Public Information Office - Jose Panganiban

Public Information Office - Jose Panganiban The official page of the Public Information Office - Jose Panganiban.

Like and follow to get the latest updates and news alerts from your local government.



HAPPY BIRTHDAY GOVERNOR D**G PADILLA!Mula sa LGU - Jose Panganiban, sa pangunguna ni Mayor Ariel M. Non, kasama ang laha...
01/06/2026

HAPPY BIRTHDAY GOVERNOR D**G PADILLA!

Mula sa LGU - Jose Panganiban, sa pangunguna ni Mayor Ariel M. Non, kasama ang lahat ng mga kawani at mamamayan ay binabati namin ng isang Maligayang Kaarawan ang ating Gobernador Ricarte "D**g" Padilla. Hangad namin ang inyong mabuting kalusugan, mahabang buhay, at patuloy na tagumpay sa lahat ng inyong mga adhikain para sa Camarines Norte!

From the People of Jose Panganiban, Happy Birthday Gov. D**g!

SERBISYO NG LTO DINALA SA JOSE PANGANIBAN: ONE STOP SHOP / OUTREACH PROGRAM ISINAGAWA KATUWANG ANG LGU!Mas pinalapit na ...
28/05/2026

SERBISYO NG LTO DINALA SA JOSE PANGANIBAN: ONE STOP SHOP / OUTREACH PROGRAM ISINAGAWA KATUWANG ANG LGU!

Mas pinalapit na sa mga Mambuleño ang mahahalagang serbisyo ng Land Transportation Office matapos magsagawa ng One Stop Shop / Outreach Program katuwang ang LGU - Jose Panganiban sa pangunguna ni Mayor Ariel M. Non sa JOMAPA Convention Center sa bayan ng Jose Panganiban.

Layunin ng programa na maihatid nang direkta sa mamamayan ang iba’t ibang serbisyo ng LTO upang hindi na kinakailangang bumiyahe pa ang mga residente patungong Daet at Labo para lamang makapagproseso ng kanilang mga pangangailangan sa ahensya.

Kabilang sa mga serbisyong inilapit sa publiko ang Mobile Emission Testing kung saan agad na nasuri ang mga sasakyan bilang bahagi ng mga kinakailangan sa pagpaparehistro. Dahil dito, naging mas mabilis at mas maginhawa para sa mga may-ari ng sasakyan ang pagproseso ng kanilang mga dokumento nang hindi na kinakailangang maghanap pa ng emission testing center sa ibang bayan.

Isinagawa rin ang Motor Vehicle Registration na dinagsa ng maraming residente upang maparenew at maayos ang rehistro ng kanilang mga sasakyan. Naging malaking kaginhawaan ito para sa mga motorista dahil nabawasan ang kanilang gastusin at hindi na nila kinailangang pumila sa malalayong tanggapan ng LTO.

Nagkaroon din ng Libreng Theoretical Driving Course na dinaluhan ng mga residenteng nais kumuha ng student permit at matutong maging responsableng motorista. Tinalakay sa seminar ang mahahalagang batas trapiko, road safety, tamang disiplina sa kalsada, at iba pang kaalaman upang makatulong sa pag-iwas sa aksidente at mapanatili ang kaligtasan ng lahat ng gumagamit ng lansangan.

Nagpasalamat naman ang maraming Mambuleño sa inisyatibong ito ng LTO at ng lokal na pamahalaan dahil malaking ginhawa umano ang hatid ng mga serbisyong inilapit mismo sa kanilang bayan. Patunay rin ito ng patuloy na pagtutulungan ng LTO at LGU ng Jose Panganiban upang mas mapalapit at mapabilis ang paghahatid ng serbisyong publiko sa komunidad.

Abangan sa page ng Jose Panganiban Public Information Office ang mga susunod na schedule ng LTO sa ating Bayan.

