Sangguniang Barangay of Alapan 1-B

19/08/2026

𝗟𝗢𝗢𝗢𝗡𝗚 𝗪𝗘𝗘𝗞𝗘𝗡𝗗, 𝗘𝗫𝗧𝗘𝗡𝗗𝗘𝗗 𝗨𝗟𝗜𝗧! 😴🌧️

Alinsunod sa Memorandum Circular No. 131 ng Malacañang, suspendido pa rin ang face-to-face classes sa lahat ng antas sa Lungsod ng Imus bukas, Agosto 20, 2026 (Huwebes) dahil sa Hanging Habagat na pinalalakas ng Bagyong . 🌀

Pinapayuhan ang mga paaralan na ipatupad ang Alternative Learning Modalities upang maipagpatuloy ang pagkatuto ng ating mga mag-aaral. Ipatutupad naman ang Skeletal Work Arrangement sa Pamahalaang Lungsod ng Imus upang matiyak ang patuloy na paghahatid ng serbisyo publiko.

Hinihikayat ang lahat na manatiling ligtas, alerto at mapagmatyag. Iwasang lumabas kung hindi kinakailangan at patuloy na subaybayan ang mga opisyal na abiso at weather updates.

Kaligtasan ng bawat Imuseño ang ating pangunahing prayoridad. Ingat po tayong lahat! 🙏

18/08/2026

𝗔𝗨𝗚 𝟭𝟵, 𝟮𝟬𝟮𝟲 - 𝗪𝗔𝗟𝗔𝗡𝗚 𝗣𝗔𝗦𝗢𝗞

Ayon sa anunsyo ni Gov. Abeng Remulla, suspendido pa rin po ang face-to-face classes sa lahat ng antas sa mga pampubliko at pribadong paaralan sa Lungsod ng Imus, bukas, August 19, 2026 (Miyerkules), dahil sa patuloy na pag-ulan bunsod ng hanging Habagat na pinalakas ng bagyong .

Ang lahat ng paaralan ay inaasahang agad na magpatupad ng Alternative Delivery Modes (ADM) o anumang blended learning modalities upang matiyak na matuto ang ating mga mag-aaral.

Tayo po ay manatili na lamang din sa loob ng mga tahanan at maging mapagmatyag sa lagay ng panahon para sa kaligtasan ng bawat isa.

Stay dry and safe, Imuseño! ☔️

18/08/2026

18/08/2026

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎: Bukas ang City Health Offices sa Imus ngayong Agosto 18

Ang mga City Health Office (CHO) ng Lungsod ng Imus ay bukas ngayong Agosto 18, 2026, hanggang 5:00 P.M. para tugunan ang inyong medikal na pangangailangan.

🟢CHO 1 Velarde Subd.
🟢CHO 2 Plaridel Subd.
🟢CHO 3 Greengate Subd.
🟢CHO 4 Tahimik St.
🟢CHO 5 Brgy. Maharlika
🟢CHO 6 Brgy. Buhay na Tubig
🟢CHO 7 Brgy. Anabu
🟢CHO 8 Brgy. Carsadang Bago
🟢City of Imus Diagnostic Laboratory

Bukas naman ang City of Imus Birthing Home 24 oras.

Manatiling ligtas at mag-ingat, Imuseño!

17/08/2026

𝐀𝐧𝐨 𝐚𝐧𝐠 𝐦𝐠𝐚 𝐝𝐚𝐩𝐚𝐭 𝐠𝐚𝐰𝐢𝐧 𝐭𝐮𝐰𝐢𝐧𝐠 𝐦𝐚𝐥𝐚𝐤𝐚𝐬 𝐚𝐧𝐠 𝐮𝐥𝐚𝐧? ☔

🟢Manatili sa bahay kung hindi kinakailangang lumabas. Magdala ng payong at kapote kung hindi naman maiiwasang lumabas.
🟢Siguruhing ligtas ang inyong mga alagang hayop. Isama sila kung kinakailangang lumikas.
🟢Subaybayan ang ulat ng panahon mula sa DOST-PAGASA at iba pang anunsyo ng pamahalaan.
🟢Ihanda ang inyong Go Bag na naglalaman ng first aid kit, mahahalagang dokumento, pera, toiletries, at iba pang kagamitang kakailangan sakaling lumikas.
🟢Lumikas bago tumaas ang tubig, lalo na kapag sinabi ng mga awtoridad.
🟢Huwag kalimutang patayin ang inyong kuryente, LPG, at iba pang kagamitang maaaring magsimula ng sunog sa inyong paglikas.

Ang buhay ng bawat isa ay mas mahalaga kaysa sa anumang bagay. Lumikas kung kailan ligtas pang lumikas, Imuseño.

