01/09/2026
๐๐๐๐๐๐๐๐๐ ๐๐๐ ๐๐๐๐๐๐๐๐๐๐ ๐๐ ๐๐๐๐ ๐๐๐ ๐๐๐๐ฌ
Bilang pagkilala kag pagdumdom naton sa ila kontribusyon sa tagsa nila ka komunidad, gintinguhaan naton nga mahatagan sang direkta nga bulig ang aton mga Barangay Health Workers sa Quinto Distrito sa ila pagserbisyo, pagpalangga, kag paghatag sang tion para mas mapalapit kag mas mangin accessible ang basic health services sa kada pamilya.
Subong, nakahatag kita sang financial assistance sa aton mga BHWs halin sa Balasan, Estancia, Carles, San Dionisio, kag Batad. Nagalaum gid ako nga bisan sa ini nga bulig, makahatag ini sang katawhayan kag dugang nga suporta sa ila kag sa ila mga pamilya. Ang Magna Carta for BHWs, isa man sa mga gintinguhaan naton nga mapasa nga layi kag as one of the principal authors, nalipay gid ako nga padayon ang pag-uswag sang aton paninguha para mahatagan sang mas klaro nga mga benepisyo, proteksyon, kag suporta ang aton mga BHWs. Bilang inyo dugang nga representante sa Kongreso, nakita ko gid ang inyo pagpanikasog kag pagpangabudlay.
Daku man ang aton pagpasalamat sa aton mga partners, DSWD Region VI, LGU sang Balasan, Estancia, Carles, San Dionisio, kag Batad sa ila padayon nga suporta kag pag-upod sa aton sa pag-atipan kag pagpalig-on sang aton mga BHWs. Kabay pa nga padayon naton sila nga suportahan, hatagan sang mas maayo nga oportunidad, kag ipabatyag nga wala sila nagaisahanon sa ila pagserbisyo.
