Olimpio A. Guarin Jr. National High School

Directions

Olimpio A. Guarin Jr. National High School Department of Education, Region V, Schools Division of Sorsogon Province, 302181, Bacolod, Juban, Sorsogon

🌿🧹 GRADE 9 DIAMOND HPTA CLEAN-UP DRIVE 🧹🌿Ngayong araw, mula 7:00 hanggang 9:00 ng umaga, matagumpay na isinagawa ng HPTA...
10/09/2026

🌿🧹 GRADE 9 DIAMOND HPTA CLEAN-UP DRIVE 🧹🌿

Ngayong araw, mula 7:00 hanggang 9:00 ng umaga, matagumpay na isinagawa ng HPTA Officials ng Grade 9 Diamond ang isang Clean-Up Drive sa backyard garden ng paaralan.

Nilinis at inayos ang lugar na lubhang naging madamo upang makatulong na maiwasan ang posibleng pamahayan ng mga ahas at iba pang maaaring magdulot ng panganib o injury sa ating mga mag-aaral. Ang simpleng pagkilos na ito ay malaking ambag sa pagpapanatili ng malinis, maayos, at higit sa lahat, ligtas na school environment para sa lahat. 💚

Lubos ang ating pasasalamat sa HPTA Officials ng Grade 9 Diamond sa kanilang pangunguna at malasakit sa kaligtasan at kapakanan ng mga bata. 👏👏

💙 Sa bawat magulang, hinihikayat po namin ang inyong aktibong pakikilahok sa mga school activities. Ang inyong oras, suporta, at pakikiisa ay mahalagang bahagi ng ating sama-samang pagsisikap na gawing mas ligtas, malinis, at child-friendly ang ating paaralan.

🤝 Kapag ang paaralan, mga g**o, at mga magulang ay nagtutulungan, mas nagiging ligtas at maayos ang lugar kung saan natututo at lumalaki ang ating mga anak.

Mabuhay ang HPTA ng Grade 9 Diamond! 💚
Bayanihan para sa kaligtasan ng bawat mag-aaral!

📍 Olimpio A. Guarin Jr. National High School






📰✨ SCHOOL JOURNALISTS IN ACTION! ✨📰Congratulations to our Olimpio A. Guarin Jr. NHS School Journalists for participating...
09/09/2026

📰✨ SCHOOL JOURNALISTS IN ACTION! ✨📰

Congratulations to our Olimpio A. Guarin Jr. NHS School Journalists for participating in the District Press Conference 2026 held at Jose G. Alindogan Elementary School on September 8, 2026!

With the guidance of their dedicated coaches, Mam Julie V. Retoma and Mam Jennifer F. Jurado, may you continue to write with courage, truth, and purpose. 🖊️📖

Basta taga-Olimpio, Disiplinado! 💙💛

🏆 OLIMPIO JOINS DISTRICT SPORTS SELECTION MEET 2026! 🏆Buong husay at determinasyon na ipinamalas ng ating mga atleta ng ...
09/09/2026

🏆 OLIMPIO JOINS DISTRICT SPORTS SELECTION MEET 2026! 🏆

Buong husay at determinasyon na ipinamalas ng ating mga atleta ng Olimpio A. Guarin Jr. National High School sa District Sports Selection Meet 2026, na ginanap noong September 3–5, 2026 sa Juban, Sorsogon.

Nakilahok ang ating mga mag-aaral sa iba’t ibang larangan ng palakasan—Volleyball, Basketball, Athletics, Chess, at Arnis—bitbit ang disiplina, tiyaga, at pagmamalaki bilang isang Olimpian. 💪🏅

Sa pangunguna ng ating butihing School Principal II, Mr. Joland L. Dellomas, patuloy nating sinusuportahan ang ating mga kabataang atleta sa kanilang pag-abot sa kanilang mga pangarap.

Mabuhay ang ating mga atleta! Ipagpatuloy ang laban! 🏆
Basta taga-Olimpio, Disiplinado! 💙❤️💛

🏅 CONGRATULATIONS, ZONAL MEET QUALIFIERS! 🏅Ipinagmamalaki ng Olimpio A. Guarin Jr. National High School ang ating mga at...
09/09/2026

🏅 CONGRATULATIONS, ZONAL MEET QUALIFIERS! 🏅

Ipinagmamalaki ng Olimpio A. Guarin Jr. National High School ang ating mga atletang matagumpay na napili upang kumatawan sa paaralan sa Zonal Meet 2026 matapos ang District Sports Selection Meet na ginanap sa Juban District, Juban, Sorsogon noong September 3–5, 2026.

