Sangguniang Barangay Pulo

26/08/2026

08.25.2026
INITIAL PHYSICAL INVENTORY AND AUDIT

Isinagawa ang Initial Physical Inventory at Audit ng Sangguniang Barangay at Sangguniang Kabataan (SK) ng Pulo, sa pangunguna at pakikipagtulungan ng Municipal Accounting Department, Treasurer’s office at DILG , bilang bahagi ng pagsusuri, pag-verify, at wastong pagtatala ng mga ari-arian at kagamitan ng Barangay.

Layunin nito na matiyak ang transparency, accountability, at maayos na pamamahala sa mga ari-arian ng pamahalaang barangay.

🤝 Sama-sama para sa isang maayos, responsable at transparent na pamamahala.

14/08/2026

14/08/2026

ORYENTASYON PARA SA EXECUTIVE ORDER No. 36 SERIES of 2026

▪️Lokal na gabay sa pagsususpende ng klase tuwing bagyo, matinding panahon, lindol at iba pang emerhensiya.

Alinsunod sa abiso ng kinauukulang awtoridad, ang localized suspension of classes ay ipinababatid sa mga pampubliko at pribadong paaralan, sa mga magulang, g**o at mag- aaral. Ito ay ipinatutupad sa ating lugar bilang pag-iingat sa kaligtasan ng ating mga mag-aaral, g**o, at kawani.

Mangyaring manatiling updated sa mga opisyal na anunsyo para sa karagdagang impormasyon.

Mag-ingat po ang lahat at manatiling ligtas! 🙏

08/08/2026

CAPACITY BUILDING AND WORKSHOP ON THE FORMULATION AND UPDATING OF THE BARANGAY DEVELOPMENT PLAN (BDP) AND BARANGAY DEVELOPMENT INVESTMENT PROGRAM (BDIP)

Dumalo at naging bahagi tayo ng Capacity Building and Workshop on the Formulation and Updating of the Barangay Development Plan (BDP) and Barangay Development Investment Program (BDIP) na ginanap noong ika 7-9 ng Agosto sa Venus Parkview Hotel, Baguio City.

Ang gawaing ito ay mahalagang hakbang upang mapalakas ang ating pagpaplano at makabuo ng mga programa, proyekto, at aktibidad na tunay na tumutugon sa pangangailangan at prayoridad ng ating barangay.

Sa pamamagitan ng sama-samang pagpaplano, pagtutulungan, at aktibong pakikilahok, patuloy nating isinusulong ang isang maayos, inklusibo, sustainable, at resilient na Barangay. 🤝

Planning today, building a better Barangay tomorrow!

08/08/2026

LIGTAS TIGDAS SUPPLEMENTAL IMMUNIZATION ACTIVITY

Naging bahagi tayo ng Ligtas Tigdas Immunization Activity sa Munisipalidad ng Indang, isang mahalagang hakbang upang higit na mapalawak ang ating kaalaman at kamalayan tungkol sa pag-iwas at pagkontrol sa tigdas.

Patuloy tayong nakikiisa sa mga programang pangkalusugan para sa kaligtasan, kalusugan, at kapakanan ng mga bata at buong komunidad.

Sama-sama para sa Ligtas na Barangay!

06/08/2026

📢 NOTICE OF VIOLATION | BAWAL ANG PAGSUSUNOG NG BASURA

Mahigpit na pinaaalalahanan ng Municipal Environment and Natural Resources Office (MENRO) ang lahat ng mamamayan na mahigpit na ipinagbabawal ang pagsusunog ng anumang uri ng solid waste alinsunod sa Republic Act No. 9003 (Ecological Solid Waste Management Act of 2000), Republic Act No. 8749 (Philippine Clean Air Act of 1999) at Municipal Ordinance No. 08, Series of 2019 - “Pagbabawal sa Pagsusunog ng Basura sa Bayan ng Indang.”

Ang open burning ng basura ay nagdudulot ng polusyon sa hangin at panganib sa kalusugan ng tao at sa ating kapaligiran. Ang sinumang mapapatunayang lumalabag ay maaaring mapatawan ng kaukulang parusa alinsunod sa umiiral na batas at mga lokal na ordinansa.

𝗠𝗨𝗟𝗧𝗔 𝗔𝗧/𝗢 𝗣𝗔𝗚𝗞𝗔𝗞𝗔𝗞𝗨𝗟𝗢𝗡𝗚
₱300.00 – Pagsusunog ng nabubulok (biodegradable) na basura
₱1,000.00 – Pagsusunog ng halo-halong (mixed) na basura

𝗔𝗟𝗧𝗘𝗥𝗡𝗔𝗧𝗜𝗕𝗢𝗡𝗚 𝗣𝗔𝗥𝗨𝗦𝗔
(Para sa mga indigent o walang kakayahang magbayad)
₱300.00 – Animnapu (60) oras na community service
₱1,000.00 – Isang (1) araw na Environmental Seminar at animnapu (60) oras na community service

𝗠𝗘𝗡𝗢𝗥 𝗗𝗘 𝗘𝗗𝗔𝗗
Ang magulang o legal na tagapag-alaga ang mananagot sa multa at iba pang kaparusahan.

