17/07/2026
𝗕𝗔𝗥𝗔𝗡𝗚𝗔𝗬 𝗖𝗔𝗣𝗜Ñ𝗔𝗛𝗔𝗡 𝗦𝗔 𝗟𝗘𝗠𝗘𝗥𝗬, 𝗡𝗔𝗞𝗔𝗕𝗔𝗧𝗢𝗡 𝗦𝗔𝗡𝗚 ₱4-𝗠𝗜𝗟𝗬𝗢𝗡 𝗣𝗔𝗥𝗔 𝗦𝗔 𝗣𝗔𝗚𝗧𝗨𝗞𝗢𝗗 𝗦𝗔𝗡𝗚 𝗕𝗔𝗚-𝗢 𝗡𝗚𝗔 𝗠𝗨𝗟𝗧𝗜𝗣𝗨𝗥𝗣𝗢𝗦𝗘 𝗛𝗔𝗟𝗟
Nakabaton sang ₱4 milyon nga pondo ang Barangay Capiñahan sa banwa sang Lemery halin sa Provincial Government of Iloilo para sa pagtukod sang isa ka bag-o nga multipurpose hall.
Ang pondo ginturn-over ni Iloilo Governor Arthur Defensor Jr. bilang kabahin sang ₱23.32 milyon nga ginturn-over sang Kapitolyo para sa mga proyekto sa pito ka barangay sa probinsya.
Suno sa Kapitolyo, ang bag-o nga multipurpose hall magamit sa mga meeting, programa, aktibidad sang barangay, kag bilang evacuation center kon may kalamidad.
Kabahin man sang amo nga programa ang paghatag sang pondo sa apat ka barangay sa Cabatuan para sa pagtukod sang gymnasium, multipurpose hall, barangay hall, kag healthcare facility.
Nagbaton man sang ₱3 milyon ang Barangay Badu sa Calinog para sa road concreting, samtang ₱1.93 milyon naman ang ginhatag sa Barangay Jardin sa Dumangas para sa proyekto sa dalan.
Suno sa Provincial Government of Iloilo, ang mga proyekto makabulig sa pagpaayo sang mga pasilidad kag serbisyo sa mga barangay agud mas mapuslan sang mga residente.
Photo Courtesy: Balita Halin sa Kapitolyo
Via: Redgie Demayo
By: Edicel Inion | July 17, 2026
Ang ini nga balita ginadul-ong sa aton sang:
𝘿3𝘽𝙄𝙊, 𝘿𝙏𝙓500, 𝙈𝙄𝙂𝙃𝙏𝙔 𝘾𝙀𝙀, kag 𝘿𝙏𝙓 𝘾𝙊𝙁𝙁𝙀𝙀 𝙈𝙄𝙓
Mabakal ang mga produkto sang 𝘾𝙡𝙞𝙣𝙞𝙘𝙖 𝘿𝙚 𝘼𝙡𝙩𝙚𝙧𝙣𝙖𝙩𝙞𝙫𝙤 𝑴𝒆𝒅𝒊𝒄𝒊𝒏𝒂 sa 𝗖𝗹𝗶𝗻𝗶𝗰𝗮 𝗦𝗮𝗿𝗮 𝗕𝗿𝗮𝗻𝗰𝗵 located at RJM's Bldg., Barangay Apologista near Sara Terminal.
𝗣𝗮𝗿𝗮 𝘀𝗮 𝗞𝗮𝗺𝗽𝗲𝗼𝗻 𝗻𝗴𝗮 𝗕𝗮𝗹𝗶𝘁𝗮, 𝗦𝗲𝗿𝗯𝗶𝘀𝘆𝗼 𝗣𝘂𝗯𝗹𝗶𝗸𝗼 𝗸𝗮𝗴 𝗞𝗮𝗹𝗶𝗻𝗴𝗮𝘄𝗮𝗻 𝘀𝗮 𝗤𝘂𝗶𝗻𝘁𝗼 𝗗𝗶𝘀𝘁𝗿𝗶𝘁𝗼, 𝗞5 𝗡𝗲𝘄𝘀 𝗙𝗠!
