PRDP RPCO Nueve

03/09/2026

| Vincenzo Sagun, Zamboanga del Sur | 𝗗𝗶𝗹𝗶 𝗻𝗮 𝗸𝗶𝗻𝗮𝗵𝗮𝗻𝗴𝗹𝗮𝗻 𝗻𝗴𝗮 𝗺𝗼𝗯𝗶𝘆𝗮𝗵𝗲 𝗽𝗮 𝗼𝗴 𝗹𝗮𝘆𝗼 𝗮𝗻𝗴 𝗺𝗴𝗮 𝗺𝗮𝗴-𝘂𝘂𝗺𝗮 𝗮𝗿𝗼𝗻 𝗹𝗮𝗻𝗴 𝗺𝗮𝗸𝗮𝗯𝗮𝗹𝗶𝗴𝘆𝗮 𝘀𝗮 𝗶𝗹𝗮𝗻𝗴 𝗸𝗼𝗽𝗿𝗮𝘀.

Karon, ang komprador na mismo ang moanhi sa ilang barangay.

Kini ang aktwal nga nasaksihan sa RPCO9 InfoACE Unit atol sa documentation niadtong Septyembre 2, diin nakita ang mga mag-uuma nga nagtinimbangay og sinako nga kopras daplin mismo sa karsada sa boundary sa Barangay Linoguayan, Vincenzo Sagun, ug Barangay Bularong, Margosatubig.

Para kang Gracel Botanas, tag-iya og kopras, dakong kahupayan ang nahatag sa bag-ong sementadong karsada.

“Sukad nga nasemento na ang among karsada, ang komprador na mismo ang moanhi sa among barangay. Naka-save na mi sa among gasto sa plete sa motor sa paghatod sa among kopras ngadto sa lungsod,” matod niya.

Dili lang panahon ug plete ang ilang natipid. Mas dali na usab nilang madala ang ilang produkto ngadto sa merkado, nga naghatag og mas dakong kahigayonan nga mosaka ang ilang kita ug mouswag ang panginabuhi.

Ang Construction/Concreting of Cogon-Linoguayan-Maraya Segment 1, Linoguayan-Bularong Segment 2 Farm-to-Market Road (FMR) mao ang labing unang DA-PRDP Scale-Up FMR subproject nga naimplementar sa Zamboanga Peninsula.

Adunay 8.04 kilometros nga gitas-on ug nagkantidad og Php180 milyon, ang proyekto gituyo aron mapadali ang pagbiyahe sa mga produkto ug makahatag og mas maayong access sa merkado alang sa mga mag-uuma.

Bisan wala pa kini opisyal nga ideklarar nga 100 porsyento nang kompleto, klaro na ang kausaban nga gidala niini sa komunidad.

Sama sa magtiayong Botanas, ang 2,812 ka pamilya nga direktang benepisyaryo sa proyekto makasinati sa mas sayon nga pagdala sa ilang mga produkto, mas gamay nga gasto sa transportasyon, ug mas duol nga merkado.

Sa matag sakong kopras nga motabok sa bag-ong karsada, usa ka butang ang mas nasabtan: ang maayong dalan dili lang koneksyon sa mga barangay—koneksyon usab kini padulong sa mas maayong panginabuhi. # # # (remai s. Alejado/daprdp9)







Department of Agriculture ZAMPEN
PRDP Mindanao
Department of Agriculture - Philippine Rural Development Project

31/08/2026

| Midsalip, Zamboanga del Sur | 81 porsento na! Gipaspasan ang pagtukod sa mga pasilidad alang sa Cacao Processing and Marketing Enterprise sa Midsalip Farmers Multi-Purpose Cooperative (MIFAMCO).

Kini ang nasuta sa mga inspectors sa DA-PRDP Scale-Up Regional Project Coordination Office 9 niadtong Agosto 28.

Halos Php42 milyon ang kantidad sa mga estrakturang nahuman ug gitukod, sama sa: Cocoa Processing Building, 240-meter access road, 340-meter perimeter fence, fermentation house, ug ang tulo ka solar dryers nga gisugdan na usab ang pagtukod. Kini kabahin sa kinatibuk-ang Php84.5-milyon nga Cacao Processing and Marketing Enterprise nga gipondohan sa DA-PRDP Scale-Up.

Gilauman nga makompleto ang mga pasilidad karong Nobyembre 2026, aron masugdan na ang operasyon sa unang large-scale cacao processing and marketing enterprise sa Zamboanga Peninsula.

