01/01/2025
"People of Imus" – The Story of Clark "Claro" Dominguez
Sa likod ng bawat tagumpay ay isang kuwento ng pagsisikap, determinasyon, at walang hanggang paniniwala sa pangarap. Ito ang kuwento ni Clark "Claro" Dominguez, isang anak ng Imus na mulat sa hirap ng buhay, ngunit hindi kailanman nawalan ng pag-asa.
"Bata pa lang ako, alam ko na ang ibig sabihin ng salitang sakripisyo," ani Claro. Sa murang edad, nakita niya ang hirap ng buhay ng kanyang mga magulang. Hindi siya naghintay na maging maginhawa ang buhay—sa halip, gumawa siya ng paraan.
Grade 3, nagbebenta na siya ng ice buko sa kanilang barangay. Isang maliit na negosyo para may maipandagdag sa gastusin ng pamilya.
Grade 6, natutong pumunta sa Divisoria para magbenta ng mga laruan sa kaklase at kapitbahay.
High school, summer job niya ang pagiging kargador sa palengke, binubuhat ang mabibigat na paninda kapalit ng maliit na kita.
Sa college, habang nag-aaral ng Hotel and Restaurant Management, naging Eight O'Clock dicer and packer siya para matustusan ang sariling pangangailangan.
Pagkatapos ng kolehiyo, hindi pa rin siya tumigil. Naging barista sa Starbucks, nag-sideline bilang reseller ng car paints, at kalaunan ay naging medical representative habang nagbebenta rin ng aquatic pets at dogs para sa dagdag kita.
Ngunit higit pa sa pagiging empleyado, pinangarap ni Claro ang magnegosyo para makatulong sa iba.
Nagbukas siya ng isang maliit na café at tapsihan, nagbibigay ng abot-kayang pagkain at trabaho sa komunidad.
Naging sub-supplier ng pastries para sa malalaking kumpanya tulad ng Red Planet Makati at Macapagal.
Sa lahat ng ito, nagtrabaho siya ng tatlong trabaho nang sabay-sabay upang mabayaran ang kanyang tuition sa culinary school—isang patunay na walang imposible para sa taong pursigido.
"Kung kaya ko, kaya mo rin," sabi niya. "Hindi hadlang ang hirap ng buhay para abutin ang mga pangarap."
Ngayon, bilang isang tumatakbong City Councilor ng Imus, dala ni Claro ang parehong determinasyon at malasakit para sa kanyang kapwa. Pangarap niyang tulungan ang bawat Imuseno—lalo na ang mga kabataan at mga nasa laylayan ng lipunan—na maabot ang kanilang mga pangarap.
CLAROng Layunin: Bigyan ng sapat na kaalaman ang bawat mamamayan upang makahanap ng kabuhayan.
CLAROng Sistema: Lumikha ng mga programa para suportahan ang maliliit na negosyo.
CLAROng Programang Pangkabuhayan: Magbigay ng oportunidad para sa lahat.
CLAROng Solusyon: Magkaroon ng malinaw na sagot sa problema ng kahirapan.
Ang kuwento ni Clark "Claro" Dominguez ay hindi lamang kuwento ng tagumpay—ito ay kuwento ng pag-asa. Para sa mga kabataan, isang paalala na kahit gaano kahirap ang buhay, may liwanag na naghihintay sa dulo ng pagsisikap. Para sa mga nasa laylayan, isang pangako na hindi sila nag-iisa sa laban ng buhay.
Ngayong 2025, isinusulong ni Claro ang pagbabago. Ang pangarap niya ay hindi lamang para sa sarili, kundi para sa bawat pamilyang Imuseno na nangangarap ng mas magandang kinabukasan.
"Kaya nating bumangon, kaya nating umasenso—basta't magtulungan tayo. At andito ako, kasama ninyo sa bawat hakbang." - Clark "Claro" Dominguez
