https://www.facebook.com/1403245236572149/

John Jesner BIGID Punsaran

Home
Philippines
Iloilo City
John Jesner BIGID Punsaran

THINK BIG. Serve with heart. Lead with purpose.

SANGGUNIANG BARANGAY NABITASAN LA PAZ, ILOILO CITY 2013-2016

MISSION
To deliver basic services for every constituents through implementation of sensible policies and programs specially on health, education, employment and to enable each individual participation to attain progress, peace, environment friendly, God loving and to transform this Barangay into a World Class Community. VISION
Barangay

Nabitasan is a developing Barangay with Godfearing, environmentally friendly, and responsible citizenry who are also peace loving and willing to undergo challenges and participate in the Growth and continuous progress of the Community and to attain success, peace and orderliness and healthy constituencies. GOAL

"TO ACHIEVE THE ULTIMATE DESIRED OBJECTIVE IN A MORE EFFECTIVE WAY OF CARRYING OUT SERVICES THAT WILL SATISFY THE FUNDAMENTAL NEEDS OF THE PEOPLE IN A FAST-IMPROVING ,ORGANIZED AND WELL-SECURED COMMUNITY.."

17/08/2026

🚨 PAHIBALO SA TANAN NGA PUMULUYO SANG ILOILO CITY 🚨

WALA SANG FACE-TO-FACE CLASSES BUWAS, AGOSTO 18, 2026!

Base sa pahayag sang Local Chief Executive sang Iloilo City, ang face-to-face classes sa TANAN NGA LEVELS mag-shift sa Alternative Delivery Modes (ADM) buwas, Agosto 18, 2026.

Ini bangud sa ginapaabot nga mabaskog nga ulan kag posible nga pagbaha, agud maprotektahan ang kaluwasan sang aton mga estudyante, teachers, kag school communities.

📚 Wala sang face-to-face classes.
💻 ADM ang ipatuman sang mga eskwelahan agud mapadayon ang pagtuon.

Ginapangabay ang tanan nga magpabilin nga alerto kag mag-monitor sang opisyal nga mga advisory sang aton lokal nga panguluhan.

🌧️ Maghalong gid kita tanan!
Ang kaluwasan sang aton kabataan kag komunidad amo ang aton una nga prayoridad.

28/07/2026

𝐍𝐆𝐀𝐀 𝐏𝐄𝐑𝐌𝐈 𝐆𝐈𝐍𝐀𝐁𝐀𝐇𝐀 𝐀𝐍𝐆 𝐈𝐋𝐎𝐈𝐋𝐎 𝐂𝐈𝐓𝐘? ⛈️🤔
Let’s Understand the Bigger Picture

Kon mag-tupa ang mabaskog nga ulan, indi lang ang ulan mismo ang rason sang pagbaha. May ara pa gid sang iban nga mga hinungdan nga nagadugang sang risgo kag nagapalala sang sitwasyon.

📌 Ano ang nagatabo?

🌧️ 1. Mabaskog nga ulan – Ang madamo nga tubig halin sa kabukiran nagadiretso padulong sa mga suba kag syudad.

🌳 2. Pagkalbo sang kakahuyan – Kon naga gamay ang mga kahoy, wala na sang nagapugong kag nagasuyop sang tubig. Mas dasig ang pagdalagan sang tubig pakadto sa ubos.

🏞️ 3. Siltation sang suba – Ang lapok kag balas nagatipon sa suba, gani naga kitid ang alagyan sang tubig kag mas dali ini mag-awas.

🏙️ 4. Pagkunhod sang floodplains kag wetlands – Ang mga lugar nga natural kuntani nga gina agyan sang tubig ginatambakan kag ginadevelop. Tungod sini, naganubo ang lugar nga pwede mapahamtangan sang tubig.

🚰 5. Kulang ukon bara nga drainage system – Kon indi na makaagwanta ang drainage sa kadamuon sang tubig, maga awas ini kag magbaha.

🌊 6. High tide kag backflow – Kon mataas ang tubig sa dagat, indi makaguwa ang tubig halin sa suba kag drainage. Imbes nga magpaubos, nagabalik ini sa syudad.

🏘️ 7. Resulta: Pagbaha sa Metro Iloilo – Kon nagtipon ang tanan nga ini nga mga sitwasyon, mas dasig kag mas lawig ang pagbaha sa aton komunidad.

💡 Ano ang pwede naton himuon?