Dako usab ang kahinam sa mga opisyales ug management sa MIFAMCO, ilabina nga 2,015 ka cacao farmers ang mahimong kauban sa pagpalambo sa negosyo sa kakaw dinhi sa Zamboanga Peninsula Region.

Aron mapuno ang umaabot nga panginahanglan sa planta, gidasig ang mga mag-uuma nga dugangan pa ang produksyon sa kakaw—nga mahimong iproseso ngadto sa tableya, dark chocolate, cocoa butter, cocoa powder, ug cocoa nibs. # # # (remedios s. Alejado/daprdp9)

For more photos, click the link: https://tinyurl.com/sef6fpmc







Midsalip Farmers Multi-Purpose Cooperative
Department of Agriculture ZAMPEN
PRDP Mindanao
Department of Agriculture - Philippine Rural Development Project

31/08/2026

31/08/2026

Sa mga mag-uuma ug mangingisda nga nagkugi aron mapakaon ang kapwa Pilipino, angayan usab kamong tawgon nga "unsung heroes".

🇵🇭 SALUTE TO OUR MODERN-DAY HEROES

This National Heroes Day, we honor not only the heroes who shaped our nation’s history, but also those who continue to sustain it every day.

Across Mindanao, our farmers rise before dawn to cultivate the land, while our fisherfolk brave the waters to bring food to our tables. Their work strengthens our communities, supports local economies, and helps secure the country’s food supply.

Through every harvest and every catch, they remind us that heroism is also found in perseverance, service, and the quiet work of providing for others.

To our farmers and fisherfolk—maraming salamat. Kayo ang mga makabagong bayani ng kanayunan.

Maligayang Araw ng mga Bayani! 🇵🇭

31/08/2026

I got over 10 reactions on one of my posts last week! Thanks everyone for your support! 🎉

28/08/2026

| Agosto 27, 2026 | Sa pagsiguro nga ang matag kilometro adunay kalidad, lig-on, ug tukma sa giplanong serbisyo alang sa mga mag-uuma, gihimo ang hiniusang project monitoring ug inspection sa National Project Coordination Office (NPCO), Project Support Office (PSO), ug Regional Project Coordination Office 9 (RPCO 9) sa kasamtangang Construction/Concreting of NRJ Kawilan–Samonte FMR (Segment 1) ug Kawilan–Moalboal FMR (Segment 2) sa Talusan, Zamboanga Sibugay.

Kauban ang mga Rural Infrastructure Engineers sa I-BUILD Component ug personnel sa Social and Environmental Safeguards, personal nga gisusi ni Deputy Project Director Maria Melba B. Wee ang Php193 Milyon nga proyekto ubos sa DA-PRDP Scale-Up, nga mokabat og 6.1 kilometros ang kinatibuk-ang gitas-on.

Giubanan sila ni Mayor Gilbert Edem ug Municipal Engineer Norjohn C. Taripe.

Sa matag pagbisita sa construction site, dili lamang ang progreso sa trabaho ang gitan-aw. Gisusi usab ang kalidad sa pagkakonstruksyon, pagsunod sa approved plans ug specifications, kalidad sa materyales, ug pagpatuman sa environmental ug social safeguards.

Importante kini aron masayran dayon ang mga problema, matul-id ang mga kakulangan, ug malikayan ang dugang nga gasto o kalangan sa proyekto. Labaw sa tanan, nagsiguro kini nga ang pondo sa gobyerno gigamit sa husto ug ang proyekto motuman sa gipaabot nga kalidad ug serbisyo.

Kay ang usa ka farm-to-market road dili lang konkreto nga karsada, kini usa ka dalan padulong sa mas paspas nga pagbiyahe sa produkto, mas sayon nga pag-access sa merkado, ug mas daghang oportunidad alang sa mga mag-uuma sa Talusan, Zamboanga Sibugay. # # #

Photo credit: Jayson Caninit, RPCO9 Driver







Department of Agriculture ZAMPEN
PRDP Mindanao
Department of Agriculture - Philippine Rural Development Project

24/08/2026

| Ipil, Zamboanga Sibugay | Mga hulagway sa gihimong Joint Technical Review (JTR) alang sa proposed Rubber Consolidation, Processing, and Marketing Enterprise niadtong Agosto 18-19.

