27/03/2026
IKA-75 TAONG PALATUNTUNAN NG PAGTATAPOS
Paksa: Pilipinong Mag-aaral, Handang Mamuno nang may Kakayahan at Mabuting Pagkatao
Isang makasaysayang pagdiriwang ang ginanap sa ika-75 Taong Palatuntunan ng Pagtatapos, na sumasalamin sa tagumpay at pagsisikap ng mga mag-aaral na matagumpay na nakatapos sa kanilang antas ng pag-aaral. Sa temang “Pilipinong Mag-aaral, Handang Mamuno nang may Kakayahan at Mabuting Pagkatao,” binigyang-diin ang kahalagahan ng kahusayan at integridad bilang paghahanda sa hinaharap.
Pinangunahan ni G. Marlon B. Braza, Punong-g**o, ang pagpapakilala sa mga magsisipagtapos na handa nang harapin ang susunod na yugto ng kanilang buhay akademiko. Pinagtibay ni Dr. Nerissa R. Dalumpines, Tagamasid Pampurok, ang kanilang pagtatapos bilang pagkilala sa kanilang kakayahan at pagsisikap.
Ang pagpatunay ng pagtatapos ay isinagawa ni Education Program Supervisor sa Kindergarten, Dr. Melinda F. Marquez bilang kinatawan ni Dr. Doris DJ. Estalilla, Pansangay na Tagapamanihala ng mga Paaralan sa Rizal.
Nakiisa rin sa okasyon si Dr. Xandra Lee P. Cervitillo, Tagamasid Pampurok, bilang suporta sa mga nagsipagtapos.
Nagbigay ng makabuluhang payo si Bb. Maricar M. Piamonte, Panauhing Pandangal, na nagsilbing inspirasyon sa mga mag-aaral upang ipagpatuloy ang kanilang mga pangarap nang may determinasyon at mabuting pagkatao.
Dinaluhan din ang nasabing programa ng mga panauhin mula sa lokal na pamahalaan, kabilang sina Mayor Jarry V. Anago, Committee on Education Councilor Narcing Villaran, Konsehala Charlott Angeles, at Konsehal Bhonard Jay Bonita, pati na rin ang mga opisyal ng SPTA, mga magulang, g**o, at ang mga batang nagsipagtapos.
Ang pagdiriwang na ito ay hindi lamang pagtatapos ng isang yugto, kundi simula ng panibagong paglalakbay para sa mga mag-aaral bilang mga Pilipinong handang mamuno nang may kakayahan at mabuting pagkatao.
GRADUATION HIGHLIGHTS
A Photography / Leon Angelo 📷
Photography