✅ Magtanom kag mag-atipan sang mga kahoy.
✅ Protektahan ang mga suba, wetlands, kag mangrove areas.
✅ Indi maghaboy sang basura sa kanal kag estero.
✅ Suportahan ang maayo nga flood control kag environmental programs.
✅ Magbinuligay sa pag-atipan sang aton palibot.

🌱 Flooding is not caused by rain alone. Kinahanglan naton sabton ang bug-os nga water system agud makapangita kita sang mas epektibo kag pangmatagalan nga solusyon.

Ang pag-atipan sang aton palibot subong amo ang pinakaepektibo nga flood control para sa palaabuton.

23/07/2026

🚨𝐒𝐔𝐒𝐏𝐄𝐍𝐃𝐈𝐃𝐎 𝐀𝐍𝐆 𝐅𝐀𝐂𝐄-𝐓𝐎-𝐅𝐀𝐂𝐄 𝐂𝐋𝐀𝐒𝐒𝐄𝐒 𝐒𝐔𝐁𝐎𝐍𝐆, 𝐁𝐈𝐘𝐄𝐑𝐍𝐄𝐒, 𝐇𝐔𝐋𝐘𝐎 𝟐𝟒, 𝟐𝟎𝟐𝟔🚨

Base sa direktiba sang IloIlo City Chief Executive, suspendido ang tanan nga face-to-face classes gikan sa Preschool tubtob Senior High School bangud sang padayon nga mabaskog nga ulan kag posible nga localized flooding agud maprotektahan ang kaluwasan sang aton mga estudyante kag mga nagabiyahe.

Ginarekomendar ang tanan nga eskwelahan nga magpatuman sang Alternative Delivery Mode (ADM) agud mapadayon ang pagtuon sang mga kabataan.

Ginapangabay ang tanan nga pumuluyo nga magpabilin nga alerto kag padayon nga mag-monitor sang opisyal nga mga advisory sang aton lokal nga panguluhan kag PAGASA.

Ang kaluwasan sang kada isa amo ang aton una nga prayoridad. Mag-halong kita tanan kag magbinuligay sa tion sang padayon nga pag-ulan.☔️🤍

13/07/2026

🚨 DENGUE kag LEPTOSPIROSIS ALERT! 🚨

Mag-aligmat kita batok sa Dengue kag Leptospirosis!

Bangud sang padayon nga pag-ulan kag mga lugar nga may nagabara ukon nagpundo nga tubig, nagataas ang risgo sang Dengue kag Leptospirosis. Ginapangabay ang tanan nga mangin mabinantayon kag magpatuman sang mga preventive measures agud maprotektahan ang aton kaugalingon kag pamilya.

🦟 PAHANUMDOM BATOK SA DENGUE
✅ Limpyuhi ang palibot kag likawi ang mga lugar nga may nagapundo nga tubig.
✅ Takpi ang mga drum, balde, kag iban pa nga suludlan sang tubig.
✅ Isabwag ukon ula-on permi ang tubig sa mga paso, lata, goma, kag iban pa nga mahimo balayan sang lamok.
✅ Magsuksok sang malaba nga bayo kag maggamit sang mosquito repellent kon kinahanglan.
✅ Kon may hilanat nga wala nagaayo, magpakonsulta dayon sa health center ukon ospital.

🌧️ PAHANUMDOM BATOK SA LEPTOSPIROSIS
✅ Likawi ang paglusong sa baha ukon nagabara nga tubig kon indi man lang gid kinahanglan.
✅ Kon kinahanglan gid maglusong, magsuksok sang botas ukon protective footwear.
✅ Hugasi dayon ang kamot kag tiil gamit ang malimpyo nga tubig kag habon pagkatapos ma-expose sa baha.
✅ Takpi dayon ang mga pilas antes maggwa ukon maglusong sa baha.
✅ Kon makabatyag sang hilanat, sakit sa kalawasan, ukon kapula sang mata pagkatapos malusong sa baha, magpakonsulta dayon sa doktor.

Ang paglikaw mas maayo kaysa pag-ayo. Magtinlo sang palibot, mag-halong, kag magbinuligay agud maprotektahan ang aton komunidad batok sa Dengue kag Leptospirosis.

THINK BIG. ACT EARLY. STAY HEALTHY. STAY SAFE.💖🤍

12/07/2026

𝐌𝐀𝐘 𝐊𝐋𝐀𝐒𝐄 𝐍𝐀 𝐁𝐖𝐀𝐒!📣🏫

Ginapahibalo ang tanan nga magabalik na ang face-to-face classes sa Syudad sang IloIlo buwas, Lunes, Hulyo 13, 2026.

