nga nakaapekto sa Relocation Area sa Barangay Maniki.

Ang maong panagtigum nagtutok sa mga kabalaka bahin sa irrigated areas sulod sa relocation site ug sa posibleng epekto niini sa kaluwasan sa komunidad ug sa hapsay nga pagpadayon sa mga plano sa kalamboan sa lokal nga panggamhanan.

Mitambong gikan sa NIA sila Engr. Nelson Sahot, Acting Division Manager; Engr. Anne Jaron; ug Zerlo Jun Mangubat. Gikan sa LGU Kapalong usab sa maong tigum sila EnP. Gemma Christie L. Vicada sa Municipal Planning and Development Office (MPDO), Erwin Duque sa MO-CAO, ug mga representante gikan sa Municipal Engineering Office.

Sumala sa sulat nga gipadala ni Mayor Timbol sa NIA, ang maong isyu una nang nahisgutan sa personal nga meeting sa opisina sa NIA sa Carmen, ug padayon nga ginamonitor sa lokal nga panggamhanan. Ang kabalaka naglangkob sa isyu sa premature conversion ug sa kahimtangan sa NIA canal nga nahimutang sulod sa Relocation Area sa Barangay Maniki.

Tungod niini, opisyal nga mihangyo ang LGU- Kapalong nga magpahigayon ang technical team sa NIA og site inspection aron ma-assess ang aktwal nga kondisyon sa kanal ug ma-evaluate ang mga natala nga isyu sa maong lugar. Tumong niini ang pagbaton og klaro ug teknikal nga basehanan alang sa angay nga mga lakang nga pagahimoon.

Human sa diskusyon, midiretso dayon ang mga opisyal sa NIA sa pag-conduct og actual site inspection sa maong lugar uban si EnP. Gemma Cristie L. Vicada, Erwin Duque, ug mga representante gikan sa Municipal Engineering Office aron personal nga masuta ang kahimtangan sa NIA canal ug ang epekto niini sa relocation area.

Gipasiugda ni Mayor Timbol nga ang LGU seryoso sa pagmonitor sa maong concern tungod sa posibleng epekto niini sa komunidad ug sa maayong pagpadayon sa mga programa sa kalamboan sa relocation area. Ang lokal nga panggamhanan nagpaabot sa paborableng tubag ug teknikal nga evaluation sa NIA aron masiguro nga ang mga lakang nga pagahimoon makaprotekta sa interes sa katawhan.

Ang maong kalihokan nagpakita sa padayon nga koordinasyon tali sa LGU Kapalong ug NIA sa pagsiguro nga ang mga proyekto sa irigasyon ug development initiatives matuman nga adunay konsiderasyon sa kaayohan ug kaluwasan sa komunidad.

26/02/2026

𝐏𝐚𝐝𝐚𝐲𝐨𝐧 𝐚𝐧𝐠 𝐁𝐚𝐫𝐚𝐧𝐠𝐚𝐲 𝐂𝐨𝐧𝐬𝐮𝐥𝐭𝐚𝐭𝐢𝐨𝐧 𝟐𝟎𝟐𝟔 𝐬𝐚 𝐁𝐫𝐠𝐲. 𝐌𝐚𝐦𝐚𝐜𝐚𝐨 𝐮𝐠 𝐁𝐫𝐠𝐲. 𝐒𝐚𝐦𝐩𝐚𝐨: 𝐏𝐫𝐚𝐲𝐨𝐫𝐢𝐝𝐚𝐝 𝐧𝐠𝐚 𝐏𝐫𝐨𝐲𝐞𝐤𝐭𝐨 𝐏𝐚𝐫𝐚 𝐬𝐚 𝐊𝐚𝐚𝐲𝐨𝐡𝐚𝐧 𝐬𝐚 𝐊𝐨𝐦𝐮𝐧𝐢𝐝𝐚𝐝, 𝐆𝐢𝐩𝐚𝐥𝐚𝐰𝐦𝐚𝐧

Nagpadayon karong adlawa, Pebrero 25, 2026, ang Barangay Consultation 2026 sa Barangay Mamacao ug Barangay Sampao aron ipresentar ug hisgutan ang mga prayoridad nga proyekto sa matag barangay para sa tuig 2027.