IBA'T-IBANG EKSENA NG PAGBIBINATA NATUNGHAYAN SA OPERASYON LIBRENG TULI NG LGU - JOSE PANGANIBANBago pa man magpasukan a...
26/05/2026

IBA'T-IBANG EKSENA NG PAGBIBINATA NATUNGHAYAN SA OPERASYON LIBRENG TULI NG LGU - JOSE PANGANIBAN

Bago pa man magpasukan ay matagumpay na isinagawa ng LGU - Jose Panganiban sa pangunguna ni Mayor Ariel M. Non katuwang Municipal Health Office at mga kawani nito ang taunang Operasyon Libreng Tuli para sa mga kabataang Mambuleño.

Sa temang “Hindi Lang Uso, Responsableng Desisyon ‘To,” binigyang-diin ni Dra. Melody Bulawan na ang pagpapatuli ay mahalagang hakbang para sa kalinisan ng pangangatawan at kalusugan ng mga bagong binata.

Himigit kumulang sa 70 na mga bata ang masigasig na pumila kasama ang kanilang mga magulang para magpatuli. Marami ang umiyak at ang iba naman ay nilibang na lamang ang kanilang mga sarili para hindi maramdaman ang sakit ng pagtutuli.

Hanggad ng LGU - Jose Panganiban na mas palakasin pa ang lahat ng mga programang pangkalusugan at ihatid ang libreng medical procedures tulad nito sa mga mamamayan.

OPLAN MANanabas: ROAD CLEARING SA MGA PANGUNAHING KALSADA NG WEST DISTRICT OF JOSE PANGANIBAN, IPINATUPAD NI YORMEIsinag...
25/05/2026

OPLAN MANanabas: ROAD CLEARING SA MGA PANGUNAHING KALSADA NG WEST DISTRICT OF JOSE PANGANIBAN, IPINATUPAD NI YORME

Isinagawa ng lokal na pamahalaan sa pangunguna ni Mayor Ariel M. Non ang road clearing operations sa mga pangunahing kalsada ng West District of Jose Panganiban bilang bahagi ng pagpapanatili ng kalinisan, kaayusan, at kaligtasan sa mga lansangan.

Kabilang sa mga isinagawang ay ang pagtatabas ng matataas at masusukal na damuhan sa gilid ng mga kalsada na nagiging sagabal sa mga motorista. Binawasan rin ang mga bato at lupa na nakaharang sa mga kurbada o blind curves upang makatulong sa pag-iwas sa aksidente.

Gamit ang mga backhoe at loader ng munisipyo ay mabilis na naisagawa ang clearing operations na pinangunahan ng Municipal General Services Office (MGSO) sa inilunsad na MANanabas Program katuwang ang Municipal Engineering Office (MEO).

Ayon kay Mayor Non, layunin ng programang ito na gawing mas ligtas, malinis, at mas madaling daanan ang mga pangunahing kalsada para sa kapakanan ng mga residente at biyahero sa West District ng Jose Panganiban.

Personal ring nakausap ni Mayor ang mga may-ari ng lupa at pumayang silang maipatupad ang widening ng walang anumang kondisyon sa pamahalaang bayan.

Patuloy namang hinihikayat ng LGU ang publiko na makiisa sa pagpapanatili ng kalinisan at kaayusan. Sa tila simpleng gawainh tulad nito ay tiyak na maraming buhay ang maililigtas sa mula sa kapahamakan.

ASSISTANT REGIONAL DIRECTOR NG COMELEC BUMISITA SA JOSE PANGANIBAN PARA SA LAST DAY NG VOTERS REGISTRATION AND TRANSFERN...
24/05/2026

ASSISTANT REGIONAL DIRECTOR NG COMELEC BUMISITA SA JOSE PANGANIBAN PARA SA LAST DAY NG VOTERS REGISTRATION AND TRANSFER

Nitong nakalipas na semana ay pormal na nagtapos ang registration para sa mga bago at lilipat ng rehistro ng pagboto sa buong Pilipinas.

Ang hakbang na ito ay isinagawa sa pangunguna ni Ma'am Juvy Juan, COMELEC Officer ng Jose Panganiban, bilang paghahanda sa darating na Barangay at Sangguniang Kabataan (SK) Elections na nakaschedule ngayon November 2, 2026.

