03/09/2026
๐๐๐๐ฉ๐๐จ ๐ฃ๐ ๐๐๐๐ง๐๐ก๐๐ฃ ๐๐ฉ ๐ฟ๐๐จ๐๐ฅ๐ก๐๐ฃ๐๐๐ค๐ฃ๐ ๐๐๐๐๐ฉ๐๐๐ฃ, ๐๐จ๐๐ฃ๐ช๐ก๐ค๐ฃ๐ ๐จ๐ ๐๐๐๐ ๐จ๐ ๐๐๐ข๐๐ข๐๐๐๐ฉ๐๐ฃ ๐ฃ๐ "๐ฝ๐ ๐๐๐จ๐, ๐ฝ๐ ๐๐๐๐, ๐๐ ๐๐๐ซ๐" ๐๐ฃ๐๐ฉ๐๐๐ฉ๐๐ซ๐
TINGNAN: Inihatid ng Pamahalaang Panlalawigan ng Sorsogon ang inisyatibong "Be Wise, Be Safe, We Save" sa mga mag-aaral, magulang, at g**o ng Gallanosa National High School (GNHS), kasama ang ilang mag-aaral mula sa Veritas College of Irosin, ngayong araw, Setyembre 3, 2026. Sa ilalim ng temang โKabataang Sorsoganon: Mabuti, Disiplinado at Makatao,โ layunin ng programa na itaguyod ang isang ligtas at positibong kapaligiran para sa bawat kabataan.
Ang gawaing ito ay bahagi ng programang 7K Katrangkiluhan sa pamumuno ni Governor Edwin "Boboy" Hamor kung saan pinagtitibay nito ang sama-samang pagkilos ng paaralan, mga magulang, at iba't ibang ahensya upang mabigyan ang mga kabataan ng sapat na gabay at kaalaman tungkol sa tamang disiplina, mabuting asal, at mga legal na pananagutan ng kanilang mga kilos, sa loob man o labas ng paaralan.
Sa kaniyang mensahe, binigyang-diin ni Governor Boboy Hamor ang kahalagahan ng disiplina sa mga kabataan, hindi lamang sa tahanan kundi maging sa silid-aralan. Binigyang-pansin din niya ang mahalagang papel ng pagtutulungan ng mga magulang, g**o, at iba't ibang sektor ng lipunan upang makahubog ng mga kabataang may mabuting asal at pagmamalasakit sa kapwa.
Kaugnay nito, ipinahayag ni Mayor Grace Hamor ang kaniyang buong suporta sa programa. Tiniyak niya sa mga Irosanon na patuloy ang pakikipag-ugnayan ng Lokal na Pamahalaan sa mga paaralan upang personal na makipag-usap sa mga g**o at alamin ang mga kinakailangang hakbang para sa dagdag na seguridad at proteksyon ng bawat mag-aaral at g**o.
Samantala, nagpaalala naman si Dr. Norman Jeff Ajero tungkol sa kahalagahan ng kalusugan ng pag-iisip o mental health. Sinundan ito ng talakayan ni MDRRMO Head Fritzie Michelena, kung saan ibinahagi niya ang mga dapat gawin sakaling magkaroon ng panganib o krimen sa loob at labas ng paaralan.
Magpapatuloy ang pag-ikot ng naturang programa sa iba pang paaralan sa lalawigan gamit ang multi-agency approach. Ito ay kaugnay ng pagpapatupad ng DILG Memorandum Circular No. 2026-37 (Safer School Zones) sa ilalim ng Safer Cities and Safer Communities Initiative, na naglalayong tiyakin ang kaligtasan ng mga mag-aaral, g**o, at magulang laban sa aksidente sa kalsada, krimen, at iba pang panganib sa paligid ng paaralan.