Base sa pinakaulihi nga assessment sang Iloilo City Emergency Operations Center (EOC) sang 6:30 PM, wala sang ginapaabot nga mabaskog nga pag-ulan. Ginapaabot lamang ang madulom nga kalangitan kag may gamay nga pag-ulan, dala sang Habagat (Southwest Monsoon).

Bisan nagbalik na ang klase, ginapangabay ang tanan nga estudyante, ginikanan, kag pumuluyo nga padayon nga mag-halong. Magdala sang payong ukon raincoat, mag-inom sang madamo nga tubig, kag mag-monitor gihapon sang opisyal nga weather advisories kon may kalit nga pagbag-o sang sitwasyon.

Ang aton kaluwasan amo gihapon ang pinakauna nga prayoridad. Mangin alerto, mangin responsable, kag mag-halong permi.

Stay safe, fellow Ilonggos!✨💖✨

11/07/2026

⚠️𝐎𝐑𝐀𝐍𝐆𝐄 𝐑𝐀𝐈𝐍𝐅𝐀𝐋𝐋 𝐖𝐀𝐑𝐍𝐈𝐍𝐆 𝐒𝐀 𝐈𝐋𝐎𝐈𝐋𝐎⚠️

Base sa advisory sang National Disaster Risk Reduction and Management Council (NDRRMC) sang 5:15 AM, Hulyo 12, 2026, yara ang Probinsya kag Syudad sang Iloilo sa Orange Rainfall Warning, kaupod ang Occidental Mindoro kag Capiz.

Ano ang buot silingon sang Orange Rainfall Warning?

Ang Orange Rainfall Warning nagakahulugan nga nagapadayon ukon ginapaabot ang mabaskog kag madamol nga pag-ulan, nga mahimo magresulta sa pagbaha sa mga low-lying areas, pag-awas sang mga suba kag sapa, kag pagkatiphag (landslide) sa mga delikado nga lugar. Kinahanglan ang pagpabilin nga alerto kag andam sa posible nga pag-evacuate kon magkinahanglan.

Ginapangabay ang tanan nga pumuluyo nga:

✔️Magpabilin nga alerto kag padayon nga mag-monitor sang opisyal nga weather advisories.
✔️Likawan ang pagtabok ukon paglusong sa nagabaha nga mga dalan kag suba.
✔️Ihanda ang emergency go bag kag importante nga mga dokumento.
✔️Kon nagaestar sa flood-prone ukon landslide-prone nga lugar, mangin handa sa pag-evacuate kon may sugo na sang barangay ukon lokal nga otoridad.
✔️Bantayan ang kaluwasan sang kabataan, tigulang, kag mga may espesyal nga panginahanglan.

Ang aton kaluwasan amo ang una nga prayoridad. Magbinuligay, mag-halong, kag magtuman sa mga pahanumdom sang aton mga otoridad.

A friendly reminder from:
JOHN JESNER “BIGID” PUNSARAN

11/07/2026

𝐌𝐆𝐀 𝐏𝐀𝐇𝐀𝐍𝐔𝐌𝐃𝐎𝐌 𝐊𝐎𝐍 𝐌𝐀𝐘 𝐁𝐀𝐇𝐀 𝐔𝐊𝐎𝐍 𝐍𝐀𝐆𝐏𝐔𝐍𝐃𝐎 𝐍𝐆𝐀 𝐓𝐔𝐁𝐈𝐆 𝐓𝐔𝐍𝐆𝐎𝐃 𝐒𝐀 𝐏𝐀𝐃𝐀𝐘𝐎𝐍 𝐍𝐆𝐀 𝐏𝐀𝐆-𝐔𝐋𝐀𝐍

Bangud sang padayon nga pag-ulan, ginapangabay ang tanan nga mag-halong kag sundon ang masunod nga safety tips:

💧 Likawi ang paglusong sa baha kon indi man lang gid kinahanglan. Indi kita makasiguro kon ano ang kadalomon sini ukon may nakatago nga peligro.

⚡ Magpalayo sa mga poste kag nagkatumba nga linya sang kuryente. Kon may makita nga na utod nga wire, indi gid ini paghikapa kag ireport dayon sa nagakaigo nga otoridad.

