30/05/2022
Dako nga oportunidad bilang maging empleyado sang gobyerno kag makahatag serbisyo sa mga pumuluyo sang Ciudad sang Iloilo kag maging parte sang pagpa-USWAG sang aton ciudad. Ginasigurado gid sang mga empleyado nga makahatag sang mayo nga pangabuhi sa tanan paagi sa pag-cater sa kinanglanon sang pumuluyo, pagsigurado nga masolusyunan ang mga concerns kag transactions nga kinahanglan. Si Florecele Ober sang Barangay Tabucan, Mandurriao isa ka Job Hire employee sang Iloilo City Hall.
“Bilang isa ka Job Hire sang city government nagapasalamat gid ako sang opportunity nga ging hatag nga maka ubra para sa syudad. Ini naka bulig sakun financialy kag kabay pa mas madamo pa mahatagan pa ang mga pumulyo sang city government sang tyansa nga maka ubra para kahit pano ma mabulig sila para sa ila pamilya. Sa liwat naga pasalamat gid ako sa city government.”
-Florecele Ober
Ang aton mga empleyado tampad kag dedikado gid nga nagahatag sang ila serbisyo para sa kadam-an kag kaUSWAGan naton tanan. Bug-os nga pasalamat aton ihatag sa ila bangod parte sila sang mayo nga pagpamalakad kag hatag serbisyo sang aton lokal nga gobyerno, Padayon lang kita sa pag-USWAG Iloilo, USWAG Ilonggo!
