Technical Institute of Iloilo City - Molo Campus

Technical Institute of Iloilo City - Molo Campus Contact information, map and directions, contact form, opening hours, services, ratings, photos, videos and announcements from Technical Institute of Iloilo City - Molo Campus, M. H. del Pilar Street, Molo, Iloilo City.

Technical Institute of Iloilo City Molo Campus, a LGU-governed school, is a Techvoc Institution offering FREE and Quality training programs: 2year Techvoc Education Program, TESDA Accredited Training Program and the Livelihood and Skills Training Program.

if you are interested please visit TIIC Bo. Obrero
22/06/2026

if you are interested please visit TIIC Bo. Obrero

Iloilo City launches Eco-nnect Bottle-to-WiFi Vendo MachineIsa naman ka milestone para sa environmental sustainability k...
22/06/2026

Iloilo City launches Eco-nnect Bottle-to-WiFi Vendo Machine

Isa naman ka milestone para sa environmental sustainability kag digital connectivity sang Iloilo City ang paglunsar sang Eco-Connect PET Bottle-to-WiFi Vendo Machine, nga nagahatag sang libre nga WiFi access kabaylo sang recyclable PET bottles.

Ang vending machine gin-fabricate sang Technical Institute of Iloilo City (TIIC) pinaagi sa talento, kahibalo, kag innovation sang mga trainers kag trainees, nga nagapakita sang importante nga papel sang technical-vocational education sa paghimo sang praktikal nga solusyon para sa komunidad.

Madamo nga salamat sa Iloilo City Government, kay Hon. Raisa Treñas, kag sa tanan nga partners nga nagasuporta sa ini nga inisyatibo nga nagatukod sang mas malimpyo, mas connected, kag mas sustainable nga Iloilo City.

TekBoKALIDAD: TEKBOK-Kahanas, Asenso, kag Livelihood yara sa institusyon nga may Dedikasyon, Aksyon kag Dungog

Kabataang Emergency Champions: “Safer School, Ready Communities” at Nabitasan Elementary SchoolBilang kabahin sang pagpa...
20/06/2026

Kabataang Emergency Champions: “Safer School, Ready Communities” at Nabitasan Elementary School

Bilang kabahin sang pagpalig-on sang disaster preparedness sa mga kabataan, ginpatigayon ang Kabataang Emergency Champions (KEC) sa Nabitasan Integrated School nga may tema nga “Safer School, Ready Communities.” Ang mga miyembro sang Student Elementary Learner Government (SELG) kag Supreme Student Learner Government (SSLG) ang nagparticipate sa training nga nagtudlo sang importante nga mga konsepto kag skills sa Disaster Risk Reduction and Management (DRRM), Basic First Aid, Bandaging, kag Basic Life Support (BLS).

Nagakaangay gid ini nga programa sa kasamtangan nga sitwasyon bangud sang mga nagluntad nga linog sa Mindanao nga nagpabutyag sang importance sang kahandaan sa tion sang kalamidad. Pinaagi sa sini nga inisyatibo, ginahingyo kag ginapalig-on ang kapasidad sang mga kabataan nga makaresponde sing husto kag may kumpiyansa sa bisan ano nga emerhensya nga mahimo magluntad sa eskwelahan ukon komunidad.

Ang Technical Institute of Iloilo City nagapaabot sang sincere acknowledgement kay Hon. Raisa Treñas kag SDS Ma. Luz Delos Reyes, CESO V tungod sa ila padayon nga suporta sa mga programa nga nagapromote sang kaluwasan kag kahandaan sang mga estudyante. Dako man ang amon pagpasalamat kay Mrs. Raiza Gimeo, City Federated Parent-Teacher Association Chairperson, sa iya pagbulig sa pagpatuman sang Kabataang Emergency Champions sa mga eskwelahan sang Iloilo City.

Ginakilala man naton ang suporta ni Ms. Matty Treñas, School Administrator, para sa TIIC trainers kag facilitators; ni Ms. Christine Joy Batuigas, School Principal sang Nabitasan Integrated School, sa pagduso kag pag-host sang sini nga programa para sa benepisyo sang mga estudyante; kag ni Ms. Glaiza Pano, SPTA President, sa iya pagbulig kag koordinasyon sa aton trainers, volunteers, kag facilitators agud mangin organisado kag malampuson ang bug-os nga aktibidad.

TekBoKALIDAD: TEKBOK-Kahanas, Asenso, kag Livelihood yara sa institusyon nga may Dedikasyon, Aksyon kag Dungog

TIIC Conducts Orientation for Housekeeping Services ApplicantsNagpatigayon ang Technical Institute of Iloilo City (TIIC)...
18/06/2026

TIIC Conducts Orientation for Housekeeping Services Applicants

Nagpatigayon ang Technical Institute of Iloilo City (TIIC) sang orientation para sa mga applicants sang Livelihood and Skills Training Program sa Housekeeping Services. Ang aktibidad nagtuyo nga mahatagan sang igo nga impormasyon ang mga participants parte sa programa, mga kinahanglanon, kag mga palatuman antes sila mag-umpisa sang ila training.