Nawa'y magsilbi kayong inspirasyon sa patuloy na pagpapakita ng husay, disiplina, at determinasyon. Ipagpatuloy ang pag-abot sa tagumpay!

Basta taga-Olimpio, Disiplinado! 💙❤️💛

🌿⛺ BSP & GSP DISTRICT JOINT CAMPORAL 2026 ⛺🌿“Scouts Today, Leaders Tomorrow!” 🇵🇭💙❤️Isang makabuluhan at masayang karanas...
09/09/2026

🌿⛺ BSP & GSP DISTRICT JOINT CAMPORAL 2026 ⛺🌿

“Scouts Today, Leaders Tomorrow!” 🇵🇭💙❤️

Isang makabuluhan at masayang karanasan para sa ating mga Boy Scouts at Girl Scouts ng Olimpio A. Guarin Jr. National High School sa pagsasagawa ng District Joint BSP/GSP Camporal na ginanap sa Camp Fermin Jazareno, Guruyan Elementary School, Guruyan, Juban, Sorsogon, mula September 8–10, 2026.

Sa pangunguna ng ating butihing School Principal II, Mr. Joland L. Dellomas, kasama ang ating masisipag at dedikadong teachers at Scout Leaders, patuloy nating hinuhubog ang ating mga mag-aaral tungo sa pagiging responsable, disiplinado, matatag, at handang mamuno. 🌟

Sa bawat gawain, pagsubok, pagkakaibigan, at karanasang nabuo sa kampo, higit nating pinatatatag ang diwa ng paglilingkod, pakikipagtulungan, leadership, at pagmamahal sa kapwa at bayan. 🇵🇭

Mabuhay ang BSP at GSP ng Olimpio!
Basta taga-Olimpio, Disiplinado! 💙❤️💛





🎉 Malugod na Pagbati, Ma'am Cheryll! 🥳👏Taos-pusong binabati ng Olimpio A. Guarin Jr. National High School si ASDS Cheryl...
14/07/2026

🎉 Malugod na Pagbati, Ma'am Cheryll! 🥳👏

Taos-pusong binabati ng Olimpio A. Guarin Jr. National High School si ASDS Cheryll V. Bermudo, CESO VI, Assistant Schools Division Superintendent ng Schools Division Office of Sorsogon, sa kanyang pagkakahirang bilang Career Executive Service Officer (CESO) Rank VI ng Career Executive Service Board (CESB).

Ang natatanging tagumpay na ito ay patunay ng inyong mahusay na pamumuno, hindi matatawarang dedikasyon, at taos-pusong paglilingkod sa pagsusulong ng de-kalidad na edukasyon at mahusay na serbisyo publiko. Patuloy kayong nagsisilbing inspirasyon sa mga g**o, kawani, at mga mag-aaral sa buong Schools Division Office of Sorsogon.

Kaisa ang buong pamilya ng Olimpio A. Guarin Jr. National High School sa pagdiriwang ng mahalagang tagumpay na ito. Nawa'y magpatuloy kayong maging huwaran ng tapat na pamumuno, kahusayan, at malasakit sa paglilingkod para sa kapakanan ng edukasyon.

Muli, taos-pusong pagbati sa inyong karapat-dapat na tagumpay, Ma'am Cheryll! Ipinagmamalaki kayo ng inyong pamilya sa Olimpio A. Guarin Jr. National High School. 💙





🎉 Congratulations Sir Pedrito! 🎉Isang taos-pusong pagbati saiyo Sir Pedrito Dulay, Head Teacher III, ng Olimpio A. Guari...
09/07/2026

🎉 Congratulations Sir Pedrito! 🎉

Isang taos-pusong pagbati saiyo Sir Pedrito Dulay, Head Teacher III, ng Olimpio A. Guarin Jr. National High School saiyong matagumpay na pagpasa sa National Assessment for School Heads (NASH)!