🦟 Indi pagpabay-i nga magpundo ang tubig sa palibot sang inyo balay. Limpyuhi ang mga kanal kag mga lugar nga mahimo istaran sang lamok.

👧🏻 Bantayi permi ang mga kabataan kag indi sila pagtuguti nga maghampang sa baha ukon sa nagapundo nga tubig.

🚮 Likawan ang paghaboy sang basura sa mga kanal kag estero agud malikawan ang pagbaha kag pagbara sang mga alagyan sang tubig.

🥾 Kon kinahanglan gid nga mag-agi sa basa nga lugar, magsuksok sang botas ukon proteksyon sa tiil kag hugasi dayon ang kamot kag tiil gamit ang limpyo nga tubig kag habon pagkatapos.

🤒 Kon makabatyag sang hilanat, sakit sa lawas, ukon may pilas nga na-expose sa baha, magpakonsulta dayon sa pinakamalapit nga health center ukon ospital.

Padayon kita nga magbinuligay kag mag-halong. Ang aton pag-andam amo ang pinakamabaskog nga proteksyon batok sa peligro dala sang padayon nga pag-ulan.

Stay safe, Nabitasan!🤍💖

11/07/2026

𝐍𝐀𝐊𝐀𝐆𝐔𝐖𝐀 𝐍𝐀 𝐒𝐀 𝐏𝐇𝐈𝐋𝐈𝐏𝐏𝐈𝐍𝐄 𝐀𝐑𝐄𝐀 𝐎𝐅 𝐑𝐄𝐒𝐏𝐎𝐍𝐒𝐈𝐁𝐈𝐋𝐈𝐓𝐘 (𝐏𝐀𝐑) 𝐀𝐍𝐆 𝐁𝐀𝐆𝐘𝐎𝐍𝐆 𝐈𝐍𝐃𝐀𝐘 (𝐁𝐀𝐕𝐈)

Base sa pinakaulihi nga advisory sang PAGASA, nakagwa na sa PAR ang Bagyong Inday (Bavi) sang 8:00 sang aga. Apang, ginapangabay ang tanan nga indi anay magpakampante, bangud posible sa gihapon nga magpadayon ang pag-ulan, mabaskog nga hangin, ukon pagbaha sa pila ka mga lugar tungod sa ginabilin nga epekto sini.

Padayon kita nga mag-halong kag mag-monitor sang opisyal nga mga advisory. Kon may pagbaha ukon iban pa nga peligro sa inyo lugar, likawi ang pagguwa kag magpabilin sa luwas nga lugar.

Padayon kita nga magbantay, magbuligay, kag unahon permi ang kaluwasan sang aton pamilya kag komunidad. Mag-halong kita tanan.💖🤍

09/07/2026

𝗙𝗔𝗖𝗘-𝗧𝗢-𝗙𝗔𝗖𝗘 𝗖𝗟𝗔𝗦𝗦𝗘𝗦 𝗦𝗔 𝗣𝗥𝗘-𝗦𝗖𝗛𝗢𝗢𝗟 𝗧𝗨𝗕𝗧𝗨𝗕 𝗦𝗘𝗡𝗜𝗢𝗥 𝗛𝗜𝗚𝗛 𝗦𝗖𝗛𝗢𝗢𝗟 𝗦𝗔 𝗜𝗟𝗢𝗜𝗟𝗢 𝗖𝗜𝗧𝗬, 𝗦𝗨𝗦𝗣𝗘𝗡𝗗𝗜𝗗𝗢 𝗕𝗪𝗔𝗦, 𝗛𝗨𝗟𝗬𝗢 𝟭𝟬 📢

Bangud sang mabaskog nga ulan dala sang Bagyo Inday, SUSPENDIDO ang tanan nga face-to-face classes gikan sa Pre-School tubtob Senior High School bwas, Hulyo 10, suno sa gin-aprubahan nga rekomendasyon ni Mayor Raisa Treñas.

Ginapangabay ang tanan nga ginikanan, estudyante, kag pumuluyo nga magpabilin sa luwas nga lugar kag likawan ang ang pagguwa sa inyo mga panimalay, ilabi na kon nagapadayon ang mabaskog nga ulan ukon may pagbaha sa inyo lugar.

Padayon nga mag-monitor sang opisyal nga mga advisory halin sa PAGASA para sa mas bag-o nga impormasyon.