Ang JTR usa ka proseso sa DA-PRDP Scale-Up diin ang tulo ka hut-ong sa mag-review : National Project Coordination Office (pinaagi sa online); Project Support Office; ug Regional Project Coordination Office sutaon kung kompleto na ba ang mga dokumento, teknikal nga plano, ug kinatibuk-ang rekisitos aron maaprobahan ang kaandam sa proyekto alang sa pag-apruba ug pagpatuman. Sa kinatibuk-an, naa na sa 71.8 porsento ang nakompleto sa mga requirements.

Ang PLGU Zamboanga Sibugay nagduso sa maong Rubber Enterprise aron mapondohan sa DA-PRDP Scale-Up sa tumong nga matukod ang planta sa goma nga mo-proseso og SPR20 (produkto sa goma nga himoon og ligid sa sakyanan ug uban pa). Si Provincial Administrator Christian Jay Millena sa ngalan ni Governor Dulce Ann K. Hofer ug Provincial Agriculturist Wesley C. Sayson ang nangulo sa pag-atubang sa mga reviewers. Didto usab ang mga opisyales sa Timbabauan Agrarian Reform Beneficiaries Cooperative (TIMARBENCO).

Ang TIMARBENCO nahimutang sa munisipyo sa Tungawan ug pinaagi sa usa ka ‘courtesy call’ nahatagan og update si Mayor Lito Aniñon kabahin sa maong proposal kinsa nagpadayag sa iyang bug-os nga suporta alang sa ting-usbawan sa mga mag-uuma og goma sa iyang lungsod.

for more photos, please click: https://tinyurl.com/4hb4pkje







Department of Agriculture ZAMPEN
PRDP Mindanao
Department of Agriculture - Philippine Rural Development Project

20/08/2026

| Tungawan, Zamboanga Sibugay | Nagsugod na ang drilling alang sa tinubdan sa tubig sa dapit nga tukoran sa 𝗥𝘂𝗯𝗯𝗲𝗿 𝗖𝗼𝗻𝘀𝗼𝗹𝗶𝗱𝗮𝘁𝗶𝗼𝗻, 𝗣𝗿𝗼𝗰𝗲𝘀𝘀𝗶𝗻𝗴 𝗮𝗻𝗱 𝗠𝗮𝗿𝗸𝗲𝘁𝗶𝗻𝗴 𝗘𝗻𝘁𝗲𝗿𝗽𝗿𝗶𝘀𝗲 nga gi-propose sa Provincial Government of Zamboanga Sibugay ubos sa DA-PRDP Scale-Up.

Ang kasaligan nga tinubdan sa tubig sa pagpadagan sa planta usa ka gikinahanglan nga gi-require sa Social and Environmental Safeguards sa PRDP Scale-Up, aron maseguro ang maayong kalidad sa goma, hapsay nga proseso, hustong pagpadagan sa mga makina, ug maayong pagdumala sa waste-water ug kinaiyahan.

Niadtong Agosto 18, nasaksihan sa mga personahe sa DA-PRDP Scale-Up gikan sa Mindanao Cluster Project Support Office ug Regional Project Coordination Office 9, uban sa Provincial Project Management and Implementation Unit sa PLGU Zamboanga Sibugay, ang drilling activity sa Purok Agro 2, Timbabauan, Tungawan. Gikan didto, gisugdan gilayon ang duha ka adlaw (Agosto 18-19) nga 𝙅𝙤𝙞𝙣𝙩 𝙏𝙚𝙘𝙝𝙣𝙞𝙘𝙖𝙡 𝙍𝙚𝙫𝙞𝙚𝙬 (𝙅𝙏𝙍) sa maong proposal diin ang mga personahe sa National Project Coordination Office nihatag sa ilang mga findings ug recommendations pinaagi sa online.

𝗚𝗼𝗺𝗮 ang usa sa 𝘂𝗻𝗮𝗻𝗴 𝗶𝗻𝗱𝘂𝘀𝘁𝗿𝗶𝗮𝗹 𝗰𝗿𝗼𝗽 sa 𝗭𝗮𝗺𝗯𝗼𝗮𝗻𝗴𝗮 𝗦𝗶𝗯𝘂𝗴𝗮𝘆 ug giila kini isip usa sa mga prayoridad nga commodities alang sa value-adding -- sama sa produksiyon sa SPR 20 o semi-processed crumb rubber. Nalakip kini sa 14 ka prayoridad nga produkto sa ilang Provincial Commodity Investment Plan (PCIP) ug usa sa walo ka produkto nga gilista sa Regional Agri-Fishery Investment Portfolio (RAFIP) sa Region 9.

