STP Adventours

STP Adventours Optimizing the balance of animal welfare, environment, human existence, and tourism for a better future.
(3)

30/03/2026

π—₯π—”π—•π—œπ—˜π—¦ π—¦π—¨π— π— π—œπ—§ 𝗦𝗔 𝗔π—₯π—˜π—©π—”π—Ÿπ—’, π— π—”π——π—œπ—‘π—”π—Ÿπ—”π—š-𝗒𝗑 π—‘π—šπ—” π—‘π—”π—žπ—”π—•π—”π—žπ—¨π—‘π—” π—¦π—”π—‘π—š π— π—šπ—” π—žπ—”π—¦π—”π—£π—”π—§π—”π—‘ π—žπ—”π—š π—‘π—”π—žπ—”π—›π—”π—§π—”π—š π—£π—”π—šπ—§π—¨π—Ÿπ—’π—‘-𝗔𝗑 𝗦𝗔 π— π—šπ—” π—£π—˜π—§ 𝗒π—ͺπ—‘π—˜π—₯𝗦

Indi lang kabuhi sang mga hinuptanan ang naamligan kundi pati man sang katawhan.

Nangin madinalag-on ang labing una nga Rabies Summit sa Arevalo, Iloilo City subong nga adlaw, Marso 27, 2025.

Suno kay Dr. Jan Reygine Ansino - Hortinela, Medical Officer III sang Arevalo District, natigayon nga nakabakuna sang mga ido kag kuring subong man nakahatag sang animal welfare education sa mga agalon sang kasapatan.

Ini suno sa iya ang tikang sang ila distrito matapos natalupangdan nga nagadamo na ang layaw nga mga ido sa dalan.

Pahayag niya, mas barato ang bakuna sang sapat kon ikumparar sa tawo gani man maayo nga mag-focus sa preventive measures.

Santu sa datus sang syudad, apat ka kaso sang rabies ang nalista sa Arevalo sang nagligad nga tuig samtang isa naman ka kaso subong nga tuig. Bangud sini, target sang distrito nga malab-ot ang rabies-free community paagi sa amat-amat nga pagbakuna sang mga sapat.



21/03/2026

π—œπ—Ÿπ—’π—‘π—šπ—šπ—” π—”π—§π—›π—Ÿπ—˜π—§π—˜π—¦, π—‘π—”π—šπ—›π—”π—žπ—’π—§ π—¦π—”π—‘π—š π—šπ—’π—Ÿπ—— π— π—˜π——π—”π—Ÿπ—¦ 𝗦𝗔 π—ͺ𝗩π—₯𝗔𝗔 2026 𝗦𝗔 π—£π—”π—¦π—¦π—œ π—–π—œπ—§π—¬; π—‘π—”π—šπ—žπ—”π—Ÿπ—”π—œπ—‘-π—Ÿπ—”π—œπ—‘ π—‘π—šπ—” π—œπ—¦π—§π—’π—₯𝗬𝗔 π—¦π—”π—‘π—š π—žπ—”π——π—”π—Ÿπ—”π—š-𝗔𝗑, π—œπ—Ÿπ—” π—šπ—œπ—‘π—•π—œπ——π—”

Mahuyang kag wala sang ikasarang.

Pila lang sa mga tinaga nga sa dinumaan nga panahon kag pagpati, ginakabuhi sang mga babayi.

Apang sa subong nga tyempo, padayon nga ginapamatud-an sang mga kababainhan nga baliskad sa ini nga mga paglaragway, may mga butang nga sarang man nila ubrahon indi lang sa sulod sang balay.

Kaangay nalang sa patag sang hinampang sa diin masami mga kalalakinhan ang nagadominar, ginpamatud-an sang mga babayi nga atleta nagikan sa Schools Division Office (SDO) sang Iloilo kag Capiz ang ila ikasarang.

Aton hibaluon ang istorya sang apat ka atletang Ilongga nga nangin madinalag-on sa ila nagkalain-lain nga kategorta sa Western Visayas Regional Athletic Association (WVRAA) Meet sa Passi City.





By: LFE

21/03/2026

π—ͺ𝗔𝗧𝗖𝗛: π—¦π—”π—Ÿπ—”π— π—•π—”π—’ π—Ÿπ—¨π—‘π—–π—›π—˜π—₯𝗬 𝗦𝗔 π—£π—”π—¦π—¦π—œ π—–π—œπ—§π—¬, 𝗠𝗔𝗬 π——π—”π—žπ—’ π—‘π—šπ—” π—‘π—”π—œπ—•π—¨π—Ÿπ—œπ—š 𝗦𝗔 π—£π—”π— π—œπ—Ÿπ—¬π—”

Ginadumala subong ni Reed Rull kag sang iya utod ang Salambao Lunchery sa Passi City.

