ONE MKL

03/09/2026

🏆 ISANG KARANGALAN, ISANG TAGUMPAY NG BUONG MKL!🏆

Buong puso at taus-pusong pasasalamat ang ipinapaabot ng Barangay Mahabang Kahoy Lejos, Indang, Cavite kay Mayor Verel Fidel at kay MLGOO Anne Kimberly Babaan sa kanilang walang sawang suporta, paggabay, at pagtitiwala sa barangay Mahabang Kahoy Lejos.

Ang pagkilalang LTIA Regional Awardee at ang pagkakapili bilang National Nominee for 2026 ay hindi lamang isang parangal para sa iilang tao. Ito ay isang malaking karangalan at tagumpay para sa buong Barangay Mahabang Kahoy Lejos—isang patunay ng sama-samang pagsisikap na itaguyod ang isang mapayapa, makatarungan, at nagkakaisang pamayanan.

Maraming salamat din sa buong Lupon Tagapamayapa sa inyong dedikasyon, integridad, oras, at malasakit sa bawat kasong hinaharap at bawat mamamayang pinaglilingkuran.

Higit sa lahat, taos-pusong pasasalamat sa bawat mamamayan ng Mahabang Kahoy Lejos. Ang inyong tiwala, pakikiisa, suporta, at pakikipagtulungan ang nagsisilbing lakas upang patuloy naming maisulong ang Katarungang Pambarangay na may puso, respeto, at malasakit.**

Ang award na ito ay hindi lamang tropeo—ito ay simbolo ng pagkakaisa, serbisyo, at dedikasyon ng buong Barangay ng Mahabang Kahoy Lejos.

Mula sa Municipal Level, Provincial Level, Regional Level, hanggang sa National Nomination, dala namin ang pangalan ng Mahabang Kahoy Lejos nang may pagmamalaki at pagpapakumbaba.

Para sa Diyos. Para sa Barangay. Para sa bawat Mamamayan. 🙏🇵🇭

Mabuhay ang Lupon Tagapamayapa!
Mabuhay ang Barangay Mahabang Kahoy Lejos! 💙










ONE MKL

03/09/2026

PAALALA SA MGA MOTORISTA AT MANANAKAY

Asahan ang mabigat na daloy ng trapiko ngayong araw, Setyembre 3, 2026, sa Poblacion Area ng Bayan ng Indang simula ganap na 4:30 ng hapon dahil sa isasagawang Prusisyon bilang bahagi ng pagdiriwang ng Kapistahan ni San Gregorio Magno.

Samantala, ang alternate route sa Bancod–Calumpang Cerca ay maaari ring makaranas ng mabagal na daloy ng trapiko dahil sa serye ng mga Graduation Ceremony sa Cavite State University.

📍 Pinapayuhan ang mga motorista na maglaan ng karagdagang oras sa biyahe, maging maingat, at kung maaari ay gumamit ng mga alternatibong ruta upang maiwasan ang matinding pagsisikip ng trapiko.

Maraming salamat po sa inyong pang-unawa, pakikiisa, at mahabang pasensya habang isinasagawa ang mga aktibidad. 🙏

Makiisa. Magbigay-daan. Magpasensya.

03/09/2026

29/08/2026

24/7 BARANGAY EMERGENCY OPERATIONS CENTER, HANDA NA!

Para sa August 29, 2026 HABAGAT Response

Handa na ang mga Barangay Emergency Operations Center ng Barangay Mahabang Kahoy Lejos sa pangunguna ni Punong Barangay Kristel Ann B. Rodil at Kagawad on Peace and Order and Public Safety Virgilio Sinsay para sa 24/7 monitoring, coordination, at response ngayong panahon ng Habagat.

Naka-standby na ang mga Barangay Officials at Employees, kasama ang mga kinakailangang kagamitan at sasakyan, upang agarang makatugon sa anumang insidente o panganib na maaaring idulot ng patuloy na pag-ulan.

Patuloy ang pag-iikot at pag-iinspeksyon sa mga komunidad upang:

🔹 Ma-monitor ang mga lugar na maaaring maapektuhan ng pag-ulan;
🔹 Makipag-ugnayan sa mga sambahayan na nasa hazard-prone areas;
🔹 Magbigay ng maagap na impormasyon at safety advisories;
🔹 Maghanda para sa posibleng pre-emptive evacuation kung kinakailangan; at
🔹 Tiyaking tuloy-tuloy ang koordinasyon sa Municipal EOC at iba pang response agencies.

Kung kayo ay nakatira sa hazard-prone area, manatiling alerto at makipag-ugnayan sa inyong Barangay. Huwag nang hintaying lumala ang sitwasyon bago lumikas kung kinakailangan.

📞 PARA SA EMERGENCY AT AGARANG TULONG:
Barangay Emergency Operations Center – 24/7

Contact No.: 09621503168

Para sa anumang emergency, pagbaha, landslide, pangangailangang lumikas, o iba pang insidente, agad na makipag-ugnayan sa inyong Barangay.

20/08/2026

Happy Birthday Mayor Vergel Fidel Fidel🫡

Mula sa Kagawaran ng Interyor at Pamahalaang Lokal – Indang, malugod naming binabati ng Maligayang Kaarawan ang Ama ng Bayan ng Indang, Kgg. Virgilio “Vergel” Fidel!

Nawa’y patuloy kayong pagpalain ng mabuting kalusugan, karunungan, at lakas sa inyong pamumuno. Hangad namin ang inyong patuloy na tagumpay sa pagsusulong ng mga programang magdudulot ng kaunlaran at kapakanan ng bawat Indangeño.

Mabuhay po kayo, Mayor! 🎉

31/07/2026

13/07/2026

💍𝗞𝗔𝗦𝗔𝗟𝗔𝗡𝗚 𝗕𝗔𝗬𝗔𝗡 𝟮𝟬𝟮𝟲
“GAD Gave Me You” – Season 2

May pangarap ba kayong gawing opisyal ang inyong pagmamahalan? Ngayon na ang tamang pagkakataon!

Inaanyayahan ng Pamahalaang Bayan ng Indang ang mga kwalipikadong magkasintahan na lumahok sa Kasalang Bayan 2026.

📅 Oktubre 22, 2026
🕙 10:00 ng umaga
📍 CvSU ICON Center

✨ Libre para sa unang 40 kwalipikadong magkasintahang residente ng Indang, Cavite.

📌 Dalhin ang sumusunod na mga dokumento:
• Birth Certificate
• Orihinal na CENOMAR
• Valid ID at Cedula

Para sa karagdagang impormasyon, makipag-ugnayan sa Office of the Municipal Civil Registrar o tumawag sa (046) 460-4708 Loc. 201.

❤️ Simulan ang panibagong yugto ng inyong buhay sa isang makabuluhan at di-malilimutang seremonya ng pag-iisang dibdib. Magparehistro na at hayaang maging opisyal ang inyong “forever”!

13/07/2026