01/06/2026
BASAHA: Ania ang mga importante nga detalye sa gipahigayon nga Press Briefing karong adlawa, sa pagpanguna ni Palace Press Officer Usec. Claire Castro 👇🏻
Narito ang mga mahahalagang detalye mula sa ginanap na Malacañang Press Briefing ngayong araw, Hunyo 1, 2026, kasama si Palace Press Officer Undersecretary Claire Castro:
-Pagpapatibay ng ugnayan ng Pilipinas at Vietnam: Sa pagbisita ni Vietnam President Tô Lâm sa Pilipinas, itinaas nina Pangulong Ferdinand R. Marcos Jr. at Pangulong Tô Lâm ang ugnayan ng dalawang bansa sa antas ng ‘Enhanced Strategic Partnership,’ na sumasaklaw sa masiglang kalakalan sa agrikultura, kooperasyon sa mga rehiyon, at ang paglagda sa isang Memorandum of Understanding on Defense Cooperation upang paigtingin ang seguridad sa pagitan ng dalawang bansa.
-Pagsuporta sa alyansang Pilipinas at Estados Unidos: Sa isang pag-uusap sa telepono sa pagitan nina Pangulong Marcos Jr. at U.S. Secretary of State Marco Rubio, binigyang-diin ang kahalagahan ng pagpapanatili ng kapayapaan at katatagan sa West Philippine Sea. Ang kanilang talakayan ay nakatuon din sa mga kooperasyon sa ekonomiya, enerhiya, at teknolohiya, na nagpapatunay sa lalim ng halos walong dekadang diplomatikong relasyon ng Pilipinas at Estados Unidos.
-Komprehensibong paghahanda para sa "Oplan Balik-Eskwela": Sa pangunguna ng DepEd, katuwang ang iba’t ibang ahensya ng pamahalaan at pribadong sektor, inilatag ang mga plano para sa ligtas at maayos na pagbubukas ng klase sa ika-8 ng Hunyo. Tinitiyak ng mga hakbang na ito ang sapat na suplay ng kuryente, maayos na trapiko, komunikasyon, at suporta para sa mga mag-aaral na lubos na nangangailangan.
-Paglikha ng trabaho sa pamamagitan ng malalaking imprastruktura: Mahigit sa 31,000 na oportunidad sa trabaho ang nabuksan para sa mga manggagawang Pilipino dahil sa North-South Commuter Railway at Metro Manila Subway Project. Ang mga proyektong ito ay hindi lamang naglalayong pabilisin ang paglalakbay sa Luzon, nagpapakita rin ng tiwala ng pamahalaan sa kahusayan at kakayahan ng mga lokal na inhinyero at arkitekto.
-Mas maigting na kampanya laban sa smuggling: Alinsunod sa direktiba ng Pangulo, pinaigting ng Bureau of Customs, katuwang ang DOJ at NBI, ang pagsugpo sa mga ilegal na aktibidad sa bansa, kabilang ang matagumpay na pagharang sa mga smuggled na sigarilyo sa Davao na nagkakahalaga ng mahigit P156 milyong, na bahagi ng determinasyong panagutin ang lahat ng sangkot sa smuggling, maliit man o malaking operasyon.