Upang matiyak na wasto at napapanahon ang talaaan ng mga botante ay bumisita sa Jose Panganiban sina Assistant Regional Director Atty. Annie Romero-Cortez, kasama si Provincial Election Supervisor Atty. Francis Nieves ng COMELEC Camarines Norte.

Tiniyak nila na maayos, tapat, at wasto ang daloy ng proseso upang masiguro na ang bawat mamamayan at kabataang Mambuleño ay mabibigyan ng pagkakataong mairehistro at magkaroon ng boses sa darating na mga halalan.

𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐌𝐀𝐓𝐀𝐏𝐀𝐓 𝐍𝐀 𝐏𝐀𝐆𝐋𝐈𝐋𝐈𝐍𝐆𝐊𝐎𝐃: 𝐌𝐀. 𝐓𝐄𝐑𝐄𝐒𝐈𝐓𝐀 𝐆. 𝐏𝐄Ñ𝐀𝐒, 𝟑𝟕 YEARS AND 5 MONTHS SA 𝐏𝐀𝐌𝐏𝐔𝐁𝐋𝐈𝐊𝐎𝐍𝐆 𝐒𝐄𝐑𝐁𝐈𝐒𝐘𝐎 𝐒𝐀 BAYANPin...
20/05/2026

𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐌𝐀𝐓𝐀𝐏𝐀𝐓 𝐍𝐀 𝐏𝐀𝐆𝐋𝐈𝐋𝐈𝐍𝐆𝐊𝐎𝐃: 𝐌𝐀. 𝐓𝐄𝐑𝐄𝐒𝐈𝐓𝐀 𝐆. 𝐏𝐄Ñ𝐀𝐒, 𝟑𝟕 YEARS AND 5 MONTHS SA 𝐏𝐀𝐌𝐏𝐔𝐁𝐋𝐈𝐊𝐎𝐍𝐆 𝐒𝐄𝐑𝐁𝐈𝐒𝐘𝐎 𝐒𝐀 BAYAN

Pinangunahan ni Mayor Ariel M. Non ang pagbibigay pugay at pagkilala ng Pamahalaang Bayan ng Jose Panganiban sa pagreretiro ni Gng. Ma. Teresita G. Peñas bilang paggalang sa kanyang mahabang talaan ng dedikasyon at serbisyo sa bawat Mambuleño.

Ipinagkaloob ang Certificate of Commendation sa isang seremonya na kumilala sa kanyang halos apat na dekada ng serbisyo publiko.

Bilang isang Medical Technologist II, sinimulan ni Gng. Peñas ang kanyang paglilingkod noong Disyembre 1, 1988. Sa loob ng mahigit 37 taon at 5 buwan, naging mahalagang bahagi siya sa pagsasakatuparan ng mga layunin at adhikain ng bayan lalo na sa usaping pangkalusugan.

HAPPY RETIREMENT MRS. PEÑAS!

BUILD YOUR FUTURE JOB FAIR PARA SA MGA GRADUATING STUDENTS ISINAGAWA NG LGU - JOSE PANGANIBAN AT CNSC-COTTMatagumpay ang...
20/05/2026

BUILD YOUR FUTURE JOB FAIR PARA SA MGA GRADUATING STUDENTS ISINAGAWA NG LGU - JOSE PANGANIBAN AT CNSC-COTT

Matagumpay ang usinagawang 𝐶𝑎𝑟𝑒𝑒𝑟 𝐺𝑢𝑖𝑑𝑎𝑛𝑐𝑒 𝑆𝑒𝑚𝑖𝑛𝑎𝑟 𝑎𝑡 𝐽𝑜𝑏 𝐹𝑎𝑖𝑟 para sa mga graduating students ng CNSC Jose Panganiban Campus ngayong 2026.

Partner sa nasabing aktibidad ang LGU - Jose Panganiban sa pangunguna ni Mayor Ariel M. Non kasama si Mr. Joshua Del Pilar ng Public Employment Services Office (PESO) at pamunuan ng CNSC - COTT.