Lakip sa mitambong sila Mayor Edgardo L. Timbol, mga Sangguniang Bayan Members nga sila Hon. Baltazar “Totong” Solis, Hon. Ayette Timbol, ug Hon. Bogs R. Timbol, uban ang mga kawani gikan sa Municipal Engineering Office, Municipal Planning and Development Office, Municipal Environment and Natural Resources Office, Municipal Budget Office, Municipal Assessors Office, Municipal Agriculture Office, PESO, ug EEDMO. Ang matag barangay gipangunahan usab sa ilang kapitan nga sila Kapitan Samuel L. Canonio sa Barangay Mamacao ug Kapitan Arnulfa A. Betalmos sa Barangay Sampao. Kompleto usab ang Barangay Council ug functionaries sa maong tigum.

Sa Barangay Mamacao, gipresentar ang mga prayoridad nga proyekto sama sa konstruksyon sa concrete bridges sa Purok 2 (connecting Talaingod to Kapalong), Purok 5 to 5A, 7 ug 11, road concreting gikan Purok 2 Mamacao to Sto. Tomas, FMR road concreting sa Purok 5 to 5A ug Purok 7, road concreting gikan Sampao boundary to Purok 4, construction sa perimeter fence sa Purok 4 Barangay Site with gate, road concreting gikan highway to Barangay Site, road concreting gikan Purok 1 to Purok 1A, barangay tree park, construction sa school kiosks, construction sa school signage, construction ug rehabilitation sa Level II ug III water systems sa Purok 1, 2, 3, 4, ug 11, construction sa box culvert sa Purok 5, construction sa concrete bridge sa Purok 1A, road concreting sa Purok 5 to Purok 11 Lantawon, construction sa tulay gikan Purok 11 Lantawon to Naseco, construction sa concrete bridge Purok 5 to Purok 5A ug 7, road concreting Purok 3 to Purok 11 Lantawon, construction sa flood control d**e gikan Purok 1A to Purok 2 Kipaliko River, ug construction sa drainage canal gikan Barangay Cemetery to Purok 3.

Sa Barangay Sampao, gipang-prayoridad ang repair sa damaged reprop sa Purok 2, construction sa multipurpose building sa Sagana Elementary School, Purok 6 ug sa Purok 6A, concreting sa 128 meters road approaching Purok 1, concreting sa 60 meters road sa Dulhogon Area Purok 10, construction sa drainage system sa Barangay compound, construction sa FMR (1.82 km) Purok 2A to Biokong, construction sa multipurpose pavement sa Purok 13 ug Purok 1A, concreting sa 644 meters road sa Purok 3, concreting sa 360 meters road sa Purok 1A Sampao hangtod Purok 4, concreting sa 639 meters road sa Purok 2A Sampao via Calma TESDA School Road, ug construction sa protection d**e sa Purok 1, 1A, ug 3.

Sa iyang mensahe, gi-klaro ni Mayor Edgardo L. Timbol ang importansya sa paglatid sa mga prayoridad nga proyekto aron matubag ang mga panginahanglan sa katawhan. Gi-awhag niya ang mga barangay council nga siguruhon nga magamit ang pondo sa husto ug ma-implement ang mga proyekto nga makabenepisyo sa komunidad.

Gisaad usab ni Mayor Timbol nga paningkamotan sa LGU Kapalong nga ma-apil ang mga top priority projects sa 2027 nga budget ug nagpasalamat sa presensya ug suporta sa barangay council sa padayon nga pagserbisyo sa katawhan.

Ang maong Barangay Consultation 2026 nagapangayo sa kooperasyon sa matag opisyal sa Barangay aron masiguro ang kalamboan ug kaayohan sa mga komunidad sa Barangay Mamacao ug Barangay Sampao.

26/02/2026

𝟖𝐭𝐡 𝐑𝐞𝐠𝐮𝐥𝐚𝐫 𝐒𝐞𝐬𝐬𝐢𝐨𝐧 𝐬𝐚 𝐒𝐚𝐧𝐠𝐠𝐮𝐧𝐢𝐚𝐧𝐠 𝐁𝐚𝐲𝐚𝐧 𝐬𝐚 𝐊𝐚𝐩𝐚𝐥𝐨𝐧𝐠 𝐍𝐚𝐠𝐩𝐚𝐥𝐢𝐠-𝐨𝐧 𝐬𝐚 𝐁𝐮𝐝𝐠𝐞𝐭 𝐑𝐞𝐯𝐢𝐞𝐰, 𝐃𝐞𝐯𝐞𝐥𝐨𝐩𝐦𝐞𝐧𝐭 𝐏𝐥𝐚𝐧𝐬 𝐮𝐠 𝐃𝐮𝐠𝐚𝐧𝐠 𝐒𝐞𝐫𝐛𝐢𝐬𝐲𝐨 𝐬𝐚 𝐊𝐚𝐭𝐚𝐰𝐡𝐚𝐧