Si Reed ang nagtapos sa iya pagtoon sa kurso nga electronics sa ISAT- U.

Dako ang naibulig sang negosyo sa pamilya ilabi na sa ila pag eskwela kag lunsay profesional na ang mga ini.

Nakabulig man ini sa mga tawo nga wala sang obra.

70 porsyento sa ila tinawo ang residente sang Passi City kasunod sa patakaran sang syudad.

Apisar nga bag-o pa lang ang Salambao naamat-amat naman ini nga nakilala sang mga kostumer.

Salambao ang ginpangalan sa negosyo nga ginkuha naman sa lambat nga ginagamit sa pagkuha sang mga isda sa Di**le, Iloilo.

Madamo man sila sang mga linuto kaangay sang sinabwan nga isa, letson manok, kinilaw kag madamo pa.

28/02/2026

π—ͺ𝗔𝗧𝗖𝗛| π—‘π—˜π—šπ—’π—¦π—¬π—’ π—‘π—šπ—” π—žπ—”π—£π—˜π—›π—”π—‘ 𝗦𝗔 π——π—œπ—¦π—§π—₯π—œπ—§π—’ π—¦π—”π—‘π—š 𝗝𝗔π—₯𝗒, π—šπ—œπ—‘π—žπ—¨π—›π—” π—”π—‘π—š π—£π—”π—‘π—šπ—”π—Ÿπ—”π—‘ 𝗦𝗔 π—œπ——π—’ π—‘π—šπ—” π—¦π—œ π—˜π— π— π—”π—‘ π—‘π—šπ—” π—‘π—”π—šπ—¦π—”π—Ÿπ—•π—”π—₯ 𝗦𝗔 π—žπ—”π—•π—¨π—›π—œ π—¦π—”π—‘π—š π—œπ—¦π—” π—žπ—” 𝗔𝗠𝗔𝗬 π—šπ—œπ—žπ—”π—‘ 𝗦𝗔 𝗖𝗔π—₯π——π—œπ—”π—– 𝗔π—₯π—₯π—˜π—¦π—§

Pebrero 2023 sang gintukod ang negosyo nga Kepehan ni Emman nga nahamtang sa Lopez Jaena, Jaro, Iloilo City.

Emman ang ginpangalan sa negosyo nga ginkuha naman sa ido nga nagsalbar sadto sa cardiac arrest sa isa ka amay ka amay nga owner sang kapehan.

Dako gid ang naibulig sang negosyo ilabi na sa pagtoon ni Michael Molina nga amo karon ang naga-manage kaupod sa iya asawa.

Ang ila relatives nga wala nakaupod sadto, karon maka-bonding na nila bangud sa negosyo nga ini.

Samtang financial kag knowledge sa pagtimpla sang kape ang isa sa mga chellege sa pagtukod sang negosyo.

Bangud sa tinun-an, gingamit ni Molina ang iya skills kon paano i-handle ang ini nga negosyo.

Best seller nila amo ang native coffe, spanish latte kag waffles nga amo ang ginbalik-balikan sang kostumer.





By:TTF

21/02/2026

π—ͺ𝗔𝗧𝗖𝗛| π—”π—‘π—”π—ž, π—‘π—”π—šπ—£π—”π—§π—¨π—žπ—’π—— π—¦π—”π—‘π—š π—‘π—˜π—šπ—’π—¦π—¬π—’ π—‘π—šπ—” 𝗖𝗒𝗧𝗧𝗒𝗑 𝗖𝗔𝗑𝗗𝗬 π—žπ—”π—š 𝗣𝗒𝗣 𝗖𝗒π—₯𝗑 𝗦𝗔 𝗒𝗧𝗒𝗑, π—œπ—Ÿπ—’π—œπ—Ÿπ—’ π—”π—šπ—¨π—— π— π—”π—žπ—”π—•π—”π—•π—¨π—Ÿπ—œπ—š 𝗦𝗔 π—œπ—¬π—” π—£π—”π— π—œπ—Ÿπ—¬π—”

Tuig 2001 sang gintukod ni Jhulz Tagolimot, 49 anyos ang ini nga negosyo agud makabulig sa iya pamilya.