Ang tagumpay na ito ay patunay ng iyong dedikasyon, mahusay na pamumuno, at walang sawang paglilingkod sa edukasyon. Nawa'y magsilbi itong inspirasyon sa buong komunidad ng paaralan na patuloy na magsikap at magbigay ng de-kalidad na serbisyo para sa ating mga mag-aaral.

Lubos naming ipinagmamalaki ang iyong tagumpay. Hangad namin ang mas marami pang biyaya at tagumpay sa iyong paglalakbay bilang isang mahusay na lider sa edukasyon.

Congratulations once again, and may God continue to bless your leadership! 💙💛

Ngayong ika-18 ng Hunyo 2026, matagumpay na nakiisa ang Olimpio A. Guarin Jr. National High School sa pagsasagawa ng Sec...
18/06/2026

Ngayong ika-18 ng Hunyo 2026, matagumpay na nakiisa ang Olimpio A. Guarin Jr. National High School sa pagsasagawa ng Second Quarter National Simultaneous Earthquake Drill (NSED) sa paaralan na matatagpuan sa Bacolod, Juban, Sorsogon.

Aktibong nakilahok ang lahat ng mga mag-aaral, g**o, at kawani ng paaralan sa isinagawang simulation upang higit na mapaunlad ang kanilang kahandaan at mabilis na pagtugon sa oras ng sakuna, lalo na sa panahon ng lindol. Sa pamamagitan ng pagsasanay sa tamang “Duck, Cover, and Hold” procedures at iba pang emergency protocols, napalalakas ang kakayahan ng buong komunidad ng paaralan na mapanatili ang kaligtasan ng bawat isa sa oras ng panganib.

Ang gawaing ito ay lalong naging makabuluhan dahil sa mga kamakailang lindol na naranasan sa iba't ibang bahagi ng bansa na nagdulot ng pinsala at pagkawala ng buhay. Bilang tugon, patuloy na isinusulong ng paaralan, katuwang ang Department of Education at iba pang ahensyang may kinalaman sa disaster preparedness, ang mga programang naglalayong pangalagaan ang kaligtasan at kapakanan ng mga mag-aaral.

Patuloy na naninindigan ang Olimpio A. Guarin Jr. National High School sa paghahatid ng de-kalidad na edukasyon at sa paghubog ng mga mag-aaral na maging responsable, disiplinado, at handang mamamayan sa harap ng anumang hamon at sakuna.

Matagumpay na naidaos ang isang linggong Brigada Eskwela sa Olimpio A. Guarin Jr. National High School sa pamamagitan ng...
05/06/2026

Matagumpay na naidaos ang isang linggong Brigada Eskwela sa Olimpio A. Guarin Jr. National High School sa pamamagitan ng pagkakaisa, pagtutulungan, at malasakit ng mga mag-aaral, mga magulang, mga g**o at kawani ng paaralan, gayundin ng mga stakeholders at katuwang ng komunidad.

Sa pangunguna ng aming School Principal, Joland L. Dellomas, PII, naging makabuluhan at matagumpay ang mga gawaing isinagawa upang maihanda ang paaralan para sa panibagong taong panuruan. Ang sama-samang pagsisikap ng bawat isa ay nagbunga ng mas malinis, mas ligtas, at mas kaaya-ayang kapaligiran para sa pagkatuto ng ating mga mag-aaral.

Bagama't natapos na ang itinakdang isang linggong Brigada Eskwela, nagpapatuloy ang hangarin ng paaralan na higit pang mapaganda at mapaunlad ang mga pasilidad at kapaligiran nito bilang bahagi ng patuloy na pagsisikap na makapagbigay ng de-kalidad at maayos na serbisyong pang-edukasyon.

Taos-puso ang aming pasasalamat sa lahat ng nakiisa at nagbahagi ng kanilang oras, talento, at dedikasyon. Ang inyong suporta at pakikiisa ay patunay na buhay ang diwa ng bayanihan at pagmamalasakit para sa edukasyon at kinabukasan ng kabataan.




Address

BACOLOD, JUBAN, SORSOGON
Juban
4703

Website

Alerts

Be the first to know and let us send you an email when Olimpio A. Guarin Jr. National High School posts news and promotions. Your email address will not be used for any other purpose, and you can unsubscribe at any time.

Shortcuts

Share

Category