Ang gawain ay inihanda para magsilbing gabay sa mga magsisipagtapos na mag-aaral ngayong 2026 upang makahanap ng angkop na trabaho batay sa kanilang pinagtapusan.

Sa temang “𝐁𝐮𝐢𝐥𝐝 𝐘𝐨𝐮𝐫 𝐅𝐮𝐭𝐮𝐫𝐞”, ang Seminar at Job Fair ay dinaluhan ng daan-daang kabataan na nakinig sa mga talakayan tungkol sa paghahanda ng mga dokumento, tamang pananamit, tips para sa mahusay na interview, at kahandaan para sa Job Offer.

Sa paanyaya ng PESO ay dumating rin ang mga kinatawan ng ilang malalaking kumpanya mula sa Bicol Region at Metro Manila para magsagawa ng on the sport interview at job offer.

🔵Sincere Staff Management Services
🔵Philippine Spring Water Resources
🔵SM City Daet
🔵One Source
🔵Magnakron Philippines
🔵Tai-Fil Manpower Services Corp.

Ang proyektong ito ay patunay ng dedikasyon ng Pamahalaang Bayan at ng CNSC na bigyan ang bawat kabataan ng magandang simula na magiging ambag sa pag-unlad ng kabuhayan ng bawat Mambuleño.

MAY 20 - 22 : LAND TRANSPORTATION OFFICE MOBILE SERVICES SA JOSE PANGANIBAN Bukas May 20, 2026 ang simula ng paghahatid ...
19/05/2026

MAY 20 - 22 : LAND TRANSPORTATION OFFICE MOBILE SERVICES SA JOSE PANGANIBAN

Bukas May 20, 2026 ang simula ng paghahatid ng Mobile Services ng Land Transportation Office (LTO) sa bayan Jose Panganiban. Katuwang ng LTO ang administrasyon ni Mayor Ariel M. Non sa paghahatid ng serbisyo publiko sa pamamagitan ng pagsasagawa ng Mobile Emission Testing, Free Theoretical Driving Course (TDC), at Motor Vehicle Registration para sa mga Mambuleño.

Layunin ng programang ito na mapadali at mailapit sa mamamayan ang mahahalagang serbisyo ng LTO nang hindi na kinakailangang bumiyahe sa ibang lugar. Sa pamamagitan ng Mobile Emission Testing at Motor Vehicle Registration, mas mapapabilis at mapapaginhawa ang proseso para sa mga motorista na magpaparehistro ng kanilang mga sasakyan.

Para naman sa Motor Vehicle Registration, magbibigay-daan ito sa maagang pagrerehistro ng mga sasakyang malapit nang mapaso ang rehistro, kabilang ang mga may expiry hanggang Hulyo 2026, upang maiwasan ang dagsa ng mga transaksyon at matiyak ang tuloy-tuloy na bisa ng kanilang rehistro.

Magbibigay rin ang LTO ng libreng Theoretical Driving Course para sa mga nagnanais kumuha ng student permit at maging responsableng motorista. Tatalakayin sa naturang seminar ang mahahalagang batas trapiko, road safety, at wastong pagmamaneho upang higit na mapaigting ang kaligtasan sa lansangan.

Pinangalanan ang Bayan ng Jose Panganiban bilang isa sa mga makatatanggap ng mga serbisyo ng LTO sa ilalim ng kanilang Outreach Programs sa buong Bicol Region, batay sa Memorandum Circular na pirmado mismo ni Department of Transportation Undersecretary Markus V. Lacanilao.

Para sa mga katanungan at karagdagang impormasyon, maaari po kayong makipag-ugnayan sa Mayor’s Office ng Lokal na Pamahalaan ng Jose Panganiban o i-comment ang inyong detalye sa post na ito.

