Municipality of Jalajala, Rizal Public Information Office

04/06/2026

📢 PUBLIC ADVISORY
SPECIAL (NON-WORKING) DAY

Ipinababatid sa lahat ng mamamayan ng Bayan ng Jalajala na alinsunod sa Proclamation No. 1287 na inilabas ng Tanggapan ng Pangulo, ang Huwebes, Hunyo 11, 2026 ay idineklarang Special (Non-Working) Day sa buong Lalawigan ng Rizal bilang paggunita sa ika-125 Anibersaryo ng Pagkakatatag ng Lalawigan ng Rizal.

Ang nasabing deklarasyon ay nagbibigay-daan upang mabigyan ng pagkakataon ang mga mamamayan na makiisa at makilahok sa mga gawain at pagdiriwang kaugnay ng mahalagang okasyong ito.

Inaanyayahan ang lahat na makiisa sa pagdiriwang at patuloy na ipagmalaki ang mayamang kasaysayan, kultura, at pagkakaisa ng Lalawigan ng Rizal.

Source: Official Gazette of the Republic of the Philippines

Read: https://www.officialgazette.gov.ph/2026/06/03/proclamation-no-1287-s-2026/

04/06/2026

𝗔𝗻𝗴 𝗗𝗲𝗻𝗴𝘂𝗲 𝗮𝘆 𝗶𝘀𝗮𝗻𝗴 𝗻𝗮𝗸𝗮𝗺𝗮𝗺𝗮𝘁𝗮𝘆 𝗻𝗮 𝘀𝗮𝗸𝗶𝘁 𝗻𝗮 𝗻𝗮𝗸𝘂𝗸𝘂𝗵𝗮 𝗺𝘂𝗹𝗮 𝘀𝗮 𝗸𝗮𝗴𝗮𝘁 𝗻𝗴 𝗹𝗮𝗺𝗼𝗸,
𝗻𝗴𝘂𝗻𝗶𝘁 𝗶𝘁𝗼 𝗮𝘆 𝗺𝗮𝗮𝗮𝗿𝗶𝗻𝗴 𝗺𝗮𝗶𝘄𝗮𝘀𝗮𝗻.

Protektahan ang sarili mula sa Dengue!
💁‍♂️Magsuot ng long-sleeves at pantalon
🦟Gumamit ng insect repellent
💤Gumamit ng kulambo 'pag natutulog

Puksain ang mga kiti-kiti, bawasan ang kaso ng Dengue!
🧹Linisin ang kapaligiran
🦟Gumamit ng mga insecticide
🪣Itaob at takpan ang mga napag-iipunan ng tubig

'Wag paabutin sa malalang kaso ang Dengue!
Ang malubhang kaso nito ay nangangailangan ng atensyon ng doktor.

Magpakonsulta sa unang sintomas (lagnat ng 2 araw) pa lamang. Pumunta sa pinakamalapit na health center.

Para sa iba pang health updates, i follow ang Jalajala Municipal Health Office official page.

04/06/2026

Patuloy na ipinapakita ng Pamahalaang Bayan ng Jalajala ang malasakit at pagpapahalaga sa ating mga nakatatandang mamamayan sa matagumpay na pagsasagawa ng 2nd Quarter Social Pension Payout noong Hunyo 3 at 4, 2026.

Patuloy ang Pamahalaang Bayan ng Jalajala, sa pamumuno ng ating Hon. MAYOR JARRY V. AÑAGO, kasama ang Municipal Social Welfare and Development Office (MSWDO), sa paghahatid ng mga programang naglalayong mapabuti ang kapakanan at kalidad ng buhay ng ating mga nakatatandang mamamayan.

Serbisyong may malasakit para sa bawat Jalajaleño.

04/06/2026

Mahilig ka bang magbasa o naniniwala ka agad sa nakikita?

Sa panahon ng artificial intelligence (AI) at mabilisang impormasyon, kaliwa’t kanan ang fake news at misleading content.