Toto Jhulz ang ginpangalan sang negosyo nga ginkuha naman sa iya pangalan.

Sadto anay nagapang-amo lang si Jhulz sa kapareho man nga negosyo sa distrito sang Mandurriao tubtub nakatukod siya sang kaugalingon nga baligyaan.

Bangud sa kapisan sang obra, amat-amat na nga napadako ang negosyo sini sa diin manug-guwa na ang iya negosyo nga shake kag ginahulat nalang permit.

Tig-ululan ang kontra sang sini nga negosyo bangud wala sang mga kostumer ang nagbakal.

Kon kaisa nagalab-ot na si Jhulz sa iban nga barangay sa Oton agud ibaligya ang manamit nga pop corn kag cotton candy.

Kalabanan sa iya kostumer amo ang umalagi kag mga kabataan.

Pahayag pa niya nga ang negosyo daw kaangay sang sugal nga may pierde may daog.





By:TTF

21/02/2026

π—žπ—”π—§π—¨π—§π—’π—  π—žπ—”π—š π—£π—”π—šπ—§π—¨π—’, π—¦π—˜π—žπ—₯π—˜π—§π—’ π—¦π—”π—‘π—š π—‘π—”π—šπ—”π—œπ—¦π—”π—›π—”π—‘π—’π—‘ π—‘π—šπ—” π—§π—’π—£π—‘π—’π—§π—–π—›π—˜π—₯ π—‘π—”π—šπ—œπ—žπ—”π—‘ 𝗦𝗔 π—œπ—¦π—”π—§-𝗨 π—‘π—šπ—” π—‘π—”π—š-π—₯π—”π—‘π—ž 10 𝗦𝗔 2026 π— π—˜π—–π—›π—”π—‘π—œπ—–π—”π—Ÿ π—˜π—‘π—šπ—œπ—‘π—˜π—˜π—₯ π—Ÿπ—œπ—–π—˜π—‘π—¦π—¨π—₯π—˜ π—˜π—«π—”π— 

Agud malab-ot ang ginahandum nga butang, may tagsa-tagsa kita ka pamaagi agud makuha ini kag mangin madinalag-on sa ulihi.

Kaangay nalang sang nagaisahon nga topnotcher nagikan sa Iloilo sa bag-o lang natapos nga February 2026 Mechanical Engineer Licensure Examination nga si Sandro Floyd Tumenlaco sang Napnapan, Tigbauan nga ginpakigbahin ang iya nangin sekreto agud mag-rank 10 sa nasambit nga pasinawan kon sa diin masobra 6,000 ang nagkuha.

Ang pagkuha ni Sandro sang kurso nga engineering ang naghalin sa ideya sang iya nga mga ginikanan apisar indi ini pareho sa ila propesyon nga lunsay teaching.

Gin-ako sini nga kaangay sang hambalanon sang iban, mabudlay gid man ang kurso nga engineering apang bangud sa iya nga sekreto nga katutom kag pagtuo, updan pa sang bug-os nga suporta sang iya mga ginikan, nalampuwasan ya ini tanan.

Si Sandro ang naggradwar bilang Magna Cum Laude sa Iloilo Science and Technology University (ISAT-U). Apang wala diri natapos ang iya pagtuon, bangud nga binulan sia nga nagtinir sa Cebu para sa preparasyon kag pagkuha niya sang board exam.

Tuman naman ang pagpasalamat niya sa Ginoo nga gintuman ang madugay na sini nga handum nga mangin isa ka topnotcher.

Mensahe naman sini sa mga estudyante nga luyag mangin future engineers nga indi magkahadlok nga magkuha sang kurso nga engineering bangud nagapati sia nga wala sang mabudlay kon may katutom sa pag-eskwela kag pagtuo sa Ginuo.





By: LFE

09/02/2026

π—œπ——π—’ π—‘π—šπ—” π—‘π—”π—Ÿπ—”π—£π—”π—žπ—”π—‘ π—¦π—”π—‘π—š 𝗛𝗔π—₯π—©π—˜π—¦π—§π—˜π—₯ π—”π—‘π—š 𝗗𝗨𝗛𝗔 π—žπ—” π—§π—œπ—œπ—Ÿ, π—‘π—”π—¦π—”π—Ÿπ—•π—”π—₯ 𝗑𝗔

Nadumduman niyo pa bala si Mochie? Ang ido nga nalapakan ang tiil sang harvester sa Barangay Bita Sur, Oton, Iloilo sang Enero 29.