Base sa Business Plan, ang 𝗣𝗟𝗚𝗨 𝗭𝗮𝗺𝗯𝗼𝗮𝗻𝗴𝗮 𝗦𝗶𝗯𝘂𝗴𝗮𝘆 maoy 𝗜𝗺𝗽𝗹𝗲𝗺𝗲𝗻𝘁𝗶𝗻𝗴 𝗣𝗿𝗼𝗽𝗼𝗻𝗲𝗻𝘁 (𝗜𝗣) ug maghatag og Php55-M isip counterpart kinatibuk-ang Php273-M nga Rubber Enterprise.
Ang 𝗧𝗶𝗺𝗯𝗮𝗯𝗮𝘂𝗮𝗻 𝗔𝗴𝗿𝗮𝗿𝗶𝗮𝗻 𝗥𝗲𝗳𝗼𝗿𝗺 𝗕𝗲𝗻𝗲𝗳𝗶𝗰𝗶𝗮𝗿𝗶𝗲𝘀 𝗖𝗼𝗼𝗽𝗲𝗿𝗮𝘁𝗶𝘃𝗲 (𝗧𝗜𝗠𝗔𝗥𝗕𝗘𝗡𝗖𝗢) maoy modumala sa consolidation ug marketing, isip Co-Manager, tungod sa kapin 20 ka tuig nga kasinatian niini sa pagpangompra og goma. Aduna usab kini og 157 ektaryang gomahan ug lig-on nga network sa mga rubber farmers sa nagkadaiyang bahin sa Zamboanga Peninsula.

Gikan sa goma nga hilaw nga materyales, padulong sa mas taas nga bili nga produkto -- usa ka lakang ngadto sa mas lig-on nga industriya ug mas dakong kita alang sa mga rubber farmers sa Zamboanga Peninsula. # # #(Remedios S. Alejado/daprdp9)







Department of Agriculture ZAMPEN
PRDP Mindanao
Department of Agriculture - Philippine Rural Development Project

19/08/2026

| Kay 5th class municipality, taas ang poverty incidence, ug wala pa gyud nakadawat og proyekto gikan sa DA-PRDP sukad 2014, naapil ang La Libertad, Zamboanga del Norte sa gitawag nga “𝗩𝗲𝗿𝘆 𝗛𝗶𝗴𝗵 𝗣𝗿𝗶𝗼𝗿𝗶𝘁𝘆” (𝗩𝗛𝗣) 𝗮𝗿𝗲𝗮𝘀 𝘂𝗯𝗼𝘀 𝘀𝗮 𝗗𝗔-𝗣𝗥𝗗𝗣 𝗦𝗰𝗮𝗹𝗲-𝗨𝗽.

Tungod niini, duol na sa katumanan ang pangandoy sa munisipyo nga mahatagan og mas maayong access sa luwas ug kasaligan nga tubig pinaagi sa ilang gipangusgang “Construction of La Libertad Potable Water System (PWS) Level II.”

Gahapon, Agosto 18, gipahigayon ang Subproject Appraisal Review (SPAR) diin gisuta sa mga personnel sa Project Support Office Mindanao Cluster ug Regional Project Coordination Office 9 I-BUILD Component kung kompleto ug angay ba ang Detailed Engineering Design (DED) ug Program of Works (POW) alang sa giplanong Php109-Million water system.

Lima ka barangay ang serbisyohan sa proyekto: La Victoria, Santa Catalina, Poblacion, Mauswagon, ug La Union. Mokabat sa 244 ka tap stands ang tukoron aron mahatagan og access sa mainom nga tubig ang 1,309 ka kabalayan.

Base sa resulta sa SPAR, ang compliance sa Social and Environmental Safeguards (SES) requirements naa na sa 91%.

Kung makompleto ang mga compliance, gilauman nga sa Septyembre ipailalom na ang proyekto sa deliberasyon ug pag-aprobar sa Regional Project Advisory Board (RPAB) aron mahatagan og pondo ug mapadayon ang implementasyon ubos sa DA-PRDP Scale-Up. (Remedios S. Alejado/daprdp9)







Department of Agriculture ZAMPEN
PRDP Mindanao
Department of Agriculture - Philippine Rural Development Project