4Ps MOO Kalamansig , Sultan Kudarat

12/09/2026

Matagumpay na naisagawa ang posting ng mga bagong potential beneficiaries ng Set 14 G & H na kwalipikadong sumailalim sa validation at registration para sa Pantawid Pamilyang Pilipino Program (4Ps).

Ang listahan ng mga potential beneficiaries ay na-endorse at naipaskil sa kani-kanilang barangay upang mabigyan ng pagkakataon ang mga pamilya na makita at ma-verify ang kanilang pagkakasama sa listahan.

Para sa mga nakalista, mangyaring ihanda ang mga sumusunod na dokumento para sa validation at registration:

📌 Mga Kinakailangang Dokumento:
• PSA Birth Certificate
• Marriage Contract – para sa mga kasal
• School Certification – para sa mga batang nag-aaral
• Death Certificate – para sa mga namatay na miyembro ng pamilya
• National ID – para sa lahat ng miyembro ng pamilya
• Health Certificate – para sa mga batang edad 0–5 years old

Ang posting na ito ay bahagi ng proseso upang matiyak na ang mga kwalipikadong pamilya ay mabibigyan ng tamang impormasyon at pagkakataong makumpleto ang kinakailangang validation at registration.

Patuloy ang 4Ps sa pakikipagtulungan sa mga barangay at lokal na pamahalaan upang maabot ang mga pamilyang higit na nangangailangan ng suporta. 🤝💙

10/09/2026

‎Matagumpay na naidaos ang Oath Taking of Commitment para sa 369 newly approved Set 14 A&B beneficiaries ng Pantawid Pamilyang Pilipino Program (4Ps).
‎
‎Dumalo at nanguna sa panunumpa si Municipal Mayor Hon. Ronan Eugene C. Garcia, kasama si MSWD Officer Roshelo A. Caluyo, RSW.
‎
‎Binigyang-diin sa aktibidad ang mahahalagang kondisyon ng 4Ps at ang Cash Card Pawning Ordinance, upang magkaroon ng sapat na kaalaman at tamang pag-unawa ang mga bagong benepisyaryo sa kanilang mga responsibilidad, karapatan, at wastong paggamit ng mga benepisyo ng programa.
‎
‎Taos-pusong pasasalamat sa Local Government Unit of Kalamansig, sa pangunguna ni Hon. Mayor Ronan Eugene C. Garcia , sa patuloy at walang sawang suporta sa pagpapatupad ng Pantawid Pamilyang Pilipino Program.
‎
‎Maraming salamat din sa MSWDO Kalamansig, sa pangunguna ni Sir Roshelo A. Caluyo, RSW, sa patuloy na pakikipagtulungan at suporta para sa kapakanan ng mga pamilya at benepisyaryo ng programa.
‎
‎Sa sama-samang pagtutulungan ng 4Ps, LGU, MSWD Office, at mga benepisyaryo, patuloy nating maisusulong ang layunin ng programa tungo sa mas matatag at mas maunlad na pamilya at komunidad. 🤝💙

18/08/2026

Matagumpay na naisagawa ang pamamahagi ng bigas at hygiene kits bilang personal na tulong mula Convergence Staff Kalamansig para sa kabuuang 28 pamilyang naapektuhan ng sunog sa Old Market, Kalamansig, Sultan Kudarat.

Ang gawaing ito ay isang convergence initiative ng iba't ibang programa ng DSWD, na nagkaisa upang maipaabot ang agarang tulong at suporta sa mga pamilyang naapektuhan ng insidente. Kabilang sa mga programang nakiisa ang Pantawid Pamilyang Pilipino Program (4Ps), Sustainable Livelihood Program (SLP), PDBBM, at KALAHI-CIDSS.

Sa panahon ng pagsubok, ipinakita ng mga programang ito na higit na nagiging makabuluhan ang serbisyo kapag pinagtutulungan. Ang simpleng tulong na naihatid ay nagsisilbing paalala sa mga pamilyang naapektuhan na hindi sila nag-iisa sa pagharap sa kanilang pinagdaraanan.

Taos-pusong pasasalamat sa lahat ng kawani, programa, at katuwang na naglaan ng oras, suporta, at malasakit upang maging matagumpay ang aktibidad. Sa pagkakaisa at bayanihan, mas napapalakas natin ang pagbangon ng bawat pamilyang nasalanta. ❤️🤝

DSWD at mga programang nagkakaisa para sa agarang serbisyo at malasakit sa bawat pamilyang nangangailangan. 🇵🇭

15/08/2026

Matagumpay na isinagawa ng Crisis Intervention Unit (CIU) ang UPLIFT Payout, na sinuportahan ng MAT Kalamansig at MAT Lebak sa pamamagitan ng augmentation assistance upang matiyak ang maayos at mahinahong daloy ng aktibidad.

Buong-pusong nagpapasalamat ang MAT Kalamansig sa buong suporta at pakikiisa ng Lokal na Pamahalaan ng Kalamansig, sa pangunguna ni Municipal Mayor Hon. Ronan Eugene C. Garcia, na patuloy na nagbibigay ng suporta sa mga programa at serbisyong naglalayong makatulong sa ating mga kababayan.

Lubos din ang pasasalamat sa Municipal Social Welfare and Development Office (MSWDO) sa pamumuno ni Municipal Social Welfare and Development Officer Roshelo A. Caluyo, RSW, sa kanyang pamumuno, gabay, at patuloy na suporta sa mga gawaing pangkagalingan at serbisyong panlipunan ng munisipyo.