Sa una nga interview ni Radyoman Flo Navarete sa iya agalon nga si Rea Grace Aligoro, ginsiling sini nga nagahampang ang ido sa talamnan, nagsughot sa mga palay kag wala natalupangdan sang nagamaneho sang harvester.

Bangud tagpalamati man sang RMN Sapat, Turismo, kag Pumuluyo β€” nagdangup si Rea sa RMN para sa pagpabulong ni Mochie.

Yara si Mochie sa Ibarra Health and Wellness Center sa Barangay Pandac, Pavia, Iloilo, kag istable na ang kondisyon, apang ginapanilagan pa ang mangin progress sang pag-ayo sini.

Salamat sa mga tawo nga nagtabang kag nagkabalaka, nasalbar si Mochie, nasalbar ang isa ka miyembro sang pamilya nanday Rea.





BY: FMO

07/02/2026

π—œπ—Ÿπ—’π—‘π—šπ—šπ—’ π—‘π—šπ—” π—œπ——π—’π—Ÿπ—’ π—Ÿπ—”π—‘π—š 𝗦𝗔𝗑𝗗𝗔𝗬 π—π—”π—–π—žπ—œπ—˜ 𝗖𝗛𝗔𝗑 π—žπ—”π—š π—π—˜π—§ π—Ÿπ—œ 𝗦𝗔𝗗𝗧𝗒, 𝗠𝗔𝗦𝗒𝗕π—₯𝗔 2 π—žπ—” π——π—˜π—žπ—”π——π—” 𝗑𝗔 π—žπ—”π—₯𝗒𝗑 π—‘π—šπ—” 𝗠𝗔π—₯π—§π—œπ—”π—Ÿ 𝗔π—₯π—§π—œπ—¦π—§

Sa aton kabuhi may mga tawo kita nga luyag mailog ukon gusto naton nga mangin kapareho nila bangud sang ila hitsura, mga nalab-ot nga butang, kag bisan pa talento.
IDOLO kon tawgon. Mga kapareho naton nga tawo kon kabigon apang para sa iban, nagaserbe ini nga ila inspirasyon.

Si coach Nilo Dela Cruz Sara ang masobra duha na ka dekada nga martial artist kag karon nagatudlo sang arnis, muay thai, kag boxing. Apisar mahilugon sia sa pagsaot sadto kag Hotel and Restaurant Management (HRM) and iya kurso nga nataposan sa kolehiyo, bangud sa impluwensiya sang iya mga idolo nga sanday Jackie Chan kag Jet Li, mas ginpili niya ang martial arts.

Nag-umpisa lang sa pag-ilog sa iya mga idolo, tubtob nangin sentro na sang kabuhi ni coach Nilo ang pagka-martial artist. Bangud nagdako sia sa broken family, ang martial arts ang nagbulig sa iya sa kon paano magdisplina sa kaugalingon, nagpauntat sa tanan niya nga bisyo, kag nakabulig sa iya agud makatapos sa pag-eskwela.

Para kay coach Nilo, calling gid niya ang mangin isa ka martial artist kag mapakigbahin ang iya natun-an sa iban nga tawo. Bangud sang iya propesyon, madamo na sia sang natudloan, indi lang diri sa lokal kundi pati na sa national stage.

Sa mga luyag magpa-train kay coach Nilo, mahimo niyo sia ma-contact sa iya Facebook nga β€œNilo Dela Cruz Sara” ukon sa β€œCoach Flora Taekwando”





By: LFE

07/02/2026

π—‘π—˜π—šπ—’π—¦π—¬π—’ π—‘π—šπ—” π—žπ—”π—£π—˜π—›π—”π—‘ 𝗦𝗔 𝗖𝗨𝗔π—₯π—§π—˜π—₯𝗒, 𝗝𝗔π—₯𝗒 π—‘π—”π—žπ—”π—•π—¨π—Ÿπ—œπ—š 𝗦𝗔 π—£π—”π—šπ—§π—¨π—’π—‘ π—¦π—”π—‘π—š π—žπ—”π—•π—”π—§π—”π—”π—‘; π—‘π—šπ—”π—Ÿπ—”π—‘ π—¦π—”π—‘π—š π—žπ—”π—£π—˜π—›π—”π—‘ π—šπ—œπ—‘π—žπ—¨π—›π—” 𝗦𝗔 π—œπ—¬π—” π—‘π—”π—šπ—§π—”π—Ÿπ—œπ—ͺ𝗔𝗑 π—‘π—šπ—” π—œπ—Ÿπ—’π—¬

Gintukod ang Remi’s Coffee Shop sadtong Mayo 2025 nga ginapanag-iyahan ni Myla Roselle Lopez.

