Sangguniang Kabataan ng San Isidro, Iriga City

30/08/2026

𝗞𝗔𝗥𝗔𝗡𝗚𝗔𝗟𝗔𝗡. 𝗞𝗔𝗚𝗔𝗡𝗗𝗔𝗛𝗔𝗡. 𝗞𝗔𝗟𝗜𝗞𝗔𝗦𝗔𝗡. 🍃

Narito ang mga nagwagi sa Mx. Eco-Warriors 2026, isang munting patimpalak na bahagi ng Kamp Pag-asa noong Agosto 14–16!

Higit sa korona, ipinakita nila ang tapang, talino, at malasakit ng kabataang handang maging tagapangalaga ng kalikasan.

30/08/2026

𝗠𝘅. 𝗘𝗰𝗼-𝗪𝗮𝗿𝗿𝗶𝗼𝗿𝘀 𝟮𝟬𝟮𝟲

Kilalanin ang mga Eco-Warriors na buong kumpiyansa at pagmamalaki na humarap sa mga kabataan para sa Mx. Eco-Warriors 2026 sa Kamp Pag-asa.

Higit pa sa ganda, tindig, at husay, dala ng bawat kalahok ang isang mahalagang mensahe—ang pangangalaga sa kalikasan ay pananagutan ng bawat isa, at ang kabataan ay may mahalagang papel sa pagtatanggol nito at pagsusulong ng maayos, ligtas, at progresibong ngayon at bukas.

Sa bawat hakbang sa entablado at bawat salitang binigkas, ipinakita nila na ang tunay na kagandahan ay hindi lamang nakikita sa panlabas na anyo. Ito ay nasasalamin sa malasakit, tapang, at paninindigan para sa kalikasan.

Ang nasabing patimpalak ay inilunsad ng Sangguniang Kabataan ng San Isidro, Lungsod ng Iriga bilang bahagi ng Kamp Pag-asa noong Agosto 14-16 sa C-Farm Resort, La Medalla, Baao, Camarines Sur.

28/08/2026

Ito ang opisyal na lahok ng Barangay San Isidro!

Pakipusuan ang mismong post at ibahagi sa iba.

Maraming salamat! 🙌🏽💚

26/08/2026

Nawa'y palarin✨

26/08/2026

26/08/2026

26/08/2026

Ang mga unang koponan sa panahon ni dating Pangulo, Manuel L. Quezon.

Tampok sa 90 Kaalaman ang unang kalupunan ng KWF na kilala bilang National Language Institute noon.

23/08/2026

𝗞𝗜𝗟𝗔𝗟𝗔𝗡𝗜𝗡: 𝗟𝘂𝗽𝗼𝗻 𝘀𝗮 𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼

Sa likod ng bawat mahusay na programa ay mga kabataan at boluntir ang handang maglingkod nang may malasakit, pananagutan, at integridad.

Ipinagmamalaki ng Sangguniang Kabataan ng San Isidro, Lungsod ng Iriga ang grupo ng mga kabataan, opisyal, at boluntir na sama-samang kumikilos upang maisulong ang mga pamantayan ng “Selyo ng Kahusayan sa Serbisyo Publiko” ng Komisyon sa Wikang Filipino (KWF).

Sa pamamagitan ng maayos na dokumentasyon, malinaw na komunikasyon, paggamit ng wikang Filipino sa serbisyo, at patuloy na pagpapabuti ng ating mga proseso, pinatutunayan nating ang kabataan ay hindi lamang tagatanggap ng serbisyo—tayo rin ay katuwang sa paghubog ng mahusay, makatao, at responsableng pamahalaan.

Samahan ninyo kami sa pagsulong at pagpapayaman ng ating Wikang Filipino!

21/08/2026

𝗞𝗔𝗠𝗣 𝗣𝗔𝗚-𝗔𝗦𝗔: 𝗞𝘂𝘄𝗲𝗻𝘁𝗼 𝗻𝗴 𝗞𝗮𝗯𝗮𝘁𝗮𝗮𝗻, 𝗞𝘂𝘄𝗲𝗻𝘁𝗼 𝗻𝗴 𝗣𝗮𝗴-𝗮𝘀𝗮 🍃💚

Sa loob ng tatlong araw, naging tahanan ng mga kuwento, pangarap, hamon, at pag-asa ng kabataan ang Kamp Pag-asa 2026.

Noong Agosto 14–16, 2026, nagsama-sama ang mga kabataan ng Lungsod ng Iriga sa C-Farm Resort, La Medalla, Baao, Camarines Sur upang matuto, makinig, makibahagi, at higit sa lahat—mangarap at kumilos para sa pagbabago.

Ang Kamp Pag-asa ay bunga ng isang pangarap ng Sangguniang Kabataan ng San Isidro, Lungsod ng Iriga: ang makapagbukas ng isang espasyo kung saan ang kabataan ay malayang makapagpahayag ng kanilang mga pananaw, mahubog bilang mga lider, at magkaroon ng tapang na manguna sa mga usaping mahalaga sa kanilang henerasyon.

Dito, pinatunayan natin na ang kabataan ay hindi lamang kinabukasan. Tayo ay bahagi ng kasalukuyan—may tinig, may kakayahan, at may pananagutan.

At sa panahong ang ating kalikasan ay patuloy na nangangailangan ng pagkalinga, pinili nating maging kabataang hindi lamang nakatingin sa problema, kundi handa ring kumilos para sa solusyon.

Ang bawat talakayan ay naging pagkakataon upang matuto.
Ang bawat kuwento ay naging inspirasyon upang mangarap.
At ang bawat pagkilos ay naging hakbang tungo sa mas makabuluhang kinabukasan.
Ito ang Kamp Pag-asa.

Isang espasyo para sa kabataan.
Isang paaralan ng pamumuno.
Isang tahanan ng mga pangarap.
Isang simula ng pagkilos para sa kalikasan.

Dahil kapag ang kabataan ay binigyan ng pagkakataong magsalita, mamuno, at kumilos—ang pag-asa ay hindi na lamang pangarap. Ito ay nagiging pagkilos.

Kuwentong Kabataan. Kuwentong pAg-asa.

Maraming salamat, kabataan! Hanggang sa muli, Kamp Pag-asa!