04/06/2026
Sa tion sang kapigaduhon kag kakulang sang pagkaon, wala gid nagpaluya si Rosalinda Degilio, isa ka Agrarian Reform Beneficiary (ARB) sang Brgy. Del Pilar, Barotac Viejo, Iloilo, sa pagpadako sang iya mga kabataan. Bisan wala sila sang kaugalingon nga duta sang una kag madamo nga kabudlayan ang ila naagyan, nagpadayon siya kag ang iya bana sa pagpaninguha agud mahatag ang mas maayo nga buwas damlag para sa ila pamilya.
Sa nagligad nga selebrasyon sang adlaw sang mga nanay, ginahatagan sang pagpasidungog sang Department of Agrarian Reform (DAR) Iloilo ang mga iloy pareho kay Rosalinda nga nagpakita sang kusog, pagkamainantuson, kag wala untat nga paghigugma sa pamilya.
Suno kay Redelia Causing, kamagulangan nga anak ni Rosalinda, dako gid ang iya pagpasalamat sa kapisan kag kabuot sang iya ginikanan. Ang ila mga pagtudlo kag laygay amo ang naghulma sa ila kabuhi kag nagbulig agud mangin kon ano sila subong.
Ang istorya ni Rosalinda isa ka pamatuod nga ang gugma sang isa ka iloy kag ang pagpaninguha para sa pamilya wala sang kapareho nga bili.
๐ธ: Jan Patrick Armiza
โ๏ธ: Charles Joshua Gedaca