Remi’s ang ginpangalan sa negosyo nga ginkuha naman sa ngalan sang iya nagtaliwan nga iloy nga si Remia.

Dako ang nabulig sang ini nga negosyo para sa pagpatuon sang ila mga kabataan.

Madamo man sang pagtilaw ang inagihan sang negosyo kaangay sang financial kag iban pa.

Mahimo matilawan sa Remi’s ang matcha latte, spanish latte kag madamo pa.

May panugyan man si Myla sa magatukod sang kasubong sini nga negosyo.





By:TTF

31/01/2026

π——π—œπ—‘π—”π—šπ—¬π—”π—‘π—š π—£π—˜π—§ 𝗣𝗔π—₯π—”π——π—˜, π—‘π—”π—šπ—£π—”π—žπ—œπ—§π—” π—¦π—”π—‘π—š π—£π—’π—§π—˜π—‘π—¦π—¬π—”π—Ÿ π—¦π—”π—‘π—š π—£π—˜π—§ 𝗧𝗒𝗨π—₯π—œπ—¦π—  π—˜π—©π—˜π—‘π—§π—¦ 𝗦𝗔 π—œπ—Ÿπ—’π—œπ—Ÿπ—’ π—–π—œπ—§π—¬

Sa sining bag-o lang natapos nga selebrasyon sang Dinagyang Festival 2026, indi lang tawo ang nag-enjoy kundi nagkinasadya man ang
masobra 230 ka mga pet owners upod ang ila nagkalain-lain nga mga hinuptanan sa labing una nga Dinagyang Pet Parade sa Iloilo City nga ginpatigayon sang Enero 24, 2026.

Inisyatibo ini sang IFFI ka-partner ang animal welfare group nga Team Rescue Iloilo (TRI), Iloilo City Veterinary Office kag Pabalhas.

Nangin maduagon ang kahiwatan bangud nagsuksok sang tagsa ka costume ang mga hinuptanan. Kalabanan sa ila Dinagyang Inspired bangud para swak sa tema nga Dinagyang.

Nanari-sari nga mga hinuptanan. May ido, kuring, bisan pa ang hinuptanan nga halo. May lahi man ukon wala, nag-enjoy ang tanan!

Nakigbahin man ang RMN Iloilo sa amo nga kahiwatan, kaupod ang station dog nga si Murphy kag sanday Radyoman Novie kag Radyoman Albi.

Tinutuyo sang nasambit nga aktibidad nga mapasanyog ang responsable nga pag-atipan sa mga hinuptanan samtang gintib-ong man ang inclusivity nga maangot sa slogan nga "Dinagyang Para Sa Tanan".

Para kay IFFI Marketing Director Karmela Jesena, panugod ini kon sa diin nakitaan sang potensyal ang Iloilo City nga maestablisar ang Pet Tourism bangud sa kadamo nga mga pet owners ang nagapartisipar upod ang ila mga pinalangga nga hinuptanan.

Para naman kay Iloilo City Vet Dr. Fernando Abuencia, pamaagi man ini agud sakdagon ang mga programa sang syudad ilabi na sa ginatib-ong nga animal welfare kag responsible pet ownership.

Gani, sa sini nga Dinagyang matahum tulokon kag manami batyagon nga indi lang kita nga mga tawo ang naga-Hala Bira kundi pati man ang aton mga hinuptanan nga pinalangga.





By: FMO

11/01/2026

π—–π—’π—‘π—–π—˜π—£π—–π—œπ—’π—‘π—”π—‘π—’π—‘, π—‘π—”π—‘π—šπ—œπ—‘ π—œπ—žπ—”π——π—¨π—›π—” π—‘π—šπ—” π—”π—•π—’π—šπ—”π——π—’ π—¦π—”π—‘π—š π—œπ—Ÿπ—” π—£π—”π— π—œπ—Ÿπ—¬π—” 𝗠𝗔𝗧𝗔𝗣𝗒𝗦 π— π—”π—žπ—”π—£π—”π—¦π—”π—₯ 𝗦𝗔 2025 𝗕𝗔π—₯ π—˜π—«π—”π— π—¦

Handum sang amay nga gintuman sang anak.