𝗕𝗔𝗥𝗔𝗡𝗚𝗔𝗬 𝗖𝗟𝗘𝗔𝗥𝗔𝗡𝗖𝗘
Hindi bibigyan ng Barangay Clearance ang lumabag hangga't hindi nababayaran ang multa sa Municipal Treasurer's Office.

𝗛𝗜𝗡𝗗𝗜 𝗣𝗔𝗚𝗦𝗨𝗡𝗢𝗗
Ang lumabag na hindi makikipag-ugnayan sa MENRO sa loob ng pitong (7) araw ay sasailalim sa kaukulang legal na aksyon.

📌 Hinihikayat ang bawat residente na maging responsable sa tamang pamamahala ng basura at makiisa sa pagpapanatili ng malinis, ligtas at malusog na kapaligiran para sa lahat.

06/08/2026

‎𝗪𝗔𝗟𝗔𝗡𝗚 𝗣𝗔𝗦𝗢𝗞 𝗦𝗔 𝗠𝗚𝗔 𝗧𝗔𝗡𝗚𝗚𝗔𝗣𝗔𝗡 𝗡𝗚 𝗚𝗢𝗕𝗬𝗘𝗥𝗡𝗢 | 𝗔𝗚𝗢𝗦𝗧𝗢 𝟲, 𝟮𝟬𝟮𝟲
‎
‎Alinsunod sa Memorandum Circular Blg. 122 ng Malacañang, suspendido ang pasok sa lahat ng tanggapan ng pamahalaan ngayong Agosto 6, 2026.
‎
‎Mananatiling bukas para sa tuloy-tuloy na serbisyong publiko ang mga sumusunod na tanggapan:

• Office of the Mayor
• Disaster Risk Reduction and Management Office (DRRMO)
• Municipal Social Welfare and Development Office (MSWDO)
• General Services Office (GSO)
• Rural Health Unit (RHU)
• Municipal Engineering Office (MEO)
• Municipal Environment and Natural Resources Office (MENRO)

Mag-ingat, manatiling handa, at manatiling nakatutok sa mga susunod na updates.
‎
‎𝐄𝐦𝐞𝐫𝐠𝐞𝐧𝐜𝐲 𝐇𝐨𝐭𝐥𝐢𝐧𝐞𝐬:
‎
‎• MDRRMO: 09619921998 / 09526529265
‎046-4339220
‎
‎• Municipal Command Center: 046-4040183
‎
‎• Municipal Fire Station: 046-4151217 / 09156034245
‎
‎• Municipal Police Station: 09491849145 / 09985985603
‎
‎Mag-ingat at manatiling ligtas, mga Indangueño!
‎
‎
‎
‎

05/08/2026

📢 CLASS SUSPENSION ADVISORY
Thursday, August 6, 2026

Dahil sa patuloy na epekto ng Southwest Monsoon (Habagat), na pinalalakas ng Bagyong MAYMAY, at inaasahang magdudulot ng tuloy-tuloy na malalakas na pag-ulan sa Lalawigan ng Cavite, suspendido ang klase sa lahat ng antas, pampubliko at pribado, sa buong lalawigan ngayong Huwebes, August 6, 2026.

Pinapayuhan ang lahat na unahin ang kanilang kaligtasan at patuloy na subaybayan ang mga opisyal na anunsyo ng PAGASA, ng inyong lokal na pamahalaan, at ng mga kinauukulang ahensya.

Ang kaligtasan ng ating mga mag-aaral, g**o, at mga kawani ng paaralan ang ating pangunahing prayoridad.

Maraming salamat po at mag-ingat ang lahat. 💙

25/07/2026

Celebration of NATIONAL DISABILITY RIGHTSWEEK🦽

Bilang pakikiisa sa pagdiriwang ng 48th National Disability Rights Week, ang ating barangay ay nagpadala ng isang PWD Achiever upang kumatawan sa ating komunidad sa nasabing selebrasyon.

Taos-puso nating binabati at ipinagmamalaki ang ating kinatawan. Nawa’y magsilbi itong inspirasyon sa patuloy na pagsusulong ng pagkakapantay-pantay, inklusibong komunidad, at pagpapahalaga sa kakayahan ng bawat isa.

22/07/2026

Pagdiriwang ng Philippine Plan of Action for Nutrition (PPAN)

Kaisa ang ating Barangay sa pagsusulong ng Philippine Plan of Action for Nutrition (PPAN) upang maisulong ang wastong nutrisyon at mas malusog na pamumuhay para sa bawat pamilya.

Sa pamamagitan ng sama-samang pagkilos at aktibong pakikilahok ng komunidad, maitataguyod natin ang tamang pagkain, mabuting kalusugan, at mas maliwanag na kinabukasan para sa ating mga anak.

Sama-sama para sa isang malusog, masigla, at matatag na komunidad!