Naging katuwang din sa matagumpay na aktibidad ang mga “Angels in Red Vest” ng Pantawid Pamilyang Pilipino Program (4Ps), na sama-samang naglaan ng oras, lakas, at malasakit upang maihatid ang maayos at episyenteng serbisyo sa mga benepisyaryo.

Ang UPLIFT Payout ay isang magandang halimbawa ng bayanihan at pagkakaisa—mula sa DSWD, CIU, 4Ps, LGU Kalamansig, MSWDO, at mga katuwang na kawani—para sa kapakanan ng bawat pamilyang nangangailangan ng suporta.

Maraming salamat sa lahat ng naging bahagi ng matagumpay na UPLIFT Payout! Patuloy tayong magkaisa sa paghahatid ng serbisyong may puso, malasakit, at tunay na pagkalinga sa ating mga kababayan. ❤️🇵🇭

03/08/2026

Bilang bahagi ng nakatakdang gawain tuwing unang Lunes ng buwan, matagumpay na isinagawa ng Municipal Action Team (MAT) Kalamansig ang buwanang pagpupulong upang talakayin ang mahahalagang usapin, mga programa, target, accomplishments, at mga susunod na gawain para sa mas epektibong pagpapatupad ng mga serbisyo sa komunidad.

Nakiisa rin sa pagpupulong ang mga katuwang na programa ng DSWD, kabilang ang Sustainable Livelihood Program (SLP), KALAHI-CIDSS, at PDBBM, bilang pagpapakita ng pagkakaisa at matibay na koordinasyon sa paghahatid ng de-kalidad na serbisyo para sa kapakanan ng bawat pamilyang Pilipino.

Sa pamamagitan ng bukas na talakayan, pagtutulungan, at sama-samang pagpaplano, patuloy na pinagtitibay ng MAT Kalamansig ang layunin nitong makapaghatid ng episyente, maagap, at makataong serbisyo sa bawat benepisyaryo.

Sama-sama sa iisang adhikain, nagkakaisa sa paglilingkod para sa mas maunlad at mas matatag na komunidad. 💙

03/08/2026

🇵🇭📚 𝗨𝗡𝗔𝗡𝗚 𝗟𝗨𝗡𝗘𝗦 𝗡𝗚 𝗕𝗨𝗪𝗔𝗡 | 𝗣𝗔𝗚𝗦𝗜𝗠𝗨𝗟𝗔 𝗡𝗚 𝗕𝗨𝗪𝗔𝗡 𝗡𝗚 𝗪𝗜𝗞𝗔𝗡𝗚 𝗣𝗔𝗠𝗕𝗔𝗡𝗦𝗔 📚🇵🇭

Sa pagsisimula ng unang Lunes ng linggo at buwan, buong karangalang nagsilbing host ang Municipal Operations Office (MOO) 4Ps Kalamansig sa isinagawang Flag Raising Ceremony.

Kasabay nito, ating pormal na binuksan ang pagdiriwang ng Buwan ng Wikang Pambansa, isang pagdiriwang na nagpapaalala sa kahalagahan ng ating sariling wika bilang sagisag ng ating pagkakakilanlan, kultura, at pagkakaisa bilang mga Pilipino.

Nawa'y magsilbing inspirasyon ang pagdiriwang na ito upang higit nating pahalagahan, gamitin, at ipagmalaki ang wikang Filipino sa ating pang-araw-araw na pakikipag-ugnayan at sa patuloy nating paglilingkod sa sambayanan.

Ang MOO 4Ps Kalamansig ay taos-pusong nagpapasalamat sa lahat ng nakiisa at nakibahagi sa matagumpay na programa. Sama-sama nating ipagdiwang ang ating wika at kultura habang patuloy na isinusulong ang serbisyong may malasakit para sa bawat pamilyang Pilipino.

28/07/2026

Your 4Ps Kalamansig Family is proud of you 🥳

28/07/2026

🏀🇵🇭 𝗔 𝗣𝗥𝗢𝗨𝗗 𝗠𝗢𝗠𝗘𝗡𝗧 𝗙𝗢𝗥 𝗞𝗔𝗟𝗔𝗠𝗔𝗡𝗦𝗜𝗚 𝗔𝗡𝗗 𝗧𝗛𝗘 𝗣𝗛𝗜𝗟𝗜𝗣𝗣𝗜𝗡𝗘𝗦! 🇵🇭🏀

The Municipal Action Team (MAT) Kalamansig proudly extends its warmest congratulations to Datu Kheyya Mohaimhen Utto, a monitored child of the Pantawid Pamilyang Pilipino Program (4Ps) from Barangay Pag-asa, Kalamansig, Sultan Kudarat, for bringing pride and honor to our community by representing the Philippines as a member of Broad Street Pilipinas in the 2026 International Youth Basketball Championship held in Bangkok, Thailand.

Your remarkable achievement is a testament to your hard work, perseverance, discipline, and passion for the sport. You have shown that with determination, dreams can become reality, inspiring not only your fellow youth but also the entire Kalamansig community.

May your journey continue to inspire more young Filipinos to pursue their dreams with dedication and courage. As you carry our nation's colors on the international stage, know that the people of Kalamansig and the entire Pantawid family are cheering for your success every step of the way.

Congratulations, Datu Kheyya Mohaimhen Utto! We are incredibly proud of you. Continue to dream big, play with heart, and bring honor to Kalamansig, Sultan Kudarat, and the Philippines.

Your Pantawid family stands with you. Best of luck, and bring home the victory! 🇵🇭🏆

25/07/2026

25/07/2026