Ini ang nangin istorya ni Atty. Marian LuceΓ±o Garcia, tumandok sang Brgy. PolopiΓ±a, isa sa mga island barangays sa Concepcion, Iloilo. Sia ang isa sa masobra 5,500 ka mga nakapasar sa bag-o lang gin-release nga resulta sang 2025 BAR Examinations.

Magluwas sa iya amay, isa man sa nagtulod kay Marian nga magsulod sa Law school amo ang iya magulang nga lalaki nga isa man ka abogado. Ini apisar kurso nga Social Work ang iya nataposan sa Central Philippine University kag isa man sia karon ka Licensed Social Worker.

Apang antes mabutang ang tinaga nga β€œAtty.” sa pamuno sang iya ngalan, aminado si Marian nga indi nangin madali ang iya kabuhi ilabi na sa pag-eskwela bangud man sang kapigaduhon.

Agud mabuhin-buhinan ang kabudlay nga ginapas-an sang iya mga ginikanan sa pagbuhi sa ila walo tanan ka mag-ulutod, High School palang, si Marian na ang nagpaeskwela sa iya nga kaugalingon tubtob sa iya pagsulod sa Law school bangud man sa mga scholarship nga iya naangkon.

Ini tanan gin-antos niya agud mangin proud ang mga tawo nga nagbulig kag nagpati sa iya kag agud magserbe nga inspirasyon sa iban nga tawo nga ang isa ka gamay nga bata nga nagdako sa isla ang may kapasidad man nga maghandum sang mataas kag magsulod sa halangdon nga propesyon.

Ang pagkapasar ni Marian sa BAR exam ang ginahalad niya gid sa iya amay nga amo ang naghandum sini para sa iya, apang sa masubo nga palad, nagtaliwan na ang ini sadtong 2023.

Panugyan naman ni Atty. Marian sa mga luyag man mangin isa ka abogado nga dapat may pagsalig kag determinasyon, bangud nagapati sia nga matapos mo ang pagtuon basta nagapadayon.





By: LFE

10/01/2026

π—ͺ𝗔𝗧𝗖𝗛| π— π—œπ—¦π—œπ—¦ π—‘π—šπ—” π—‘π—”π—šπ—£π—¨π—‘π——π—”π—₯ π—Ÿπ—”π—‘π—š π—¦π—”π—‘π—š π—₯π—˜π—§π—₯π—˜π—”π—§ π—›π—’π—¨π—¦π—˜ 𝗦𝗔𝗗𝗧𝗒, π—§π—”π—š-π—œπ—¬π—” 𝗑𝗔 π—žπ—”π—₯𝗒𝗑 π—¦π—”π—‘π—š 𝗨π—₯𝗕𝗔𝗑 π—œπ—‘π—‘ π—žπ—”π—š 𝗨π—₯𝗕𝗔𝗑 π—šπ—Ÿπ—”π— π—£ π—₯π—˜π—¦π—’π—₯𝗧

Tuig 2024 sang ginbuksan sang business owner ang negosyo nga Urban Glamp Resort sa Brgy. Caboloan Norte, Oton, Iloilo.

Gintukod ini ni Ma’am Aivee Genson bangud sa interesting kag mas exciting nga negosyo kag pag-desinyo.

Mahiligon si Aivee sa patag sang painting gani natipon niya ang 390 ka mga artwork.

Nag-training sia sa pag-paint pito na katuig ang nagligad kag yara na ang iban sa iya building.

Suno pa sa iya, ang negosyo ang seasonal, depende sa kadamuon sang mga kostumer nga nagakadto.

Pero suno pa kay Aivee nga pila man diri ang ila nabuligan kaangay sang nagaistar sa barangay.

Madamo ang nagapamangkot sa iya kon nga-a ginsulod niya ang amo sini nga negosyo.

Bangod sini, madamo na ang nagabisita sa Urban Glamp sa diin nagatanyag sila sang venues para sa seminar, kasal, birthday kag iban pa.

Pila sa mga challenge amo ang losses sa negosyo pero sarang ini nga ma-maintain ni Aivee.

Sa karon si Aivee ang may pito na ka mga kabataan nga lunsay na tanan professional kag iban upod niya sa pag-manage sang negosyo.





By: TTF

Address

Luna Street, Lapaz
Iloilo City
5000

Website

Alerts

Be the first to know and let us send you an email when STP Adventours posts news and promotions. Your email address will not be used for any other purpose, and you can unsubscribe at any time.

Shortcuts

Share

Category