03/09/2025
ORDINANSYA. Subong nga adlaw, gin-sumite naton ang aton gin-proponer nga ordinansya nga may titulo:
"Open Infrastructure and Public Oversight Ordinance of Kabankalan City, Negros Occidental.”
Paagi sa sini nga ordinansya, matukod ang Multi-Stakeholder Oversight Group (MSG) nga mangin responsable sa pagsiguro nga transparent, accountable, kag inclusive ang tanan nga proyekto sang pang-imprastruktura sa aton syudad.
Tinguha sang ini nga pamaagi nga magaupod ang lokal nga gobyerno, private sector kag ang mga civil society organizations (CSO) sa pagsiguro nga ang kwarta sang mga Kabankalanon, mapuslan gid sang mga Kabankalanon.
Sa sini nga hagna may yara man partisipasyon ang pumuloyo paagi sa "Citizen Feedback and Complaint Mechanism" kung may nakita sila nga iregularidad, delays, ukon ano man nga issues sa mga proyekto.
Ginapasalamatan naton ang pag-upod bilang mga co-sponsors kanday SPM Anne Marie Zayco, SPM Joan Daclan Cagape, SPM Marie Vic Anacan Ramos, SPM Jennelyn Largado-Sacadan, kag SPM Ernie Libona.
Updanay kita para sa matinlo, matuod, kag bukas nga gobyerno.
Akbayan Partylist
Adolfo Toto Mangao