Ginpangunahan ni Kurt Arthur Nietes, Institution Representative, ang pagdiscuss sang mga katungdanan kag responsibilidad sang mga trainees, samtang si Gillian Flores, Trainer, ang naghatag sang training overview kag nagpaathag sang mga matun-an sa sulod sang programa. Ginpasangkad naman ang aktibidad nina Liah Agatha Tumbocon, Records Focal Person sang Livelihood and Skills Training Program, kag Mel Marifosque, Laboratory Assistant para sa Housekeeping Services.

Ginapasalamatan sang Technical Institute of Iloilo City (TIIC) si Hon. Raisa Treñas sa padayon nga suporta sa mga programa kag inisyatibo sang institusyon nga nagahatag sang mas madamo nga oportunidad sa pagtuon kag pagpauswag sang pangabuhi sang aton mga benepisyaryo. Dako man ang aton pagpasalamat kay Matty Treñas, School Administrator, tungod sa iya wala untat nga paggiya, suporta, kag dedikasyon sa pagpalambu sang mga programa sang TIIC.

TekBoKALIDAD: TEKBOK-Kahanas, Asenso, kag Livelihood yara sa institusyon nga may Dedikasyon, Aksyon kag Dungog

May shooting during sa Earthquake DrillAng iban nag-drill kag kalmado nga nagsunod sang “Duck, Cover, and Hold.” Si sir ...
18/06/2026

May shooting during sa Earthquake Drill

Ang iban nag-drill kag kalmado nga nagsunod sang “Duck, Cover, and Hold.” Si sir ya daw nag-audition para sa Best Actor in an Emergency Situation, complete with facial expression, body language, kag survival instincts nga pang-blockbuster movie.

Earthquake drill pa lang ni, pero ang performance daw pang-MMFF Best Supporting Actor na!

Earthquake Drill 2026 | TIIC MoloNagpakita sang kahandaan kag disiplina ang mga estudyante, faculty, kag staff sang Tech...
18/06/2026

Earthquake Drill 2026 | TIIC Molo

Nagpakita sang kahandaan kag disiplina ang mga estudyante, faculty, kag staff sang Technical Institute of Iloilo City (TIIC) sa ila aktibo nga pag-upod sa National Simultaneous Earthquake Drill (NSED).

Sa pagsunod sa mga safety protocols kag emergency procedures, ginpraktis naton ang husto nga pamaagi sa tion sang linog pinaagi sa "Duck, Cover, and Hold" kag organisado nga evacuation. Ini nga aktibidad nagpalig-on sang aton kahibalo kag kahandaan agud maprotektahan ang tagsa ka isa sa tion sang kalamidad.

Safety starts with preparedness. Padayon kita nga maging alerto, handa, kag responsable para sa mas luwas nga TIIC community!

TekBoKALIDAD: TEKBOK-Kahanas, Asenso, kag Livelihood yara sa institusyon nga may Dedikasyon, Aksyon kag Dungog

Congratulations to our HMT Students!Congratulations sa aton mga HMT students nga naglab-ot sang 100% passing rate sa Hou...
13/06/2026

Congratulations to our HMT Students!

Congratulations sa aton mga HMT students nga naglab-ot sang 100% passing rate sa Housekeeping NC II Assessment nga ginpatigayon sang May 25–26, 2026 sa Provincial Training Center Iloilo.

Ang ini nga kadalag-an nagapakita sang inyo dedikasyon, disiplina, kag pagpanikasog sa pagtuon sang mga kinahanglanon nga kahibalo kag kahanas sa housekeeping. Madamo man nga pagpasalamat sa inyo trainer, Art Victoriano, sa iya paggiya kag suporta nga nagbulig sa inyo pag-angkon sang ini nga milestone.

TekBoKALIDAD: TEKBOK-Kahanas, Asenso, kag Livelihood yara sa institusyon nga may Dedikasyon, Aksyon kag Dungog

HAPPY INDEPENDENCE DAY PHILIPPINES!May freedom ang Pilipinas, pero ang stress sang students kag teachers daw wala pa gid...
11/06/2026

HAPPY INDEPENDENCE DAY PHILIPPINES!

May freedom ang Pilipinas, pero ang stress sang students kag teachers daw wala pa gid naka-file sang declaration of independence. 😅😂

Bisan holiday subong, let's take a break, celebrate our freedom, kag enjoy the day. Ang stress? Balikan ta lang na liwat sa lunes.

Fire Safety Inspection Conducted at TIICGinpangunahan sang mga personnel sang Bureau of Fire Protection (BFP) ang fire s...
11/06/2026

Fire Safety Inspection Conducted at TIIC

Ginpangunahan sang mga personnel sang Bureau of Fire Protection (BFP) ang fire safety inspection sa Technical Institute of Iloilo City (TIIC) bilang kabahin sang padayon nga pagpasiguro sang kaluwasan sang aton mga estudyante, personnel, kag bisita.

Pinaagi sini nga inspeksyon, na-assess ang kahimtangan sang mga fire safety equipment, emergency exits, evacuation plans, kag iban pa nga fire prevention measures agud masiguro nga nagasunod ang eskwelahan sa mga kinahanglanon sang Fire Code kag handa sa ano man nga emerhensya. Ang fire safety inspections naga-identify sang posible nga peligro kag naga-verify nga epektibo ang mga fire protection kag evacuation systems.

Address

M. H. Del Pilar Street, Molo
Iloilo City
5000

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when Technical Institute of Iloilo City - Molo Campus posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Technical Institute of Iloilo City - Molo Campus:

Shortcuts

Share