𝙻𝙶𝚄 - 𝙹𝙾𝚂𝙴 𝙿𝙰𝙽𝙶𝙰𝙽𝙸𝙱𝙰𝙽 𝚂𝚄𝙿𝙾𝚁𝚃𝙰𝙳𝙾 𝙰𝙽𝙶 𝙼𝙰𝚃𝙰𝙶𝚄𝙼𝙿𝙰𝚈 𝙽𝙰 𝙿𝙰𝙶𝚃𝙰𝚃𝙰𝙿𝙾𝚂 𝙽𝙶 𝙼𝙰𝙼𝙱𝚄𝙻𝙰𝙾 𝚃𝙰𝙴𝙺𝚆𝙾𝙽𝙳𝙾 𝚂𝚄𝙼𝙼𝙴𝚁 𝙲𝙻𝙸𝙽𝙸𝙲Kamakailan ay matagumpay...
18/05/2026

𝙻𝙶𝚄 - 𝙹𝙾𝚂𝙴 𝙿𝙰𝙽𝙶𝙰𝙽𝙸𝙱𝙰𝙽 𝚂𝚄𝙿𝙾𝚁𝚃𝙰𝙳𝙾 𝙰𝙽𝙶 𝙼𝙰𝚃𝙰𝙶𝚄𝙼𝙿𝙰𝚈 𝙽𝙰 𝙿𝙰𝙶𝚃𝙰𝚃𝙰𝙿𝙾𝚂 𝙽𝙶 𝙼𝙰𝙼𝙱𝚄𝙻𝙰𝙾 𝚃𝙰𝙴𝙺𝚆𝙾𝙽𝙳𝙾 𝚂𝚄𝙼𝙼𝙴𝚁 𝙲𝙻𝙸𝙽𝙸𝙲

Kamakailan ay matagumpay na nagtapos ang Mambulao Taekwondo Summer Clinic sa isinagawa sa JOMAPA Convention Center, isang proyektong naglalayong magbigay ng kasanayan at disiplina sa mga kabataan ng Jose Panganiban.

Matatandaan na ipinakita ni Mayor Ariel M. Non ang kanyang suporta sa grupo sa pamamagitan ng pagbibigay ng full set ng anti-slip at impact absorption sports mats para sa ligtas at maayos nilang pagsasanay.

Pinangunahan ni Kgd. Roberto Andaya ang programa, habang labis naman ang tuwa at pasasalamat ng mga magulang sa nakitang pag-unlad at bagong natutunan ng kanilang mga anak.

Ginanap nitong Miyerkules ang Culminating Activity, kung saan ipinakita ng mga kabataan ang kanilang galing at mga kasanayang natutunan mula sa ilang lingong pagsasanay.

Hangad ng Lokal na Pamahalaan na tumuklas ng mahuhusay na atleta at future black belters na magbibigay karangalan at magiging inspirasyon sa bayan. Ang tagumpay ng aktibidad ay patunay ng patuloy na suporta at pagmamahal ng pamahalaan sa paghubog sa kinabukasan ng mga kabataan.

📢 𝐄𝐍𝐑𝐎𝐋𝐋𝐌𝐄𝐍𝐓 𝐍𝐎𝐖 𝐎𝐏𝐄𝐍 𝐅𝐎𝐑 𝐓𝐄𝐂𝐇𝐍𝐈𝐂𝐀𝐋-𝐕𝐎𝐂𝐀𝐓𝐈𝐎𝐍𝐀𝐋 𝐂𝐎𝐔𝐑𝐒𝐄𝐒 𝐀𝐓 𝐑𝐎𝐘 𝐁. 𝐏𝐀𝐃𝐈𝐋𝐋𝐀 𝐓𝐄𝐂𝐇𝐍𝐈𝐂𝐀𝐋 𝐈𝐍𝐒𝐓𝐈𝐓𝐔𝐓𝐄Inaanyayahan ng pamahalaang ...
18/05/2026