Gipahigayon karong adlawa, Pebrero 25, 2026, alas 9:00 sa buntag, ang 8th Regular Session sa Sangguniang Bayan sa lungsod sa Kapalong, ubos sa pagpangulo ni Vice Mayor Kim P. Quesada.

Ang 8th Regular Session gi-preside ni Hon. Edgardo “Bogs” Timbol, Jr., uban sa presensya nila Hon. Baltazar B. Solis, Jr. II, Hon. Ludo Vhan M. Lagang, Hon. Gemma Q. Rarangol, Hon. Jonathan Pineda, Hon. Edilberto Febria, Hon. Ayette Timbol, Hon. Jake A. Cabilogan, ug Hon. Nickle Mones.

Ang sesyon nagtutok sa pagreview ug pag-refer sa nagkalain-laing proposed resolutions ug opisyal nga komunikasyon nga may kalabutan sa development planning, pag-apruba sa pondo, ug pagpalig-on sa mga serbisyo alang sa katawhan sa Kapalong.

Lakip sa mga gipanghisgutan ang pag-apruba sa Annual Investment Plan (AIP) alang sa Calendar Year 2026 sa Barangay Gupitan nga gisumite ni Hon. Gemma Q. Rarangol ug gi-refer sa komitiba alang sa mas lawom nga pag-evaluate.

Gisumite usab ni Hon. Romel J. Belaua ang resolusyon sa pag-apruba sa General Fund Annual Budget 2026 sa Barangay Florida nga nagkantidad og ₱7,880,901.00, nga gi-refer sa Committee on Finance, Budget and Appropriation.

Samtang, gisumite ni Hon. Jake A. Cabilogan ang resolusyon sa pag-apruba sa General Fund Annual Budget 2026 sa Sangguniang Kabataan sa Barangay Florida nga nagkantidad og ₱788,090.00, nga gi-refer sa Committee on Finance, Budget and Appropriations isip lead committee ug sa Committee on Youth and Sports Development.

Gisumite usab ni Hon. Baltazar B. Solis, Jr. II ang resolusyon sa pag-apruba sa General Fund Annual Budget 2026 sa Barangay Mamacao nga nagkantidad og ₱5,997,753.00, nga gi-refer sa Committee on Finance, Budget and Appropriation.

Ang tanang mga resolusyon girekomenda sa tagsa-tagsa ka komitiba alang sa angay nga aksyon.

Gihisgutan usab sa Konseho ang mga endorsement letters may kalabutan sa proposed Memorandum of Agreement (MOA) alang sa pag-establisar og Automated Weather Station sa mga rice-producing areas sa lungsod aron mapalig-on ang pagmonitor sa kahimtang sa panahon ug matabangan ang sektor sa agrikultura. Gihisgutan usab ang proposed MOA alang sa pag-operate sa NBI Clearance Center sa Kapalong aron mapaduol ang serbisyo sa katawhan.

Ubos sa Supplemental Order of Business, miagi sa diskusyon sa Konseho ang hangyo alang sa ₱10 milyon nga pondo para sa rehabilitasyon sa mga barangay roads sa Sua-on, ingon man ang pagdawat sa ₱3 milyon nga Special Financial Assistance (SFA) gikan sa Office of the President nga gamiton alang sa mga prayoridad nga programa sa lokal nga panggamhanan.

Ang maong session nagpakita sa padayon nga paningkamot sa Sangguniang Bayan sa Kapalong sa pagpatuman sa responsableng pagdumala, maayong pagplano sa pondo, ug paghatag og epektibong serbisyo alang sa tanang Kapalongian.

Team TIBAY

04/06/2026

04/06/2026

26/02/2026

26/02/2026

26/02/2026

26/02/2026

26/02/2026

26/02/2026

26/02/2026

Address

Website

Alerts

Shortcuts

Share

Category

Listing takedown request