06/08/2026
Pahibalo sa aton mga mamumugon‼️‼️‼️
📢 ATTENTION: MAAYO NGA BALITA PARA SA ATON MGA SUGARCANE FARM LABORERS!
Dala sang aton Representante sa Sixto Distrito, Congresswoman Mercedes Chedeng Alvarez-Lansang kaupod man sa suporta sang aton Mayor Hon. John Paul K. Alvarez kg bilog nga konsehal sa banwa sang Ilog, ang DSWD NIR naga implementar sang Emergency Cash Transfer (ECT) - isa ka cash assistance para sa mga mamumugon kag Manug-obra sa kampo/katubuhan kaangot sa epekto nga halit sg RSSI sa Municipality of Ilog.
✅ KWALIPIKADO KA KUNG IKAW!
* Isa ka lehitimo nga sugarcane farm laborer kag ang imu mayor nga pangabuhian naga depende sa pamugon sa kampo ukon katubuhan pareho sang pag tapas-karga, pamatdan, pagpanghilamon, pagtanum kg iban pa nga hilikuton kg ulobrahon sa kampo.
* Wala nagapanag-iya sang duta nga ginaumhan renta man ukon prenda. (Landless)
* Permanente nga residente sa banwa sang Ilog sa tion sang aplikasyon (base sa inyo home address, indi sa farm location).
* Indi pwede Ang mga pangayaw nga manug-obra.
* Nagatrabaho sa sugarcane farm nga ara sa lugar nga opisyal nga nakadeklarar sang State of Calamity tungod sang RSSI.
📍 ANU ANG INYU HIMUON?
✔️ Magkadto sa inyo Barangay Council/Opisyal sa Barangay nga kon diin ikaw nagaistar kag magkuha sang CERTICATION nga pormas.
✔️ Sulatan ang pormas base sa ginapangayo nga mga kinaglanon nga impormasyon sg Manug-obra ukon Mamumugon (Farm Laborer) kg Tag-iya sang tubo nga gina-obrahan (Farm Owner) ukon iya ginsaligan (Enkargado).
✔️ Papirmahan Ang Pormas sa Tag-iya sang tubo nga gina-obrahan ukon sa iya ginsaligan (Enkargado) kag ipasa balik sa Barangay para sa masterlisting.
📎 I-attach ang masunod nga dokumento:
* Photocopy sang Government-issued ID sang mamumugon (farm laborer) kag sang imu amo (farm owner) ukon sang ginasaligan (Enkargado). Halimbawa sang valid IDs: National ID (physical, kg ecopy ukon digital picture halin sa eGov) Voter’s ID, Driver’s license, PRC ID, Voter’s ID, Senior Citizen ID, Philhealth ID, ÜMİD, SSS, kag iban pa nga valid government-issued ID.) Ang Barangay ID kinahanglan ang date issued kg expiry date, pirma sg kapitan kg sg residente.
‼️IMPORTANTE nga KONSIDERASYON!
✔️isa lng ka benepisaryo ang kwalipikado sa isa ka panimalay (household).
📍 Para sa dugang nga impormasyon kag bulig, palihog magbisita sa Municipal Agriculture Office (MAO).
🌾 Salamat kag padayon kita sa pagbuligay!
!!!