📢 𝐄𝐍𝐑𝐎𝐋𝐋𝐌𝐄𝐍𝐓 𝐍𝐎𝐖 𝐎𝐏𝐄𝐍 𝐅𝐎𝐑 𝐓𝐄𝐂𝐇𝐍𝐈𝐂𝐀𝐋-𝐕𝐎𝐂𝐀𝐓𝐈𝐎𝐍𝐀𝐋 𝐂𝐎𝐔𝐑𝐒𝐄𝐒 𝐀𝐓 𝐑𝐎𝐘 𝐁. 𝐏𝐀𝐃𝐈𝐋𝐋𝐀 𝐓𝐄𝐂𝐇𝐍𝐈𝐂𝐀𝐋 𝐈𝐍𝐒𝐓𝐈𝐓𝐔𝐓𝐄

Inaanyayahan ng pamahalaang bayan sa pamumuno ni Mayor Ariel M. Non ang lahat ng interesadong indibidwal na mag-enroll sa training programs para sa kahandaan 'tungo sa employment, entrepreneurship, at skills development kaakibat ng pagtatayo ng sariling negosyo , o higit pang paghusay ng inyong mga kakayahan.

🥖 𝐔𝐏𝐂𝐎𝐌𝐈𝐍𝐆 𝐓𝐑𝐀𝐈𝐍𝐈𝐍𝐆 𝐒𝐂𝐇𝐄𝐃𝐔𝐋𝐄
Bread and Pastry Production NC II
📅 Start Date:May 19, 2026

Tumatanggap pa rin kami ng mga magpapalista para sa kursong ito at sa lahat ng iba pang kurso hanggang sa mapuno ang lahat ng slots. Hinihikayat namin ang lahat ng nagnanais matuto at umasenso sa karera na mag-apply nang maaga.

📚 𝐂𝐎𝐔𝐑𝐒𝐄𝐒 𝐎𝐅𝐅𝐄𝐑𝐄𝐃
Ito ang mga kursong inaalok namin na nagbibigay ng National Certificate (NC) na kinikilala ng mga kinauukulan:

●Bread and Pastry Production NC II – Pag-aaralan ang paghahanda at paggawa ng mga de-kalidad na tinapay, kakanin, keyk, at iba pang panghimagas.
●Electrical Installation and Maintenance NC II – Matutunan ang mahahalagang kasanayan sa pagkakabit, pagmimintina, at pagkukumpuni ng mga kable ng kuryente, ilaw, at mga sistema ng kuryente ayon sa mga pamantayang pangkaligtasan.
●Shielded Metal Arc Welding NC I – Pag-aaralan ang mga batayang kaalaman sa pagwe-welding, kabilang ang tamang paggamit ng kagamitan, mga gawain pangkaligtasan, at mga simpleng pamamaraan ng pagdugtong ng bakal.
●Shielded Metal Arc Welding NC II – Mas mapapahusay ang inyong kaalaman gamit ang mas komplikadong pamamaraan ng pagwe-welding, pagsiguro ng kalidad, at pagsunod sa mga pamantayang pang-industriya.

📋 𝐄𝐍𝐑𝐎𝐋𝐋𝐌𝐄𝐍𝐓 𝐃𝐄𝐓𝐀𝐈𝐋𝐒
You may submit your application and requirements directly at our institute during the following schedule:
🗓️ Days: Monday to Friday
⏰ Time: 8:00 AM – 5:00 PM

✅ 𝐃𝐎𝐂𝐔𝐌𝐄𝐍𝐓𝐒 𝐑𝐄𝐐𝐔𝐈𝐑𝐄𝐃
Please prepare and submit the following complete requirements upon enrollment:
1. Photocopy of report card, diploma, or transcript of records
2. Six (6) photocopies of PSA Birth Certificate; Marriage Certificate (if applicable)
3. Barangay Clearance
4. Medical Certificate issued by the Rural Health Unit (RHU)
5. Six (6) pieces of 1x1 ID photo and six (6) pieces of passport-sized photo (with white background)
6. One (1) long brown envelope

Secure your slot today—we look forward to welcoming you to our learning community!

For further inquiries, please visit their office during office hours.

Address

Vinzons Street, North Poblacion
Jose Panganiban
4606

Opening Hours

Monday 8am - 4pm
Tuesday 8am - 4pm
Wednesday 8am - 4pm
Thursday 8am - 4pm
Friday 8am - 4pm

Website

Alerts

Be the first to know and let us send you an email when Public Information Office - Jose Panganiban posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Public Information Office - Jose Panganiban:

Shortcuts

Share

Category