06/02/2026
Maayong Iligan!
Daghan karon ang naghisgot bahin sa panginahanglan og dugang ug mas maayong ospital sa atong dakbayan.
Klaro sa tanan nga nidako na ang Iligan ug misamot kadaghan ang mga pasyente nga nagkinahanglan og lig-on, duol, ug kompleto nga serbisyo medikal.
๐๐๐จ-๐ผ๐ฝ๐ฒ๐ฟ๐ฎ๐๐ฒ๐ฑ ๐ต๐ผ๐๐ฝ๐ถ๐๐ฎ๐น:
Tinuod nga dili na kinahanglan og Republic Act, ug mahimo dayon magplano ang lokal nga pangagamhanan. Pwede usab makapangayo og pondo ang LGU sa DOH para sa imprastruktura ug mga ekipo sa ospital.
Apan ang adlaw-adlaw nga operasyon, labi na ang sweldo sa mga health worker, magpabilin nga responsibilidad sa LGU ug nanginahanglan og lig-on nga pondo.
๐๐ข๐-๐ผ๐ฝ๐ฒ๐ฟ๐ฎ๐๐ฒ๐ฑ ๐ต๐ผ๐๐ฝ๐ถ๐๐ฎ๐น (๐๐ฎ๐บ๐ฎ ๐๐ฎ ๐ก๐ ๐ ๐ ๐๐ด ๐๐บ๐ฎ๐ถ ๐ฃ๐ฎ๐ธ๐ฝ๐ฎ๐ธ):
Kinahanglan gyud og balaod.
Para sa Iligan, kini giuna na pinaagi sa House Bill No. 2935, ang Iligan Regional Medical Center, nga gipasiugdahan ni Congressman Celso Gomera Regencia ug na-aprubahan na sa Committee on Health sa House. Dinhi, ang DOH ang mo-atiman sa gasto sa infrastructure, equipment, ug personnel; angay nga yuta lamang ang gikinahanglan nga susihon sa DOH.
Gipahibalo sa DOH nga mas maayo kung adunay minimum nga tulo (3) ka ektarya nga luna para sa usa ka DOH-managed hospital, aron adunay igong luna para sa posibleng expansion. Kung aduna nay luna, ang DOH musuporta niini, apil na ang Kongreso sa pagduso para sa Iligan.
๐ ๐ฎ๐ ๐ฑ๐ฎ๐ด๐ต๐ฎ๐ป๐ด ๐ผ๐๐ฝ๐ถ๐๐ฎ๐น, ๐บ๐ฎ๐ ๐บ๐ฎ๐ฎ๐๐ผ:
Pwede magtinabangay ang LGU ug DOH, nga adunay lain-laing papel, apan pareho nga makatabang sa pag-decongest sa City Hospital ug pagpaduol sa serbisyo sa katawhan, ilabi na sa panahon sa kalisod sa panglawas.
Sa karon, ang among Opisina padayon nga nakig-coordinate sa lokal nga pangagamhananโpagdala og sulat sa executive department ug sa opisyal nga komitibaโbahin sa pagpili sa angay nga yuta para sa usa ka DOH-operated hospital.
Panahon na gyud nga adunay ing-ani nga pasilidad sa Iligan, isip usa ka highly urbanized city nga padayon nga nagkadako ang panginahanglan sa serbisyo sa panglawas.
๐๐ฏ๐ฟ๐ถ ๐ฎ๐ป๐ด ๐ฎ๐บ๐ผ๐ป๐ด ๐ข๐ฝ๐ถ๐๐ถ๐ป๐ฎ ๐ฝ๐ฎ๐ฟ๐ฎ ๐บ๐ฎ๐ ๐บ๐ฎ๐ฝ๐ฎ๐ฑ๐ฎ๐น๐ถ ๐ฎ๐ป๐ด ๐ฝ๐ฎ๐ด๐๐ฎ๐ฏ๐ฎ๐ป๐ด ๐๐ฎ ๐ธ๐ฎ๐๐ฎ๐๐ต๐ฎ๐ป. Kung mas mauna man ang bag-ong LGU-operated hospital, ato kini iduso sa taas na ma-under kini sa DOH.
Sa kasinatian sa rehiyon, ang Amai PakPak General Hospital gi-convert ngadto sa usa ka DOH-managed medical center niadtong 1995 pinaagi sa Republic Act No. 7943, aron maminusan ang kabug-at sa gasto sa LGU ug mapalig-on ang operasyon sa ospital.
Sa katapusan, kung adunay DOH-operated and managed hospital, maminusan ang kabug-at sa gasto sa lokal nga pangagamhanan ug mas daghan pang pondo ang magamit sa ubang serbisyo nga direktang mabati sa katawhan.
Hinaot nakatabang kini nga yano nga eksplanasyon. Daghang salamat.
