03/09/2026
SEPTEMBER 2, 2026 | BENCHMARKING ACTIVITY SA BUILDING PERMIT UG ENGINEERING PRACTICES | TAGUM CITY UG CARMEN
Malampusong nahigayon ang Benchmarking Activity sa Building Permit ug Engineering Practices sa City Government of Tagum ug Municipality of Carmen, Davao del Norte.
Pinaagi niini nga kalihokan, atong nakat-unan ug nakit-an ang ilang mga pamaagi, sistema, ug best practices sa pagdumala sa Building Permit processing, engineering services, inspections, documentation, ug uban pang related nga serbisyo.
Dako kaayo ang among pasalamat kang Hon. Mayor Rey T. Uy, City Mayor sa Tagum City, Engr. Roosevelt A. Corporal, City Engineer sa Tagum City, Hon. Mayor Leonidas R. Bahague, Municipal Mayor sa Carmen, ug Engr. Danilo C. Bantique, Municipal Engineer sa Carmen, lakip ang tanang personnel nga mainitong midawat ug mipaambit sa ilang kahibalo, kasinatian, ug mga best practices.
Ang benchmarking usa ka importante nga lakang aron mapalambo pa ang atong mga sistema ug serbisyo sa LGU Kapalong, mas paspas, hapsay, transparent, ug responsive alang sa atong mga kabarangay.
Daghang salamat sa inyong mainitong pagdawat ug walay puas nga suporta!
Padayon sa pagkat-on. Padayon sa pagpauswag. Padayon sa serbisyong publiko! KAPALONG, Padayon ta.