Ngayong National Information and Communications Technology (ICT) Month, gawing habit ang pagiging mapanuri. Maliit man o malaking detalye, hanapan ng tamang source at katotohanan.

Bago mag-share o maniwala: ISIPIN, SURIIN, at SIGURADUHIN. Maging responsable online at offline. 💙

| | | | | |

04/06/2026

Ang Pamahalaang Bayan, sa pamumuno ng ating butihing Punong Bayan, Hon. MAYOR JARRY V. AÑAGO , ay taos-pusong nagpapasalamat sa RiteMed sa pagbibigay ng Free Primary Health Medicine Seminar para sa ating mga Barangay Health Workers (BHWs) at Barangay Nutrition Scholars (BNS).

Lubos din ang aming pasasalamat sa ating Municipal Health Office na nanguna at nagsagawa ng aktibidad na ito, na naging daan upang matagumpay na maihatid ang mahalagang kaalaman at pagsasanay para sa ating mga frontliners sa kalusugan.

Ang seminar na ito ay malaking tulong sa pagpapalawak ng kaalaman at kakayahan ng ating mga BHW at BNS upang higit pang mapabuti ang serbisyong pangkalusugan para sa ating mga mamamayan.

Maraming salamat sa RiteMed sa inyong suporta at pakikiisa sa mga programang naglalayong itaguyod ang kalusugan at kapakanan ng bawat isa. Ang inyong malasakit ay tunay na mahalagang ambag sa pagbuo ng isang mas malusog at mas matatag na komunidad.

03/06/2026

MAGANDANG BALITA PARA SA ATING MGA SENIOR CITIZENS! ❤️

Nagsimula na ang pamamahagi ng Quarterly Pension para sa 2nd Quarter ng 2026

Pakisuri ang nakatalagang schedule ng payout upang malaman ang inyong araw ng pagtanggap.

Paalala: National ID lamang po ang dadalhing Valid ID.

Maraming salamat po at ingat sa lahat!

03/06/2026

Maaari na pong magproseso ng Late Registration of Birth sa ating Municipal Civil Registrar (MCR) Office.

Kung ang kapanganakan ay hindi nairehistro sa tamang panahon, maaari pa rin itong maiparehistro sa pamamagitan ng pagsumite ng mga kinakailangang dokumento na nakasaad sa anunsyong ito.

Magtungo lamang po sa ating Municipal Civil Registrar (MCR) Office para sa tamang gabay at karagdagang impormasyon tungkol sa proseso ng aplikasyon.

03/06/2026

Hunyo = Buwan ng Kapaligiran at Kalikasan

Kasabay ng anibersaryo ng Kagawaran ng Kapaligiran at Likas Na Yaman, o mas kilala bilang Department of Environment and Natural Resources (DENR), ipinagdiriwang ngayong Hunyo ang mga adbokasiyang nagsusulong ng pangangalaga sa kalikasan, saribuhay, at kalusugan ng mamamayan.

Sama-samang nating pangalagaan ang ating kagubatan, karagatan, at likas na yaman para sa mas luntiang kinabukasan para sa susunod na henerasyon.

| | | | | |

02/06/2026

02/06/2026

BRIGADA ESKWELA 2026 | Bayanihan para sa Paaralan 🛠️🎨

A heartfelt thank you to the Municipality of Jalajala, headed by Hon. MAYOR JARRY V. AÑAGO, for the generous donation of paint materials in support of Brigada Eskwela 2026 at Bagumbong National High School.

Your unwavering support and commitment to education help create a safer, cleaner, and more conducive learning environment for our learners. Through the spirit of bayanihan, we continue to work together toward building stronger schools and brighter futures.

Tayo’y Magkaisa, Tayo’y Kumilos para sa Mas Maayos at Mas Matatag na Paaralan!






Municipality of Jalajala, Rizal Public Information Office ❤️