Mahalaga ang maagap na impormasyon at tulong. I-save ang sumusunod na Emergency Hotlines:
‎
📞IMUS CDRRMO
‎ 0939-912-0887
‎ (046)472-2623
‎ (046)472-2618
‎ (046)472-2625
‎
📞‎IMUS BFP
‎ 0915-528-3256
‎
📞‎IMUS PNP
‎ 0998-598-5601
‎ 0947-726-6180

📞‎Ospital ng Imus
(046) 419-8300 Loc. 01
‎
‎Manatiling ligtas at alerto, mga Imuseño!
‎
‎

17/08/2026

17/08/2026

🔴 ‎𝐇𝐄𝐀𝐕𝐘 𝐑𝐀𝐈𝐍𝐅𝐀𝐋𝐋 𝐖𝐀𝐑𝐍𝐈𝐍𝐆 🔴

Itinaas sa Red Rainfall Warning ang Lungsod ng Imus, ayon sa inilabas na Heavy Rainfall Warning No. 6-A ng PAGASA ngayong Agosto 17, 2026, 12:47 P.M. dahil sa Habagat.

Inaasahan ang matindi hanggang napakatinding buhos ng ulan sa susunod na tatlong oras. Asahan ang malawakang pagbaha, lalo na sa mga mabababang lugar at malapit sa kailugan.

Muling maglalabas ng abiso ang PAGASA mamayang 2:00 P.M., kung walang pagbabago sa nakatalagang rainfall warning level.

‎Patuloy ring binabantayan ng Pamahalaang Lungsod ng Imus ang mga sitwasyon sa mga ilog at mabababang lugar.

Mahalaga ang maagap na impormasyon at tulong. I-save ang sumusunod na Emergency Hotlines:
‎
📞IMUS CDRRMO
‎ 0939-912-0887
‎ (046)472-2623
‎ (046)472-2618
‎ (046)472-2625
‎
📞‎IMUS BFP
‎ 0915-528-3256
‎ (046)416-3032
‎
📞‎IMUS PNP
‎ 0998-598-5601
‎ 0947-726-6180
📞 Ospital ng Imus
(046) 419-8300 Loc. 01
‎
‎Manatiling ligtas at alerto, mga Imuseño!
‎
‎

15/08/2026

𝐄𝐌𝐄𝐑𝐆𝐄𝐍𝐂𝐘? 𝐓𝐮𝐦𝐚𝐰𝐚𝐠 𝐬𝐚 𝟗𝟏𝟏

Ang 𝟗𝟏𝟏 𝐚𝐲 𝐩𝐚𝐫𝐚 𝐬𝐚 𝐭𝐮𝐧𝐚𝐲 𝐧𝐚 𝐞𝐦𝐞𝐫𝐠𝐞𝐧𝐜𝐲. 𝑰𝙬𝒂𝙨𝒂𝙣 𝙖𝒏𝙜 𝙥𝒓𝙖𝒏𝙠 𝙘𝒂𝙡𝒍𝙨 upang matiyak na ang mga nangangailangan ng agarang tulong ay agad na matutugunan.

𝐌𝐚𝐠𝐢𝐧𝐠 𝐫𝐞𝐬𝐩𝐨𝐧𝐬𝐚𝐛𝐥𝐞. 𝐓𝐮𝐦𝐚𝐰𝐚𝐠 𝐥𝐚𝐦𝐚𝐧𝐠 𝐬𝐚 𝟗𝟏𝟏 𝐤𝐮𝐧𝐠 𝐤𝐢𝐧𝐚𝐤𝐚𝐢𝐥𝐚𝐧𝐠𝐚𝐧.

10/08/2026

CAVITE, ISASAILALIM NA SA STATE OF CALAMITY

CAVITE — Isasailalim sa State of Calamity ang buong Lalawigan ng Cavite kasunod ng malawakang epekto ng Southwest Monsoon o Habagat na pinalakas ng mga Tropical Cyclone (TC) na sina “Luis” at “Maymay.”

Isinagawa ngayong Agosto 10, 2026, alas-9:00 ng umaga, ang emergency meeting ng Cavite Provincial Disaster Risk Reduction and Management Council (PDRRMC) sa pamamagitan ng Zoom teleconference upang talakayin ang pinakahuling situational updates, damage assessment at needs analysis sa iba’t ibang bahagi ng lalawigan.

Pinangunahan ni Governor Francisco Gabriel “Abeng” D. Remulla, bilang Governor at Chairperson ng PDRRMC, ang pagtugon ng lalawigan sa sitwasyon. Pinamunuan naman ang emergency meeting ni Chief of Staff Ferdinand A. Belamide, katuwang si PDRRMC Secretary at Department Head Eloisa G. Rozul.

Batay sa mga ulat at isinagawang assessment, inirekomenda ang pagdedeklara sa buong Cavite bilang State of Calamity dahil sa lawak at tindi ng naging epekto ng tuloy-tuloy na pag-ulan at mga kalamidad na nakaapekto sa mga komunidad.

Inaasahang magbibigay-daan ang deklarasyon sa mas mabilis at mas organisadong pagtugon ng provincial government at mga lokal na pamahalaan sa mga pangangailangan ng mga residenteng naapektuhan ng kalamidad.