Ang aton kaluwasan amo ang pinakaimportante. Magbinuligay, mag-halong, kag magpabilin nga alerto sa tanan nga tion.🤍

07/07/2026

🚨𝐀𝐋𝐈𝐆𝐌𝐀𝐓 𝐊𝐈𝐓𝐀, 𝐍𝐀𝐁𝐈𝐓𝐀𝐒𝐀𝐍!🚨

Base sa pinaka-ulihi nga impormasyon sang PAGASA, ang Super Typhoon “Bavi” (Bagyo Inday) ginapa-forecast nga masulod sa Philippine Area of Responsibility (PAR) buwas sa aga. Bisan wala ini sang direkta nga landfall sa Pilipinas, posible nga magdala ini sang kusog nga Habagat, nga mahimo magresulta sa lapta-lapta nga pag-ulan, mabaskog nga hangin, pagbaha kag pagtaas sang tubig sa pila ka lugar.

📌 Ginahangyo ang tanan nga pumuluyo sang Barangay Nabitasan nga maghalong kag mag aligmat. Indi magpakampante bisan wala sang direkta nga epekto ang bagyo. Ang pag-halong subong amo ang pinakamaayo nga proteksyon para sa aton kaugalingon kag pamilya.

🌪️ 𝗦𝗔𝗙𝗘𝗧𝗬 𝗧𝗜𝗣𝗦 𝗦𝗔 𝗧𝗬𝗣𝗛𝗢𝗢𝗡🌪️

✅ 𝗔𝗡𝗧𝗘𝗦 𝗦𝗔𝗡𝗚 𝗕𝗔𝗚𝗬𝗢

📻 Mag-monitor permi sang mga update halin sa PAGASA kag sa lokal nga panguluhan.
🎒 Ihanda ang emergency go bag nga may tubig, pagkaon, flashlight, baterya, first aid kit, bulong kag importante nga mga dokumento.
🏠 Siguruha nga pag-on ang atop, bintana kag pwerta. Higuta ukon ipasulod ang mga gamit nga mahimo lupadon sang hangin.
🔌 I-unplug ang mga electrical appliances kon nagabaskog ang ulan ukon may pagbaha.
👨‍👩‍👧‍👦 Istoryaha ang inyo pamilya parte sa evacuation plan kag kon diin magkadto kon kinahanglan mag-evacuate.

🌧️ 𝗦𝗔𝗠𝗧𝗔𝗡𝗚 𝗠𝗔𝗬 𝗕𝗔𝗚𝗬𝗢

🏡 Magpabilin sa sulod sang balay kon wala man lang importante nga rason para maggwa.
📱 Padayon nga mag-monitor sang opisyal nga mga advisory.
🪟 Magpalayo sa mga bintana kag salamin.
⚡ Indi maggamit sang electrical appliances kon may pagbaha.
🌊 Indi gid maglakat ukon magmaneho sa nagabaha nga dalan kay mahimo ini mas madalom kag delikado kaysa sa makita.

🌤️ 𝗣𝗔𝗚𝗞𝗔𝗧𝗔𝗣𝗢𝗦 𝗦𝗔𝗡𝗚 𝗕𝗔𝗚𝗬𝗢

🔍 Usisaa anay ang palibot antes maggwa sa balay.
🚧 Likawi ang mga lugar nga may natumba nga poste, live wires ukon naguba nga istruktura.
💧 Siguruha nga limpyo kag luwas ang tubig kag pagkaon antes gamiton.
📷 Kun may danyos, kuhaa sang litrato para sa dokumentasyon.
❤️ Buligi kag kamustaha ang mga tigulang, kabataan kag mga pumuluyo nga nagakinahanglan sang bulig.

📢 Padayon kita nga magbinuligay kag mag-halong. Ang kaluwasan sang kada pamilya amo ang aton una nga prayoridad.

𝗧𝗛𝗜𝗡𝗞 𝗕𝗜𝗚. 𝗔𝗖𝗧 𝗦𝗠𝗔𝗥𝗧. 𝗦𝗔𝗩𝗘 𝗟𝗜𝗩𝗘𝗦.✨💖✨

Address

Brgy. Nabitasan La Paz
Iloilo City
5000

Website

facebook.com

Alerts

Be the first to know and let us send you an email when John Jesner BIGID Punsaran posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Iloilo City?

John Jesner BIGID Punsaran

17/08/2026

28/07/2026

23/07/2026

13/07/2026

12/07/2026

11/07/2026

11/07/2026

11/07/2026

09/07/2026

07/07/2026

Address

Website

Alerts

Shortcuts

Share

Category

Listing takedown request