𝓙𝓪𝓿𝓲𝓮𝓻 𝓝𝓮𝔀𝓼 𝓤𝓹𝓭𝓪𝓽𝓮

07/11/2025

: POLICE, ARESTADO HAN MANBUNLOT HIN KWENTAS NGAN KWARTA HA ABUYOG LEYTE

Waray naka-talwas an usa nga police ha iya igkasi police han madakop ine mahuman manbunlot hin kwentas ngan kwarta ha usa nga vendor ha Brgy. Nalibunan, Abuyog, Leyte, alas 4 han kulop, November 4, kataliwan han pag-igo ni Bagyo Tino.

An suspek in 37-anyos nga police nga may ranggo nga Police Master Sergeant, naka-destino ha ESPPO, ngan residente han Zone 1, Javier, Leyte.

Ha impormasyon nga nakuha, ginreport han usa nga vegetable vendor nga hi alyas Lenny, 30 anyos, nga residente han Abuyog Leyte, nga samtang hiya in napalit hin gulay ha usa nga truck, in tigda dumaop an suspek nga naka sul-ot hin itom nga raincoat ngan gin hulbot an iya kwentas ngan pendant nga nagkakantidad hin P42,000, lakip gihapon ha nakuha an black belt bag nga may sulod nga P15,000 nga kwarta.

Nakaaro pa hin bulig an biktima, rason han pag responde hin usa nga police nga nakadto ha lugar, napusil ine han police pero waray ine kaabti tungod nga nakasakay na an suspek han iya motorsiklo paharayo ha lugar.

Dayon naman nga nagbuhat hin follow up investigation an Abuyog PNP, ngan nasabtan nga an suspek in nakaadmit ha Baybay City Hospital.

Nakilal-an ine nga usa nga myembro han PNP. Nakumpiskar ha suspek an motor nga gingamit ha krimen, an iya issued fi****ms, bala, ngan kwarta nga nagkakatidad Php 7,720.00.

An police in mag-aatubang hin kaso tungod han iya gin buhat nga krimen.

03/11/2025

⚠️ An bagyo madikit na haraniay ha mga east shore han Leyte.
Mag-amping Kita tanan!!!

Padayon nga nagdadara ini hin makusog nga hangin ngan masurobong nga uran. Diri pa angay magkompyansa — posible nga makasinati hin kusog nga hangin ngan pagbaha ha pipira nga parte han aton bungto.

Pabilin la ha sulod han mga panimalay, ig-andam an mga kinahanglanon, ug paminawa an mga pahibaro tikang ha aton lokal nga awtoridad.
Kon ginsusugo ha pag-evacuate, sumunod dayon ha mga tagdumara han barangay o MDRRMO.

Amping ngan mag-inmabungahon kita tanan.

03/11/2025

⚠️ Nakasulod na an Bagyo ha Leyte Gulf.

Mag-amping kita tanan!!!

Padayon nga naglalakat an bagyo ha dapit han Leyte Gulf ngan ginlalauman nga magdadara ini hin mas makusog nga hangin ngan uran ha masunod nga mga oras. An mga residente ha Javier ug mga kasikbit nga bungto kinahanglan mag-andam yana pa la, labi na adton naukoy ha mga ubos nga lugar o hirani ha baybayon.

Igiandam an mga “go bag,” importante nga papeles, pagkaon, tubig, flashlight, ug baterya. Ayaw paghulat nga lumala an panahon antes bumalhin kun kinahanglan mag-evacuate.
Kon may mga bata, tigurang, o may sakit nga kaupod, siguroha nga hira maluwas ngan aada ha mas talwas nga lugar.

An lokal nga awtoridad ug mga PDRRMO nagmementina han pagbantay han kahimtang han panahon. Paki-monitor la gihapon ha opisyal nga pahibaro tikang ha PAGASA ug ha Javier News Update para ha sunod nga mga advisory.

Stay safe, mga Javiernon — magkakaurosa kita ha pag-amping ug pag-inmabungahon durante han bagyo.

03/11/2025

🟪 GRABE NGA PAGPASIDAAN: BAGYONG ‘TINO’ LUMAKAS PA, MAY BUGSO NGA HANGIN NGA AABOT HA 205 KPH, AN MATA MAHITABO NA HA SOUTHERN LEYTE! ⚠️

Kitaa ini: An mata han Typhoon ( ) in harani na tumama ha , samtang nagkikilos padayon pakatundan. Labi pa ini nga nagkusog ngan may dala nga hangin nga 150 KM/H ngan bugso nga aabot ha 205 KM/H.

Pira nala ka oras antes ini tumama ha tuna. Kinahanglan andam na an ngatanan nga babanggaan han bagyo.

03/11/2025

⚠️ Durante han bagyo

1. Pirmi la ha sulod han balay.
• Ayaw pagawas labi na kun makusog an hangin o may tubig baha.
• Iwas ha mga bintana o lugar nga pwede matumba an pader o poste.

2. Ayaw pag-gamit hin kuryente kun basa an palibot.
• Delikado an kuryente kun may tubig. Ayaw pagdikit ha mga saksakan, appliances, o kable.
• Patayon an main switch kun nagbaha ha imo lugar.

3. Evacuate dayon kun ginsusugo han lokal nga opisyal.
• Dali nga umadto ha pinakamalapit nga evacuation center.
• Dad-a an imo ‘’Go Bag’’ o mga importante nga gamit.
• Ayaw paghulat nga mas daku an baha o makusog an hangin antes bumalhin.
• Kon may mga bata, tigurang, o may sakit, siguraduhon nga may upod nga magbabantay ha ira.
• Sundon an mga instruksyon han mga opisyal han barangay o Municipal Disaster Risk Reduction and Management Office (MDRRMO).

4. Magpabilin nga kalmado.
• Paminawa an radyong de-baterya para han mga update.
• I-report dayon kun may nasusugatan o may nag-uupod nga nanganginahanglan hin bulig.

03/11/2025

🚨 Signal No. 4 now up in parts of Leyte and Southern Leyte!

Typhoon is unleashing violent winds up to 184 km/h and intense rainfall across affected areas tonight.

🗺️ Areas under alert: Baybay City, Abuyog, Hilongos, Matalom, Mahaplag, and the entire Southern Leyte.

💡 Please stay indoors, avoid coastal areas, and prepare for possible power interruptions and flooding.

👉 Full 5:00 PM Update from– PAGASA!

03/11/2025

Thankyou Mayor Michael Dragon Javier❤️

03/11/2025

Tropical Cyclone Wind Signal No. 3 has been raised in the mentioned areas due to Tropical Storm , based on PAGASA’s 11:00 AM bulletin. Everyone is advised to stay alert and keep safe.

02/11/2025

02/11/2025

Pahimatngon ha Posibleng Daluyong ha Sinirangan Visayas ⚠️

Sumala ha PAGASA Storm Surge Warning No. 1, posible an pagtaas han tubig-dagat nga hasta 3 metros ha timog parte han Eastern Samar tungod han bagyong .

Ginpapahimangnoan an mga residente ha kabaybayonan nga mag-evacuate dayon ha mas hitaas nga lugar. An mga mangingisda ngan may gutiay nga sakayan ayaw na anay paglawod.

Padayon nga magbantay ha opisyal nga abiso han PAGASA ngan han lokal nga gobyerno para ha dugang nga impormasyon.

02/11/2025

IN CASE OF EMERGENCY:
Stay updated with the latest weather forecasts and official advisories from Javier News.
For urgent assistance, contact our Emergency Hotlines listed below.
Let’s all remain alert, prepared, and safe! 💙
‼️